السلام عليكم , يا أستاذة نيفين ارجوكي كلمتين منك يفصلوا بيني وبين الست مراتي هية من مدمنين فضفضة فقلت استغل الموقف وهية عارفة بالمناسبة اني هبعتلك واشتكيلك , المدام توبتني من جديد من كتر الغيرة مع انها جميلة جدا وهية عارفة اني عارف دة ودايما بغازلها ودايما مش مخليها عايزة حاجة وبصراحة بموت فيها وبتمنالها الرضى ترضى بس الستات برضه طماعة ( لا مؤاخذة ) يا أستاذة بس انا خلقى طلع , انا بعترف على الهوى أهو …. انا بحب مراتي وبموت فيها ومش عارف اشوف غيرها ولا عايز اشوف غيرها .. اعمل ايه اكتر من كدة ؟؟؟؟؟ أحمد المهندس فضفضة محررة الصفحة نيفين حجازي: أقسم بالله يا بختها يا أستاذ أحمد .. أما نصيحتي لزوجتك الجميلة .. يا صديقتي ارحمي الراجل شوية هيعمل ايه اكتر من كدة ! هوة فيه كدة ؟ .. ماشاء الله عليكوا اللهم لا حسد .. ولو لينا خاطر حاولي تيجي على نفسك واتمتعي بزوج رائع و نادر ده انتي هتعملي ثورة على فضفضة بسبب الرسالة دي .. ربنا يهديكي الراجل بيعترف اهو بكل وضوح وعلى الملأ انه بيموت فيكي .. طيب ايه بقى ؟ .