محمد صلاح تقديم: محمد صلاح تاريخ الحلقة:7/ 1 /2010 المسئول: د/حسين امين- استاذ الاعلام بالجامعة الامريكية محمد صلاح: يا مساء الخير سمك لبن تمر هندي فوضى مش خلاقة وعيش بس مش من ايد خبازه دا حالة الاعلام في الوطن العربي كله ازاي بنعرض اخبارنا منافساتنا حواديتنا محاكماتنا قضايانا السياسية مخالفاتنا هنلقى مشكلة كبيرة قوي هنلاقى كلام ميصحش يتقال تعبيرات غريبة يمكن بتوصل احيانا للسباب والقذف والذم يمكن بتوصل للفبركة والتشنيع صياغات وطريقة كلام وايماءات وظيفتها الوحيدة و هدفها التحريض المهم بقى عندنا كلنا نشد لمشاهدوالمستمع والقارئ نرفع نسبة المشاهدة والتوزيع واحنا واقفين على جثث .. مفرقناش كتيرعن واحد حافي وبيجري ويقول باعلى صوته اقرا الست اللي كلت دراع جوزها.. كان زمان عندنا3جرايدوقناتين الاولى والتانية وفي العالم العربي كان فيه دول مفيهاش تليفزيون اصلاولا جرايد واذا فيها تليفزيون يادوبك قناة واحدة وبتظهربالعافية بتقعد توشششش ، دلوقت الحال اتغير صحف كتيرقنوات كتيربرامج كتير بقى عندنا برامج بيرتكب فيها جرايم على حس التلقائية والتواصل وكله من اجلك عزيزي المشاهد فين بقى الاخلاق التقاليد المهنية حماية سيرة الناس عايزين امثلة كتير..مش هرجع لايام شتيمة عرابي وهو جاي من المنفى والحملة المذعورة ضده خلينا في الكام شهر اللي فاتوا هتلاقوا نماذج كتير قوي انا وانتوا عارفينها احنا هنا في برنامج كلام مسئول مع الحرية الكاملة للاعلام وضد أي رقابة لكن ف نفس الوقت مش ممكن حد يوافق على التجاوزات او الفبركة لازم نراعي ربنا ومش لازم بقى قالوا وقلنا من غير توثيق مع انه لو حد ليه حد ممكن ياخده بالتخطيط والانضباط والمعلومات الموثقة واللغة الراقية طب ليه بنصرخ كتيروساعات نمشنع والكلام عن ميثاق الشرف الصحفي والاعلامي والنتاوي نسبة الى شبكة الانترنت شغال طحن من غير فعل لدرجة ان زميل لينا في صحيفة عربية كبرى طالب بميثاق يكون من صلاحياته محاكمات لمجرمي الحرب من الاعلاميين ، الاعلام دوره خطير لكن حريته مهمة وكمان العشوائية فينا نتايجها بتكون كارثية عن الاعلام هيكون لينا النهاردة كلام مسئول فاصل محمد صلاح: ممكن يكون في ايدك ريموت كنترول وتقدر تغير المحطة لكن لما فضائية بتقلبها خناقة زي خناقات سواقين الميكروباس في الشارع محدش بيغير المحطة بتبقى فرجة على صندوق الدنيا والناس اللي جوة الصندوق ، امتى بقى ترجع الفرجة اللي لها قيمة الفرجة الجميلة اللي بتقدم متعة معلومة بتوثقها الصورة وبتخدمها بامانة بدون غرض غيرنبيل وباخلاق باجندات ماشي بس باجندات محترمة ، استاذ الاعلام في الجامعة الامريكية دكتور حسين امين هيكون لينا معاه كلام مسئول ,ومن كلام الدكتور حسين امين من حق المواطن الا يفتح قناة فيجد صوتا مرتفعا والا يفتح قناة فيها ابتذال او فيها تبادل الفاظ خادشة دون تنويه وتحديد السن المسموح له بالمشاهدة ,وسائل الاعلام وانفتاح الثقافات ساهم في ظهور تقاليع لم تكن موجودة في الماضي غير منبهين ان ما يصلح لبعض المجتمعات قد لا يصلح لمجتمعاتنا العربية والاسلامية ,وسائل الاعلام الجديدة مثل اليوتيوب طغت على التليفزيون او على الاعلام التقليدي فالامكانيات اكتر بكثير من التليفزيون ,اجهزة التليفونات الحديثة يمكن من خلالها استقبال ارسال القنوات الفضائية دون تحديث وهو الامر الذي سيطيح بفكرة الرقابة والامر يستلزم بدوره قدرا اكبر من توعية الجماهير وتدريبها على كيفية التعامل مع الغزو الاعلامي القادم " ,وثيقة تنظيم البث الفضائي والتي اعتمدها وزراء الاعلام العرب كانت بمثابة تنظيم للبث وليست اداة للرقابة وشتان بين المعنيين الاول يتنم العمل به في النور من خلال قواعد واسس تدفع العمل الابداعي وتنظمه بعكس الرقابة التي تحدث في الظلام على يد الرقيب فضائيات مصرية وعربية خارج المعايير المهنية فضائيات مصرية وعربية لا تحترم تقاليد المشاهد ،قيمه ،اراؤه ،سواء كان المشاهد دا من بلد الفضائية ولامن بلدعربي اخر الفضائيات اشتغلت على " فرق تسد" ..اتعملت وثيقة من حوالي سنة لكن ما اتفعلتش ما مشيتش خوفنا من التضييق وتدخلات الحكومات المعادلة صعبة بين الحرية والالتزام الاعلام والتشوية الحقيقة والغلط.. استاذ الاعلام في الجامعة الامريكية الدكتور حسين امين هيكون لينا معاه كلام مسئول فاصل محمد صلاح:ارحب باستاذ الاعلام في الجامعة الامريكية الدكتور حسين امين منورنا يادكتور... دكتور امين من سنة تقريبا كان فيه حاجة اسمها وثيقة البث الفضائي وضعتها انت والمفروض الدول العربية غالبيتها وافق عليها بتنظيم البث وضبط الامورفي البرامج والقنوات المختلفة ولا حصل أي حاجة ؟ د/حسين امين-استاذ الاعلام بالجامعة الامريكية: لا حصل شوية حاجات لا طبعا فيه بعض الاجزاء اللي كنا نتمنى تفعّل اكتر من كده احنا لازم نعرف ان الوثيقة دي مهياش حاجة غير متعارف عليها دوليا ..لا..هي الوثيقة دي ليها مثيل في اوروبا ولها مثيل في امريكا الشمالية ولها مثيل في اسيا ولها مثيل في امريكا الجنوبية انما لازم نعرف انه في مسالة التطبيق احنا ليه متاخرين قوي يعني اوروبا ابتدات من 20 سنة تنظيم البث الفضائي من 20 سنة ومازال ..يعني انا جاي النهاردة وعايزاقولك خبر انه 45 دولة اوروبية في الوثيقة الدولية الخاصة بتنظيم البث المسموع والمرئي والفضائي والسينمائي والانترنت وافقوا محمد صلاح:انا بتكلم على انه الناس ممكن تكون خايفة من الرقابة اوان تتحول بنود الوثيقة الى اداة للقمع اوللرقابة اولحد الفكربس حتى البنود اللي الناس كلها توافقت حولها ضربت بشدة حصل الحرب بعد كده على غزة وشفت اللي حصل فيها حصل بعد كده الدول العربية الموقعة على الوثيقة هاجمت دول عربية وتجاوزت كل مواثيق الشرف وحرضت ومارست ضغوط سياسية والوثيقة ماعملتش حاجة وحصلت ازمة في الجزائر ؟ د/حسين امين:لا انت دلوقت بتقولي على احداث كبرى وعايز الوثيقة نفسها هي اللي تلزم الناس احنا فيه انظمة سياسية اكبرمن الوثيقة ..انما يكون في وليد متقدرش انك تشيله وتطلب منه كل حاجة مرة واحدة الاحداث اللي حضرتك ذكرتها كانت طارحة نفسها بحيث عرفنا ان الوثيقة الخاصة بضبط البث المسموع والمرئي دي وثيقة المفروض ان هو يتعمل لها مفوضية محمد صلاح: انا سامع انكم هتعملوا مفوضية وهتعلنوها خلال ايام . د/حسين امين: فلازم مفوضية الاعلام العربي مش الوثيقة حضرتك مش متخيل كمية الكم اللي جاي علينا في عصرالمعلومات من الاعلام الالكتروني والاعلام الرقمي بحيث ان الاعلام اللي احنا بنعيشه دلوقت لا يقارن بالاعلام القادم والوافد اللي هنشوفه في ظرف 5 او 10 سنين محمد صلاح:وهواحنا عرفنا نتصرف مع الحالة اللي حاصلة دلوقت لما هنعرف نواجه اللي جاي ؟ د/حسين امين: ما هو التنظيم اللي موجود بقاله سنة داخلين في مستلة التنظيم الكلي في اطار مفوضية اعلامية عربية محمد صلاح: يادكتورلما اثيرت الوثيقة كان فيه تسائلات واتهاجمتوا باعتبارك واحد من اللي وضعوا الوثيقة واتهاجم وزراء الاعلام العربي من بعض الجهات انا المرة دي مش بنتقد الوثيقة دا انا بنتقد عدم تفعيل الوثيقة هي فين الوثيقة د/حسين امين:هوأي واحد بينظر للامور نظرة موضوعية وفيه احتياج قوي جدا لتفعيل الوثيقة دلوقت انا اعتقد انه يكون فيه نوع من التنظيم القوي في المفوضية الاعلامية وركن من اركانها هو الوثيقة يعني مثلااللجنة الاوروبية عندها وثيقة خاصة بتنظيم زي اللي عندنا هنا بالظبط كن هل هي الاركان دي متكاملة بحيث ان هما يبقى فيه انسجام بين الاليات عشان تقدر تفعل الوثيقة اللي زي الوثيقة اللي عندنا احنا لسه مقدرناش يكون عندنا المجتمع مدني عربي يقدر يشتغل معانا ولا نقدر نشتغل مع نقابات عربية لان فيه قصور شديد في اليات العم لامشترك العربي البيني ، في الناحية الاعلامية هل فيه نقابة صحفيين عرب مفعلة بتشتغل على ارضية قوية وتقدر فعلا تتخذ قرارات على المستوى العربي هل فيه نقابة اعلامية عربية بتقدرتشتغل عهلى منظمات المجتمع المدني يبقى اذن فيه قصور لان المنظومة كلها لازم تشتغل مع بعضيها مخدش مفردة واقول المفردة دي تشتغل لوحدها محمد صلاح:طيب لما هتاسس المفوضية العليا للاعلام هتقدر تعمل ايه؟ د/حسين امين:هنا بقى فيهى مسئوليات الوزرا بما انهم شركاء لما يبقى فيه شراكة يبقى فيه بنود محمد صلاح: بس يا دكتورالاعلام مهنة قائمة على وجهات النظر بمعنى انه حتى وزراء الاعلام اللي وقعوا على الوثيقة وهيوقعوا بعد كده وهيؤسسوا المفوضية لما دولتين يحصل بينهم خلاف سياسي اوخلاف رياضي هينقلبوا على بعض وهتطلع القناة تشتم في البلد دي وهيطلع المحلل الفلاني يشتم في البلد التانية هتعمل ايه ساعتها المفوضية ؟ د/حسين امين:لا ماهي المفوضية ليها اجراءات بتتخذ بالنسبة لبلد المنشا اللي فيها الاشارة او فيها الادارة او فيها اكتر ستوديوهات تطبيق القانون بالنسبة لدولة بلد المنشا بيطبق في العالم كله ولماذا لا يطبق القانون عشان الخلط الفظيع ما بين التنظيم والادارة كل حاجة احنا بنتخذها في التنظيم مع انه معلن ومع ان احنا ما اخترعناش العجلة محمد صلاح:اشرح لنا يادكتور الوثيقة اللي هتفعلها المفوضية وهتلزم بيها الدول الموقعة عليها الدول العربية هيبقى شكلها عامل ازاي ايه اللي مسموح وايه اللي ممنوع فيه ناس ضد برامج التوك شوضد استضافة المعارضين وهكذا ؟ د/حسين امين:حضرتك لو قريت الوثيقة دي دا اول بند حرية التعبير دا المفترض في حرية التعبيران الناس تعبرعن اراءها محمد صلاح: برضه دي تحتمل وجهات النظر واحد يعبر عن رايه فيسئ لطرف اخر ؟ د/حسين امين: هنا الاساءة التجني والاغتياب والبذاءة يعني كل المسائل دي من المحظورات في العالم كله وبعدين احنا بنبص للمسالة على انها لودا حصل تروح قاطع المحطة وبعدين المسالة بتيجي تدريحيا بيبقى فيه تحذير وبيبقى فيه انذ ار وبيبقى فيه غرامة وبتغلظ الغرامة بعد كده لان اللي بيحصل عندنا في الفضائيات العربية ان فيه ناس بتلاقي ادعاءات على شركات ممكن الشركات دي اسهمها تضرب في البورصة محمد صلاح: ولما يكون فيه بيزنس حد بيلمع شركة مثلا دي الوثيقة تتدخل فيها ؟ د/حسين امين: لازم تتدخل فيها مافيه اكواد هنا اخلاقية محمد صلاح: هتكون في جهة للرصد؟ د/حسين امين:طبعا لابد يكون فيه مرصد دا فيه مرصد موجود وفيه تقريرسنوي بيطلع وتقرير فصلي بيطلع محمد صلاح: انا بقولك مخاوف اللي اضيروا من شكل الاعلام خلال الكام شهرالاخيرة انه مثال هيطلع زي تقرير المجلس الاعلى للصحافة في مصر مثال انه الجريدة الفلانية تجاوزت والجريدة الفلانية الاعلان طغى فيها على الاعلام او المادة الصحفية وبعدين التقرير دا بيروح الصحف وبعدين يتحط في الادراج وكله ماشي زي ماهو ممكن دا يحصل في التليفزيونات . د/حسين امين: انا اعتقد ان المسالة دي لابدان ننظر ليها نظرة شاملة المسالة فيها نسق قيمي لابد ان هو يكون فيها تمكين للتدريب وحاجة اسمها تهيئة البيئة او المناخ الاعلامي للاعلام الحروالمستقل وفي نفس الوقت القيم الاعلامية اللي احنا اتربينا عليها هي اللي تطرح ما يبقاش فيه الكلام الخارج واللي احنا بنشوفه ساعات منسّب لمصادر غيرواضحة وفي نفس الوقت غيرمنسّب ابدا وفي نفس الوقت منطلقات فكرية خلط السياسة بالرياضة وخلط السياسة بالدين . محمد صلاح: حالة الصراخ في الفضائيات العربية تكون اختراق لبعض الحدود القطرية في دولة ما المعارضين مش قادرين يتكلموا في تليفزيونها اوفي فضائية بتبث من هذه الدولة فبيلجأوا الى فضائية في دولة اخرى مش شايف ان الى حد ما معقول او المفروض يسمح بيه او نتفهمه على الاقل؟ د/حسين امين: برضه فيه خلط مين اللي قال ما يسمحش يا اما الوثيقة لا تفعل يا اما المعارضة لا تمكّن .. لازم يكون فيه حرية للتعبير المسالة ان الاحزاب المعارضة تقولك احنا ما بنطلعش احنا اكتر الحاجات اللي بنتفرج عليها او بنشوفها او بنشاهدها هي المعارضة ، اظن احنا شفنا نقلة كبيرة جدا في مسائل الحريات واظن انه لما يكون فيه تنظيم ..... محمد صلاح: على الوضع العربي بشكل عام انه برضه مفيش شك ان ظهور الفضائيات ومساحة الحريات ربما برضه المناخ اللي بعضه سئ وبعضه جيد خلى الناس تعرف حاجات مكانتش عارفاها ؟ د/حسين امين: جميل جدا دا الخط اللي احنا عايزينه بس تبتعد عن التجني والادعاء والبذاءة او التعرض لآخرين لان فيه طبعا حق للرد ودي مسالة انسانية اولا واخيرا فبالتالي لابد ان المسائل دي تفعل يعني مستحيل انه يكون فيه واحد يغتاب ويدعي على شخص وعشان يقولي دي فضائية طالعة من مدينة تانية انا مقدرش..لا..لازم ارجع تاني لازم اشوف دولة بلد المنشا واديله حق الرد في نفس التوقيت يبقى في نفس المساحة الزمنية عشان نقدر يبقى فيه توازن حضرتك احنا عندنا اكترمن 2030 قناة احنا في نقط مفصلية يا اما نمشي زي اتجاه العالم ان احنا يكون عندنا اسس قوية للتنظيم ومفوضية قوية للاعلام محمد صلاح: تقصد طبعا بدءا من بداية البث وتاسيس القناة ثم بثها على الستالايت والمادة اللي موجودة جواها . د/حسين امين: تمام محمد صلاح: والخلاف على المادة اللي جواها بعض الناس شايفة ان مش هتقدروا ترصدوا او تعاقبوا اللي يتجاوز بتطبيق ميثاق الشرف الاعلامي والاخرين خايفين من انه الوثيقة تتحول الى اداة للقهر؟ د/حسين امين: انا بقولك دي البداية بس الناس متصورة ان دي منتهى زي ما يكون قانون العقوبات انا معنديش قانون العقوبات لان دولة بلد المنشأ هي اللي بتطبق العقوبات يعني فيه 22 قانون موجودين لازم ندي نوع من التنسيق والانسجام عشان نقدر نشتغل المنظومة دي انما الدفع انك لازم تفعل وتعاقب مش هينفع وتاني حاجة ان المسالة ان فيه مخطئ، المخطئ دا احنا بنقول والله انه يحصل فيه تغيير ويحصل فيه غرامة لان انا ما اخلق جهاز تنظيم Regulatorطب ما انا عشان ينسجم معايا لازم يكون فيه اجهزة تنظيم تانية انما لايمككتن ابدا انه يكون فيه جهاز تنظيم حكومي تماما قابض وديكتاتوري ونظام تاني يسمح بحريات او نظام تانت لا يسمح باي شئ وفيه دول عندها قنوات داخل الدول مش قادرة انها توقفها وفيه قنوات داخلها دول فبالتالي المسائل اللي احنا عايزين نستعجل عليها دي ما اعتقد حتى بقرار سياسي ان هو ..في اوروبا لما عملوا تليفزيون بلا حدود كان 8 دول النهاردة بعد20 سنة بقى فيها 45 دولة انما مش بعد سنة في المنطقة العربية عندنا 22 دولة عايزاجماع وتنفيذ وكأن كل الدول عندها نفس القوانين ونفس المنظومة التشريعية دا البرلمان العربيب معمول بقاله سنتين ولا تلاتة محمد صلاح:ايوه بس الاعلام بقى مأثر قوي؟ د/حسين امين:ايوه بس هي منظومة لابد انها تفعل مع بعضيها محمد صلاح: في الشكل يا دكتورفيه الفضائيات التابعة للحكومات اللي هي فضائيات الدول وجواها فضائيات شبه حكومية اللي هي مساهمة فيها الحكومات بشكل اوبآخر في تأسيسها وتمويلها وفيه الفضائيات الخاصة انت متخيل الأخطاء الاكتر دايما بتكون من مين ؟ د/حسين امين: للخاصة محمد صلاح: يعني الحكومية منضبطة ؟ د/حسين امين: اكترانضباطا طبعا بدون شك برضه فيه انضباط موجود في المنظومة داخليا غير الايدلوجية بتاعة القناة الخاصة ، القناة الخاصة طالعة طبعا عشان تكسب لازم دا مشروع تجاري فطبعا في المنافسة الشرسة اللي موجودة دي فيه مبادئ كتير جدا بتهدر فبالتالي بالنسبة للقنوات الفضائية ان الناس هي المكسب فبتلاقي اشياء غريبة جدا وعجيبة جدا ادعاءات فيه قنوات كتيرة جدا بتغير التيار ، التيار الديني ماشي بدل ما تكون قناة ثقافية تكون قناة دينية ، الكورة ماشية يتحول لكرة قدم بس ، فيه انشطة بتغير قدامك زائد الاستحواذ على الناس تلاقي فيه صراخ كتير جدا بتسال الصراخ دا ليه طب ما تكلم الناس بساطة زي بقية قنوات الدنيا كلها وتلاقي فتاوى برضه كتيرة في اشياء في الرياضة وفي السياسة ، فيهة ناس متخصصين فضائيات يعني ممكن تلاقيه بيتكلم في السياسة وفي الاقتصاد وفي الاعلام وفي الهندسة والطب فيه ناس مش عارفة ان المهنة دي عايزة ناس متخصصة اللي بيطلع كتير فيها بيتحرق لان نورها دا مش دايما مضئ ويغلط ويبقى الخطأ واضح ومسجل عليه بقية حياته محمد صلاح: في توصيفه لحالة الاعلام العربي خلال الشهوراللي فاتت والنزاعات الاعلامية اللي حصلت بين قنوات عن طريق دول وداخل القنوات نفسها كتب زميلنا راسم المدهون مقال في صحيفة الحياة بيطالب فيه بمحاكمة مجرمي الحرب من الاعلاميين احنا وصلنا للحالة دي . د/حسين امين: لا مش قوي صراحة مش قوي انما فيه نوع من الحروب بيسموها حروب الكراهية يعني الحروب اللي بتكره الناس في الناس وبتكره الناس في الشعوب وبتكره الناس في دول دي يمكمن اللي يقصد بيها مجرمي الحرب اللي هي هنا الحوروب العلامية اللي موجودة وبتشن بذاءات على بلدان اخرى قد تكون ليها افضال لكثيرة على الشعوب والافراد انما لازم يكون فيه نسق بيني قيمي عربي يجمعنا كلنا مع بعض وخاصة ان العالم العربي دلوقت بيمر بازمات ونقط مفصلية في مسالة العولمة ومسائل الاقتصاد العالمي احنا اولى ان احنا نقوي هذا الرابط المشترك محمد صلاح: بس يادكتوراللي بيحصل انه اذا كان فيه دولة حريصة على العلاقات مع دولة اخرى رغم بعض الخلافات عن طريق قوانينها ودساتيرها بتقدر تحكم عمل الفضائيات حتى الخاصة على جانب اخربيكون دايما الرد بطريقة فين يوجعك يعني اذا قناة بتصدر من بلد او بتبث من بلد تجاوزت في حق دولة اخرى الدولة التانية بترد بكل الاسلحة . د/حسين امين: مش شرط ممكن نلاقي المسالة دي على مستويين يعني انا لوجالي طفل عنده 6 سنوات في حلبة مصارعة هخش العب معاه ملاكمة ..!! عشان كده بقولك النسق القيمي والرابط دا مهم جدا عشان يبقى فيه كفاءة بين النزلاء يعني فيه ناس بتغلط كتير ونظامها الاعلامي ضعيف او لم يكتمل او مهلهل محمد صلاح: مش مهلهل يادكتور يعني في الحرب على غزة وصلت المسالة الاتهامات للحكومة المصرية والمسئولين المصريين بالخيانة والعمالة. د/حسين امين: هل دي قنوات حكومية ولا قنوات خاصة ؟ محمد صلاح: قنوات خاصة بتدعمها حكومات وقنوات حكومية يقال انها خاصة . د/حسين امين: اذا كان فيه تجاوزمستحيل ناخد التجاوز دا ونحطه كقاعدة ونتصرف عل اساسه محمد صلاح: ايوه بس الاعلام بقت سطوته كبيرة يعني فيه ناس معاها امكانيات مالية وتقدرتوصل لكل مكان وبالتالي بتقدر تؤثرفي الناس يعني فيه قنوات بتطلع مظاهرات في دول اخرى د/حسين امين: طيب وماله مفيش حاجة احنا بس عايزين نعرف الاعلام العربي دا هل هو فعلا تطورمن سنة 1996 وحتى الان يعني قفز قفزات هائلة لدرجة ان فيه دلوقت 6 مدن اعلامية كبرى موجودين، لدرجة انه فيه 2من الاقمارالكبيرة ، فيه اجيال من الاعلاميين طلعت وفيه اراء بتطرح.... محمد صلاح:المضمون بقى يا اما فتاوى اوقنوات دينية القليل منها طبعا ممكن يكون قنوات سليمة وصحيحة وتتبع الاسس الدينية السليمة لكن الكثير منها جدا يثيرالخزعبلات بين الناس وقوات سياسية مارست ضغوط شديدة على دول اخرى وادارت حروب سياسية وقنوات رياضية تسببت في ازمات سياسية او قنوات خليعة . د/حسين امين:مش كلها انا اقولك التصنيف اللي حضرتك قلته لي ممكن اقولك فيه 30 قناة مثلا احنا عندنا 20,30 قناة يعني فيه مجموع اكبر بكثير محمد صلاح: بس الناس بتشوف ال3 دول د/حسين امين: ماهي دي مشكلة عشان كده احنا لازم نعمل اسس ، ما هو مفيش حل فوري حضرتكم احنا عندنا وليد وبنحاول نعمل تنظيم يعين محاولات محمد صلاح:هتنجح ؟ د/حسين امين: يارب محمد صلاح: خليك معايا لسه الكلام مخلصش فاصل محمد صلاح: اكترالناس اللي ممكن تقلق من القيود اومن الوثائق او من المفوضيات الناس اللي بتشتغل في قنوات سياسية عربية معانا مداخلة من الزميلة راندة ابو العزم مدير قناة العربية في القاهرة ..تشوفها د/حسين امين: قوي محمد صلاح: نشوف رانده ابو العزم بتقول ايه فاصل رانده ابو العزم- مدير مكتب قناة العربية بالقاهرة : في فرق بين الرقابة وبين التنظيم الرقابة دي كانت بتمارس من زمان من ايام الستينات لما كان بيتم منع كل الاذاعات اللي كانت في الاول مكناش نسمع عن ال BBC ولا حاجة كان فيه تشويش عليها مكانش فيه غير قناة وحيدة في الاذاعة او في التليفزيون مكانش فيه غير القناة الاولى او القناة التانية بمعنى انك بتحجب أي راي اخر عن الشعب وبتحطه في قالب معين انك بتوجهه في اتجاه معين هذه الرقابة او هذا الدور الرقابي كان في الصحف ايضا رقيب هذا الرقيب لازم يفوت عليه كل مقال هذا الدور انتهى تماما مابقاش موجود وحتى لو حد حاول انه يفرض هذا الدور بقى خلاص خرجت عن ايده فيه وسائل اخرى كتيرة جدا الانترنت ، البلوجرز ، المدونين بقى الاعتماد عليهم بصورة كبيرة بنشوف في حالة زي ايران لما الدولة فرضت رقابة ومنعت كل التليفزيونات والكاميرات انها تنزل بقينا نستقي كل معلوماتنا كمن الكاميرات انا معايا كاميرا النهاردة بقدر انزل اصور بمنتهى السهولة لو حد منع لي الكاميرا لو حد منع لي القمر الصناعي ان هو ينزل انا عندي اكتر من وسيلة التطور التكنولوجي بقى بيفوق أي دور رقابي ممكن ان هو يبقى موجود....التنظيم دا شئ اخر التنظيم ان انا انظم علاقة الكاميرا بالدولة ان انا انظم هذه القنوات بصورة او باخرى ان انا اتيح لهم المعلومات بصورة اكتر شفافية عشان ما يحصلش بلبلة عشان ما يحصلش شائعات ان انا اكون كمسئول في الحكومة متوفر ان انا اقدر ارد ان انا ما ادوخش كقناة فضائية ان انا الاقي رد فعل من دا او من دا او من دا فالجا لحد تاني ممكن يديني راي مش سليم او مش ديق هناك تنظيم لهه العملية الاعلامية ولكن الدور الرقابي دا انتهى تماما وحتى لو حد حاول يفرضه تحت أي مسمى تحت وثيقة اعلام تحت أي مسمى مش هينجح لانه خلاص التطور التكنولوجي لغى تماما هذا الدور الرقابي مهما حاول أي حد ان هو يفرضه فاصل محمد صلاح: يعني رانده ابو العزم ربطت بين مسالة التنظيم وبين مسالة تدفق المعلومات اوالحق في الحصول على المعلومات عبرت عن مخاوفها ودا واضح لانه عادة القنوات السياسية خصوصا تجد صعوبات في اماكن كثيرة في الوطن العربي في الحصول على معلومات هل الوثيقة وتفعيلها بواسطة المفوضية هيتيح حقوق الحصول على المعلومات د/حسين امين:الوثيقة فيها معلومات كتيرة جدا عن الاشارات واعادة البث والملكية الفكرة وحاجات كتيرة جدا احنا مش باصين لها،المضمون مفيش رقابة هوكان فيه كلام اثيرعلى المسالة دي خاص بالرموزالدينية وخاص بالرموزالسياسية هو كان فيه نقطتين اللي هو عدم المساس بالرموزالدينية وانا حضرت في البرلمان الاوروبي عن المسالة دي بالذات يعني كان فيه كارتون عن سيدنا محمد يعني هل يعقل ان دا يطلع على الفضائيات العربية ..لا يعقل.. زائد عدم المساس بالرموز السياسية دي برضه قومت الدنيا بره عليها مش عايز اقولك يعني في الولاياتالمتحدةالامريكية بيتكلموا عن رئيس الجمهورية احنا في ثقافتنا الكلام دا غير وارد طيب هل الكلام اللي احنا بنقوله دا موجود في بلاد تانية ايوه موجود في بلاد تانية في اوروبا وموجودة في بلاد تانية في اليابان ومودود في اسيا وموجود في امريكا اللاتينية محمد صلاح:عدم التهكم على الرموز السياسية عايز تاخد الجزء دا من اليابان من اوروبا ومش عاوز تاخده من امريكا ؟ د/حسين امين:ليه ناخد النسق دا وهو في النسق القيمي العربي الثقافي غيرموجود طيب ماهومثلا فيه اباحية هل الاباحية ان انا اخدها زي ماهي موجودة واروح احطها واقولك اصل دي موجودة في بلد س او ع ..لا.. محمد صلاح:عايزين نستفيد من اخطاءنا دكتور حسين الازمة اللي حصلت بين مصر والجزائرعلى خلفية مباراة كرة القدم في تصفيات المونديال الازمة بدات تقريبا لما نشرت صحف جزائرية صورلاعبي المنتخب القومي كاريكاتوريا يعني ورسمتهم في صورة نساء وردت عليهم بعض الفضائيات المصرية وحصل ماحصل من مباراة القاهرة ثم مبارة الخرطوم انت تابعت اللي حصل وصف لي بقى اللي حصل؟ د/حسين امين: انا تابعته في الخارج .. والله شوف انا مختلف مع الناس اللي بيقولوا احنا ماوصلناش رسالة في الخارج بالعكس المباراة دي مخدتش أي تركيز اعلامي في العالم الخارجي على عكس ما يتقال احنا كان عندنا اجتماعات مع مستشارين اعلاميين وسفراءنا في الخارج وشفنا وفي ايطاليا بيقولولك دا الحدث دا بيحصل عندنا كل يوم ... محمد صلاح: احنا عايزين نتكلم عن الاعلام في البلدين؟ د/حسين امين: الجزائر مع كل حبنا وتقديرنا لاعلامها هي اعلامها مازال اعلام وليد بسيط والجزائريين بصفة كبيرة بيستقوا اعلامهم من فرنسا ما يسمى بالدريم الاوروبي اوالحلم الاوربي مازالت ثقافتهم فرنساوية يعني فيها ثقافة عربية أي نعم انما فيه جزء كبير من الثقافة فرنساويالجزائر فيها 3او 4جرايد فيهم جريدة تجاوزت شوية انا اعتقد ان دا كان يجب ان يحسم في حينه من جانب السلطات المصرية الجزائرية محمد صلاح: طيب قيم لي الاعلام الرسمي والخاص وخصوصا الفضائيات في مصر في الازمة ؟ د/حسين امين: اللي حصل ان العجلة دي بتجري وبتتفلت معاييركتير لو كانت المسالة الاساسية دي حسمت عن طريق الرسمي الجزائري اوالمصري الجزائري انا معتقدش انه كان هيبقى فيه مشكلة ايه الملاحظات اللي كانت موجودة ان المحللين الرياضيين وغالبيتهم من لاعبي الكرة السابقين بقوا بيتكلموا في السياسة , ودا خطأ لان كل واحد له افق بيتكلم فيه واختياره له اساس والاساس بتاعه عنده مرجعية فيه انما في الحتة دي مضببة تماما معندوش معلومات او معارف فيها فبالتالي الخطا كبيراخطاء كبيرة بتحصل محمد صلاح: مين يظبط دا يادكتور ؟ د/حسين امين:لازم يخشوا ياخدوا شهادات في التدريب لازم التدريب المهني دا مطلوب واخلاقيات المهنة اخلاقيات العمل الاعلامي دي رسالة انما احنا بنقول فيه حاجتين يا اما ياخدوا كورس مكثف عن ايه الحدود محمد صلاح:اه بس القنوات الفضائية بتجيب النجم الفلاني اللي كان بيلعب وكان ليه ملايين عشان يطلع يطل على الكاميرا ويقول كلمتين وتحليل عشان يجيب اعلانات . د/حسين امين: يتكلم زي ماهو عايز انما يخش في منطقة غير بتاعته دا بقى ..تحب تشوف بعض الاكواد الخاصة بالمسالة دي ؟ محمد صلاح: وريني ياللا د/حسين امين:هنبص مثلا في مل العالم هتلاقي فيه بعض الحاجات الخاصة اللي هي خاصة بعدم الاستقرار مثلا ان على صاحب التليفزيون- دا اعلان مبادئ الاتحاد الدولي للصحفيين الخاصة بممارسة مهننة الصحافة – ان على الصحفي ادراك الخطر في نشر رجل الاعلام التمييز والتفرقة وعليخه ان يبذل كامل جهده في تجنب تقديم هذا التمييز ايا ماكان قائم على ايه طبعا على المعلومات الموجودة واراي السياسي يعني الاعلان الدولي ناصص على الراي السياسي انت بتاع كورة يبقى خليك في الكورة تدخل نفسك في السياسة ليه حاجة تانية تعد جنحة واساءة خطيرة " الغش" والتشويه المقصود للحقيقة نالقذف والتشويه وتلطيخ السمعة والاتهامات التي لا اساس لها من الصحة يعني انت عايز تتكلم عندك مساحة عشان مككده المساحات الوقتية الكبيرة بتدفع المذيع الى انه يرتكب اخطاء محمد صلاح: خاليك معايا يادكتور لسه الكلام مخلصش فاصل محمد صلاح: طبعا الفضائيات الي بتعمل في مجال الرياضة زي النموذج اللي كان بيتكلم عنه الدكتور حسيبن امين تلاقي وقت البرنامج مفتوح ..معانا مداخلة من الدكتور علاء صادق تسمعه د/حسين امين: قوي محمد صلاح: نشوف الدكتور علاء صادق بيقول ايه. فاصل د/علاء صادق- محلل رياضي : الاعلام هوالمنارة الحقيقية للمعرفة والتنوير في الزمن الحديث قبل مئات السنين وقبل عشرات السنين كان الكتاب فقط هو وسيلة التزوير ولكن مع انتشارالصحف والمجلات واتساع دائرة القنوات والوصول الى مرحلة الفضائيات اصبح التنويرومعه المعرفة لا ياتيان بنسبة 90% الا عبر الشاشة ومن هنا كان دورالاعلام العربي عبر الشاشات مهما للغاية وللاسف لم نراع عند اختيارمن يقوم بدورالمذيع في الفضائيات لم نعد نهتم بالاساسيات كل من له علاقة شخصية او بمعرفة بصاحب قناة او بمسئول كبير في قناة بات مذيعا الاغلبية من الضيوف اصبحوا مذيعين وهنا مربط الفرس او الكارثة الحقيقية ، الضيف ياتي لمرة واحدة واذا اكتشفنا عدم قدرته او عدم استيعابه لواجباته الاعلامية يمكننا الاستغناء عنه وعدم تكراره ولكن عندما يتحول الضيف دون ان يمتلك ادواته الاعلامية الى مذيع يطل علينا يوميا ينشر ثقافته وهي ضحلة كثيرا الى الملايين من المشاهدين يتحول الامر من تعليم وتنوير الى تجهيل بشكل زائد فاصل محمد صلاح:الدكتورعلاء صادق بيتكلم عن المستوى المهني للمذيعين ومقدمي البرامج هل المستوى المهني للقائمين على البرامج معدين وحتى التقنيين ثم اللي بيطل على الناس يفرق في الالتزام بالمواثيق ، مواثيق الشرف الاعلامي مثلا يعني هتلاقي انه في غالبية التليفزيونات الرسمية العربية هنلاقي فيه مجالات كتيرة للواسطة وبالتالي بتطلع ناس مش مؤهلين قوي يعني ، في التليفزيونات الخاصة زي ماكان بيتكلم الدكتور علاء صادق دلوقت هتلاقي بقى البيزنس والمعرفة والمصلحة بتشتغل ايه رايك ؟ د/حسين امين: هوفي الاتنين فيهم التعليم المستمر والتعلم ، التعددية الغيرمسبوقة ففيه برامج كتيرعايزة ناس كتيرفانت عشان تجيب ناس يتفرجوا عليك لومكنتش مهني قوي وليك رسالة اعلامية في البرنامج بتاعك عشان تقدر تستحوذ وتستمرفي الاستحواذ على المشاهدين يبقى اذن صاحب القناة يجيب نجم من المشهورين نجم كرة فنانين اصل المنظومة بتاعة الصحافة التليفزيونية والبرامج الحوارية السياسية خاصة فيها نوع من التشبع دلوقت اللي باين واضح دلوقت ان القنوات الثقافية هتتفتح بطريقة جدية طب هيجيبوا مين هيجيبوا مهنيين ولا هيجيبوا فنانين طبعا الفنانين الكبار احنا عارافين انهم مش هيرضوا واجرهم كمان هيبقى ضخم قوي انما هيلاقوا ان فيه فنانين مبتدئين وفنانات مبتدئات محمد صلاح: الحكاية دي شغالة بس انت متوقع انها تزيد ؟ د/حسين امين: بص كل حاجة احنا اتكلمنا فيها النهاردة هتزيد محمد صلاح: طب لما هتحصل مين اللي هيضبط الايقاع؟ د/حسين امين: ماهو المستوى المهني دا منظومة لوحده خاصة بمسائل التدريب ومستوى الاداء والتقيم يعني انا مثلا استاذ جامعي اقيم من الطلبة بتوعي بالنسبة للمشاهدين احنا ما اخترعناش الحاجات دي كلها وبعدين احنا طبقنا الحكاية دي عندنا في قناة النيل الدولية لان فيه اصلا ليها 17 معيار بيتحطوا ويتطبقوا على الناس مجموع المشاهدين ونقدر ان احنا نعرف ايه المسائل اللي هي موجودة في الخروج ومستوى الاداء نخلي الناس تتكلم وتشوفوا فيه تنظيمات من قبل اقرار المفوضية هيبقى فيه حوار مجتمعي اصل المرة اللي فاتت لما طلعت الوثيقة الناس اشتكت ان مفيش حد كلمهم د/حسين امين: لا ..لا ازاي... اتكلمنا واتكلمنا في اكتر من بلد عربي رحنا بلاد عربية كتيرة اتكلمنا معاهم مين قال وبعدين كان فيه اجتماع بعد كده عشان فيه تنظيم مهني احنا يهنا جدا يكون فيه تنظيم مهني يمشي مع التنظيم البيني عشان تقدر تاخد محصلة تخدم المجتمع واخيرا كل الشغل الي بيتمك دا ليه..؟ عشان غاويين الناس تنتقدنا ..ابدا.. عشان نعمل حالة مجتمعية نقدر نتقي فيها ونقدر ان المنظومات بتاعتنا سواء معلوماتية او معرفية انها تبقى على مستوى المنظومة الدولية الخاصة بالمعرفة والمعلومات محمد صلاح: دكتور حسين حصريا كده الاعلام العربي بيمر بازمة ولا هو سبب ازمة ولا فيه جهات متربصة بيه ؟ د/حسين امين: فيه انظمة كانت بتتحكم تماما في الاعلام دا اول حاجة ..الاعلام العربي نفسه في ايدلوجيات خاصة برؤى سياسية مختلفة بتنعكس تماما على الاعلام فهنا الازمة الخاصة بالاعلام انعكست في الطرح الاعلامي اللي موجود ..نمرة 3 الموقع بتاع الشرق الاوسط الموقع ملتهب من زمان فيه مصالح دول ضخمة جدا لانها مصدر الطاقة البترولية ثانيا مصدر الطاقة النظيفة الشمس بتسطع على الاقل 300 يوم في السنة وبعدين عندك اراضي صحراء استغلال الصحراء دي في انتاج الطاقة الشمسية محمد صلاح: يعني برضه الاعلامي فيه تربص بيه؟ د/حسين امين: كل الحاجات دي في البوتقة محمد صلاح: الاعلام بيمر بازمة وفيه جهات متربصة بيه كل الكلام اللي دار في الحلقة النهاردة مش معناه اطلاق احكام على الفضائيات العربية او على برامج الزملا الافكار دي عننا وعن مصر وعن الدول العربية وقال استاذ الاعلام بالجامعة الامريكية الدكتور حسين امين كلامه النهاردة كان كلام جميل كلام معقول واكيد كان كلام مسئول خلص الكلام سلام نلتقي في الحلقة المقبلة
