مساحة للرأى

أعدتة للنشر: سكينة حمدى اسماعيل
محمد موافى : سلام من الله عليكم ورحمة منه وبركاته اهلا بحضراتكوا فى حلقة جديدة من مساحة للراى الحكم دلوقتى على الدستور للشعب بارادتة المفروض انه يختار ويحدد مصر الدستور اما بالرفض او بالقبول الشعب الان هو صاحب القرار والاختيار وتحديد المصير بنعم او بلا الدساتير او الاعلان الدستورى الذى اثار جدلا تم الغاؤه استبدل باعلان دستورى جديد الدستور الان او مشروع الدستور اثار ايضا جدلا واسعا البعض يراه انجازاغير مسبوق البعض الاخر بيروح فى اقصى الاتجاه تماما بيرى ان به بعض المواد اوكثير من المواد لايجب ان تكون بدستور مصر بعد ثورة يناير الدساتير لا تصنع كل يوم فعلى كل من له حق الانتخاب ان يدلى بصوتة الفرصة الان سانحة دى رسالة وجهها الان كثيرون مشاهدينا الكرام فى هذه الحلقة من مساحة للراى تعالوا نناقش ضرورة المشاركة او عدم المشاركة ا و نعم او لا او المخاوف من الالتفاف على ارادة الناخبين باى شكل من الاشكال بارحب بحضراتكوا وبارحب بضيوف هذه الحلقة الكاتب الصحفى الاستاذ قطب العربى الامين العام المساعد للمجلس الاعلى للصحافة ازيك يا يا استاذ قطب
الاستاذ / قطب العربى : اهلا بيك يا افندم
محمد موافى : والاستاذ الكاتب الصحفى الاستاذ محمود العبادى نائب رئيس تحرير الجمهورية استاذ محمود ابدأ بحضرتك من يعنى دلوقتى الكرة فى ملعب الشعب اما ان يقول نعم او ان يقول لا هل لو اى حاجة ثالثة يبقى مزايده على الشعب ؟
الاستاذ/ محمود نتالى : بسم الله الرحمن الرحيم يعنى متشكر على الاستضافة على وجودى مع حضرتك والاستاذ قطب الزميل العزيز انت قلت الكرة فى ملعب الشعب بس دى كرة ملتهبة يعنى عليك ان تضع عندما تضع كرة فى ملعب الشعب ان تضع كرة يستطيعوا ان يجيدوا اللعب بها لا تضع له قنبلة انا باقول قنبلة فى ملعب الشعب وليست كرة فى ملعب الشعب لان هذا المشروع الدستورى المطروح النهاردة لا احد يجادل على الاطلاق ان هناك انقسام مجتمعى اى ان كان حجمة هناك انقسام سياسى موجود على ارض الشارع وهناك احتقان وهناك اليات عديدة وراء صدور هذه المسودة او مشروع المسودة ادى بينا الى ما ادى اليه فلا يمكن ان تترك الشعب يواجة كرة ملتهبة يلعب بها ان قنبلة يمكن ان تنفجر فى وجهة فى اى وقت او مشاكل واحتقانات لان انا باقول اذا هذا الدستور مر بنعم ليس هناك فائز واذا مر بلا ليس هناك فائز لان ستزيد الصراعات حتى لا يتخيل احد ان عندما نقول نعم تخرج المليونيات الاسلامية تحتفل عند رابعة وكذا بنعم لان ستقابلها رفوض اخرى واذا قال لا يخرج المدنيين يقولوا احنا انتخابنا لان ستقابلها مليونيات اخرى فعلينا مازالت الفرصة سانحة امام من بيدة القرار لحفظ وحدة الشعب
محمد موافى : هو لايملك ان يؤخر قرار
الاستاذ/ محمود نتالى : لا هو يملك هو يملك ومازلت اقول هو يملك لان
محمد موافى : فى اعلان دستورى يوم 30
الاستاذ/ محمود نتالى : هقول لحضرتك هقول لحضرتك ليه رئيس الجمهورية يملك وبالدليل من ملكيته بانه اصدر اعلانات دستورية عديدة رغم ان هو لا يملك هذا ورغم انه امبارح لما طلع مشروع قانون الضرائب او القرار بقانون لاغاة بعدها بساعتين
محمد موافى : طب خلينا ناخد كلام حضرتك نحط علامة استفهام ونوجهة للارستاذ قطب العربى
الاستاذ/ قطب العربى : شوف انت زى ما قلت حضرتك فى المقدمة الان بالفعل الكرة فى ملعب الشعب الشعب هو الحكم هو الفيصل حين يتنازع المتنازعون المختلفون سياسيا مش عارفين يوصلوا لتفاهم ولا لاتفاق مع بعض رغم ان الرئيس دعاهم للحوار وبعضهم راح وبعضهم ما رحش فى النهاية لابد ان يكون فى حكم يفصل بين الناس المتنازعين دول بين القوى السياسية المتنازعة الحاكم ده هو الشعب الشعب هو السيد الشعب هو مصدر السلطات وهوالدستور بيقول السيادة للشعب تمام فاذا نحتكم للشعب انا مش عارف هما ليه خايفين من الشعب الشعب بالنسبة لهم كهربه بالنسبة لهم يعنى زعر
محمد موافى : الجمهور شايف ان الدستور كرة ملتهبة
الاستاذ / قطب العربى : لا ليست كرة ملتهبة كل الدساتير كل الدساتير فى العالم بيحدث عليها هكذا انقسام مفيش دستور حصل عليه اجماع واتحدى يقولوا لى دستور حصل عليه اجماع كامل من القوى السياسية والفئات السياسية لحظة وضع الدستور مفيش دستور فى العالم الا اللى بيحدث عليه انقسام طبيعى لان الدستور ده بيعبر عن فئات المجتمع المختلفة فالطبيعى ان يبقى فى فئة حسة انها ما اخدتش حقها كامل فى الدستور لان عشان تاخذ حقها كاملا او يعنى احيانا يجور على حق فئات اخرى والجمعية التاسيسية هى بتبقى هى بوتقة لكل هذه الفئات بتبقى موجودة جواها كله بيطرح وجهة نظرة بيدافع عنها
محمد موافى : لكى نكون اكثر تعبيرا استاذ محمود مطرحش هو لسه ما دخلش جوا الدستور
الاستاذ/ محمود نتالى : اه
محمد موافى : احنا بنتكلم ان الرئيس يملك من الصلاحيات
الاستاذ/ محمود نتالى : الرئيس دعا القوى السياسية كلها للحوار لم يستثنى احدا واتفضلوا تعالوا ولا سقف للحوار كل الاشياء مطروحة للحوار كما هو عرف بعض النقاط فى خطابة لكن قال كل شئ مفتوح ونائب الرئيس قال كل شئ مطروح للحوار وللنقاش ولما حضر الرئيس معاهم طبعا فى اول فى ناس امتنعت ما رحتش اللى هما جبهة الانقاذ معاهم وفى ناس راحت واللى راحوا فيهم قوة مدنية بالمناسبة مش كلهم قوة اسلامية زى ما بيتقال ممدوح رمزى يعنى انت لما تقولى رامى لكح رئيس حزب الاصلاح لما تقولى ايمن نور لما تقولى مجدى يعقوب لما تقولى احمد كمال ابو المجد يعنى اسماء مش هتسعفنى الذاكرة ان انا اقول لحضرتك كل الاسماء منار الشوربجى اللى اسماء بتمثل قوى مدنية وجهات مدنية هتقولى ملهمش ارضية فى الشارع يعنى هما التانيين اللى ليهم ارضية ماهو كله زى بعضة ماهى العملية كلها بتتساوى يعنى
محمد موافى : تفتكر ليه ما رحوش ؟
الاستاذ/ محمود نتالى : بص حضرتك
محمد موافى : الدعوة كانت مفتوحة
الاستاذ/ محمود نتالى : النقطة الاولانية علينا ان نتذكر وعد السيد الرئيس محمد مرسى
الاستاذ / قطب العربى : هو انا لو تسمحوا لى انا مكنتش كملت فكرتى يعنى فكرة انه كان مفروض عفوا يا استاذ محمود
م اللى هى ايه
طاستكما ل الجملة بقى انه كانوا راحوا واتفقوا فى اللى كان يتم اقراره اللى راحوا يا استاذ محمد وكلهم اتفقوا والرئيس سبهم الاول قعد معاهم شوية وقال لهم اللى هتتفقوا عليه انا هلتزم به وهمضى عليه اللى اتفقوا عليه فى الاخر هو ده هوده اللى طلع
محمد موافى : ومضوا عليه
الاستاذ/ محمود نتالى : ومضوا عليه احسن الرئيس يرجع دلوقتى يعمل حاجة هو منفردا بعد ما الناس اتفقت
محمد موافى : انت كده هتخلين اعدد سؤالى استاذ محمود هل تعتقد ان جبهة الانقاذ او اعتراض رموز الحزب الوطنى المنحل اعتراض اى حد على المسالة هل هو اعتراض فعلا على الدستور والا الاعتراض على رئيس اسمة محمد مرسى من الاساس
الاستاذ/ محمود نتالى : بص حضرتك اولا انا عاوز اقول حاجة لان انا معاصر الحياة البرلمانية وجماعة الاخوان منذ عام 79 البرلمان وعاصرت الدكتور مرسى وهومن 2000 ل 2005 ومجموعة 88 وعلى فتح الباب اول نائب دخل مع الدكتور محجوب المجلس كل هذا نعلمة لكن يبدو ان من يصل الى الحكم يتغير وينسى ليه احنا عندنا كان فى وعدين مهمين جدا لدكتور مرسى لو نفذهم ما كنا وصلنا الى هذه اللحظة اللى احنا فيها
محمد موافى : اللى هما
الاستاذ/ محمود نتالى : اول اتفاق مع شركات الوطن اللذين وقفوا مع وكالة الانباء ضد احمد شفيق كل القوى المدنية اللى موجودة حاليا على الارض ضده هى اللى وقفت معاه
محمد موافى : بتقول ايه يا استاذ محمود
الاستاذ/ محمود نتالى : باقول لحضرتك كل القوى المدنية
محمد موافى : يعنى الاستاذ حمدين صباحى ما وقفش معاهم
الاستاذ/ محمود نتالى : كان لأ حمدين مجموعاتة كانت واقفة مع الدكتور مرسى وحسن نفعة كان واقف وعلاء الاسوانى كان واقف وقنديل كان واقف ووائل غنيم كان واقف ومجموعة 6 ابريل كانت واقفة كل ده عندنا الصوروعندنا الوثيقة اللى موقعها قال ايه اعدك انا اعيد تشكيل الجمعية التاسيسية دى اذا وصلت الى الحكم ادى الوعد الاولانى الوعد الثانى بعد ان نجح قال ايه اذا لم يصل هذا الدستور اللى اتعرض عليها اذا ما كنش فى توافق لم اعرضة للتصويت دى عروض متسجلة رسمى مش محدش يقدر يتكلم فيها الوعدين دول لو كانوا اتنفذوا ما كنا واصلنا الى هذه اللحظة ادى الامر الثانى الامر الثانى ليه القوى الحاجة الثالثة بردوا عاوز اذكر الدكتور مرسى واذكر الاخ قطب بحاجة مهمة جدا احنا دلوقتى بنلوم الناس اللى مرحتش وقاطعت الحوار وبيقولوا انا اذكر الدكتور مرسى وجماعة الاخوان وحزب الحرية والعدالة بواقعتين مهمتين قاطعوا الحوار فيها ورفضوا ان يتقابلوا الواقعة الاولى عندماتم تشكيل المجلس الاستشارى ليضع خريطة طريق حضر الدكتور مرسى فى جلسة وبعد كده انسحبوا فى مجلس استشارى الواقعة الثانية عندما اراد
محمد موافى : دى ممكن تقارن بدى
الاستاذ/ محمود نتالى : هقول لحضرتك حاجة اه طبعا تقارن ما انا باكمل الحوار الواقعة الثانية عندما دعا الفريق سامى عنان كل القوى واحتد الامر ان احنا نضع خريطة طريق سليمةعشان نسير فيها الكل حضر بما فيهم السلفيين وعمادعبد العفور حزب الحرية خد موقف وقاطع الحوار ولم يتحدث احد عن مقاطعتة دى غلط او صح لكن ده موقف فالمقاطعة النهاردة موقف سياسي ليه فى حاجتين فى الدستور بيقولوا من ناحية الشكل ومن ناحية الموضوع
محمد موافى : انا خايف اقاطعك والله يبقى موقف سياسي عشان
الاستاذ/ محمود نتالى : انا مش عايزاسمع مش فاكر هما معارضين ليه تقولى الدستور
محمد موافى : مسالة هو اعتبر ان هناك رجوع فى الكلمة الرئيس وعد شركائة اللى وقفوا جنبة بالنظر فى تشكيل الجمعية التاسيسية ثم ايضا قال ان لو الدستور ما حصلش عليه توافق دى نقطة النقطة الثانية
الاستاذ / قطب العربى : هى الجمعية بالتوافق هتكوم من نقطتين شوف اولا فيما يخص ان الجمعية تبقى بالتوافق الجمعية تم بالاتفاق فى مقر حزب الوفد وبالمبادرة من الدكتور ايمن نور ان يكون الجمعية 50% للتيارات الاسلامية و50% للقوى المدنية هذا ما اتفقوا عليه وكانوا حاطين شرط ان كل طرف من حقة ان يعمل فيتو على كل مرشح من الطرف الاخر يعنى القوى المدنية تثبت ان الاخرين يستطيعوا ان يعترضوا عليه او العكس هذا ماتم الاتفاق عليه بالفعل ووضعوا هذا الاتفاق بحزب الوفد فانا يعنى بعدين لما جه حصل بعد كده طعن فى الجمعية التاسيسية راحوا سحبوا النواب اللى هما فى مجلس الشورى مجلس الشعب اتحل خلاص فبتالى خلاص ما بقاش فى مشكلة ان يبقى فى اعضاء من مجلس الشعب فى الجمعية التاسيسية لكن كان فى مخاوف من انه والله ممكن يبقى الاعضاء بتوع الشورى يبقوا احد المصاعب فسحبوهم وتم استبدالهم باشراف اخرين فى اطار اعادة هيكلة الجمعية التاسيسية الجمعية التاسيسية لايمكن ابدا انه هيرضوا عنها لان هما دول مشكلتهم القوى دى انها هى عايزة تبقى صاحبة الاغلبية فى اى شئ هى تشعر عندها شعور يمكن حضرتك ان هذه المشكلة فى الدستور والا فى شخص الرئيس مرسى انا انا باقولك المشكلة فى شخص
الاستاذ / قطب العربى : يا استاذ محمود انا يكون له الملك وولى علينا ونحن احق بالملك منه هذه تلخص القضية كلها ان هما
محمد موافى : نرد بالايات لأ
الاستاذ/ محمود نتالى : بغض النظر انا مش المعنى العام عفوا انا بس اكمل انه الفكرة اكمل بس حتة الدستور الدستوركمان تم بالتوافق الدستور تم خلال 6 شهور نقاش داخل الجمعية التاسيسية بحضور كل الاطراف والقضايا الخلافية كلها كان فى 8 بنود هى اللى كان عليها
محمد موافى : 15 بند
الاستاذ/ محمود نتالى : لأ انا باتكلم على وقتها كان فى 8 بنود كان كلها متعلقة بالحريات والمقومات الاساسية
محمد موافى : يعنى حضرتك شايف
الاستاذ/ محمود نتالى : تم يا استاذ محمد كتابتها وتم التوقيع عليها كتابة يا استاذ محمد ممثلى الكنيسة وقعوا على هذا الاتفاق على هذه البنود اللى كان مختلف عليها القوى المدنية كلها اللى انسحبت حتى بعد كده الموقعين يعنى المواد الاساسية اللى كانت مشكلة
محمد موافى : ثانية واحدة ثانية واحدة
الاستاذ/ محمود نتالى : تم التوقيع عليها كتابة وهناك وثيقة مكتوبة وبخط
محمد موافى : ثانية واحدة
الاستاذ/ محمود نتالى : ايديهم
محمد موافى : طب ثانية واحدة استاذ محمود يعنى دلوقتى التخوف من الذهاب الى صناديق الاستفتاء وان احنا نقول نعم اولا لو ربطها بالكلام اللى الاستاذ قطب بيقولة يبقى كان هدف بعض القوى هو الافشال والاسقاط واحداث الاستقطاب فقط لاغير وليس مشكلة بعض المواد
الاستاذ/ محمود نتالى : بص يا بيه هدف القوى دى من الاول كانت تسعى للتوافق بكل الطرق وقبل الانسحاب قدموا وثيقة موقع عليها 30 واحد بتعديلات على هذه المواد لم يؤخذ بهذه الوثيقة حتى لدرجة اللى كانوا منسحبين قبل كده رجعوا الدكتور جابر نصار وسمير مرقص وفى مجموعة رجعت بعد كده ان هما يشتغلوا فى التاسيسية كانوا يجدوا دائما كل ما يتفقوا على مادة وانا معاهم فى المادة دى
محمد موافى : دا موقعين على بعض المواد اللى انسحبوا منها
الاستاذ/ محمود نتالى : باقول لحضرتك باقول لحضرتك بص بقى باقول لحضرتك كانوا كل ما يجتمعوا ويتفقوا على حاجة يجدوا مواد اخرى معمولة غير اللى هماا تفقوا عليها الامر وصل الى نقطة ان فى اصرار من قوى معينة لها الغلبة داخل التاسيسية تريد ان تمرر هذه المواد وهى المواد المرتبطة
محمد موافى : ما ردوك ان بعض المنسحبين او اغلب المنسحبين هناك مواد اعترضوا عليها وانسحبوا بسببها وهم موقعون عليها قبل ذلك
الاستاذ / قطب العربى : يااستاذ محمد عمرو موسى اعلن هذا الكلام غير صحيح على الاطلاق ولم نوقع على هذه الوثيقة والتوقيعات الموجودة ليست لم يوقعها وبالتالى
الاستاذ/ محمود نتالى : مزورة
الاستاذ / قطب العربى : وبالتالى هما انسحبوا لان الاخرين رفضوا فكرة التوافق ووجدوا ان باب الاحكام الانتقالية اللى هو الباب الانتقامى وباب اسماء يعنى انا حاطت مادة باسم
محمد موافى : ما تخلينا نبدأ بالدستور حضرتك معاك نسخة بامضاء سيادة المستشار الغريانى وحضرتك معاك نسخةايه المواد اللى حضرتك معترض عليها احنا خلينا نتكلم بدل الكلام فى الموضوع ايه
الاستاذ / قطب العربى : نمرة واحد باب احنا الدساتير دائما بتوضع لمئات السنين للامام وليس دى قوانين وفى مبادئ للدستورية مستقرة انا لا اضع مواد لاشخاص الباب للمرحلة الانتقالية دى فى 3 مواد تعتبر مادة تهانى الجبالى مادة عبد المجيد محمود مادة الشيخ احمد الطيب ومادة الدكتور مرسى مادة الدكتور مرسى المادة 26 وانا ما كنتش شايف ان فيها محل من الاعراب ليه المادة دى تشكل خطر دى تنتهى مدة رئيس الجمهورية الحالى بعد انقضاء 4 سنوات من تاريخ تسلمة منصبة ولا يجوز اعادة انتخابة الا مرة اخرى انا عندى اعلان دستورى الرئيس تنتخب لاربع سنين لان البعض كان يفسر وجود هذه المادة لو احنا قلنا لأ للدستور يبقى لأ للدكتور مرسى ما كملش لكن هذه المادة لو مش موجودةالدكتور مرسى حتى لوالدستور قال لأ يكمل لان انا محطتش له مادة لان انا لما بارفض هذا الدستور بارفض فيها المادة 226 بتقول لى ايه الدكتور مرسى يستمر ولذلك هما اخطاوا خطا فادح فى وضع هذه المادة المادة الثانية بتاعت عبد المجيد محمود
محمد موافى : لألأ خلينا مادة مادة هل هذه المادة يا استاذ قطب
الاستاذ / قطب العربى : خلينا نقولهم كلهم على بعض هرد عليها وعلى غيرها تقريبا القصة انه دايما فى الدساتير بببقى فى باب الاحكام الانتقالية كل الدساتير فى العالم واحنا دستور 71 كان فيه حاجة اسمها الاحكام الانتقالية دى بتحاول تحافظ على استقرار المؤسسات القائمة يعنى حفاظا على الاستقرار عشان ما نقعدش نعمل كل شوية حسابات ونصرف عليها مليارات وتحدث انقسامات فى المجتمع الفكرة انه هى الحفاظ على الاستقرار فتم وضع مادة الرئيس من مدتة عشان ما نبقاش كل شوية هيبقى عندنا انتخابات وانتخابات رئاسة تانى
محمد موافى : يعنى
الاستاذ / قطب العربى : لألألأ حفاظ على الاستقرار هى مادة للحفاظ على الاستقرار عشان البلد تتقدم الى الامام خطوة
محمد موافى : خلينا قبل ما نخش على التقرير
الاستاذ/ محمود نتالى : الحفاظ على الاستقرار موجود فى المادة 222 ودى مش مادة انتقالية كل ما قررتة القوانين والاحكام قبل صدورالدستور يبقى نافذا بما فيها قانون انتخابات الرئاسة اللى انتخب على اساسها الدكتور مرسى وبالتالى انت المادة 222 دى مادة ثابتة فى الدستور موجودة حصنت كل القوانين
محمد موافى : حتى المادة اللى حضرتك قلتها بالنسبة لرئيس الجمهورية انا مش شايفها مادة انتقالية فقط يعنى هى مادة بتحدد
الاستاذ/ محمود نتالى : انا لو رحت قلت للدستورده لأ يعنى رافض كل موادة الا المادة ديت ونفسر المادة ديت بتقول ايه انا لو رحت قلت لأ لو رحت قلت نعم انا موافق على المادة دى دكتور مرسى يكمل انا تفسيرى البسيط المتواضع انا مش راجل قانون لكن عاصرت من كانوا بالبرلمان قبل الثورة وبعد الثورة والبعض لو كان لدينا رئيس غير الدكتور مرسى مكنتش هتوضع هذه المادة دى نمرة واحد نمرة اثنين المادة بتاعت عبد المجيد محمود
محمد موافى : اشمعنا لألأ يعنى دى
الاستاذ/ محمود نتالى : يعنى لو عندنا رئيس غير مرسى لا ينتمى للتيار الاسلامى والتيار الاسلامى لهما غلبة فى التاسيسية كان
الاستاذ / قطب العربى : هو مش هيبقى له غلبة الا لوكان طبيعى
محمد موافى : اى رئيس لو له غلبة فى الشارع او التيار
الاستاذ / قطب العربى : لألأ ممكن نقول برلمان
الاستاذ/ محمود نتالى : ممكن لان البرلما والجمعية التاسيسية كانت قائمة قبل وجود الرئيس
محمد موافى : تمام طب انا هستاذن حضرتك نكمل النقطتين دول بعد التقرير نشوف التقرير اهم حاجة اتقالت بسرعة فى مقالات الراى الصادرة هذا الصباح
تقرير : من باب العتب يقول الدكتور محمود عطية فى الاخبار ماذا ننتظر غير مشهد الغليان الحال المربك والمرتبك لنا بعد ثورة يناير وفى الموقف السياسى يرى السيد النجار فى الاخبار ايضا ان التوافق لايتم بطريقة لى الذراع او الالتفاف ويؤكد عبد المعطى احمد فى الاهرام ان مصر اليوم تغيرت بعد ثورة يناير والشعب استرد وعية وبحاكم لابد ان يستمع اولا لصوت الشعب قبل ان يصدر قراراته اما بدون زعل للسيد عبدالعليم فى الجمهورية يقول فيها من يعلوا صوته هو الاقوى ومن يكيل الاتهامات اللعنه هو الاقوى وبذلك تاهت مصلحتنا فى همسات ياسر عبد الله بالجمهورية التقارب وعدم التشبث بالراى يؤدى الى اعادة الثقة بين الشعب وحاكمة والوطن والمواطن نحن بحاجة الى لم الشمل قبل ان تضيع البلاد لان فى النهاية القاتل والمقتول مصرى بهدوء عماد اديب يقول فيها رغم كل الجهودالتى بذلت فى اجتماع قصر الاتحادية بين الرئاسة واكثر من 54 شخصية سياسية ورغم ما صدر من بيانات الا ان الدواء لم يكن شافيا لاعراض الازمةالصحية التى اصابت جسد البلاد والعباد الدكتور جمال جبريل يرى فى المصرى اليوم ان القوى السياسية تلعب لحسابها وتريد استقالة الرئيس وان الاعلان السابق كان سيئا وفى خواطر لمحمد بربرى تقول مصر انا ام الدنيا وزيادة قدهنت عليكم قد هنت واخذتم صوتا بكارا وجلستم مخلوع الكتفا وتفرقتم وتقسمتم وتعلمتم ان تقتتلوا يا ابنائى لا تنقسموا ياابنائى لا تتعالوا من منكم يحمل امالى من منكم يغسل احزانى
فاصل
محمد موافى : اهلا بحضراتكوا فى مساحة للراى بارحب بضيوف الحلقة الاستاذ محمود نتالى الكاتب الصحفى ونائب رئيس تحرير الجمهورية والاستاذ قطب العربى الكاتب الصحفى والامين العام المساعد للمجلس الاعلى للصحافة استاذ قطب يعنى الاستاذ محمود طرح اربع مواد اناهسرق منه الكلام بسرعة عشان وقت الحلقة هناك مواد هويرى انها مفصلة للمستشارة تهانى الجبالى
الاستاذ/ محمود نتالى : 233
محمد موافى : ويرى الخاص بالمحكمة الدستورية عليك تطلع ليناالمادة ونشوف المسالة يعنى
الاستاذ/ محمود نتالى : هل
الاستاذ / قطب العربى : عشرة من اعضائة العشرة دول هم المبشرين بالدستورية
محمد موافى : تمام
الاستاذ/ محمود نتالى : انا باقولك المداولات بقى الداخل اللجان
الاستاذ / قطب العربى : 13 قال لك لأ ال 13 تانى احتمال هتعدل لأ خليها 11 طيب شوف يا استاذى الفاضل اولا المحاكم الدستورية دى بتبقى دائرة واحدة يعنى ما بتبقاش عدة دواير
محمد موافى : تمام
الاستاذ / قطب العربى : وبالتالى 10 ده عدد كافى جدا خلى بال حضرتك المحكمة الدستورية دى ميزانيتها ضخمةجدا بتتكلف حوالى 70 مليون بتتكلم على الواحد منهم بياخد 160 الف جنية فى الشهر
محمد موافى : ماشاء الله
الاستاذ / قطب العربى : اه فيعنى انت لما بتخفض العدد بتعه معناها ان انت بتوفر نفقات بتاعت الدولة وميزانية الدولة
محمد موافى : بس يا استاذ قطب دى
الاستاذ/ محمود نتالى : معلش لو عندك وثيقة بيطلعوا يقول الكلام ده
الاستاذ / قطب العربى : هما قالواهما قالوا مفيش حد بياخد 160 جنية
الاستاذ/ محمود نتالى : هذا الكلام قيل كثيرا وهما دلوقتى لما هيرجع منهم هيرجع على حد منهم هيرجع اللى بياخد 250 الف فى الشهر وده كلام غير صحيح
الاستاذ / قطب العربى : معلش معلش يبقى يطلع هو يمشى هو كمان
الاستاذ/ محمود نتالى : الكلا م اتقال كتير حضرتك واتقال بارقام يعنى اتقال انه رئيس الجمهورية بياخد 50 الف والوزير بياخد 40 الف واخد لى بال حضرتك وده بياخد 160
محمد موافى : يا استاذ محمود
الاستاذ / قطب العربى : والاستاذ محمود بياخد له 200 الف
محمد موافى : هذا مبارك وسنواتة
الاستاذ / قطب العربى : احنا يا سيدى الفاضل انت دلوقتى لما بتخفض العدد اولا هى دايرة واحدة المحكمة الدستورية مش عدة دوائروبالتالى عشرة عددكافى جدا وخافض للنفقات
محمد موافى : احنا بنتكلم يا استاذ محمود ان فى امريكا مثلا
الاستاذ/ محمود نتالى : تزعل تزعل ليه انت عايز مصر عليها يعنى
الاستاذ / قطب العربى : القصة خلينا محدش هما نفسهم اعترفوا جم القوى الجمعية التاسيسية قيادات الحرية والعدالة هذا النص كان نص مصير بالنسبة ليهم
الاستاذ / قطب العربى : لأ ولا كانوا كتير ولا حاجة
محمد موافى : عندك وثيقة
الاستاذ / قطب العربى : عندى عندى عندى الاعمال التحضيرية وجوا اللجنة ولما وصلت 13 قال لك لأ مش 13
محمد موافى : خلينى مع الهجوم على المسالة دى نائب رئيس الجمهورية المستشار محمود مكى شاف النقاط دى اللى جمعوها فى حوالى 15 مادة خلافيه هتطرح على مجلس الشعب وثيقة ملزمة تلزم رئيس الجمهورية بذلك هل المواد الانتقالية ان صح التعبير ومجلس الشعب القادم بالاغلبية المتوقعة ايضا هل هذه المسالة عادية
الاستاذ / قطب العربى : او لا الوثيقة دى مش هتتعمل الا لما الناس تقعد يعنى دى مش يكتبها الا المستشار محمود مكى من دماغة دى هتتكتب نتيجة ان الناس تقعد تيجى على طاولة الحوارتقعد وايه هى المواد بالظبط اللى احنا معترضين عليها وايه هى الصياغات البديلة ليها نحطها فى وثيقة تمضى عليها كل الاطراف هناده الالزام يعن بما يوقع سعد الكتاتنى رئيس حزب الحرية والعدالة لما يوقع عماد عبد الغفور رئيس حزب النور لما يوقع ابو العلا ماضى لما يوقع محمد ابو الغار لما يوقع الدكتور البرادعى لما دول خلاص الوثيقة اصبحت
محمد موافى : وهل تتوقع ان الاخيرين اللى حضرتك قلت انهم هيجوا يوقعوا
الاستاذ / قطب العربى : والله اذا هما عايزين يعدلوا اذا هما ليهم مطلب بالفعل فى تعديل هذه النصوص يتفضلوا يقولوا محدش هيعمل لهم حاجة وهما قاعدين برة لازم يقعدوا على طاولة الحوار ويقولوا هما ايه اعتراضهم
محمد موافى : المفروض هل حضرتك تتوقع انا بادور على انفراجة
الاستاذ / قطب العربى : اتمنى انهم يجوا بعد ما كان المطلب رئيسى لهم الغاء الاعلان الدستورى وقد تم الغاء الاعلان الدستورى الان زال هذا الشرط اللى هما كانوا مشترطينة والتحقوا بالحوار علشان ينقذوا ما يمكن انقاذة بالنسبة لهم اللى هى المواد اللى هما معترضين عليها يتفضلوا ويحضروا ويقولوا هما عايزين ايه
محمد موافى : استاذ محمود يعنى الدكتور قطب بيتمنى ولكن ما نيل المطالب بالتمنى هل تتوقع ان ياتى الشخصيات التى اعتدنا ان نراها خلف ضمانات جبهة الانقاذ تتوقع ان هما مش هيحضروا مطب مهم وجوهرى كلمة واحدة
الاستاذ/ محمود نتالى : طبعا السبب الجوهرى ان الحوار الذى دار داخل قصر الرئاسة مع كل الاحترام والتقدير لمن ذهب والمجموعة المؤيدة للاعلان الدستورى لم يذهب احد قصر الرئاسة
الاستاذ / قطب العربى : رمزى مؤيد الاعلان الدستورى احمد كما ل ابو المجد مؤيد وتحدث وقال انا
محمد موافى : عمرو خالد اول واحد
الاستاذ/ محمود نتالى : قالوا محمد انور السادات هو الرئيس الفعلى رامى لحكح
محمد موافى : لأ رامى لكح نائب الرئيس فعلا رموز من اللى شفناها كانت معارضة جدا للاعلان الدستورى
الاستاذ/ محمود نتالى : الامر التانى اللى هقولك عليه بردوا عشان نكمل المستشار احمد مكى وزير العدل واذا كنت باقول خلاص يطلع ويتقدم على لسان اللى حضروا وانا اعلم هذا ناضل نضالا عديدا مع الرئيس واخذ وعد من الرئيس يجى الاستفتاء كان يلمة قوى يقدرها المستشار احمد مكى وبالتالى محضرش وابو حسين هو اللى حضر ورفض ان يظهر فى الصورة كانت قضية احمد مكى عشان يحصل الوئام الكامل ناجل الدستور وكان لدية مخارج ولكن قيادات الحرية والعدالة وجماعة البناء والتنمية وحزب النور والدكتور يونس مخيوم وهذا المجموعة اصرت اذا كنا ندى اللى برة الغاء الاعلان يبقى ادونااحنا استمرار الاستفتاء فاصبح اتفاق موائمات الامر الثالث
محمد موافى : هذا الكلام محتاج ايضا الى دليل
الاستاذ/ محمود نتالى : طبعا محتاج لدليل ما باقول اشخاص يقدروا يقولوا ما حصلش الحاجة الثالثة ليه الوثيقة ديت هيبقى فى شكوك وهواجس عليها المادة 217 اللى هى حددت كيف يعدل هذا الدستور ادت حق التعديل لرئيس الجمهورية ومجلس النواب رئيس الجمهورية بعث الطلب
محمد موافى : ما ادتش رئيس الجمهورية حق التعديل حلق الطلب
الاستاذ/ محمود نتالى : ماهو حق التعديل انه يطلب حق الطلب باللغة الصحفية حق تعديل الدستور هو يعدل يبعث الطلب خمس الاعضاء يؤيدوة وبعد كده يتناقش الثلثين يوافقوا عليه اذا ما اتوفقش الثلثين الامر الان اللى احنا فية ماهى الضمانات التى يمكن ان تكون لهذه الوثيقة ملزمة بالبرلمان القادم اذا جاء بالاغلبية الاسلامية الحالية
محمد موافى : ماانتوابتشتغلوا فى الشارع يا استاذ محمود
الاستاذ / قطب العربى : الثلثين الحاجة الخمس الثلثين فى البرلمان اللى فات والناس كان الدكتور مرسى
الاستاذ/ محمود نتالى : انا قلت الضمانة يا استاذ محمد قلت الضمانة هى ان هذه المواد الخلافية سيتم التوقيع عليها من الان على وثيقة ملزمة لكل الاطراف يعنى انا قلت انه حزب الحرية والعدالة يوقع ان حزب النور هيوقع البناء والتنمية هيوقع الدستور هيوقع المصرى الديمقراطى هيوقع الوفد هيوقع كلهم هيوقعوا على هذه الوثيقة وبالتالى تبقى ملزمة ليهم البرلمان القادم هيبقى عندى اجماع شبة اجماع من المستقلين كل الاحزاب ملتزمة بما يتم التوافق عليه
الاستاذ / قطب العربى : انا بس كلمة واحدة فى 30 ثانية
محمد موافى : اتفضل
الاستاذ/ محمود نتالى : هو الاستاذ قطب وحضرتك طرحت عليا قالوا انزلوا فى الشارع واشتغلوا فى الشارع انا باقول المعارضة هزيلة وضعيفة انتوا شغلين بالكوا بيهم ليه سيروا فى طريقكم واتركوا المعارضة تفعل ما تشاء
محمد موافى : ده كلام جميل والمعارضة تقدر تقول لأ
الاستاذ/ محمود نتالى : مش حكاية لأ يعنى انتوا سيروا بالبلد وشيلوا هموم البلد واعتبروا المعارضة ديت شيلوها من دماغكوا معارضة هزيلة وضعيفة اعتبروا مصر بعد الثورة بلد فصيل واحد
الاستاذ / قطب العربى : المعارضة مهمة فى البلد والتطور الديمقراطى وعليها ان تتفق مع الواقع وعليها بالفعل انها تشارك فى العملية السياسية
محمد موافى : اشكركم شكرا جزيلا للاستاذ قطب العربى وشكرا جزيلا للاستاذ محمود نتالى الكاتب الصحفى وشكرا لحضارتكوا وامنى ان زى ما ختمنا لو الاغلبية شايفة ان المعارضة ملهاش لزمة الاغلبية تمشى فى طريقها وتصلح البلد بشرط ان تكون المعارضة ايضا حقيقية وليست معارضة فيها لاخفيها كما كتب احدهم لكم التحية ودمت فى رعاية الله وامنة