اتجاهات

29/9/2011
محمد موافى:سلام من الله عليكم ورحمة منه وبركاته لولا الانترنت ما كانت الثورة حقيقة لا شك فيها الانترنت كان بمثابة المنشورات التى تجمع الحشود والانترنت ومواقعة اصبح سلاح ذا حدين الحواداث كثيرة على سبيل المثال لا الحصر يعنى مؤخرا اعلن عن موقع يسمى تداول مستندات والحديث عن ذلك الموقع الذى قيل انه تابع لجهاز المخابرات لم تستقر الشائعة طويلا حيث اعلنت تلك الجهة السيادية المهمة عدم امتلاكها موقعا على الانترنت قبلة كان من التصريحات والبيانات على الانترنت التى نشرت باسم المجلس الاعلى للقوات المسلحة او المجلس العسكرى ثم نجد المجلس ينفى مطلقا صحة كثير من هذه البيانات والاشاعات فمذا الذى يتحدث باسم جهة سيادية ومن ذا الذى ينطق على لسان المجلس العسكرى ومن له المصلحة لبث اوتداول اخبار غير صحيحة وفى نسبتها الى تلك الجهات فى الايام الاخيرة لاحظنا مواقع اجنبية مريبة على شبكات التواصل الاجتماعى تبث سمومها ان صح التعبير خلال شائعات واخبار كاذبة تسعى لاحداث الفتة او لاستمرار حالة عدم الاستقرار فى مصر لعل اخر تلك الامثلة محاول اسرائيلية لتغيير نتائج استطلاع مرشحى الرئاسة رئاسة الجمهورية يعنى هذه الجهة الاسرائيلية تدخلت وصوتت او زودت فى التصويت لصالح احد المرشحين المصريين بعينة جرائم الانترنت خطر يهدد الوطن والمواطن وهو موضوع هذه الحلقة فى اتجاهات ارجوكم ابقوا معنا بعد هذا الفاصل
فصل
مواطن:الانترنت همزة وصل سواء داخل مصراو بين الدول العربية وبين الدول الاوروبية هو همزة وصل جيدة وممتازة جدا ولكن استخدام النت السئ هو اللى هيعمل اضرار وخيمة وخاصة مع الاشاعات اللى لا يكاد يكون ليها اى اثر واحنا طبعا لا يخفى علينا فى نسبة كبيرة من المصريين تعتمد على الاذن على الاشاعات التى قد يكون لها اى اثر خالص
مواطنة : مخاطر عديدة سواء من الناحية السياسية او من الناحية الاجتماعية لو بنتكلم عن الناحية السياسية بنتكلم عن موضوع الهكرز اللى بتجلنا من برة اللى هى ممكن الخاصة مثلا بالقوات المسلحة خاصة باماكن مسئولة فى البلد فدة هيعمل نوع من تسريب معلومات اوتسريب اخبار
مواطن : انا قبل احداث الثورة مكنتش باعترف بالنت بصراحة كلة صور اباحية والكلام ده وبيشغل عقل الشباب بدليل ان هو دخل كل بيت
مواطنة : النت بصراحة سلاح ذو حدين من وجهة نظرى فى جزء من الضرر وفى جزء كويس يعنى ان هو الشعوب بتواصل مع بعضها المجتمع بيتواصل بنوصل لحلول مع بعض بنسمع لاراء بعض الاول قبل النت مكناش بنعرف نتواصل يعنى
مواطن: احنا بنستعملة بالنسبة لاية للمعلومات لحاجات زى كده لكن لكن الحاجات الخطيرة اللى تمس امن البلد مش مستحب يعنى .. الشباب ربما ما بيقراش صحف يومية بقدر ما بقى يقرأ مواقع النت فاصبحت مواقع النت دى خطيرة جدا جدا جدا
مواطنة: فى جزئية لازم نخلى بلنا منها ان بسبب النت ده قامت ثورة والثورة دى لازم تتسجل فى التاريخ انها اول ثورة فى العالم كلة عن طريق النت ثورة مصرية
محمد موافى: مشاهدينا اهلا بحضراتكوا زى ما تبعنا بعض المداخلات من السادة الجمهورفعلا الثورة المصرية اول ثورة على الانترنت وهى اول ثورة ترتبط بمصطلح المعلومات والمعلوماتية نبدأ حلقتنا ننحاول نشوف ايه المخاطر اللى بتتهددنا حتى احنا على المستوى الشخصى من استخدام الانترنت يعنى نبعد عن هذه الشرور الوقاية خير من العلاج برحب بحضراتكوا مرة ثانية وبرحب بضيوف اتجاهات دكتور احمد محمد حمد عميد كلية الحاسبات الجامعةالبريطانية - الكاتب الصحفى أ/ توحيد مجدى بجريدة روز اليوسف وسيادة اللواء محمودالرشيدى الخبير الامنى للانشاء والمعلومات اهلا بحضراتكوا واهلا بمشاهدينا مرة ثانية دكتور احمد يعنى الى اى حد الجرائم المعلوماتية اوجرائم الانترنت زادت بعد الثورة عن قبل الثورة والى اى حد اختلف شكلها
د/احمد محمد حمد: بسم الله الرحمن الرحيم طبعا زى ما حضرتك تشرفت وقلت ان احنا فى ثورة معلومات كثير جدا دلوقت بيستخدموا الانترنت على مستوى كبير جدا وطبعا زى جاء فى الاهرام ان خلال الشهور البسيطة فى يناير من يناير زى دلوقتى مستخدمى الانترنت فى مصر حوالى 4 مليون فمعناها الفيس بوك بالذات حتى فمعناه الشبا ب الشباب وكل المخلصين عايزين يعرفوا الاخبار نتيجة الاعلام ومشاكلة هما بيتبادلوا الاخبا رمع بعضهم فا المجتمع المعلومات ومجتمع تناقل المعلومات خلال الانترنت زاد جدا وطبعا كلنا عارفين ده كان هو السبب فى توحيد الشباب فى ثورة 25 يناير
محمد موافى: تمام
د/احمد محمد حمد : بعد كده بقى بعد الموضوع ما خلص بدأنا نسمع على الصفحات والمواقع والكلام اللى حضرتك تشرفت به وقلتة المشكلة ان فى درجة السرية او الامان فى انشاء صفحات الانترنت غير متوفرة اى واحد عايز يعمل اى صفحة على الفيس بوك مجرد ان هو يقول اى اسم له وله عامل حرية فى انه يختار الايميل بتاعة .. اصبح من حقة انه له موقع واصبح من حقة ان هو يشترك مع الناس ومن حقة ان هو يعمل صفحة فدى كلها حرية من حرية التداول مع
محمد موافى:يعمل صفحة باسم احى حد
د/احمد محمد حمد :اسم اى حد لان ما حدش لا بيراجعة ولا محدش بيمنعة ويمكن اللوبى بتاع شفنا كثير جدا اللوبى بتاع المجلس العسكرى موجود اللوبى بتاع اى مؤسسة ممكن يتحط على صفحة الانترنت مفيش حقيقة قواعد مهنية لتنظيم هذا المجال .. ومجال حر اصلا واحنا زى ما ان احنا لا نملك كدولة ان احنا نتدخل فى تنظيم الاتجاهات دى ايه
محمد موافى:لانملك التنظيم لكن سيادة اللواء محمود الرشيدى يعنى لا نملك التنظيم لكن ايه الادوات الامنية اللى بنملكها علشان نحد من هذه الجرائم
اللواء محمود الرشيدى : بسم الله الرحمن الرحيم ذى ما حضرتك اشرت طبعا الى خطورة الاستخدام غير الامن لشبكة الانتر نت يمكن بس عاوزاحط ملاحظة قبل ما نتكلم عن اخطار الانترنت والاستخدام غير الامن وما يسببه من تداعيات اوابعاد سلبية على المجتمع المصرى باتوجة لكل شاب ولكل اب ولكل ام ان مش ضد الانترنت نحن نشجع اولادنا على زيادة ثقافتهم على شبكة الانترنت ويمكن ان يتم ذلك من خلال استخدام امن وسلمى للانترنت بحيث انه لا يضر الاخرين وذا ما سولت لهم انفسهم الى الاضرار بالغير او الحقوق غير مشروعة استخدام شبكة الانترنت استخدام غير مشروع باى طريقة ان كانت فعندنا وزارة الداخلية فيها ادارة متخصصة هى ادارة مكافحة جرائم الحاسبات الالية وشبكة المعلومات ودى انشأت من عام 2002 ومزوده باحدث الاجهزة التكنولوجية بعض السادة الضباط من زوى الكفاءة الهندسية والمهنية والحرفية و ليها تعامل وليها اجابيات فى هذا الشأن وبالنسبة لهذه الادارة ممكن لاى مواطن ان هو يتصل بيها هى هوت لاين 108 ممكن الاتصال بالادارة هوت لاين يتصل ويبلغ شكوى فى برضه موقع على شبكة الانترنت اللى هو
محمد موافى:ده بتاع وزارة الداخلية
د/احمد محمد حمد:بتاع وزارة الداخلية له صفحة شكاوى بلاس دال اب الخطوط الجوية ومقرها فى وزارة الداخلية
محمد موافى:انما بالرغم ده كلة انا باسمح من خلال الانترنت من النادر الوصول لمرتكبها يعنى
د/احمد محمد حمد :مش من النادر
محمد موافى : من الصعب يعنى
د/احمد محمد حمد :انا كنت باشرف فى هذه الادارة بادارتها احنا لينا شوط كبيركثيرمن المتهمين ونقدربس ان احنا نقول يعنى ايه جريمة معلوماتية جريمة الانترنت علشان الناس تعرف علشان الناس تعرف جريمة الانترنت ايه هى عشان اى مواطن النهاردة بيستخدم شبكة الانترنت لازم يبقى عارف احنا نبقولة استخدم شبكة الانترنت بتقولة زود النولجى بتعتك لنتواصل اعمل شات لكن بطرق امنه جريمة الانترنت هى اى استخدام غيرمشروع او مخالف وغيرمرخص به يستهدف انظمة الحاسبات الالية شبكات المعلومات والاتصال اويستخدمها للاضراربحقوق الغيرwhat ever كانت هذه الاضرار دى الجريمة خصائص مرتكبيها دى اللى بيرتكب الجريمة دى النهاردة الجريمة دى ما ارتكبهاش انسان امى او انسان
محمد موافى : عشان كده بيبقى صعب الوصول له
د/احمد محمد حمد : لأ مش صعب الوصول له عفوا اى انسان بيستخدم الانترنت احناعندنا هنا فى خصوصية للانترنت لان هناك شركات اواجهزة خاصة بيقدموا خدمة الانترنت نت للمواطنين وبالتالى اى مواطن من اللى هوبيشترك فى هذه الشركات من خلال الجهاز الحاسب بتاعة يكون عنده موديلزوروترز وما الى ذلك بيطلب خدمة ال DSL يتعامل من خلال مزود هذه الخدمة لشبكة الانترنت فا النهاردة دى طبقا لقانون الاتصالات اى انسان تسول له نفسة ان هو يعتدى على حقوق الاخرين اويسئ او يرتكب جريمة مهينة وبالعرض على النيابة فى حاجة اسمها ال ID
محمد موافى:يعنى انا ممكن اجيب خط تليفون دلوقتى غير مسجل البيانات واتقعد به على اى قهوة بعيد واخش اعمل جريمة
د/احمد محمد حمد:دى مشكلة ثانية دى مشكلة احنا كنا الاول بنستخدم الانترنت من خلال الحاسب الالى او اللاب توب فدى الدولة النهاردة بالتنظيم مع وزارة الاتصالات مفيش خط مباع بدون بيانات كثير بس بيحاول يمنع بتحاول تمنعها فكثير من القضايا بتحرر لاى انسان يبيع خط تليفون .. فا لنهارده التكنولوجى بتاع استخدام التليفون المحمول التواصل مع شبكة الانترنت زادت من الصعوبة انما انا باطمئن حضرتك انه من السهولة الوصول الى مرتكب هذه الجرائم المعلوماتية والادارة المتخصصة فى وزارة الداخلية هنا بعض الجرائم الشديدة قوى بتحتاج لجهد جامد جدا نحتاج فيها ان احنا لابد ان نرجع الى السلفر الاساسى بتاع الداتا بيز اللى متسجل عليها وده المفروض دائما
محمد موافى : طب انا دلوقتى اناعايزاعرف يا استاذ توحيد انا عايزاعرف مين اللى اتكلم باسم المجلس العسكرى مين اللى اتكلم باسم المخابرات العامة المصرية مين اللى دخل فى ترشيحات رئاسة الجمهورية وصوت لمرشح بعينة سيادة اللواء بيتكلم عن لو يعنى فرد داخل مصرى ارتكب ما يسئ او عمل غير مشروع فى الانترنت انما انا دلوقتى باتكلم على منظومة كبيرة على حاجة عابرة للحدود يعنى
د/احمد محمد حمد:هقول لحضرتك على حاجة الصعوبة زادت والتقنية بقت اسهل بمعنى ان سيادة اللوا بيتكلم ان انا ممكن اافش ال IP بتاع الجهاز الوجود فى المنطقة الفلانية عن طريق التتبع بتاعة فى حين دلوقتى ان فى applicationعارفها مجموعة من البرامج متاحة وممكن freeوممكن تنزلها بشكل عادى جدا وسهل يعنى اسمها IP finger دا فى IPfinger وفى هناك mak address finger اللى هو زى IP بتاع الجهازفهو بيتحقق بطريقتين بيتحقق بال IP وبيتحقق بال mak address وبيطابق الاثنين مع بعض والاثنين لو انطبقوا يطلع هوده المساعد بنسبة 100 %
محمد موافى:تمام طيب
د/احمد محمد حمد: طب دلوقتى عندك IP changer و address changer فا انت اى دولة فى العالم تختار العمل بتاع ال IP address changer اللى انت بتخش بيها عندك
محمد موافى:سؤالى لسيادة اللواء ان من الصعب الوصول دلوقتى حضرتك بتخلينى اقول هل مستحيل الوصول لمرتكب الجريمة
د/احمد محمد حمد:ماهى دى حقيقة فى بعض الحقائق هو بيختار الدولة بيخش يختار الدولة اللى عليها يستخدم ال IP ويقوم ظابط ال IP على الدولة لما يجى يعمل communicate مع الserver
محمد موافى:مع الجهاز
د/احمد محمد حمد: اللى على الserver معانا فى مصراللى دايما الجهاز بتاعة من داخل مصر وهما لما تتبعوه يلقطوا الreadبتاع IP اللى هما من مصر لكن هما مش من مصر
محمد موافى : تمام
د/احمد محمد حمد:بعد الثورة مصر معرضة كاى دولة بتمر بالظروف اللى هى تمربه لعدة مخاطر بيتربص بيها المتربصون سواءا من الداخل او من الخارج ومعاهم مجموعة من المخابرات التى لها اهداف
محمد موافى:يبقى السؤال بقى يا دكتور هل التوصل لاى من مرتكب هذه الجرائم بيتحدث باسم المخابرات اللى نشر وثائق غير الوثائق المقربة من امن الدولة واللى عليها الشعار بتاع امن الدولة احنا بنتكلم عن جرائم تاريخية خطيرة يعنى هل تم التوصل لحد منهم ؟
د/احمد محمد حمد:هو الشغل اكيد شوف هقول لحضرتك على حاجة كل الجهات التى تعمل فى مصر جهات حكو مية كل انسان بيقدم شغلة بكل وطنية وبكل اخلاص لكن لصعوبة الجريمة ربما بتاخذ وقت فى جريمة مثلا مشهورة كانت موجوده عند الدول اللى ليهم كروت ذكية اللى هما مجموعة كبيرة جدا والحمد لله ان هما ضبطوهم اخذت وقت منهم كبير
محمد موافى:الدنيا غير الدنيا دلوقتى
د/احمد محمد حمد:الدنيا دلوقتى صعبة جدا احنا حالة تشبة حالة الحرب الباردة
محمد موافى:دكتور ايه اشهر الجرائم اللى حضرتك رصدها كخبير برضه فى مجال المعلومات فى الفترة الاخيرة شفنا انها فعلا خطيرة بتهدد الامن القومى
د/احمد محمد حمد:كل الحاجات صراحة اللى حضرتك ذكرتها كلنا حاسين بيها البيانات اللى بتطلع من وقت الى الثانى التشكيك فى كل الاحصائيات اللى بتطلع كل الاحصائيات دى هدفها بلبلة الراى العام هدفها عدم المصداقية فى القيادات الموجودة فى المؤسسات الموجودة وده واضح من اللى هما بيلجاوا لهذه الاحداث المشكلة ان احنا فى عصرتقنية جديدة ومتطورة دائما
محمد موافى:قابلة الى التلقى
د/احمد محمد حمد:مش بالضبط يعنى
محمد موافى : اه بنجرى وراءها
د/احمد محمد حمد:لألأ مش بالضبط التلقى على طول فى اتجاهات كثيرة فى الابحاث اللى هو لتامين شبكة المعلومات ودى مجالها واسع جدا وفيها ابداعات صراحة لمصريين عايشين فى مصر هنا معانا عندى اولاد هما اتعينوافى ال facebookنتيجة ان هما عندهم خبرة تقنية فى البرمجة وعملوا interview على النت واتقابل وراح سافرواشتغل فالتقينة بتاعت الحاسبات اطمن مهياش لونها محبوب عن المجتمع المصرى بالعكس كل التقنيات الحديثة سواء فى البرمجة او فى
محمد موافى : لكن بالرغم من ده كلة بيتم اختراقنا
د/احمد محمد حمد:هى دى الحرب الموجودة فعلا ان احنا مشاكل الفيروسات ومشاكل كل حاجة كل ما يطلع جديد كل ما يطلع عشان تكتشفة حرب مش هتنتهى هتستمر بس احنا بنطور التقنية اللى نقدر اننا على قدركافى الامان فيها المشكلة مش الخطور ساحةالتامين التامين ده تقنية المشكلة اننا احنالية خايفين من نشر الحاجات
محمد موافى: لأ احنا خايفيين من نشر حاجات كاذبة
د/احمد محمد حمد:الكاذبة
محمد موافى:او فى نشر اشياء يعنى ليس من المقبول او من العقول
د/احمد محمد حمد:احنا عندنا وعى كامل باذاى الواحد بيعمل صفحة على الانترنت وازاى الشباب يعرفوا كل الشباب عارفين لكن المشكلة فى اللى مش عارفين ينشأوا
محمد موافى:معانا اتصال من أ/ رفعت عمر من اسيوط استاذ رفعت اتفضل
رفعت عمر:ايوا سلاموا عليكوا
محمد موافى : وعليكم السلام
رفعت عمر:انا برحب بسيادتك وبالسادة الحضور وفى سؤال للسيد اللواء محمود بقول هل هناك قانون يحكم الجرائم التى تحدث من استخدام فى قانون حضرتكم يحمى من استخدام
محمد موافى:لأ فى قوانين يا افندم
رفعت عمر:ايوا ما انا عارف سعدتك ايه وايه سيادة اللواء
محمد موافى:شكرا لاتصالك طب سيادة اللواء استاذ رفعت بيسال عن المواد بتاعت القوانين اللى بتجرم خلينا نطور المسالة مع تطور هذه القوانين مع تطور هذه التقنية
د/احمد محمد حمد:بلا شك زى ما الدكتور تفضل العملية ان احنامواكبين لاحدث تكنولوجيا العصر لمواجهة هذه الجرائم وطالما بنواجهها لابد من قانون لمواجهة التجريم احنا عندنا قانون العقوبات العام فى بعض كثير من المواد القانونية بتعتة بتجرم افعال سب وقذف وتشهير فى قانون للاتصالات هذا القانون هو منظم لاستخدام شبكات المعلومات والاتصالات وبيحرم ويجرم اى اساءة استخدادم لهذه الشات او استخدامها بدون ترخيص .. فى قانون حماية حقوق الملكية الفكرية حماية حقوق الملكية الفكرية دى ودى من ضمن الحقوق اللى حقوق المؤلف المقرؤة والمرئية ودى طاردة للاستثمار فى مصر وبالتالى هذا القانون حماية حقوق الملكية الفكرية بيحمى المبدع والمخلق من التعاتب فى قانون التوقيع القانون ده صدر سنة 2004 هذا القانون انشأ هيئة خاصة اسمها هيئة صناعة تكنولوجيا المعلومات فيها قسم خاص لمكافحة جرائم
محمد موافى:احنا متطورين فيها لمواكبةالمسألة دى
د/احمد محمد حمد:وعاوز اطمنك فى حتة ان النهاردة بيجرى الاعداد لصياغة الشكل النهائى لمشروع الجريمة المعلوماتية والتامين الالكترونى وده وزارة الاتصالات
محمد موافى:اسمحى انا استاذ توحيد برغم كل هذه القوانين وهذه التامينات لكن انا برضه لسة ما حطتش ايدى على كذا حادث خطير حصل الفترة اللى فاتت يعنى نبدا من وثائق مسربة عليها شعار مباحث امن الدولة الجهاز السابق وبنتكلم يعنى حضرتك هنا حضرتك شفت الحاجات دى وازاى خرجت او مين اللى الفها يعنى
أ/ توحيد : شوف لما فى جهاز مخابرات بيقرر قرار سيادى خاص به انه يهاجم دولة معينة بجانب مصادر الجهاز بتاعة كلها انه يهاجم الدولة فا بيبقى فى منتهى الصعوبة ان احنا نتوقع ان قانون العقوبات او قانون كذا طبعا مع احترامى للقوانين ان هى هتقدرتواجهة المواجهة ليها مجال ثانى خالص بالنسبة مثلا لموضوع التسريبات اللى حصلت اللى حضرتك ذكرتها بخصوص الفنانة سعاد حسنى صدرت عدة وثائق على الانترنت او كانت وثيقة فى كذا صفحة كانت بتقول ان جهاز مباحث امن الدولة هو الذى قام باغتيال سعاد حسنى بتكليف من شخصيات حزبية تتواجد حاليا فى سجن طرة وشارح فى قلب الخطاب الخطابات عليها شعارامن الدولة واسم امن الدولة عليها توقيع وعليها ختم يعنى ظاهريا تقدر تشوفها وممكن تنخدع بيها لكن عند الفحص عند الفحص بتعها تبين انها لاتمت لجهاز امن الدولة لا من قريب ولا من بعيد وثيقة مزورة قلبا وقالبا
محمد موافى : من مين مين اللى زور المسالة
أ/ توحيد :كان فى شاهد مهم قوى فى قلب الوثيقة دى بالذات فى واقعة حصلت قالت ان فلان معين حزبى كبير صور فيلم معين للراحلة مع شخصية أسيوية رئاسية وحاولوا ان هما يجندوها من هنا اكتشف التزوير الواقعة دى لا تمط لمصر باى صلة الواقعة مذكورة فى كتاب اسمة جواسيس غيرمكتملة الكتاب اسمة مؤلفة اسمة لوسى المن والوثيقة
محمد موافى:وهى اسرائيل مصلحة اسرائيل ان هى تألف على لسان جهاز امن الدولة ان هما اختالوا سعاد حسنى يعنى ايه اللى هيستفيدوا به
أ/ توحيد:تمشيا مع روح الفترة فى حزازيات الموضوع واضح فا احنا نزود نعمل ايه فنانة محبوبة ليها ملايين من المحبين لو الملايين دى كمان زودنا عندها والجهاز ده كمان قتل الست اللى بيحبوها دى طبعا اكيد ان هيبقى فى رد فعل
محمد موافى : معانا اتصال معانا أستاذ عبد اللطيف احمد من الجيزة اساذ عبد اللطيف اتفضل
أ/ عبد اللطيف : اهلا بيك
محمد موافى:اهلا بحضرتك اتفضل
أ/ عبد اللطيف :السلام عليكم
محمد موافى : وعليكم السلام
أ/ عبد اللطيف: باحييى ضيوفك كلهم الكرام وسؤالى موجه لسيادة اللواء
محمد موافى : كان نفسنا نسمع السؤال لكن الاتصال انقطع شكرا جزيلا
أ/ توحيد: اطمنك لحتة
محمد موافى:اتفضل
أ/ توحيد:اطمنك لحتة مهمة استحالة نصل لمرتكب الجريمة اللى هو مزور اللوجوبتاع القوات المسلحة والمجلس الاعلى على ا لفيس بوك عايز اقول الجريمة المعلوماتية الجريمة على الانترنت جريمة عالمية ما تقتطعش لجهود الدولة ذاتها لابد من تعاون الدولة
اللى هما ال admenstrator كلها بتاع ال serverال هما ال server بتعهم برة فى الخارج لما احنا كنا بنتصل بيهم وبنحتاج ايضا ان هو يحدده لنا فكان لازم اجراء قانون ورقم قضية ومخاطبة اللى هو الادعاء القضائى وبعض اجراءات القانون هما بيفرضوها عشان خاطر نشوفهم ونكلمهم هل الفعل ده يشكل جريمة من عدمة
محمد موافى : وبالتالى يبدأوا يتعاونوا فى البحث
أ/ توحيد: بيتعاونوا بشرط ان شكل الجريمة عندهم برضه لان الحرية عندنا غير الحرية عندهم
محمد موافى: هو عموما المشكلة دلوقتى اكبر يا دكتور يعنى المسالة بقت عندهم برة اسهل انما برضه احنا لحد دلوقتى لم نتوصل الى اى من مرتكب هذه الجرائم ادى امثلة عايز من حضرتك امثلة بالجرائم المذكورة مؤخرا ومن مرتكبها
أ/ توحيد:لأ مرتكبها دى لسة
محمد موافى : عموما
أ/ توحيد: فى شبهات كثيرة على كل اللى عايزين يعملوا احداث بلبلة بين الناس فى الوقت ده بالذات يعنى الوثائق دى متعملتش فى اول جلسة بعد فترة بعد ما الامور ابتدت تستقر نوعا ما ابتدى لازم ما يكونش فى نوع تانى من الامور باى طريقة اخرى هدفة واضح هدف البلبلة هدفة الاشاعات تسليم اشاعات وعدم الاستقرار الحاجات دى على فكرة تخلينا واقعيين هل فى الازمنه قبل الانترنت مكنش فى اشاعات
محمد موافى : كان فى اشاعات
أ/ توحيد:فى اشاعات كنا بنحاربها ازاى
محمد موافى : كنا بنقبض ونافش والكلام ده كلة
أ/ توحيد:لألأ مش بيجيب نتيجة بنزودها اكثرلكن لما تصارح الناس بالحقيقة زى ما سياتك كده انا مش خايف من الاشاعات لكن اى اشاعة تيجى مين المسئول جهازالمخابرات اول ما عرف ان فى حاجة لازم يبدى
محمد موافى : ما هو انا
أ/ توحيد:اى واحد عمل اشاعة يبقى المفروض فى واحد فى هدف محصور وبلبلة وادامة حقيقة واضحة وفى الحالة دى قبل نشرها بموت سعاد حسنى , كل ده بيتناقلة الناس وبيتكلموا وبيبرروا باسهاب القصة دى الرد عليها ايه اللى عنده الحقيقة بيقولها اللى معندوش الحقيقة
محمد موافى:ماهو اللى عندة الحقيقة او اللى عارف الحقيقة اى ان كان برة مصر او جوا مصر ما يقدرش يقول
أ/ توحيد:يبقى ما بنلتفتش للاشاعات لم تؤثر ى شئ لا ننتفى بيها احنا نوعى الشباب بتعنا لانه ضايع دلوقتى الشباب اللى ضايع مع الاشاعات والفتن والحاجات دى لازم يبقى عندة قدر من الوعى القدر من ا لوعى
ده مش هيجى ان احنا نعمل جهاز واحد ده لازم ثقافة موجودة عندنا المصريين يعنى نقول الحقيقة لو زى الفترة اللى فاتت خايفين نتكلم دلوقتى ايه اللى انت خايف منه منتش خايف حاجة كل حد عنده مشكلة حاسس ان فى حاجة غلط قول الحق
محمد موافى:ماهو ده اللى بيحصل دلوقتى ما هو انا الفضاء الفسيح على النت هوده اللى بيحصل دلوقتى استاذ توحيد يعنى دلوقتى الجرائم الكثيرة اللى بقت فى الانترنت والاشاعات اللى خرجت خلينا نتكلم بشكل مباشر فى اسرائيل وانت مطلع على المسالة دى هل اسرائيل ضالعة ضليعة فى عمل كده فى حاجات كثير
أ/ توحيد:هقولك على حاجة كانوا زمان كانوا بيقولوا الاعلام بتعنا مسيطر عليه امنيا طيب احنا موافقين انه كان مسيطرعليه امنيا احنا عايزين نقول مثلا ان احنا بنتكلم عن الاعلام فى اسرائيل عن الاعلام فى اسرائيل مش بس مسيطر عليه امنيا ده موجه موجه يعنى ايه بمعنى لواحنا مثلا قلت اتكلمنا عن اكبر اعلاميين اسرائيليين
محمد موافى : ماهى دى الطبيعة دى دى حاجة هما ما يعنى ما نلومهمش عليها دى دولة امنية يعنى اه
أ/ احمد:انا باقول لحضرتك لو بنتكلم على اكبر اعلاميين اسرائيليين يقولة الاعلام فى التليفزيون الاسرائيلى مش هنلاقية زى حضرتك مواطن عادى تدرج فى الوظائف الى ان طلع الى مقدم برامج اومذيع لكن احنا امام منظومة ضباط ومخابرات بيقودوا منظومة بيقودوا منظومة اعلامية بيوجهوا رسائل معينة عند اللزوم توصل لك مباشرتا بالطريقة اللى هما يردونها لما حبوا مثلا رأوا ان مصر دخلت وبقى فى تعدد وبقى فى مرشحين وبقى فى كذا مرشح فحبوا قالوا طيب احنا دلوقتى مصلحتنامع مين مصلحتنا مع فلان طيب ازاى ناثر على الراى العام فى مصر نعمل شائعة ان فلان ده حصل على اكبر نسبة من التصويتات ابتدوا يلعبوا بالIP وصلوا لل servrالمصرى كل الكلام ده على فكرة يوائم
محمد موافى : انت جايب لنا صور مع حضرتك
أ/ احمد:لا تلام عليه مثلا صفحة المجلس الاعلى للقوات المسلحة لان صفحةالمجلس الاعلى مجرد عملة لك
محمد موافى : طب خلينا مين الاخ
أ/ احمد : الاخ اسمة ايلى ابى دار – ده ايهود يعرى من اكبر المذيعين الاسرائيليين
محمد موافى : معروف
أ/ احمد:وضابط فى المخابرات الاسرائيلية
محمد موافى:وعمل طبعا مع شخصيات مهمة
أ/ احمد:مع رئيس الجمهورية وكان صديقة الشخصى وكابى سوكنك قائد فى المجموعة 13 كوماندوز بحرى اسرائيلى
محمد موافى:مذيع
أ/ احمد : اه مذيع
محمد موافى:مفروض احناناخذ فرقات صاعقة
أ/ احمد : هه انا باكلمك من ال CVالوثائق جابى سكنك اللى كان قبل دوت شارك فى قتل اسلاميين السودان عن طريق زوارق حربية نزلت ونزلت من كام سنة شارك فى عملية خطف يهود الفلاشا ده رونى دنيال المتخصصة فى الشئون الامنية أستاذ معانا برضه
محمد موافى : يعنى الاعلام دلوقتى فى الوجه الاكبرعنده هى الانترنت لا ينفصل عن الامن
أ/ احمد : هما دول الاعلام الاسرائيلى
محمد موافى : تمام سيادة اللواء تابعتوا الحاجات دى
أ/ احمد : هقول لحضرتك حاجة
محمد موافى :اتفضل
أ/ احمد : ان الهكرز الاسرائيلى من اعتى الهكرز فى العالم بصرف النظر عن الى قالة أستاذ توحيد بل الاعلاميين فى مجال الاعلام وموجهين بالفعل .. انما على مستوى السكيورتى بورماشن
محمد موافى:امن المعلومات الهكرز الاسرائيليين والروس دول من اوائل الهكرز على مستوى العالم كلة يملكوا من المهارات اللى تمكنهم من اختراق كثير من ال servers وشبكات المناطق الصعبة .. وهم يعملوا فى جميع شركات الانترنت على مستوى العالم كلة وزى ما حضرتك تعلم تماما ان اليهود متوغلين فى العالم كلة فى امريكا والمانيا وهولندا وما الى ذلك وبالتالى هما متمكنين تماما ونقطة بقولها ان احنا user حضرتك تفضلت
محمد موافى:انا شايف ان احنا بنتابع او بنتلقى لكن برضه اشيرللدكتورمحمد مهما حددت من قوانين ومن اجراءات امنية الوعى الوعى مهم جدا هو خط الدفاع الاول لحماية المجتمع لان احنا دلوقتى عفوا ملناش بلطجة الكترونية
أ/ احمد:تفتكر هل لما كنت شغال حضرتك فى مجال شغل تنفيذ امن يعنى هل كان فى قضايا كان فيها ضالع فيها جهات اجنبية انت وصلت لها وتم حجبها وتم عدم الافصاح عنها او عدم الاعلان عنها محمد موافى : بامر سيادى
أ/ احمد:لآ اطلاقا احنا نعمل ساعة ما كنت ماسك الادارة كانت كل القضايا زى أ/ توحيد قال الجانب الامريكى وسيلة كروت الائتمان وضيطنا والبعض حاول انه يسايس القضية ان هما يعنى علشان امريكا ومش امريكا ما احنا زى ما تفضل قال احنا بنعتمد على IPمعين بنقدر نصل ليهم ونحددهم بما يسمى بالديجتال اديمنز او الدليل الرقمى توصلنا لهم ولم نتلقى اى حاجة اواى توجية فى هذا الشان
محمد موافى : طب دكتور رسائل كثير الواحد بيفتح الايميل بيلاقى رسالة جاية من واحد من جنوب افريقيا واحد من نيجيريا يقولى انا كنت باشتغل فى بنك وكنت فية 30 سنة ودلوقتى انا باتقاعد وفى وديعة مش عارفين صاحبها هبعثها باسمك بس ابعث لى يعنى القصة دى مع انتشارها انما ناس لحد النهاردة وشخصيات متعلمة ومثقفة بيتضحك عليها وبتدفع فلوس
أ/ توحيد : هههههه يعنى حضرتك بتقول وصلت لكل الناس تقريبا مفيش حد ما وصلتلوش ومع ذلك
محمد موافى : يعنى الامية التعليمية غير الانترنت
أ/ توحيد : فى طبعا نوع من اولا لما تفتحت facebookدلوقتى فى طبعا فى برامج فيروسات بتتحط جوا الفيس بوك جوا الصفحات اللى انت بتحطها جوا اى دى وبتحطة تيجى دلوقتى فى اتجاهات جديدة بتعمل حاجة لازم اللى بيستخدم الفيس بوك وبيستخدم الايميل مادام وصلت للتكنولوجى افهم ا ب بتعتها افهم دى مين اللى عملها افهم يعنى ايه ميل بيجى لك واحد بيرسلة منين افهم لكلام ده اتحقق وبيجلنا الحاجات دى كثير اللى فاهم طبيعة انشاء الحاجات دى انا بيجيلى الحاجات دى على طول انتهت
محمد موافى:هو بيعملها
أ/ توحيد:انتهت خلاص انتهت باضحك طبعا لانه مصر يبعت هههه وادى النتيجة وبعدين فى حاجات بتعلمها بلوك لو انت عارف دايما بيجى لك المصدر فالحاجات مادام هتستخدم .. متقولش استخدمها وانا من بعيد باتفرج اقرأ واطلع
محمد موافى:طب انا يا استاذ توحيد انا لما باخش اعمل ميل ليا جديد او اعمل صفحةعلى الفيس بوك وعلى جوجال بلاس او اى حاجة بيطلب منى بيانات ومعلومات هل البيانات والمعلومات اللى اناباحطها دى وغالبا باكون صادق فيها يعنى ممكن توصل لاسرائيل جهات امريكا
أ/ توحيد:شوف اناهقول لحضرتك على حاجة يعنى الحكاية الموضوع مش عاوزين نتناولة بموضوع المؤامرة الاسرائيلية لأ هنا فى مؤامرة على مصر من عدة دول لما فيهم اسرائيل بالنسبة للفيس بوك فى مشكلة ان انت ممكن تخش باى ايميل باى اسم منتحل باى صورة باى حاجة بالبيانات تفتح صفحة فى واقعة بالتحديد انا ضبطها ووثقتها الصفحة بتاعت الوزير الهارب رشيد محمد رشيد على الانترنت فى صفحة لرشيد محمد رشيد لما تخش الصفحة تجدها ان هو فيها انجازاتة بيحاول ان هو يدافع فيها عن سمعتة بيحاول ان يجتذب اكبر قدر الفوز
محمد موافى : طب ايه المزور اللى فيها
أ/ توحيد:هقول لحضرتك على حاجة
محمد موافى:ممكن يبقى حد من المقربين لرشيد هو اللى عملها يعنى
أ/ توحيد:الصفحة لا تمت لرشيد محمد رشيد بصلة رشيد محمد رشيد بقالة حوالى 3 شهور اربع شهور خايف يتكلم حتى فى التليفون ما بيشلش تليفون محمول معاه وانا حيران وراه فى الدول يعنى بامس التريس بتاعة بصعوبة شديدة من 4 شهور توقف تماما عن التعامل مع اى جهاز الكترونى الصفحة لاتمت شوف حضرتك الصفحة تلاقية بيبث اللى هوعايزة بيتفاعل مع الناس الناس بيردوا عليه ده بيشتم ده ده مش عارف بيرفع ايه ده بيقولة لوانت راجل سلم نفسك اه اه اه اه انا كتبت للصفحة قلت لها انا صحفى اسمى فلان
محمد موافى:اهوزى ما باقول لحضرتك ممكن حضرتك تودى الصفحة للكاميرا كده ماهو ممكن الصفحة دى مش رشيد محمد رشيد عملها حد واقع فيها مش مزورين
أ/ توحيد:قالت لى اللى ماسكة الصفحة اسمها صفاء البنا انا عندى التوثيق بتاع دوت والتوثيق موجود على الايميل بتاعى ممكن سيادتك تديهم لهم يتحققوا منه قالت لى انا اسمى صفاء البنا الدكتور رشيد انا ما اعرفوش وهو ملوش علاقة بالصفحة دى خالص بس حضرتك لو عايز تسال عن اى حاجة
محمد موافى : قصدى اقول يا سيادة اللواء ان يعنى الصفحة دى بالتالى لا تعتبر مزورة صفحة بتدافع عن حد يعنى
أ/ توحيد:مضبوط
محمد موافى:عندنا صفحات كثير ضد الرئيس السابق او مع الرئيس السابق ضد الثوار او مع الثوار ضد الثورة اومع الثورة يعنى دى حاجة مش مزورة امتى تبقى مزورة يعنى انت اعتبرها غير شرعية
أ/ توحيد:هقول لحضرتك حاجة
محمد موافى:نعم
أ/ توحيد:تعتبر غير شرعية لوانا ادامى الشخص الاصلى انه له صفحة معينة وكانت بتجلنا بلاغات كثير بعض الفنانين بعض ال vipيقولوا
محمد موافى : فى اغنية لاحمد مكى لسة عامل اغنية عايز صفحة مش بتعتى
أ/ توحيد:ههههه بيجى بيقدم بلاغ والله ان فى صفحة كيت موجودة باسمة بتقول كلام نقلا عنى مش موجود كل واحد النهاردة فى امكانياتة زى ما حكيت فى الاول انت ممكن تنشئ صفحة باسم رشيد محمد رشيد وتأخذ صورتة الموجودة فى التليفزيون تحطها وتقول ده رشيد محمد رشيد وتعمل conversation وتعمل شات على انك رشيد محمد رشيد ما تقدرش تثبت ان دى مزورة من عدمها الا لوالشخص الاصلى صاحب الصفحة دى قدموا بلاغ دى مش صفحتى فا لنهاردة توحيد بيه مع احترامى بعث ايميل اللى ردت عليه واحدة دى مش ال addmensitratorsمش الادمن وما يقدرش يتحقق ان دى
أ/ احمد:هقول لحضرتك على حاجة التحقق سهل قوى يا سيادة اللواء انت ادمن لأ ادمن انت حضرتك بتبعث انا بعثت لها مش كتبت لها على الصفحة انا كتبت لها الnotes اللى بتروح لك انت ال notes الدكتورفاهم ال notes اللى هى بتروح لل اه addmentمش بتروح لل adments ده لأ دى بتروح للadment او مش بتروح للزوار للvisitors لأ دى بتروح للaddment فهى قالت لى هى لما كانت بالعربى قالت هى addment
أ/ احمد:هى كان فى حدث صحفى على الفيس بوك وكان فى 500 واحد addment حتى الصفحة بعض الاسماء الشهيرة فى الثورة فىناس بيدعو ان هو admen ولأ معملش صفحة حتى
أ/ احمد: قضايا كثير
أ/ توحيد:اه انا ادامى شات ففيها خلاف تكنولوجى جامد جدا ان ممكن واحد
محمد موافى:مكافحة الادمان مكافحة الادمن بقى دلوقتى
أ/ توحيد:بالضبط بالضبط
محمد موافى:استاذن حضرتك بس معانا اتصال معانا استاذ عباس من القاهرة ازى حضرتك
أ/ عباس : يا استاذ محمد
محمد موافى:اتفضل يا افندم
أ/ عباس:انا دلوقتى الحلقة انا دلوقتى جت لى رسالة على تليفونى اتصل برقم كذا طب اعمل ايه
محمد موافى:يعنى وفر حق المكالمة انا ده رايى بس اسمع راى سيادة اللواء محمود رفيق اللواء محمود رفيق : انا هقول لحضرتكبالضبط
محمد موافى : الاختيا رصعب
اللواء/ محمود رفيق : ده مستجد على المجتمع المصرى نتيجة التوسع فى استخدام تكنولوجيا التليفون المحمول بيستهدفوا مصر زى ما حضرتك بتقول تخريب اقتصاد مصر فبتجيلك رسايل باستغلال حالة المعاملة الاقتصادية مع بعض افراد الشعب المصرى بيبعتوا والله على التليفون انت كسبت 500000 دولار وبرجاء الاتصال خد ايميل ورقم تليفون وانس ان هو اتصل برقم التليفون ده اللى هو برة دفع فلوس فده جزء بتاخذة الشركة انا باديها والراجل ده بياخذ جزء منه وبعد التليفون يقوم يدى له ايميل يبعث له ايميل وبعدين يبتدى يكلمة والله احناناس ليك مكافاة اد كده بس هوصلها لك ازاى انا باقول ده عشان ما يتصلش بالموضوع ده هنوصلها لك ازاى تحب تاخذهم كاش دليفرى يعنى على طول كده والا نبعثهم لك فى الشحن الراجل يقول طب خلاص ابعثهم لى فى الشحن يبتدى يتصل به بعد كدهكل ده على ايميل احناخلاص هنبعثهم لك فى الشحن ولكن انت الميدل ايست الميدل ايست ده اللى هو فى الشرق الاوسط معروف انه فى ارهاب وفى شوية مشاكل كده احنا هنقوم لك محامى هنا المحامى هنايرفع لك قضية وببياناتك اللى انت هتديها لنا هتثبت ان انت ليس لك علاقة بالارهاب ولابالاجرام بس الفيس بتاع المحامى ده 50 دولار
محمد موافى : هما ما يعرفوش ان احنا بلد كل مولد كان فية اللعب بالثلاث ورقات
اللواء/ محمود رفيق:بالضبط ههههههههههههه ويفضل بقى معاه لدرجة فى احدى الحالات ان هما صوروا له ان هما بيشحنوا له وشحنوه فعلا وقالوا هتقابل الراجل بس الراجل قابلة فى احدى الدول الافريقية يعنى بدون ذكر اسمها ضليعة فى هذا الموضوع ويقابلة ةفى ميداهن من الميادين ويقولة دقيقة واحدة انا داخل بس عشان ااخذ ال information من السفير يدخل السفارة يدخل عفوا التوليت والا حاجة يعمل اى حاجة هو من نفس الجنسية يقولة خلاص السفيروافق اهم حاجة الفلوس انا مش محتاج حاجةطب ادينى 3000 خذ الخزينة والقصة
محمد موافى:دكتور يعنى انا ازاى اامن اولادى من الانترنت هما لهم غرفة على الفيس بوك بس برضه خايف وقلقان عليهم
أ/ توحيد:طبعا مش ولادنا فى مصر بس ولادنا هنا كلهم الشباب اللى سنة صغير لازم نامنهم التامينات فى برامج اللى انت بتحطها free بتسجل لك كل الدخول والخروج على صفحات الانترنت ممكن تمنع منها بعض
محمد موافى:الثورة قامت بقى مش هقدر اراقبها
أ/ توحيد:لألأ ممكن بيقفل الحاسب ويتصل ببعض المواقع
محمد موافى : انما دخولة
أ/ توحيد:انت بتحط اللستة بتاعتك رائد مواقع او كلمات لان اللى هويخش يدور عليها ففى بعض المرابى سهلة جدا بتقفل الحاسب ما تخليش الابن يخش على المواقع دى فى نصائح كثيرة بقى ما تسبش ا بنك قاعد فى اوضة لواحده طول الليل فى الانترنت متخلى الكمبيوتر بتاعك فى وسط الناس فى وسط الصالة ما تعمل مع ابنك صحوبية خش معاهوتصفح الانترنت وجهة التوجية الصح
محمد موافى : طب سيادة السفير ممكن اعمل كل الدكتور بيقول عليه بس ممكن ابقى فاتح الفيس بوك فاتح اى موقع وفجاةالاقى صورة انامش عايز ابنى يشوفها فجأه يعنى حاجة مش عارف ايه السفير مش طبيعية ههههه لكن الفيس بوك من ساعة الثورة فى مصر تحول بعد الثورة الى وحش رهيب جدا بينهش فى لحم مصر بمعنى لو حضرتك سالت دلوقتى اى مؤسسة وطنية فى مصر حتلاقى انه بعض الاشخاص اعتبارة شر معين فى قلب اللعبة دى مكنش له صفحة بتهددةالمؤسسة هددوها فى كل شئ لورحت مؤسسة الاهرام فى صفحة ضد مؤسسة الاهرام دا انا باتكلم بالنسبة للمدينة بتعتى لو رحت لمؤسسة الاخبار صفحة لمؤسسة الاخبار
اللواء/ محمود الرشيدى: كل مؤسسة
د/احمد محمد حمد: المؤسسات الصحفية دا انا
أ/ توحيد: جماعات
اللواء/ محمود الرشيدى: صفحات حضرتك تهدد العمل اليومى وبتشوهة صورة العاملين بالمؤسسة وبتطلق شائعات
محمد موافى:بس لا تملك ان تمنع تكافح
اللواء/ محمود الرشيدى: دى مشكلة احنا بنناشد وزارة الداخلية زى ما احنا بنناشدهم الاجراءات الامنية العادية يعملوا ايه
محمد موافى:سيادة اللواء
اللواء/ محمود الرشيدى:يعملوا ايه ان هما يوقعوامعاهدات بسرعة مع الجهات اللى هى تابع لها الفيس بوك وتابع لها مواقع التواصل الاجتماعى فى امريكا وفى اوروبا يسارعوا بعقد الاتفاقيات يسارعوا بارسال خطابات التعريف الدولية بينهم وبين بعض علشان يتوصلوا فى النهاية لمنظومة معينة تحمى مصر وتحمى المصريين
محمد موافى : بس هل فى معاهدات وزارة الداخلية ممكن وزارة الداخلية تشترك فيها تمنع الكلام ده سيادة اللواء
اللواء /محمود الرشيدى:انا عندى معاهدات كبيرة معاهدة بودابيست واكثر معاهدة
محمد موافى: طب ليه اساسا هى من زمان
اللواء/ محمود الرشيدى:دى ليها برتوكول معين ونظم معينة المعاهدات دىبتخضع للتقييم والتقييم من وزارة العدل لان ليها حقوق وواجبات هى بيطلب منك معلومات وبياخذ معلومات المهم ان انا عاوز اكمل لك فى نقطة برضه ايه سالتها للدكتور ان انا ازاى اامن ولادى وامن اهلى فى استخدام الفيس بوك احنا اللنهاردة كثيرمن الشركات النهاردة هى اللى عاملة الايسبيس اللى هى الشركات الكبيرة عندك فى حاجة اسمها فاملى نت فاملى نت دوت اللى هو النت اللى بيستخدم داخل الاسرة المصرية بحيث ان انا كاب لينا ليفل معين نقدر نستخدم الانترنت فيه فى مواقع معينة زى ما الدكتور بيحددها فى الاطفال دون سن العاشرة دون سن الخامسة بنحدد المكان له وبتقوم بالحماية هذه الشركات انا برضه عاوز اضيف نقطة مهمة قوى ان مفيش حاجة اسمها امن 100% الامن 100% حتى مع هذه الاجراءات يمكن الاختلاق اللى انابس عاوزاناشد شبابنا ان ساحة الانترنت دلوقتى بتشهد بلطجة نوع من البلطجة لان الكلمة المكتوبة على الانترنت الكثير العامة من الشعب بيقراها بيفتكرها ان دى مصدر رسمى
اللواء/ محمود الرشيدى:حضرتك برضه احد الاشخاص قال ان هو عمل صفحة كانت مسئية للرسول عليه الصلاة والسلام وكانت عملت رد فعل جامد ان ما كانت هتحصل مليونيات ومظاهرات وما ا لى ذلك ده كان بيعملها البلاغ والحمد لله قدرنا ان احنا نصل اليه من خلال تقنيات التتبع واتضح ان الشخص ده واخد وصلة نت من الجار عندهم فا بنبه برضه من ضمن الاجراءات المفروض النت انت مسئول عنه زى الموبايل بتاع حضرتك الموبايل بتاع حضرتك لو اديته مثلا للاستاذ توحيد عفوا ممكن ياخذه ويروح طالب فلان سب وقذف لافلان والموبايل بتاع أستاذ محمود
محمد موافى : خلاص بقى
اللواء/ محمود الرشيدى:انت المسئول انا الانترنت عندى فى بيتى صحبى اوزميلى قاعد معايا بيذاكر راح الشات استخدم الايميل بتاعى او استخدم الكمبيوتر بتاعى
محمد موافى : مشهورة استاذ محمد معان استاذ مايكل فوزىمن القاهرة اتفضل يا استاذ مايكل
مايكل فوزى :الو مساء الخير
محمد موافى : مساء النور اتفضل يا افندم
مايكل فوزى :طبعا فى مواضيع كثيرة حضراتكوا اتكلمتوا فيها بس انا عايز اقول نقطة بالنسبة للرسائل اللى بتيجى على النت بتقول خصوصا انت كسبت 19 مليون انا ست مريضة وفى المستشفى حاجات كده وتبعث لى الاشخاص اللى بيبعتوا الحاجات دى دائما نصيحة يعنى بيبقى بيبعتوها من البريد الايميل الهوت ميل والياهو فى الفكس لو عندى قالت انت كسبت كمبيوتر لازم يكون الميل ده جاى من شركة كمبيوتر دى نصيحة للناس علشان يكشفوا اى حاجة خدعةجاية من اى حد
محمد موافى: دى نقطة مهمة ملهاش علاقة 99 % من الناس هى عندها الايميل
اللواء/محمود الرشيدى: لكن كل مؤسسة ليها الميل سلفربتعها وليها وضاح هوبيشتغل فين الextantion فده تثق فية الميل اريح ميل زى الهوت ميل زى الفرى
د/احمد محمد حمد : برضه حضرتك احنا
محمد موافى: شكرا مايكل شكرا
د/احمد محمد حمد:احنا حضرت مش بنقوم بمهاجمة الفيس بوك او بننادى بقطع الفيس لألأ خالص احنا بننادى بانقاذ المواطن
محمد موافى:احنا لونادينا بمقاطعة الفيس بوك يعنى بنقول يالا يا ناس على الفيس بوك
د/احمد محمد حمد:لألأ اللى عنده فى فرق بين الحرية وفى فرق بين
اللواء/ محمود الرشيدى:لفوضى وفرق بين اثارة الشائعات احنا بنواجة اثارة الشائعات اللى بتهدد امن المواطن على المستوى الشخصى امن اسرتة امن مجتمعة تكبر تكبر تهدد الدولة زى ما احنا شايفين وبعدين ما بقاش فى حدود الحدود بعد الثورة سقطت لدرجة ان فى ناس بقت خلاص فانتزيا نهاجم الجيش عادى ننشئ موقع للمخابرات والمخابرات يعنى هذا الصرح يعنى بصراحة يعنى قبل الثورة بعد الثورة اصبح الناس بتعمل اللى هى عايزاه لدرجة انه انشاؤا له صفحة وما كان منهم الا ان اصدروا من حوالى اسبوعين بيان قالوا احنا لا عندنا صفحة ولا عندنا ولا بصدد ان احناصفحة وخلوا بالكوا من الصفحة دى فا واحنا بنتكلم عن الصعوبه فا احنا
محمد موافى:فى ا سرائيل حضرتك جبت لنا كليب او فيلم صغير قوى معلوماتى من داخل اسرائيل هنشوفة واسمع تعليق حضرتك واسمع تعليقاتكم على الفيلم
د/احمد محمد حمد:الشائعات التى تصدرخلال التجمعات الفئوية برضه شئ ضار لازم الموضوع ده يقل ولازم ناخذ بلنا ولازم ما نهاجمش السلطات لان هى فى وضع
محمد موافى:مش بنعمل ده علشان ندافع عن الشرطة
د/احمد محمد حمد:لأ نهائى
محمد موافى :اوعن اى مواطن
د/احمد محمد حمد:انا انفى صلتى
محمد موافى:ده يا دكتورمنشورعلى الانترنت لو يعنى ده فيلم صغير استاذ توحيد توصل له قد يكون بصعوبة قد يكون بالصدفة انما حجم الافلام والكليبات اللى معمولة عندنا عن حاجات قد تثير الناس كان ضخم جدا دور الانتر نت
د/احمد محمد حمد:دور الانتر نت زى ما هى بنناقش دلوقتى المساؤى بتعتها ومشاكلها فى الاشاعات ليها ميزات كثيرة فا دلوقتى هل من الممكن يكشف الحقيقة واصبح الاعلام دلوقتى مفهوش تكتيم الحقيقة معلنة لكل الناس اى واحد التكنولوجيا دى الحمد لله عندنا الواحد بياخذ اللقطة على طول فى خلال ثوانى تكون محطوطةعلى السايت بتاعة اوعلى اليو تيوب اوعلى الفيس بوك كل دى ميزه من ميزات الانترنت عايشين فيها محدش هيضحك علينا اللى عنده خبر صادق ينشرة
محمد موافى : طب هل فى طريقة ثانية للمواجهة اوسلطة معينى تواجة يعنى انا هقول لحضرتك مثل قبل الثورة هنا فى التليفزيون المصرى من قيادات اعلامية كانت رفيعة المستوى جدا كان مشهور لوكتبت جمال مبارك اليو تيوب يظهر لك كليبات سخرية او كليبات بتتريق او مواقف مسيئة لى فكان الاوامر من القيادات هنا انا شاهد على الكلام ده ان كليبات كثير كويسة لجمال مبارك كويس بحيث وتنزل
اللواء/ محمود الرشيدى: لألأ
محمد موافى:طب لية هنا ما بيتعملش ده دلوقتى يعنى مقابل كل حاجة سيئة مقابل كل اشاعة الدولة تعمل بقى حاجات كثير يعنى
اللواء/ محمود الرشيدى:المطلوب صراحة مش من الدولة لوحدها الاعلام نمرة واحد انا فى الجامعة عندنا لما الطلبة بيهاجموا بعض بينشؤا موقع خاص بالجامعة ردا على الافتراءات الموجودة قولوا الحقيقة بسرعة
محمد موافى:تمام
اللواء/ محمود الرشيدى:ما تستنوش
محمد موافى:طب هنا فى سؤال تانى سياتك هو هل دم الاتصالات دم شبكة الانترنت تائهة ما بين وزارة الاعلام ووزارة الاتصلات فى مصر يعنى المسالة تيهه يعنى مش عارفين هو ابن مين الشرعى
اللواء/ محمود الرشيدى:مين هو اين مين؟
محمد موافى:الانترنت نفسة يعنى المسئول او اللى ممكن يراقب او اللى ممكن يتابع
اللواء/ محمود الرشيدى:هقول لحضرتك حاجة ليس هناك مراقب لشبكة الانترنت ولا يمكن ان تراقب شبكة الانترنت ولم يكن فى يوم ما داخل جمهورية مصر مراقبة لشبكة الانترنت
محمد موافى : قصدى المسئول عن مواجهة بعض الاكاذيب على شبكة الانتر نت
اللواء/ محمود الرشيدى:المسئول زى ما قلت لك الدولة لابد ليها بعض الاجراءات وزارة الداخلية تمام وزارة الاتصال باعتبار ان احنا بنتكلم على تكنولوجى تمام وزارة الخارجية على كل اجهزة ومؤسسات الدولة بلا استثناء لان الانترنت ده فية عامل شائع وcommon فى كل حاجة بنعتمد عليه اعتماد كامل فى كل حاجة وبالتالى المسئولية هنا مسئولية الوعى مسئولية المواطن نمرة واحد ابدا بنفسى لابد ان استخدمة استخدام امن يعنى انا عاوز اقولك بعد ثورة يناير العظيمة اخر احصائية ان اكثر من 3 مليون كليب نزلوا على اليو تيوت حضرتك قلت عليه دلوقتى
محمد موافى: طبعا
اللواء/ محمود الرشيدى:كل واحد ماشى فى الشارع النهاردة بالموبايل بتاعة صور موضوع معين عمل upload على الموقع الانترنت على موقع اليو تيوب ليستقبل هذه الكليبات بصرف النظر كمان عن كده ان فى بعض الناس بتعمل كليبات وتعمل فيها additing وتعدل فيها وتشوه فيها وتنزلها ملهاش مصداقية
محمد موافى:يعنى باختصار الحالة ان المسالة مش مسالة مواجهة امنية ولا متابعة ولا مراقبة بقدر ما مسالة وعى معلوماتى بالى انا باعملة وفى نفس الوقت وعى قومى
اللواء/ محمود الرشيدى: بالضبط
محمد موافى:للبلد ايه اللى بيبوظ واية اللى ما بيبوظش
اللواء/ محمود الرشيدى: اجراء حاسم لان حكاية ان الاتصالات بين مين ومين ومين ده اساسا بيضيع دم الموضوع احنا عايزين نحصرها فى جهة معينة انت عندك مسئولية ملكيش دعوة بالحرية يعنى وزارة الداخية لا تمس الحرية غير لما يتعرض مواطن لخطر معين هتيلى حقة
محمد موافى:الكاتب الصحفى بمجلة رزو اليوسف شكرا جزيلا اللواء محمود الرشيدى الخبير الامنى للانشاء والمعلومات الدكتور احمد محمد حمدعميد كلية الحاسبات بالجامعة البريطانية شكرا جزيلا وشكرا لكل من ساهم معانا وشكرا للاستاذ مايكل فوزى الى قال نقطة مهمة جدا خاصة بالايميل وشكرا لحضراتكوا ونرجوا ان نكون قد قدمنا بعض النصائح البسيطة والسهلة لانترنت امن ان صح التعبير غدا لقاء اخر فى اتجاهات انتظرونى انا فى اتجاهات يوم الثلاثاء شكرا جزيلا دمتم فى رعاية الله وامنه