اتجاهات

الثلاثاء*27/12/2011
محمد موافى :مشاهدينا سلام من الله ورحمة منه وبركاته فى البداية بنتأسف جدا مشاهدينا الكرام اللى كانوا مستنيين البرنامج والتغطية الخاصة والحلقة الخاصة فى برنامج اتجاهات عن الاحداث الخطيرة التى تشهدها مصر هذه الايام اعتذرلامتدام مسلسل ربما مسلسل اهم مما يدور فى مصر حسب راى البعض اللذين قرروا يعنى ان ياخذوا نحو 10 دقائق من التغطية الخاصة للتليفزيون المصرى لهذه الاحداث ربما هم البعض لا يدرى ان هناك ازمة فى شارع مجلس الشعب تبدا هذه الازمة الى ميدان التحرير ربما لا يدرى ان هناك مظاهرة لفتيات مصريات احتجاجا على تعرية احدى الفتيات المصريات قبل ايام ربما ربما ربما انا اعتذر لحضراتكم ونبدا حلقتنا يعنى تابعنا جميعا على شاشة التليفزيون وعلى صفحات الصحف مشهد الصبية والاطفال وهم يرفعون الايدى بعلامات النصرويقفذون فرحا كلما سمعوا صوت كرات النار وهى تحرق المجمع العلمى المصرى المجمع العلمى المصرى تراث كبير تاتى هذه الحرائق على تراث مصروعلى تراثها الثقافى العلمى مشهد لا يمكن ان تمحوه ذاكرة الايام تساءلنا جميعا ما هى علاقة المجمع العلمى باحداث الاعتصام وعلى من يتصور انهم حققوا انتصار.. راينا رقصات البرابرة فى شوارع القاهرة ما حدث امام مجلس الوزراء وفى شارع قصر العينى لن يكون الاخير مع اننا نتمنى ان يكون الاخير تبدو الاحداث انها فى ازدياد وفى سخونة كلما اقتربت مصر من تحقيق انجاز يقودها نحو الاستقرار تصل لزروتها قبل الانتخابات الرئاسية ورغم محاولات الخلط المتعمد ومحاولات التموية المقصودة هناك فاهم ومحرض وهناك ممولومنفذ هكذا قال بيان المجلس العسكرى هناك اعترافات مباشرة سجلتها لنا اجهزة الامن واذعناها ومن القى القبض عليهم امام جهات التحقيق نحن بدورنا نسالهم لمعرفة من هى الشخصيات الحزبية ماهى الشخصيات البرلمانية السابقة من هم رجال الاعمال من هم النشطاء السياسيون اللذين قلتم انهم متورطون فى التحريض على تلك الاحداث لا نريد اتهامات تلقى جزافا نريد معرفة الحقائق كاملة ليس فقط فى هذه الاحداث الاخيرة لكن ايضا نتائج التحقيقات التى تم اجراؤها على مدى شهور التى اعقبت الثورة ولماذا لم تعلن حتى الان لماذا لم يقل لنا احد من هو اللهو الخفى دعونا نستكمل ابداء الصورة الرائعة والمعبرة بحق عن شعب مصر التى شهدتها المرحلة الاولى والثانية ومن المتوقع ان تشهدها دائرة الاعادة غدا دعونا نعيش من جديد لحظات الفرحة مادمنا قد توافقنا على الاختيار الديمقراطى فلابد من القبول بالنتائج فاى ان كان الفائز فهو مصرى ما حدث فى بلادنا هو ثورة ينتظر المصريون ان تؤتى بثمارها والبسطاء والفقراء لم يتوقفوا طويلا اما م اشكاليات النخبة واختلافات الاحزاب وجداليات الفضائيات ما يحدث الان لا يهدد ثورة مصر فقط يهدد بضياع وكن باكملة القاكم بعد الفاصل
فاصل
محمد موافى :مشاهدينا اهلا بحضراتكوا من جديد فى هذه الحلقة الخاصة من اتجاهات هنتابع فيها الاحداث التى تجرى على ارض مصر الان ارحب بحضراتكوا وارحب بضيوف البرنامج الخبيرالامنى اللواء فاروق المقرحى اهلا وسهلا يا افندم
اللواء/ فاروق المقرحى : اهلا بيك
محمد موافى : والكاتبة الصحفية الاستاذه اميرة ابو الفتوح اهلا بكما بس اسمحوا لى ان نذهب بكما الى ميدان التحرير
أ/أميرة ابو الفتوح : اهلا بيك
محمد موافى :ومعانا عبد الله بركات مراسل التليفزيون المصرى مراسل اخبارمصر من هناك عبد الله ايه اخر تفاصيل المشهد
عبد الله بركات : اخر تفاصيل المشهد المسيرة النسائية مازالت مستمرة تجوب الميدان رافعين احدى الجرائد
الخاصة والتى نشرت صورة احدى السيدات اثناء التظاهرات يقوم الجنود بتعريتها لاثارة المارة يقوم ايضا دروع بشرى حول هؤلاء الفتيات لتامين اى عمليات تحرش بهم وجاب فى الميدان مرتين او ثلاث مرات فى المسيرة منددين بهذه الانتهاكات ومنددين بحكم العسكر ومنددين بان يتم انتهاك فتاة مصرية هى من الفتيات المصريات الاشرف الفتيات ولا يجوزعمل ذلك معهن ولهم حق التظاهر فى المسيرة مازالت هى المستمرة او هى الابرزالحدث الابرزفى ميدان التحريرالى الان مع الهدوء النسبى الموجود فى تقاطع شارعى القصرالعينى مع شارع الشيخ ريحان الجديد منذ اخر مداخلة ان احد الشباب قد ر المتظاهرين اوحث المتظاهرين على انه كا احد من البلطجية عدد من البلطجية وهم وسطهم يحملون اسلحة بيضاء فقال ان على كل متظاهر شريف ومصرى شريف ان يخرج هؤلاء المتظاهرين حتى لا يتم تشوية ثوارة
محمد موافى:انما الامورماشية فى ميدان التحرير يعنى الحركة مستمرة حركة المرور
عبد الله بركات:حركةالمروريعنى ما بين مد وجذر يعنى
محمد موافى:المرورالعادى قصدى
عبد الله بركات:اه اتجة المتظاهرون الى مقدمة الصينية امام عبد المنعم رياض تتوقف حركة المرور تماما ويعدون ثانيا الى مقدمة شارع القصرالعينى وهو ما حادث الان لتعود الحركة المروية كماكانت منذ الصباح حتى يراك لا تحبذ لا تحول فى ميدان التحرير لاى احداث خلال الجديد الذى يمكن ان احدثك عنه ايضا الشئ الذى كان مستمرا منذ الصباح الباكر هو التجمعات التى لا تتفق على شئ تجمعات المواطنين والشباب بين المواطنين والشباب المتظاهرين بنجد كل طرب بيحاول اقناع الطرف الاخر بوجة نظرة عندما يقول الطرف الاخر ان الجيش هو جيش مصرى وجيش وطنى وجيشنا وبالعكس يقول الطرف الاخر المتظاهرين لاثارتة هذا ما فعلة من فتاوى ويقوم بقطع صورة من احدى الجرائد ويقول انهم هم اللذين اعتدوا علينا وانهم هم اللذين سحلونا وهم اللذين قاموا بفض الاعصام بالقوة يعنى هذه امور
محمد موافى:المهم الامورلا تخرج عن الكلام او الجدالات شكرا جزيلا لمراسلنا الموجود الان فى ميدان التحريرعبد الله بركات والصورة امام حضراتكوا يعنى مشاهدينا الكرام ميدان التحرير زمان كان اسمة ميدان الاسماعيليه وخرجت فيه مظاهرت سنة 19 الاحتلال الانجليزى والمظاهرة دى كانت لنساء حافظ ابراهيم الله يرحمة وصف الاوضاع وقال خرج الغوانى يحتججن الغوانى كلمة كويسة مش كلمة وحشة خرج الغوانى يحتتجن ورحت ارقب جمعهن فاذا بهن يتخذن من سود الثياب اعارهن وقعد يوصف المظاهرة الرائعة سنه 19 هذه المظاهرة الان فى ميدان التحرير اللى اتغير اسمة بسبب المظاهرة الاولى يعنى اعتراضا على تعرية احدى الفتيات المصريات لا احد مطلقا يوافق على ذلك ولا يرضى على ذلك لكن ايضا هناك تعليقات كثيرة وملاحظات كثيرة على الاعتصامات وعلى ما جرى سيادة اللواء فاروق المقرحى الخبير الامنى اهلا بحضرتك مرة ثانية
اللوا/ فاروق المقرحى : اهلا بيك
محمد موافى :يعنى احنا شفنا عايز تقول حاجة جديدة
اللواء/ فاروق المقرحى :اه والله بس هو يعنى انا نفسى التليفزيون المصرى يرجع زى التليفزيون المصرى فى الستينيات اللى هو بيحترم الضيوف وبيحترم المواعيد يعنى مفروض برنامج يبدا الساعة 8 يبدا والا نسيب القنوات الخاصة انها ايه لها التزام والتليفزيون المصرى ما يلتزمش ؟ هذا عيب يعنى كان يجب الا يقع فية التليفزيون المصرى ان احنا نفضل مسلسل استكمل على الاحداث الجارية فى البلاد هذا اولا ثانيا انا ما باحبش لفظ الخبيرالامنى ده انا مساعد وزيرداخليه اسبق
محمد موافى :انت حضرتك داخل فينا شمال والا ايه سؤالى من داخل مشهد مشهد الاقتصاد اللى كان هو ثم سحل الفتاة والاعتداءات .. منظرالبرابرة فى شوارع القاهرة اللى بيحرقوا ويرقصوا المشاهد دى والاتهامات اللى الى الان ليست لم يقدم عليها دليل كل ده احنا رايحين على فين ؟
اللواء/ فاروق المقرحى :لأ رايحين على فين احنا رايحين لغاية دلوقتى على المجهول محدش عارف احنارايحين على فين لا الادارة اللى بتحكم ولا مجلس الوزراء هو مش قادر يخش مكانة ولا الناس البسطاء اللى ماشيين فى الشارع دلوقتى احنا بيحكمنا غوغائية الشارع حسب الظروف بنروح يمين ونيجى شمال عايزاسال انا مش عارف سبب الاعتصامات دى ايه وكل الحاجات اجيبت انا عايز ا عرف السبب اللى من اجلة قامت المظاهرات الاخيرة ديت والسبب اللى من اجلة حصل الحريق
محمد موافى:حضرتك معترض على الاعتصام ؟
اللواء/ فاروق المقرحى :ما انا مش فاهم
محمد موافى: والا معترض على اللى تابعة بعد كده
اللواء/ فاروق المقرحى:لأ تابع الاعتصام اولا عندنا دلوقتى فى العالم كله حرية الاعصام وحرية المظاهرة بشرط واحد ان انا استاذن الجهات الامنية وان انا ما اعطلش حركة الشارع ولا حركة المرور ولا مصالح الناس ده اللى بيحصل فى العالم كله من امريكا شمالا الى لندن الى باريس الى اى دولة يحبوا اخواننا اللى همابيقودوا هذا العمل يتمثلوا به انما ان احنا كده نقوم نتظاهر ونسد الشوارع ونسد الميادين ونمنع مصالح الناس انها تتادى وان اللى عايزيروح يجى ونقول ان حق التظاهر.. حق التظاهر حق التظاهرانا معاه حق الاعتصام انا معاه بشرط ان يبقى فى اطار الشرعية وفى اطار القانون
محمد موافى:طب دكتورسيادة اللواء معترض على الاعتصام كاعتصام شايف ان ملوش داعى او ملوش سبب حضرتك معترضة برضه على الاعصام كاعتصام والا على ما تبعة من احداث
اميرة ابوالفتوح :لأ انا الاعتصام كاعتصام ادام مجلس وزراء علشان انا لا انارئيسة
محمد موافى :الاعتراض كان على الدكتوركمال الجنزورى والمطالبة بسرعة المحاكمات
اميرة ابوالفتوح :اقول اساسا احنا مش هندخل رئيس وزراء مصر ان ما يدخلش وبعدين لما حتى بنتناقش معاهم يقولوا احنامش منعينة احنافى المجلس له 8 ابواب واشمعنا الباب ده اللى هوالباب الرئيسى يعنى ياجماعة عايزينة يدخل من البا ب الخلفى هو حرامى ده رئيس وزراء مصر وبعدين انتوا مين علشان تحددوا مش عايزينة مجموعة كانت 200 تقريبا
محمد موافى :الناس دلوقتى بيتفرجوا علينا يقولوا عليا انا ايه مش على حضراتكوا
اميرة ابوالفتوح :ما هو دلوقتى كل واحد طالع يقول الشعب يريد مين ادى لك تفويض تتكلم باسم الشعب دلوقتى الشعب بيريد فى صندوق انتخابات فى انتخابات ماشية ده بقى اللى هيبين الشعب اللى هما ال 85 دول عايزين ايه لكن مش 200 واحد يفرضوا
اللواء/ فاروق المقرحى :فى غموض فى الميدان مش دى الصورة الحقيقية
محمد موافى :ما الصورة مفيهاش مشكله
اللواء/ فاروق المقرحى :كام واحد واقفين
اميرة ابوالفتوح :هقول حاجة
اللواء/ فاروق المقرحى :هل دول العينة تمثل الشعب المصرى
اميرة ابوالفتوح : وبعدين انا عايزة اقول حاجة
محمد موافى :ماهومفيش استطلاع راى
اميرة ابوالفتوح :باقولك يا استاذ محمد
اللواء/ فاروق المقرحى :نعمل استطلاع راى نشوف راى الشعب
اميرة ابوالفتوح : طب انا هقول لك حاجة من غير سيادة المشير فى خطاب له قال ممكن نلجأ للاستفتاء انا باطالبه من هنا من البرنامج يعمل فعلا
محمد موافى :استفتاء على ايه ؟
اميرة ابوالفتوح :على ان المجلس العسكرى يستمر لغاية ما يسلم السلطة وخارطة الطريق هو عملها والشعب معاه فى الخطة دى هما دلوقتى
محمد موافى :ادمنا بس خلينا اروح لسيادة اللواء
اللواء/ فاروق المقرحى :ادمناطريق اما ان ننتظر الفترة الانتقاليه وتسليم السلطة فى 30/6 القادم ام راى اخر يقول التسليم فى 25 يناير الثورة الاول وده الراى اللى بيقولة رموز من اعضاء الشعب المنتخب من الشرعيين الممثلين هتسلم لمين ؟ والرموز دول اللى احنا بنتكلم عليهم 45 واحد دايرين يلفوا على الفضائيات
محمد موافى :ودلوقتى معتصمين
اللواء/ فاروق المقرحى :اه ما انا باقولك 45 اللى همابيلفوا على فضائيات كل يوم دول من الشمال الى الجنوب ومن القناه دى للقناه دى وربنابلانا بعد الثورة بعشرين قناه جديدة قاعدة تهيج فى الراى العام وبسم الله ماشاء الله المجلس العسكرى سايب هذا الموضوع مسالش الناس دى جايبة القنوات دى منين والفلوس بتاعت القنوات دى منين ولا اى حاجة والامور كده ماشية سداح مداح مفيهاش الحزم والربط الذى يجب ان يكون لما اجى اعمل قنا ة قضائية لازم اعرف مصدر الفلوس دى منين هناك اقوال تقول ان الاموال دى غسيل اموال فى ناس بتغسل اموال فى القنوات الفضائية
محمد موافى:انا باكلم مساعد وزير الخارجية السابق فا مينفعش نقول كلام
اللواء/ فاروق المقرحى :ما احناعايزين الدليل الناس الحاكمة يعنى الناس الحاكمة مفروض تطلع علينا تقول ان الناس دى صح وماشية صح انما ما نسبش الامور كده مطلوقة كده هوت الى ماشاء الله دلوقتى اللى واقفين فى الميدان دول لو حاصرناهم يطلعوا كام 1500 اولا هقولك حاجة كلمة مليونية كلمة مجازية ولم يكن فى يوم من الايام ميدان التحرير ياخذ اكثر من 400000
محمد موافى : طب فى 400000 نزلوا
اللواء/ فاروق المقرحى:ده لما انما نقول مليونية نقول الكلام ده لأ يعنى نقول الحقائق وبعدين الشعب المصرى قارب على ال 90 مليون يا اخواننا لازم نحط الامور فى نصابها وبعدين فريق الكنبة اللى قاعد فى البيوت اللى بيتفرج عليى وعلى حضرتك فريق الكنبة ده له راى اخر
اميرة ابوالفتوح :انا فريق الكنبة ده
اللواء/ فاروق المقرحى :له راى اخر
اميرة ابوالفتوح : نزل انتخابات فعايزياخذ الطريق الشرعى هما مستنين حضرتك لأ ما انا هقول لحضرتك
اللواء/ فاروق المقرحى :معترضه حضرتك عليهم
اميرة ابوالفتوح : انا مش معترضة انا باقول لحضرتك فى خارطة طريق اتعملت على اساسها استفتاء 18 مليون واحد 79 % وافقوا على الطريقة
محمد موافى :يعنى حضرتك عايزة تقولى لى كده ان كل اللى احنا فية ده بسبب اللذين قالوا انهم غير راضيين حتى الان
اميرة ابوالفتوح : انت عايز رايى كل اللى احنا فية ده سببة ايه
محمد موافى : اه
اميرة ابوالفتوح :انت عارف كارثة مصر مصيبة مصر فى ايه؟
محمد موافى :اه
اميرة ابوالفتوح :فى نخبها هما اللى اثاروا الفتنة دى فى الشعب المصرى وعملوا الانقسام داخل المجتمع المصرى وكله بيبحث عن مصالحة كل بيبحث كلها عن مكاسب ذاتية ماشفوش مصلحة مصر اللى هى المصلحة العليا عندهم فده ضاعت الاولويات عند المواطن اولا اللى حضرتك بتقولة ده ما كملتش انا كلامى بالنسبة للاعتصام اللى حصل الواضح ان كان فى ناس بيقولوا لك احنا تبع حركات لكن قيادات الحركات دى مكنتش معاهم تركتهم وهى القيادات دى مقيمة فى مدينة الانتاج الاعلامى بتتنقل من استديو الى استديو وسايبة هؤلاءدول كانوا قاعدين مطالبهم وبعدين بيطلبوا حاجات اتحققت فعلا تحويل مدنيين لمحاكم عسكرية خلاص انتهى ما بيحولوش حد محاكم عسكرية لغاية دلوقتى يعنى حكاية الدكتور الجنزورى لأ مش انتوا اللى هتعينوا مش انتوا لأ لو انتوا
محمد موافى :والله يا دكتورة ناخذ اتصال وارجع لحضرتك فى المسالة دى معانا احد المشاهدين الكرام اهلا وسهلا مين معايا يا افندم
الشاعر/ امين النجار: الشاعر امين النجار وعضو اتحاد الكتاب واحد مؤيدى اللواء فاروق المقرحى
محمد موافى :اهلا وسهلا بحضرتك
الشاعر/ امين النجار:اولا مساء الخير للواء فاروق وحضورة الكرام لان هو مش ضيف على البرنامج انتوا ضيوف البرنامج والشعب المصرى كله ضيف على اللواء فاروق المقرحى
محمد موافى : لألأ اللواء فاروق ضيفى انا تحديدا دكتور من مصر يعنى
الشاعر/امين النجار:انت ضيف التليفزيون المصرى ولكن هو بحضور التليفزيون المصرى بيحيط التليفزيون المصرى بين جنباتة ضيفك هى نقطة بسيطة بعد اذنك فاللواء فاروق المجرحى ونظرة امنية فى حل هذا الامر ومشهود له بالنجاح
محمد موافى :شكرا الرسالة وصلت ووصل سيادة اللواء عن هذه الرؤية شكرا جزيلا .. شكرا جزيلا لحضرتك معانا اتصال ثانى .. االو شكرا ممعناش اتصال تانى سيادة اللواء هنتكلم عن الانتخابات ثانى
اللواء/ فاروق المقرحى :لأ ده مش انتخابات انا والله ما اعرف
محمد موافى : قل لنا بقى الرؤية الامنية انا عايز اكمل الحتة دى بس ايه هى بقى الرؤية الامنية بتاعت حضرتك؟
اللواء/ فاروق المقرحى :ان انا بقول بالنسبة لهذا الكلام
محمد موافى :الرؤية الامنية
اللواء/ فاروق المقرحى :لأ الرؤية الامنية ان الناس دى مكنش المفروض احنا سبنا الامور تتفاقم وان يبقى فى سلبية وان نحط جدار بينة وبين الناس ان انا الم البلطجية دول اللى حرقوا واللى عملوا الكلام ده ايا ما كان هقول لحضرتك حاجة حقوق الانسان فين من اسرائيل مع الفلسطينيين حقوق الانسان فين من المصرى اللى انضرب فى فرنسا امبارح من 12
محمد موافى: متخلينا احنا
اللواء/ فاروق المقرحى :ماهو دى يجى لحقوق الانسان عندى انا بس اشمعنا حقوق الانسان فى مصر والدول العربية مش فى مصرى انضرب فى باريس امبارح من 12 ضابط ومحدش بيتكلم فى حقوق الانسان الا فى مصر وسوريا والبلاد اللى امريكا عايزة ان هى تولع يبقى فيها حقوق انسان
محمد موافى :هو حدثت فيه اخطاء حدثت فيه اوضاع لا تليق حدث فى قطع طريق انا معاك فى ده كله انما المشاهد التى رأيناها
اللواء/ فاروق المقرحى :ما احنا عندنا فى مشهدين مشهد واحد مش عايزين نتكلم عليه خالص
محمد موافى :اللى هو
اللواء/ فاروق المقرحى :اللى هوبتاع حرق المجمع العلمى وبنقول يعنى ايه المجمع العلمى اتحرق وعندنا فتاة اغمى عليها وتعرت لظرف اواخر
محمد موافى :دادادا ادعجت يا استاذ فاروق
اللواء/ فاروق المقرحى :مين هو ادعجت دا ضربوها وشالوها شالوها يعنى انضربت انضربت يعنى هذا التصرف غير موافقين عليه
محمد موافى :تمام
اللواء/ فاروق المقرحى :وكرامة الانسان المصرى محترمة
محمد موافى : يكفى طريقة فض الاعتصام
اللواء/ فاروق المقرحى :طريقة فض الاعتصام المفروض كان الاعتصام اتفض بالتفاهم بينهما يعنى كان اقول للناس دول ياجماعة ادمكم ست ساعات ادمكوا 12 ساعة علشان تمشوا من هنا لان هذا الاعتصام غير قانونى وتعطيل المرور فى الشارع غير قانونى
محمد موافى :وبعدين
اللواء/ فاروق المقرحى : وبعدين اذا ما مشيوش ال200 انا هاخذهم بالذوق وانقلهم
محمد موافى :افرض واحد وانت بتاخذه كده راح زاقق مثلا
اللواء/ فاروق المقرحى : ماهو واحد مع اثنين هيمشى
محمد موافى :ماهو ماحصلش
اللواء/ فاروق المقرحى :ماهو ما حصلش ما انا بقول ان فى شئ ما بيحصل غلط
محمد موافى :ماهو ده حصل فى محمد محمود نفس الاسلوب دلوقتى انت لو تجيب الاحداث وتجيب التصويروتصورلهذه الاحداث يوريك ان دول مش متظاهرين المتظاهرين والله غلابااااااااااااااا مظلومين فى هذه القصة المتظاهر المتظاهر الحق غيردول المتظاهر الحق غير دول غير دول ,الثورى الحقيقى ما يخربش ما يسرقش يعنى انا قبل ما اجيلك شفت شريط فديو لعربية المطافئ دخلة واللى واقفين انا مش عايزة اسميهم المتظاهرين مش عارفة اسميهم ايه مش عارفة لابسين الخوزة وكده بسيوف وداخلين لعربية المطافئ وقفوها وطلعوا السواق وهددوه وواحده بتصرخ تقول لهم سبوه سبوه يروح يطفى واحد بقى واقف يطفى ليه يطفى ليه شغل غريب بس هكمل لك قام سارق العربية يعنى نزل السواق وهو خذها ومشى وصريغ صريغ ده فوضى دى مش ده فوضى هنقول فوضى من المسئول عن ذه الفوضى
اميرة ابوالفتوح :المسئول هقولك حاجة
محمد موافى :يادكتورة انا لو لقيت حد يدلعنى هبقى غلطان لو ما اتدلعتش
اللواء/ فاروق المقرحى : ايوه
اميرة ابوالفتوح : يعنى فى المجلس الاعلى ما انا هقول لك المجلس الاعلى للقوات المسلحة ده مسئول مسئوليه ليه ليه كذا مرة من 5 اشهر كتب فى الفيس بوك امسك بقبضة من حديد قبضة من حديد طلعت قوانين مخصوصة للبلطجية مع ان عندنا فى القانون ماتنفذش واضراب ما اتنفذش طب اللى بيحصل دلوقتى مش احنا عندنا حالة طوارئ وليه ما اتنفذش وبعدين واضح حتى الدكتور زويل
محمد موافى : لو واحد جه معتصم الدنيا بتقوم
اميرة ابوالفتوح : ما اناهقول لحضرتك الدكتور زويل اد نداء للمستشار خضير لكل الناس وانا العبد لله المتظاهرين يا جماعة ارجعوا بيوتهم عشان نعرف يعنى هبقى البلطجية هما اللى موجودين واتعامل معهم التعامل ده اللازم واتفضل ارجعوا لبيوتكوا الغريب ان مفيش حد من اللى موجودين والقاده اللى يعنى قادة الشباب فاطمة جودة مش موجودة فى التظاهر دكتور عمرو الحمزاوى مراح الميدان ماهو علشان يحل المشكله ماهو اتعدوا عليه وبعدين ما بيتفقوش على راى
محمد موافى :تعالى نسمع راى من احد السادة المشاهدين استاذ محمد اهلا بيك
أ/ محمد :السلام عليكم
محمد موافى : وعليكم السلام
أ/ محمد :اهلا بضيوف حضرتك الكرام انا كنت سيادة اللواء المقرحى اتكلم كلام تمام انا عايز اضيف بس اضافية صغيرة انك انا عايز احدد مكان للاعتصام بعيدا عن الاماكن الحيوية من ميدان التحرير ياخذ شرق وجنوب غرب القاهرة والقاهرة الكبرى والمصالح الحكومية ومجالس الشعب والشورى عايزين مكان محدد يبقى له استأذان بالاعتصام زى ما سيادة اللواء قال واحنا بالشرطة بتبقى له لجنة طبية للطوارئ لا قدر الله ليكن حديقة الخالدين بالدراسة يعنى يختاروا مكان بعيد
محمد موافى : طب ما يروحوا صلاح سالم
اللواء/ فاروق المقرحى :لأ جوا الحديقة جوا
محمد موافى :شكرا يا استاذ محمد
اميرة ابوالفتوح :هقولك
اللواء/ فاروق المقرحى :الكلام ده 10 الى 10 احنا قلناه لازم تحديد مكان للتظاهر بعيدا عن الاماكن الحيوية
محمد موافى :عدم دخول الدكتور كمال الجنزوى
اللواء/ فاروق المقرحى :الدكتور كمال الجنزوى من 3 اسابيع قبل تعيين الجنزورى او اسبوعين عمل له حلقتين ورا بعض انا قلت الحلقتين دول الدكتور الجنزورى هى عمليه اعادة تلميع او اعادة اظهار الدكتور الجنزوى علشان هيجى لرئاسة الوزراء انا باقول ليه يعنى ان مصر ما فيها كثير وفيها شخصيات كثيرة جدا وبعدين ما كان بدل ما اجيب واحد من امبارح اجيب واحد جديد احكة رئيس وزارة طب حصل والمجلس العسكرى اختارة وكده فيبقى كان على المتظاهرين الا يمنعوا منعهم رئيسا للوزارة من انه يمارس عمله جريمة منصوص عليها فى القانون انك بتمنع موظف عام من انه يؤدى عمله الموكل اليه دى جريمة
محمد موافى :طبعا عدم المحاسبة على الجريمة ايضا هو جريمة
اللواء/ فاروق المقرحى :جريمة طبعا
اميرة ابوالفتوح : ما انا بقول
اللواء/ فاروق المقرحى :عدم محاسبة كل من اعتصم امام مجلس الوزراء بمنعة رئيس الوزارة من دخول المجلس ودى جريمة منصوص عليها فى القانون منع موظف عام من الدخول الى مقرعمله وممارسة عمله الموظف العام ده نمرة 2 فى مصر رئيس الوزراء قيمة ومنظرده مظهر من مظاهر الحكم .. الحكم رئاسة ورئيس وزارة دول مظهر الحكم وبعدين عندنا 3حاجات بيتم هدمهم حاليا هدمنا الشرطة وشككنا فى القضاء وبنمارس العنف مع المجلس العسكرى دول الثلاثة اللى بيمثلوا نظام الحكم فى اى دولة الشرطة والقوات المسلحة والقضاء هدمنا الشرطة وبعدين شككنا فى القضاء وبنمارس العنف حاليا مع القوات المسلحة فاللى بطالبوا بتسليم الحكم يوم 25 يناير تسلموا لمين فى 25 ينايرعايزاعرف
محمد موافى :اجراء انتخابات
اللواء/فاروق المقرحى :اجراء انتخابات امتى واللى هيجى ده يحكم مش لازم معاه ادوات يحكم بيها يعنى فين الشرطة مش لما نوقف الشرطة على رجليها ونوقف القضاء على رجليه
محمد موافى :خلينا اسال سوال يا دكتورة اميرة
اميرة ابوالفتوح :ادينى فرصة بقى وانا بس عايزة اقول حاجة
محمد موافى :اه اتفضلى لو احنا فضلنا نتكلم لما الشرطة تقف ولما مش عارف ايه ينتظم ولما الامور تستقر ممكن يجى يوم 30/6 كل هذه الاشياء لا تستقر بالتالى لن يتم اجراء انتخابات
اميرة ابوالفتوح : ليه التشكيك وكانوا بيشككوا فى انتخابات مجلس الشعب مش هتتعمل ليلة الانتخابات نفسها كل الفضائيات الخاصة ازاى ده فيه لسة شارع محمد محمود واللى حصل فيه ده البلطجية مليه الدنيا مش هيحصل وبتاع وخطر ومش خطر اليله نفسها الشعب كذب الكل نزل شفت طبعا كانت الانتخابات نزيهه ازاى العالم كله اشاد بيها
محمد موافى : المجلس بيقول البعض ممن تضايق مثلا من نتيجة الانتخابات هو حرض على كده .. ايه رايك
اميرة ابوالفتوح : نظرية لأ انا هقولك نظرية ثانية مش مؤامرة انا عايزة بس افكرالسادة المشاهدين بجنرال عاميس يادليل هو كان رئيس جهاز الاستخبارات الاسرائيليه اللى هو فى حفل تسليم اللى هو قعد 5 سنين رئيس الموساد اخر التسليم بيقول اهم انجازاتة فى العالم انجازات جهازة بس هقرأ حاجة بسيطة بالنسبة لمصر قال ايه بقى هنأ ذاتة فى مصر خلال كده .. لقد احدثنا اختراقات سياسية وامنية واقتصادية فى اكثر من موقع ونجحنا فى تصعيد التوتر والاحتقان الطائفى والاجتماعى لتوليد بيئة متصارعة متوترة دائما ومنقسمة الى اكثر لتعميق حالة الا ضطراب داخل البنية والمجتمع والدولة المصرية ولكى يعجز اى نظام ياتى بعد حسنى مبارك فى معالجة الانقسام والتخلف والوهن
محمد موافى :يا دكتورة يادكتورة يا دكتورة ده يادكتورة انا ماذا انتظر من اسرائيل انا ما الومهاش ده شغلها انما انا الوم اللى سايبها
اميرة ابوالفتوح :الكلام اللى بنقولة ده شغلها وتبقى
محمد موافى : وفين شغلنا احنا بقى
اميرة ابوالفتوح :وبنقى ورثنا ماهو ده بقى احناعندنا يعنى رابع جهازمخابرات فى العالم
محمد موافى :ما يمكن جهازالمخابرات ده بيتقتل من الموساد بس برضه
اميرة ابوالفتوح : بقول لحضرتك انا متاكده شوف متاكده تاكد يقينى زى ما انا شايفاك ان الجهازالمخابرات العامة عارفة ابعاد المؤامرة اللى حاصلة فى مصرلكن ليه ما بتبوح على الطرف الثالث ده اللهو الخفى بيقولوا التحقيقات فى النيابة النيابة لازم تسرع فيها هو طبعا المجلس العسكرى مايقدرش هو اللى يذيع بيحول المجلس للنيابة النيابة متأخرة يعنى لا اظهرت لنا حاجة فى ماسبيرو ولا فى البالون قبل ماسبيرو ولا فى محمد محمود
محمد موافى :ماهو احناعندنا اهومفيش حاجة ظهرت
اميرة ابوالفتوح:ما ما اسال ليه ده انا نفسى اناشد
محمد موافى :انا بسال حضرتك انا باحسبك هتجوبينى
اميرة ابوالفتوح :لأ وبعدين هو عارف اللهوالخفى هو عارف الطرف الثالث وما ينفعش المؤتمر امبارح احنا قاعدين ومتصورين انه هيقول لنا
محمد موافى :طب احنا معانا اتصال
اميرة ابوالفتوح :مين اللى وراء المؤامرة دى احنامستعدين يعنى لاى صدمات
محمد موافى :طب احنا معانا الاستاذة جيهان من القاهرة مساء الخير يا افندم
جيهان : اهلا وسهلا مساء الخير على السادة الحضور
محمد موافى :ا هلا وسهلا اتفضلى
جيهان: مساء الخير يا افندم انا باحب التليفزيون المصرى جدا وماباستريحش غير وانا باتفرج على التليفزيون المصرى واى قناة ثانية الصراحة بترفع ضغطى وبتتعبنى نفسيا يعنى فا يارب يخليكوا يعنى عايزين الناس اللى فى التحرير تمشى عشان احنا حالنا وقف حرام حرام حرام انا بانزل الشغل عشان الناس اللى فى التحرير بابقى حاسة ان انا ممكن ما ارجعش تانى لاولادى فا كفاية كده ويروحوا بيوتهم
محمد موافى :شكرا متشكرين جدا استاذة جيهان رسالتك وصلت سيادة اللواء الدكتور قعدت تقول لنا على الطرف الثالث واصرت ان هى تقول التطرف الثالث
اللواء/ فاروق المقرحى :لأ انا مش خبير امنى انا مساعد وزير داخليه فقط خبير امنى اصل كلمة خبير امنى كلمة بقت ممجوجة
محمد موافى :زمان كان فى بلطجية الحزب بيطلعهم الحزب الوطنى بيطلعهم ساعة الانتخابات علشان يقفوا وسط المتظاهرين الاشكال اللى حضرتك شفتها
اللواء/ فاروق المقرحى :انا عايز اشرح لك بقى الحكاية اللى انا شفتها
محمد موافى :لأ انا عايزالاشكال اللى شفتها هى دى يعنى اشكال هى نفس
اللواء/اروق المقرحى : هى نفس الاطفال بيلموها من الشوارع والبلطجية اللى هما بيجوا من الحتت العشوائية وبعدين اللى اتظبطوا واعلنت جريدة الاهرام اساميهم ماتشوف وظائفهم وتشوف هما اية وتكشف عليها واخد بالك ماهو انا باقولك طالعة فى الاهرام ايه ده وده ايه وده ايه ما انا باقول لك بص على هذا الكلام تقدر توصل للقناعة بان مش دول المتظاهرين اللى قاموا يوم 25 يناير يعنى لا هما دول ولا يوم 28 يناير ولا حتى يوم 11
محمد موافى:احنا كلنا الكلام ده كل الناس بتقولة والثوار نفسهم او رموز الثورة تبرأوا من رموز الثورة او الاشكال اللى كانت قاعدة ترقص امام
اللواء/ فاروق المقرحى :ما احنا بقى ندى فرصة للاجهزة ان هى تمارس عملها صح وتلم الناس دى وتتخذ ضدها اجراء مش اول ما ينزلوا يقولك وايا ما كان وحقوق الانسان
محمد موافى :سيادة اللواء انتوا كنتوا بتجيبوا المتهم فى قضايا فى 24 ساعة
اللواء/ فاروق المقرحى :اه
محمد موافى :والقضايا بتتظبط وكل حاجة
اللواء/ فاروق المقرحى :ايوه
محمد موافى :فين طب الكلام ده انا مش شايف
اللواء/ فاروق المقرحى :ممكن دول يجوا ياسيدى ممكن دول يجوا بشرط ان انا الجماعة سكان الفضائيات بتوع حقوق الانسان اللى بيقبضوا من الخارج دول يستنوا على ما .. جميع جمعيات حقوق الانسان بتمون من الخارج باعترافهم هما
محمد موافى :وده شئ مشروع قانونا يعنى
اللواء /فاروق المقرحى :ماهوانا عايز بقى المجلس العسكرى يعمل وقفة مع التمويل الخارجى ويمنعة منعا باتا
محمد موافى : معانا المهندس اسامة من القاهرة اهلا وسهلا يا افندم
م / اسامة :مساء الخير
محمد موافى : اتفضل
م / اسامة :الوا مساء الخيرة
محمد موافى :اتفضل على طول
م / اسامة : كل الهيصة دى كلها جابوا علينا البرادعى مش هننتخب البرادعى كفاية هيولعوا البلد علشان البرادعى مش هننتخب البرادعى بس كده
اميرة ابوالفتوح : قلنا حضرتك بلاش اسماء
محمد موافى :شكرا
اميرة ابوالفتوح : بقول لحضرتك امريكا امريكا مش جمعية خيرية
محمد موافى : يادكتورة ما الكلام ده
اميرة ابوالفتوح : يعنى
محمد موافى : تيجى جمعيات جمعيات مشهرة قانونا
اميرة ابوالفتوح : بس السفيرة فايزة ابو النجا قالت ان فى جمعيات انفقت 100 مليون دولار وعن طريق يعنى مش عن طريق طبيعى يعنى
محمد موافى : حضرتك كاتبة صحفية المصرى اليوم من حوالى اسبوعين او عشرايام كتب فى الصفحة الاولى كده اعلامى يتلقى تقريبا 500 مليون جنية من ايران لتمريرها للنشطاء والجمعيات وسنعلن عن اسمة قريبا ودلوقتى احنا عازين نعرف كل واحد عمال يقول نفس اللى انا باقولة
اميرة ابوالفتوح : محدش باقول لحضرتك لأ يعنى هو ال طب وايران ايه دخلها فى اللعبة
محمد موافى :مش فاهم قصدك
اللواء/ فاروق المقرحى :لألألألأ
اميرة ابوالفتوح :لألأ هقول لحضرتك حاجة
اللواء/ فاروق المقرحى :لألألألأ
اميرة ابوالفتوح : نا بص فى الخابرات الامريكية
اللواء/ فاروق المقرحى : دولا طرفين عندنا امريكا وتوابعها وعندنا ايران وتوابعها دول كل ده بيلعب واحنا فى وسط الزلزال احنا عايشين فى مصر مشكلتنا معندنا ش قناعة راضيين بما قسم الله لنا وعايزين فلوس وناخذ فلوس اى حد يدينى باشتغل له دى المشكله الاساسية ان اى حد يدينى يدفع لى يعنى مثلا لما نبص على بعض الاسماء اللى هى فى الفضائيات بيزيعوا ابمارح كان بيقول ايه والنهاردة بيقول ايه وكان اول امبارح بيقول ايه وبكرة هيقول ايه حاجات كل ده على انا باخذ منين وايراداتى ايه انتوا هتخلوا الواحد يطلع من هدومة اللى بيحصل ده ان انا بأطالب المجلس العسكرى ان تكون هناك وقفة حازمة حاسمة فرق بين الحزم والحسم يعنى يكون حازما وحاسما فى نفس الوقت
محمد موافى :بس مش بمشاهد العنف ده
اللواء/ فاروق المقرحى :لأ مش بمشاهد العنف حاسم وحازم وكل الاشياء فى عمليه التمويل للجمعيات فى عمليه التمويل للاشخاص فى عمليه الاتصالات الخارجية اللى بتم كل الكلام ده معروف ومعلوم والنيابة العامة يجب ان تاخذ دورها السريع والحاسم فى هذا الاجراء بحيث ان البلد دى تتمسك بقبضة صح علشان نعبر اذا كنا نريد للبلد دى ان تعبر
محمد موافى :طب انا هستاذن حضرتك معانا الاستاذ محمد شوى من القاهرة اهلا وسهلا يا افندم
محمد شوى :سلاموا عليكوا يا افندم
محمد موافى :وعليكم السلام اتفضل حضرتك انا باحيى طبعا سيادة اللواء والدكتورة على ارائهم اللى انا باسمعها بقالى اكثر من نص ساعة بس انا حاسس معلش يعنى من غير ما حد يزعل منى انا حاسس ان هما جم فى حلقة مش مناسبة لارائهم انا شايف ان حضرتك يعنى متحامل قوى على الاراء بتعتهم ومش مديهم فرصة ان هما يقولوا ارائهم
محمد موافى :هقول لحضرتك لان لازم ابين وجهة النظر اللى مش موجوده فى وجهة نظر بتتقال لازم اغير وجهة النظر الثانية
محمد شوى :معلش يا افندم ماهى حضرتك مش شايف وجهة النظرالثانية ماشى ماشى لأ حضرتك بتدافع عن وجهة النظرالثانية سيب سيادة اللواء والدكتورة يدافعوا عن وجهة النظربتاعة ال 80 مليون او 90مليون او الخمسة مليون احنا قاعدين بنتفرج دمنا بيتحرق احنا خمس ايام مش عارفين نعيش
محمد موافى :والله يا استاذ محمد لازم اشتغل بمهنية لازم اقول وجهة النظر الثانية حتى لودى بتمثل 10 انفار والا 100 نفر والا يبقى احنا بقى بنحارب وغرضين والكلام اللى حضرتك عارفة ده كله
محمد شوى :لأ احنا ما بنحاربش حد يا افندم بس زى حضرتك ما فى محطات ثانية قنوات ثانية ومتبنيةالاراء الثانية التليفزيون المصرى يتبنى الاراء الثانية
محمد موافى :ايه رايك فى الاحداث دى
محمد شوى :احداث طبعا محدش يرضى عليها .. ولا حد يرضى عن الافعال اللى تمت ولا حد بيرضى برضه عن اهانة قواتنا المسلحة
محمد موافى :الدكتورة بتقول ان الطرف الثالث للقوات المسلحة ان فى طرف ثالث والناس عمالة تتكلم فى طرف خفى وفى ممكن يبقى مين
محمد شوى : انا واحد من الناس مقتنع بهذا الكلام لكن المجلس الاعلى للقوات المسلحة طالما مديين الموضوع للنيابة العامة فمدية هى موكله النيابة العامة هنا تقول فى الوقت المناسب لكن احنا مينفعش يطلع كلام المجلس ا لاعلى هو دايما على طول ا لخط غلط غلط غلط المجلس الاعلى واخد اتجاة من بداية الاحداث هو دلوقتى حاول ونفذ طلبات جميع المتظاهرين وجميع شباب الثورة وحول المحاكمات للنيابة العامة
محمد موافى :سحبها من النيابة العسكرية وراحت النيابة العامة
محمد شوى :اه يبقى النيابة العامة هى اللى هتذيع طبقا للتصريحات اللى هتهما فى الوقت المناسب لكن احنا اناواثق ان فى ادلة وفى حاجات كده لكن المجلس العسكرى ساب الموضوع للنيابة العامة
محمد موافى :استاذ محمد صدقنى محدش بيشكك انا شخصيا ما بشككش وكده بس انا نفسى اشوف النتيجة علشان الناس تهدى
محمد شوى :ارجوان حضرتك ما تتضايقش منى بس انا شايف متحامل قوى على الاراء بدليل
محمد موافى :لأ ماهو لازم اعمل كده شكرا جزيلا
اللواء/ فاروق المقرحى :انا لأ ماهولازم انت بتعرض وجهة نظر الشيطان الغائب دى لازم يبقى فى كده علشان الحوار يبقى صح انما اللى هو له حق فى حاجة من التليفزيون المصرى ودى عملية انتقادية وانا قلتها امبارح برضه كنت فى الفضائية وقلت هذا الكلام ان علشان ما يتقلش ان احنا حكوميين بقينا معارضين اكثرمن المعارضين يعنى علشان مايتقلش على التليفزيون المصرى ان هو تليفزيون حكومى وان هو بيعرض وجهة نظر حكومية بقينا اكثر من الفضائيات اللى هى متبنية هذا الموضوع دى نمرة واحد .. نمرة اثنين الخوف من الشارع انا مخفش من الشارع انااقول رايى اللى هيحاسبنى عليه ربنا اين ما كان يعنى لما واحد يقولى خلى بالك علشان الناس اللى فى التحرير اللى بيزعل يزعل انا باقول رايى اللى ربنا هيحاسبنى عليه واللى باقولة عن ضميروعن قناعة لان الدنيا ضيقة اى ان ماكانت النهاية قادمة ولابد ان احنا يكون عندنا خوف على هذا الوطن وخوف على ولادنا لازم نخاف على ولادنا ونخاف على مستقبل هذا الوطن وهذا الوطن يتعرض لمؤامرة قسمنا بربى هذا الوطن بيتعرض لمؤامرة طرفيها امريكاوتابعتها اسرائيل وايران وتابعتها الناس اللى موجودين
محمد موافى :انا بحيى حضرتك
اللواء/ فاروق المقرحى :نظرا لتحقيقات شغالة لكن اذا كان هناك خوف ان التحقيقات دى تطلع تزعل ناس لهم معانا علاقات او لهم معانا بيدونا معونات او بنقذونا وقت الشدة سواء فى قطر او فى السعودية او فى دولة الامارات .. لأ انا ما باقولش كده انا باقول باكل 5 سنين دقة بعيش حاف ونوقف البلد دى على رجليها ونقفل على نفسنا لغاية ما نبقى كويسين لان البلد دى خسارة والبلد دى اسمها المحروسة بس وده اللى عايز اقولة
محمد موافى :دكتورة كلمة اخيرة من حضرتك
اميرة ابوالفتوح : بادعو كل حقولها تجاوزا المتظاهرين اللى فى ميدان التحرير انهم يرجعوا بيوتهم علشان نقدر نفرز البلطجية اللى موجودين هما لو هما مشيوا مش هيتواجدا اى حد
اللواء/ فاروق المقرحى :هيمشوا قبلهم البلطجية
اميرة ابوالفتوح :هما هيخافوا وهيمشوا
محمد موافى :عادة فرز مثلا
اللواء/ فاروق المقرحى :مش هيفرزوا
اميرة ابوالفتوح : اه لان
اللواء/ فاروق المقرحى : على فكرة دول فى منتهى النصاحة يا دكتور
اميرة ابوالفتوح :يا سيادة اللواانا اعايزة اقول باطالب المجلس العسكرى انه يعلن عن الطرف الثالث
محمد موافى :شكرا للكاتبة الصحفية اميرة ابوالفتوح شكرا للواء فاروق المقرحى مساعد وزير الداخليه شكرا جزيلا لحضراتكوا كل الاسئلة اللى انا سالتها دى صدقونى مش وجهة نظرى الشخصية ومليش حق مطلقا ان اقول وجهة نظر طول ما انا مذيع يعنى انا اعارض لظهر وجهة النظرالاخرى هذا ما تعلمناة من مهنة الاعلام التى للاسف 90@ ممن يمارسونها فى كل الفضائيات وده راى شخصى يعنى هم ابعد ما يكون عن هذه الرؤية مصر فى خطر يعنى مع مصر تنتخب وتنتحب ايضا على مايحدث فى مجلس الوزراء ونتابع ذلك فى ختام التحقيق يعنى لا احد مطلقا يرضى عن فتالة وايضا لا احد يرضى مطلقا عن قطع طريق عن اعتداء او تشكيك ققلوات المسلحة لان هى الحاجة الوحيدة اللى باقية دمتم فى رعاية الله وامنه .