اتجاهات

الاربعاء*4/1/2012
محمد موافى : سلام من الله عليكم ورحمة منه وبركاته الكل له لسان وليس له اذان يعلو جليا ده المشهد السائد الان الذى يجب ان يختفى لانه قد ان الاوان كى يسمع بعضنا بعضا بعد ان قالت مصر كلمتها فى صناديق الانتخابات فى المرحلتين الاولى والثانية وناقص الثالثة ما نحن فية لا يليق بمصر صاحبة اول حكومة فى التاريخ يجب ان نبدأ صفحة جديدة ناصع من تاريخنا تعلو فيها مصلحة الوطن فوق كل المصالح البسطاء لن ينتظروا او يتوقفوا طويلا عند جدليات مثارة وتثار بين الحين والاخر الببضة والا الفرخة الانتخابات والا الدستور خلصنا دى دخلنا دلوقتى الرئيس اولا والا الدستور اولا والكل او البعض نسى ان مصر يجب ان تكون اولا .. المطلوب دلوقتى زى ما ناس كثير بتقول استدراك الاخطاء فى مثلث الامان للدولة وهى المجلس العسكرى والشعب والحكومة تعالوا نفصل من خصوماتنا الشخصية وننحى ولو مؤقتا المصالح الشخصية وحب الظهور والدوشة اللى حصلت دى كلها ونجتمع عند اهداف الوطن التى لا خلاف عليها فا امامنا نقاط توافق اكبر بكثير من نقاط الاختلاف لن ندعو احزابا اوتيارات كى يتنازلوا عن رايهم لكننا ندعوهم بالتوافق ما بينهم دون ان نسعى لتدمير شرعية ما لا نوافق علية مصر تستطيع وشعبنا يحمل رصيدا ليس لدى شعب اخر فى كل شئ اذاعات وانجازات وقدرات لكننا احيانا نفقد البوصلة ايها المشاهدون الكرام مصر اولا ارجوكم بعد الفاصل ابقوا معنا
فاصل
مواطن : البلد اولا محتاجة الى تهدئة واعطاء فرصة الى حكومة دكتورالجنزورى لوضع الاسس والمعايير للفترة الانتقالية مع الاسراع لنقل السلطة من حكم العسكريين او الحكم بموجب الحكم العسكرى الى حكم مدنى احنا عايزين انشاء الله الميادين تهدأ ميدان العباسية وميدان التحرير والثوار تلتقط انفاسهم علشان خاطر مصر تلتقط انفاسها ونقدر نعدى المرحلة الراهنة دى
مواطن : يجب ان الداخلية تقوم بواجبها قد يكون هناك مفهوم خطأ يجب ان نصلح المفهوم الخطأ الاولانى ان الشرطة تحمى الرئيس الان الشرطة يجب ان تحمى الشعب
مواطنة : ممكن الجيش ينزل على ارض الواقع ويشوف ا لشباب اية المشاكل اللى موجودة يحلها الشباب تعبانة من ايه مشكلة الشغل مشكلة البطالة والمشاكل اللى عندنا يبدأ يحلها لان ما ينفعش ان الجيش يسيب البلد لاااا الازمة دى علشان نخرج منها اهم حاجة من خروج الازمة هى الاقتصاد والامن ,الامن اذا توفر للمواطن المصرى هيجى المستثمر العربى والاجنبى علشان يستثمرفى مصر النهاردة المستثمر هرب علشان مكنش فى امن الفترة اللى فاتت ولا امان
مواطن :احنا الشعب كلة الواحد مسلم ومسيحى اللى هو يختار رئيس جمهورية وبعد كده نعمل مجلس شعب مجلس شورى دستور كل رجالة الثورة الرجالة اللى عملوا الثورة ديت اتجمعوا كلهم مع الجيش والشرطة ونقف فى ميدان التحرير علشان الناس كلها تمشى وتتحرك ماشى ونقول ان احنا رجالة يبقى مفيش ولا واحد يقف ونتعاون كلنا مع بعض ونقدر بقى نمشى فى المسيرة بتاعتنا
مواطن :عندنا ازمة البلد هتتحل فى حاجتين اثنين اولا الاستقرار والامن والامان انا عايزة لبلدى النهاردة تجار المخدرات اللهم صلى على النبى شغالين الله ينور دلوقتى الشعب الدماغ المتخدرة دى هتفكر ازاى
مواطن : فى ارهاب فى ميدان التحرير حب يدمر كل العالم وقف زعيمنا بكلمة وقال والله لو الارهاب طال كل العالم يجى زعيمنا المشير فى ميدان التحرير والله زعيمنا تحيا الجيش
مواطن : تحيا الداخلية تحيا مصر وشكرا
فاصل
محمد موافى :مشاهدينا اهلا بحضراتكوا من جديد فى هذه الحلقة من اتجاهات هنتكلم فيها ان مصر اولا فى امامنا اكثر من مبادرة موجودة دلوقتى وايضا فى جدالات لا تنتهى ولا ندرى متى تنتهى بارحب بحضراتكوا مرة ثانية وبارحب بضيوف اتجاهات النهاردة دكتورمحمد سعيد ادريس أستاذ بمركزالاهرام للدراسات السياسية الاستراتجية
د/ محمد سعيد ادريس: اهلا
محمد موافى : أستاذ خالد بخيت عبد الحميد واحد شباب ثورة الخامس والعشرين من يناير
أ/ خالد بخيت عبد الحميد :اهلا
د/ محمد سعيد ادريس: اهلا
محمد موافى : دكتوراحنا دلوقتى امامنا مبادرة خلينا نبدأ منها مبادرة المجلس ا لاستشارى الاخير اوالمبادرة التوافقية هل تكفى للخروج مما نحن فيه ام انها لن تجد اذانا صاغية
د/ محمد سعيد ادريس: يعنى انا اعتقد ان المبادرة ليست توافقية حتى الان يعنى ليس هناك توافق كامل فى المبادرة ومطلوب حوار حولها بين الاختلافات فى الاتجاهات حول اجندة المرحلة القادمة او الشهورالقادمة او هناك اتجاه بتسريع انتخابات الرئاسة فى فبراير القادم او بغية فتح باب الترشيح فى فبراير وتجرى الانتخابات فى اول ابريل انتخابات الرئاسة وموقف المبادرة بتقول انتخابات الرئيس فى نهاية شهر يونيو مش اوائل شهر ابريل يعنى العملية عملية اوقات يعنى لا اعتقد ان هناك اشكالات كبيرة يمكن ان تعوق دون الوصول الى توافق ولكن اهم حاجة هى فجوة الثقة اوفجوة تحقيق عدم الثقة تتقلص لان عدم ا لثقة بيزداد يوم بعد يوم والاستقطاب بيتسع يوم بعد يوم من كافة الاتجاهات بين مدنيين وعسكريين وبين المدنيين وانفسهم بين قوى سياسية ومجلس استشارى لم يستشر فيه احد يعنى انا كان تصورى مجلس استشارى يناشد المجلس الاعلى للقوات المسلحة بضمانة ايه يشكل مجلس استشارى
محمد موافى : ان هو الحاكم
د/ محمد سعيد ادريس:هوبيعمل جهاز لو سمحت لى هو فى خلاف على موقف المجلس العسكرى وأدائة وكان الكلام من اول ما انتهت احداث التحرير يوم 11 فبراير وتولى المجلس العسكرى الذى الات الية منصب رئيس الجمهورية ومنصب تشريق المجلس ا لاستشارى وان كان يبقى فى تمثيل للشعب مع الجيش فى البلدبيتكلم باستأثار بحرص شديد جدا المجلس العسكرى هو الحاكم
محمد موافى :طب احنا لودخلنا انا ما باقاطعش حضرتك انا باوجة الحديث لموضوع الحلقة احنا لو فضلنا نتكلم فى اللى فات ونقييم المجلس العسكرى او نقييم القوى السياسية اللى موجودة انا عامل حلقة علشان نبص لقدام
د/ محمد سعيد ادريس:انا معاك ما انا علشان ابص لقدام بالقولك احنا من اين نبدأ .. نبدأ من استعادة الثقة ان كل القوى السياسية تقدم مبادرات ثقة واكثر الاطراف معنية بتقديم مبادرات ثقة هو المجلس الاعلى للقوات المسلحة من خلال مبادرات كثيرة جدا يعنى بكرة مبارك هيتحاكم يعنى اتمنى ان تكون محاكمة جادية لمبارك ولابناء مبارك ورجال مبارك يعنى خلى الشعب يحس بان فعلا بالفعل فى محاكمات احنا دخلنا على كام شهر دلوقتى من فبراير لحد النهاردة محاكمات شكلية اخوانا فى تونس انجزوا انجزوا ثورة وانجزوا محاكمة للرئيس وانجزوا انتخابات وانجزوا انتخابات للرئيس والرئيس حلف اليمين ومجلس وزراء جديد فى عملية احنا عندنا فى نوع من الارتكان الارتباك انا مع المبادرات من جانب المجلس الاعلى ومبادرات من جانب القوى السياسية اولا ننجز باسرع ما يمكن انتخابات مجلس الشعب اهم الانجازات التى تحققت لمجلس الشعب وان خلاص اوكية نعمل مجلس استشارى يشكلة المجلس الاعلى لم يشكلة الرموز السياسية ماحدث حدث انا مع ان احنا باسرع ما يمكن باسرع ما يمكن ان نسعى لتوافق سريع ويبقى فى موقف من المحاكمات موقف من ادارة البلد من خلال امن مستتب من خلال ادارة تحقق امارات النجاح امارات ولاء للناس
محمد موافى :طب خليك خلينا نتكلم عن النقط دى خلينا نتكلم بس ااخذ راى أستاذ خالد بخيت انا قدمتة ان هواحد شباب الثورة لكن تعريفة الجديد يبدوانه وزير داخلية الثورة او رئيس ائتلاف اللجان الشعبية استاذ خالد هل لما بنتكلم يعنى ان اى مبادرة بتبدراو بتقدم تشكيل انتخابات رئاسة التعجيل بانتظام دورات مجلس الشعب وخلاص والدستور دى فيها مصلحة والا نخلى الامورفى وقتها على اساس ان اى تاخير فى مصادمات ثانية فى الميدان
أ/ خالد بخيت عبد الحميد :هو سعتك ممكن التاخير فى يعنى فى الاجراءات القانونية بتاعت اللى احنا بنمشى بيها للانتخابات الانتخابات الرئاسية او الكلام ده كلة المفروض دى له مجال معين لازم نمشى علية انما احنا لما نستعجلة بنقص منة فلو انت قصيت منه حاليا 95% من الشعب موافق وال5% اللى هما موجودين وبيعملوا
محمد موافى :حضرتك عضو من شباب الثورة والشباب فى الميدان دلوقتى بيقولوا لأ المفروض نعجل
أ/ خالد بخيت عبد الحميد :ما بقول لحضرتك ماهو ماشى ما انا هطلب بالتعجيل بس التعجيل هل لصالحى يعنى هل للصالح العام ما انا ما بابصش للامور الشخصية هل لصالح الدولة على اساس ان انا ابدأ اتكلم انما هستعجل الاستعجال عامتا فى اى شئ عمرة ما بيوصل للمنال
محمد موافى :طب خلينا ناخد الاستعجال واروح للدكتورمحمد سعيد دكتورحضرتك اتكلمت عن المحاكمات وقلت كلمة ان يعنى يجب ان تكون المحاكمات جدية يعنى يبقى ممكن احد المشاهدين
د/ محمد سعيد ادريس: دلوقتى ماهو ده تشكيك فى القضاء انا معيار الجديه الوقت يعنى التاجيل والارتباك فى التاجيل يعنى لماذا نوع من التركيز تركيز وكلنا بنشتغل وكلنا بنتعب يعنى بمعنى الناس متشوقة لهذا المناخ ابقاءة مفتوح بيزود عدم الثقة وبيفتح مجال للتشكيك ايه
محمد موافى : بيعملها محاكمات ثورية هو ومش قضاء
د/ محمد سعيد ادريس: التشكيك ده من الداخل وكنا عملناه من الاول وكناخلصنا يعنى حصل نظام بوسطتة حاكمناه بالقانون وبالقضاءوشباب من الثورة حاكمناهم بالقانون العسكرى
ومحاكمات عسكرية حصل العكس تماما ولكن ما حدث حدث انا مع ان نلملم اطرافنا نلملم افكارنا ونلملم قوانا ونتجه للمستقبل البلد هتضيع مننا انا لست مع ان فى تحجيم انا لست طرفا فى تحجيم ولست طرفا فى تاجيل انا طرف ان لابد ان
محمد موافى :والله يا دكتورانا يعنى احنا مش مستضيفين حضرتك على اساس يعنى حضرتك خبير استراتيجى مركز مهم جدا ولك راى ولك دور عايز اعرف ايه الافضل التعجيل التبكير كل حاجة فى ميعادها يعنى ده النقطة المعضلة اللى احنا فيها على طول بنخش جداليات لا طائل من ورائها
د/ محمد سعيد ادريس:علشان كده باقول لك لا تعجيل ولا تاخير ولكن الصحيح هوالذى يجب ان يتم ففى ناس بتقعد تتوافق وطبعا التشكيك بينها وبين بعضها يعنى ناخذ لحظة لحظة من الوقت نتوقف عن التشكيك من جانب طرف تجاه الطرف الاخر ولو احنا عجلنا ايه النتائج لو مشيت الامور طبقا للجدول اللى طرحة المشير ان يوم 29 اويوم 30 يونيو بيكون الرئيس بيحلف اليمين المسائل كلها شهر ولكن تتعمل خريطة يتوافق عليها
محمد موافى : طب خلينا نتكلم على الخريطة دى بس معانا اتصال معانا الكاتب الصحفى أستاذعبد الرحمن فهمى الكاتب الصحفى بالجمهورية اهلا وسهلا يا افندم
عبد الرحمن فهمى : اهلا بيك الله يخليك انا سعيد بالمكالمة الحقيقة سعيد بالحديث هو يجب فعلا نتفق على ميعاد وليكن يوم 30 يونيو او بعد كدة بشهر احسن طبعا لكى تستقر الامور احنافى عنق زجاجة اقتصادى مهم جدا جدا وهذا العنق الزجاجى عنق اقتصادى يعنى فى منتهى الخطورة مرور الايام علينا خطر جدا ولذلك الاستقرار هام جدا وبعدين برضه عايزاقول لسياتك حاجة المحاكمات عندنا يعنى حبالها طويل قوى اكثر من اللازم وكان يجب ان يكون اكثر من هذا احنا عاوزين محاكمة ثورية علشان خاطر بيقولوا لا تضييع
محمد موافى : ماهو فى ناس انتوا عايزين عدالة
عبد الرحمن فهمى :عدالة
محمد موافى : اه ده طريق القضاء الذى لابد ان يحكم بما امامة من اوراق والا يجب الا يتعجل
عبد الرحمن فهمى : مش باشكك انا
محمد موافى :ولا هبقى محاكم ثورية
عبد الرحمن فهمى : ماهو مش بشرط ان ترد المحكمة فى 3 اشهر ده عدى 3 اشهر والمحكمة لم ترد ومستندات ومش مستندات يعنى الموضوع كان يجب المامة اكثر من هذا وبعدين انا عاوزاقول يعنى انه لا محكمة ثورية ولا محكمة تتاجل لمدة شهرين اوثلاث اشهر علشان ورقة ناقص ورقة ناقص بتاع برضه محكمة ثورية تنصر الثورة وبتاع ده حاجة والحاجة الثانية انا عاوز كنت اتكلم بس مش عاوزاقطع عليكم الحديث على موضوع الحالة الاقتصادية
محمد موافى :استاذ عبد الرحمن هو مش موضوعنا انا اسف جدا يعنى هو الوضع الاقتصادى طبعا وضع مخيف جدا
عبد الرحمن فهمى : خطيرولذلك زى ما كتبت اكثر من مرة انه فى دولتين قبلنا بسنيتن او ثلاث سنين باطلب بنفس نفس الظروف والنهاردة باعتبرهم تجاوزوا هذه الظروف بشكل كبير يعنى اليونان والبرتغال اليونان والبرتغال كان البنك الدولى يقدر يفلسهم
محمد موافى :انا باشكرك جدا استاذ عبد الرحمن فهمى الكاتب الصحفى بجريدة الجمهورية وباشكرحضرتك جدا ونطلع فاصل لان سينضم الينا بعد قليل الدكتوراحمد ابوبركة المستشار القانونى لحزب الحرية والعدالة احنا منتظرينة الان واتجاهات مستمرة مع حضراتكوا استاذ خالد يعنى كاحد شباب الثورة ورئيس ائتلاف اللجان الانتخابية يعنى لية التاخير بيجيب مشاكل فى الميدان تمام هل هو ده السبب الوحيد اللى احنا يخلينا نستعجل الامور والا ممكن الامور انا مش فاهم الدنياماشية ازاى يعنى المشاكل بتحصل ازاى يعنى
أ/ خالد بخيت عبد الحميد :هقول لحضرتك حاجة الاستعجال عامة فى الايام اللى فاتت دى كلها اضطرانا ان احنا نرجع 95% من اللى حققة الثورة ورا
محمد موافى :حضرتك ائتلاف اللجان الشبابية ده
أ/ خالد بخيت عبد الحميد :يعنى فين
محمد موافى :اللجان الشبابية على مستوى يعنى اللى احنا عملناة فى الشوارع
أ/ خالد بخيت عبد الحميد :اه اه اه حضرتك اه
محمد موافى :انا معرفش
أ/ خالد بخيت عبد الحميد : اه احنا جمعنا اللجان اللى هى موجودة وفى المناطق وفى الاحياء وفى المحافظات
محمد موافى : طب انا محدش جمعنا انا كنت عامل لجنة شعبية
أ/ خالد بخيت عبد الحميد :انت حضرتك هنعمل لك لجنةمعانا
محمد موافى :طب فين
أ/ خالد بخيت عبد الحميد :فى الميدان كنا واقفين فى الاول فى اول فترة عملنا لجان شعبية حوالين الميدان وقدرنا الحمد لله رب العالمين ان احنا نسيطر على اوضاع كثيرة تدخلات مثلا تجاه تانى غير الاتجاه اللى موجود فى التحرير فا قدرنا نعمل حوالية
محمد موافى : طب بخصوص الاتجاه انا اسف دكتورالموضوع ده نقطة مهمةجدا بخصوص الاتجاهات الاخرى غير اتجاهات الثوار الدنيا كلها شافت امبارح فديو بتاع عمر مكرم والتعذيب اللى بيحصل فوق سطح الجامع
أ/ خالد بخيت عبد الحميد :اه اه اه
محمد موافى :عدى من تحت ايدكوا ازاى كلجان شعبية
أ/ خالد بخيت عبد الحميد :ما هقول لسعتك
محمد موافى : مين دول وبيعذبوا مين؟
أ/ خالد بخيت عبد الحميد :هقول لسعتك .. احنا كان لينا مرحلة ولما لقينا العملية مثلا بدات فيها تشكك فينا احنا كشخص لجان شعبية
محمد موافى : اه
أ/ خالد بخيت عبد الحميد :بابقى معترف بينا وكلة من ميدان ا لتحريرالناس كلها عارفه ان احنا لجان شعبية ملناش اى نوايا لاى شئ فى ده الا ان احنا نحمى الشعب بتعنا
محمد موافى :الناس دى خلت ازاى وطلعت فوق السطح ؟
أ/ خالد بخيت عبد الحميد :ماهو برضه هنقول الناس دى دخلت فى المرحلة اللى الناس دخلت الحاجات اللى اتولع بيها المجمع العلمى والحاجات اللى
محمد موافى :يعنى اذن ائتلاف اللجان الشعبية بيقول
أ/ خالد بخيت عبد الحميد :مفيش كان لجان شعبية الدنيا كانت مفتوحة فى التحرير هقول لحضرتك حاجة الفترة اللى كان فيها المشكلة مع الاشتباك بتاع مجلس الوزراء والقصر العينى
محمد موافى :بتاع محمد محمود
أ/ خالد بخيت عبد الحميد : ومحمد محمود وبعديهم الريحانى سعتك احنا كنا متواجدين احنا كناعاملين درع بشرى عند الريحانى احنامارحناش مجلس الوزراء فلما جينا داخلين دخلنا فا لحقنا شارع الريحانى فعملنا درع بشرى فى 95% من اللى موجودين بدأوا يشككوا فينا لان مع الشرطة ومع الجيش ومع ده ومع ده لأ دا انا مش مقيد لحد لجان شعبية ليا امن واستقراربلدى باى طريقة من الطرق
محمد موافى : اكيد خلونا نطلع فاصل وارجوكم ابقوا معنا
فاصل
محمد موافى :أهلا بحضراتكوا فى اتجاهات عنوان الحلقة النهاردة اولا البحث عن نقاط ا تفاق وليس اختلاف للخروج من الماذق والعثرات المتتالية بارحب بضيوف الحلقة مرة ثانية الدكتورمحمد السعيد ادريس الخبير بمركزالاهرام للدراسات السياسية والاستراتيجية وأستاذ خالد بخيت رئيس ائتلاف الجان الشعبية وبارحب بضيفنا طبعا الزمن زمن الحرية والعدالة دلوقتى ممكن يجوا متاخرين براحتهم بالدكتور احمد ابو بركة المستشار القانونى لحزب الحرية والعدالة ازيك يا دكتور
د/احمد ابو بركة: اهلا بيك وباشكرك على الدعوة وانا لم اتاخر انا موجود من الساعة الثامنة كما اخبرت من الاعداد
محمد موافى : طيب بنحاول نعارض بس الاغلبية
د/احمد ابو بركة: انا سعيد بوجودى مع الدكتورمحمد ومع اخونا الكريم
محمد موافى : دكتوراحنا بنتكلم عن ان احنا بنبحث عن نقاط اتفاق المجلس الاستشارى اللى عينة المجلس السكرى اصدر مبادرة بعد ما اصدر المبادرة دخلنا فى جدلية اخرى زمان كنا دخلنا فى جدلية الدستور الاول والا الانتخابات الاول دلوقتى بقى الدستور الاول والا الرئيس الاول شايف ايه الاول والا ازاى نخرج من المسالة
د/احمد ابو بركة: انا هو الخروج الاول حينما نتفق على كلمة واحدة تسود وتعلو من اعظم الهامات للطلبا ت الشعبية اننا ننحل المشروعية على فئة من النا س صغارا كانوا اوقادة ثورة ويبدأو باتصالات المرحلة الجديدة مطلقين من كل قيد او ارادة او قيادة حتى من دستور اوقانون اللى حدث كان له اتصالات كثير فى مصروفى العراق وسوريا وفى ليبيا القذافى وتونس والجزائر وفرنسا سنة 1787 -1879 ونهى لكن ده كلة جنى على البشرية خراب ودمار كبير كان الهام عندهم هنا اعلان مبدأ سيادة الشعب واعلان مبدأ السلطات بيبقى الحاكم على الجميع قوانين احنا بنلتزم بيها وبتسود نرتاج كلنا وتعظم الاشتراكات وعظم محل التوافق ويبدأ بفقر البلادوبالتالى نحن نبدأ وضع دستور وهو ينفذ الان علينا ان ننضبط باحكام القانون ونختصر الاجراءات عموما فى الاطار الانضباط بقيمة القانون لاننا اسوأ شعب ارتكبة حسنى مبارك ونظامة هو حط قاعدة قوية معينة وهى سيادة الشعب
محمد موافى : تعديل
د/احمد ابو بركة: لألأ مش حكاية تعديل بس كان تزور الانتخابات معنى تزوير الانتخابات الغاء مجلس سيادة الشعب وبالتالى يفتح الباب على كل الفساد لوكان عندنا برلمان صحيح انتخب انتخابا حقيقيا عمر حسنى مبارك وحكمة لما شاهدنا فسادا واستبدادا للاموال ولاتخلف اقتصادى ولا تخلف تقنى وتعليمى وصحى ولا شئ بالمرة انما برلمان حقيقى وعنده صحة وعنده محاكم يقضى على الفساد وادارة الحكم الى اخرة فهى جريمة تاتى بعدها كل الجرائم وبالتالى لم يدرج هذا فى القانون ارادة الشعب المصرى فوق كل ارادة وانه مصدر السلطة وهنا بدانا نتحرك اعلان دستورى نافذ وما تم الاتفاق علية من ناحية انفاذة من الدستور المعطل فالتنفذ احكامة ومختصر الزمن داخل هذا الاطار بحيث ان قيمة القانون قيمة حية قيمة مركزية فى هذا المجتمع لا يسمح بالافتتاء علية
محمد موافى : طب اعلان القانون يا دكتوريعنى انا هروح للدكتورمحمد سعيد ادريس هناك من يرى ان كل المشاكل اللى احنا فيها سببها عدم قبول التعديلات الدستورية حتى الان يعنى قبول نتيجة الاستفتاء على التعديلات الدستورية ايه رايك فى الكلام ده؟
د/ محمد سعيد ادريس : شوف يعن هى البداية كان بداية بخطوة بدأنا مبكرا بصناعة يعنى لو كنا مشينا بمنطق العقل وصناعة مكناش وصلنا للى وصلنا الية يعنى كان الكلام المنطقى جدا ايه يقول الدستور اولا ثم الانتخابات
محمد موافى : طب متخلينا ولاد النهاردة بقى انا معارض اهو وباقاطع حضرتك
د/ محمد سعيد ادريس :باتكلم انا باجاوب على سؤالك احناوصلنا للى وصلنا له الان ده انا كان البداية والانقسام سببها الاعلان الدستورى هو الاستفتاء على الاعلان الدستورى الاستفتاء ان بدأ بشكل خاطئ وبشكل اعلامى الاعلام المصرى والصراع حوالية نعم ولا واتضاح الامور بهذا الشكل قضايا كانت ممكن بحوار والحوار حسن النوايا اية الافضل يعنى نعمل الانتخابات الاول والا نعمل الدستور الاول الشعب قال كلمتة يبقى بنلتزم بيها احنا عندنا مبدأ واضح اعلان دستور واضح مش فى الانتخابات ولكن مع تطبيق بنود او اجندة تم توسيعها بحيث بنتكلم طبقا للجدول ا للى المجلس العسكرى عملة 2013 يعنى ولما حصل
محمد موافى : بقت2012/6 يعنى فى بقولك اسئلة بتطرح ودراسات بتتعمل بلا اجابات وبلا معنى عايزيوضح طب ايه المقصود طب ده يعنى فى حالات كثيرة جدا لم يتعمل طب لية تم التصحيح اجراء خاطئ تم التصحيح احنا النهاردة مش هنرجع كثيرلورا نبدأ من الان احنا عندنا مجلس شعب هيتعمل انشاء الله المرحلة الثالثة على الابواب ننتهى من مجلس الشعب تعقد جلستة الاولى واذا كانت هناك نية لعمل مجلس شورى على دورتين كما اعلن بسرعة جدا نعمل انتخابات رئيس الجمهورية
محمد موافى : ما بسرعة جدا دى
د/ محمد سعيد ادريس : بمعنى لو سمحتى لى بمعنى ان التمديد اللى بلا معنى اذا كان ان انا باعلن ان فى بادى فرصة للناس ترشح نفسها اديهم مرحلة للاعلان عن نفسهم محدش بياخذ حق حد ولكن بالمنطق بالمنطق يعنى ايه مرحلة تلوالمرحلة انا مع ان يتم انتخاب رئيس جمهورية ويبقى عندى مجلس شعب وعندى رئيس جمهورية وعندى اعلان دستورى واصبحت فى دولة باستقرار عندنا كل حاجة
محمد موافى : بالضبط
د/ محمد سعيد ادريس :عندنا اعلان دستورى يبدا الاعداد الدستورى قبل اعلان دستور 71 ودستوراتعمل دستور 71 استفتاء شعبى علية والحاكم احنا ماشيين باعلان دستورى بنحكم بامان الدستورى بعد انتخاب مجلس
محمد موافى :ممكن يمشوا المسالة شوية
د/ محمد سعيد ادريس : شعب ومجلس شورى تبدأ اجراءات وضع الدستوروده لا يعنى اننا ننتظر لان الانتهاء من الدستور ثم رئيس الجمهورية
محمد موافى :طب هل
د/ محمد سعيد ادريس : تداخل ا لعمليات مع بعض
محمد موافى :جميل طب دكتورابو بركة هل مسالة استعجال انتخاب رئيس جمهورية قبل الدستور كما يطرحها البعض هو التخوف من الاغلبية التى حققها حتى الان حزب الحرية والعدالة وبالتالى لا يردون ان يدخلوا رئيس مجلس الشعب القادم هو الرئيس المؤقت القادم هل ده برضه سبب من اسباب الاستعجال ؟
د/احمد ابو بركة: لأ هو احنا تولى رئيس مجلس الشعب المؤقت ده لا سبب له فى الدستور القائم اطلاقا اكثر ما يؤلم الشارع العام المصرى ان الاهواء تسوق على انها قانون فى قانون كارثة فى قانون المحكمة قانون هل الكلام ده اصلا هوالدستور وبالتالى يسوق ويروج ويدعى كذب انه حقيقة دى مسائل صعبة جدا فى الفترة اللى احنا بنعيشها يعنى
محمد موافى : المسالة دى مطروحة بشدة يعنى
د/احمد ابو بركة: ايوا ماهى المواضيع ماهو طرح اعلامى من خلال حد طلع كلمتين
محمد موافى : جرى وراه
د/احمد ابو بركة: والاعلام جرى وراءة لأ ماهو برضه مش عاوز ااخذ قصة مؤلمة قصة الاعلام الان تتحملة ضفاف النيل هى مشكلة اساسية بلا شك لكن علينا ان ننضبط بقيم
محمد موافى : شغل الاعلام كده مين رئيس مجلس الشعب اللى جاى ؟
د/احمد ابو بركة: انشاء الله من سينتخبةالنواب يوم 23 يناير عندنا 498 نائب يستطيعوا لمجلس الشعب
محمد موافى : ما حددتوش نائب
د/احمد ابو بركة: لألأ سيحدد فى انتخاب
محمد موافى :دكتوراحمد بركات مايل لمن ؟
احمد بركات : انا لست نائبا
محمد موافى : مايل لمين يعنى
احمد بركات :انا
محمد موافى : انت يعنى لك وضع فى الحزب
احمد بركات :انا حضرتك اى ناخب 498 ناخب كلهم من مجلس الشعب بشرط الخبرة القانونية اللازمة من المجلس فقط لاغيردكتورمحمد احد
محمد موافى : طيب مين رئيس مجلس الشعب
د/احمد ابو بركة زى ماقال الدكتوراحمد
محمد موافى : انا ما قلتش اى حاجة
احمد بركات : زى انا ما قلت من حق اى نائب
محمد موافى : ان يطمح
احمد بركات : انا من المكلفين بمن رئيس مجلس الشعب دائرتى انا دائرة المنوفية واعاد الانتخاب هناك علشان تخش رئيس مجلس الشعب
محمد موافى :انتوا موافقين على الدكتورمحمد السعيد
احمد بركات :لأ الدكتورمحمد سعيد قيمة نعتز بيها جميعا
محمد موافى : موفقين والا مش موافقين
د/احمد ابو بركة: لان لان الحزب 498 نائب
د/محمد سعيد: اولا الدكتوراحمد هو اللى بيقول هذا الكلام انا باقول الفكرده ياجماعة ليه
محمد موافى : هه
د/محمد سعيد:ان القضية قضية اية الاصلح والاكثر توفقا واللى هيحوزباغلبية الناس وانا اعتقد ان القضية لن تكون اغلبية فقط يعنى ما اتمناة من الاغلبية سواء كانت حزب الحرية والعدالة اوغيرها الا تكون القضية قضية اغلبية فرض اسم للشعب ولكن قضية كفاءة ومستقبل مصر وانا شايف من خلال احتكاكى مع الاخوة فى الحرية والعدالة انهم حريصون على عدم الظهور كقوة متفوقة او كقوة حاكمة ولم يطرحوا ما يطلب على الشعب ولكن ولكن هم مع الكفاءة والاقتدار الشخص الكفئ والاقتدار هو صاحب القرار سواء من الحرية والعدالة
محمد موافى : لكن احيانا يا دكتوراحيانا يصدر انا بس مش عايز اتكلم لان لا يجوزفى توقيت الانتخابات انما يصدر عن الحرية والعدالة ونجد جمعية الاخوان المسلمين حاجة واحيانا نجد عكسها يعنى قلتم المشاركة للمغالبة ثم وجدنا مغالبة
د/احمد ابو بركة: لألأ صحيح
محمد موافى : لأ قلتوا كده
د/احمد ابو بركة: قلنا
محمد موافى : ده فى تليفزيون مصر
د/احمد ابو بركة:كنا قلنا
محمد موافى : هنشارك مش هنغامرقلنا هنشارك على 40% بس
د/احمد ابو بركة: قلنا هنشارك مش هنغامربس حضرتك قلنا ولازلنا عند قولنا
محمد موافى : انتوا عديتوا ال 40%
د/احمد ابو بركة:لألأ غير صحيح غير صحيح احنا فى الترشيحات تجاوزنا هذه النسبلاعتبارات تقنية بحتة ان احنا لما عملنا قوائم التحالف الاحزاب المشاركة معانا فى التحالف فى ناس منها خرجوا من الامر الانتخابى وان بقوا فى التحالف السياسى فاللى باقى فى التحالف الانتخابى قسموا القوايم 3 اجزاء صدر ووسط معندوش قائمة والاحزاب كان مطلوب منها تقديم مرشحين فى 3 اماكن احجمت بعض الاحزاب عن تقدم المرشحين فى الثلث الاخير
محمد موافى : فاضطررتم الى
د/احمد ابو بركة:ان نكمل الثلث الاخير شيل الثلث الاخير من القوائم واحسب الناس اللى حطينهم
محمد موافى :يعنى هبقى المسالة للتحالف الديمقراطى كلة مش لل
د/احمد ابو بركة:بالضبط بالضبط للتحالف الديمقراطى كاملا
محمد موافى : تمام معانا فضيلة الشيخ احمد ترك امام وخطيب مسجد النور عايز يقول كلمتة لمستقبل مصر الشيخ احمد از حضرتك
فضيلة الشيخ /احمد ترك : السلام عليكم ورحمة الله وبركاتة
محمد موافى : وعليكم السلام ورحمة الله وبركاتة
فضيلة الشيخ/ احمد ترك : اهلا بيك يا استاذ محمد وبضيوفك الكرام
محمد موافى : ربنا يكرمك
فضيلة الشيخ/ احمد ترك : اهلا بيك
كلا بمكانتة فى القلب وفوق الرأس
محمد موافى : ربنا يكرمك
فضيلة الشيخ/ احمد ترك :هوالحقيقة انا رؤيتى فى الايام القادمة ان الكل ينبغى ان يرتضى بالتحول السياسى فى مصر الملاحظ الفترة الماضية لما حدثت الانتخابات والبعض اعترض على نتيجة الانتخابات حتى انى سمعت البعض بيقول ان الديمقراطية مش انتخابات فقط لان هو بعد اى ثورات لابد ان تحدث هناك اخطاء لابد ان نرتضى بها بهذه الحالة بهذا التحول ايمانا وليس تفصيلا بكل ما فية من ايجابيات وسلبيات فى مقابل ان نصل الى درجتين عظيمتين من الامن ومن الاقتصاد القومى لان احنافى امس الحاجة الى امن قوى والى اقتصاد قوى كما اشار الدكتزرادريس فى مداخلتة سابقا الامر الاخر الحقيقة ان انا شايف ان احناعندنا ازمة فى قضية الانتماء للبلدوخلينا نتكلم بكل صراحة فى كثير من الاخوة وكثير من المصريين اللذين ينتمون الى احزاب او ينتمون الى تيارات انتماءهم الى التيارات والى الاحزاب اقوى من انتماءهم لمصر والتوصيف الصحيح والذى ينبغى ان يكون هو ان لابد ان انتمائى يخدم على مصر وليس مصالح مصر هى التى تخدم على انتمائى ومن ثم لا مانع من اى انتماء سواء للاخوان المسلمين او لحزب الحرية والعدالة او للسلفية اى تيار سياسى او حزبى شريطة ان فى النهاية كل هذه الانتماءات تصب فى مصب واحد فى نهر واحد الا وهى مصلحة مصر ومفيش تعارض هنا حتى دينيا مفيش تعارض
محمد موافى :هذا ما نتمناه يا شيخنا
فضيلة الشيخ/ احمد ترك :اسقط الانتماءات العصبية لكن الانتماءات الطبيعية لم يسقطها الاسلام شريطة ان النبى صلى الله علية وسلم قال لهم عن العصبية فى الاسلام وقال لهم دعوها فانها منتنة اخيرا احب اقول اين وزارة الداخلية النهاردة ؟ وزارة الداخلية فيها افراد اللى اخونا الفاضل اللى بيمثل ائتلاف اللجان الشعبية بارك الله فيكم انا عايز اعرف لماذا لم يعد دور وزارة الداخلية لاعادة الامن مرة اخرى لماذا المواطن المصرى النهاردة لما بيكون عنده مشكلة ويروح القسم يعمل محضر كل المحاضر بتبقى ادارى مش جنائى او جنحة وتتحفظ عايز اعرف يعنى فى حاجات يا جماعة
محمد موافى :استاذ احمد يعنى وزير الداخلية كان النهاردة فى الجيزة يعنى فى الشارع وعمال يعمل حملات
فضيلة الشيخ/ احمد ترك : يافندم انا مليش دعوة بوزير الداخلية انا ليا دعوة دلوقتى ان انا ليا عندى مشكلة بيتى او مشكلة فى شارعى او عربيتى اتسرقت رحت اعمل محضر بلاقى امن يحمينى دى فى مؤسسة احنا دولة مؤسسات يا جماعة احنا مؤسسات البلد لم تسقط
محمد موافى : احنا اتفقنا على الامن والاقتصاد وتعلية الانتماء
فضيلة الشيخ احمد ترك : نعم
محمد موافى :استاذ احمد ترك شيخ وامام وخطيب مسجد النور بالعباسية شكرا جزيلا لك انا عايز ارجع للاستاذ خالد احنا يعنى احنا بنتكلم عن الدستور اولا او الرئيس اولا بنتكلم عن الاخوان خدوا اد ايه فى الانتخابات السلفيين خدوا اد ايه فى الانتخابات انا عايز اعرف الناس مهتمة بالمسائل دى والا الحالة الاقتصادية مسيطرة عليهم ؟
أ/ خالد بخيت عبد الحميد : لحظة بس اعلق على كلام أستاذ احمد ترك
محمد موافى :ارجوك
أ/ خالد بخيت عبد الحميد : بيسال الامن فين او الداخلية فين الداخلية نزلت بقوتها يعنى هقول لحضرتك 95%
محمد موافى :حضرتك جايب منين النسب دى
أ/ خالد بخيت عبد الحميد : وعمله نشاط جامد حضرتك انارئيس اللجان الشعبية يعنى جميع
محمد موافى : بتنسق مع وزارة الداخلية
أ/ خالد بخيت عبد الحميد :لأ بانسق مع الاحياء بتعتى مع المواطنين اللى فى الشارع باقدر اعرف هل فعلا نزلوا
محمد موافى :فين
أ/ خالد بخيت عبد الحميد : جميع الاحياء حضرتك جميع احياء القاهرة
محمد موافى :يعنى انا لو وقفت فى اى لجنة شعبية مثلا والناس طلبت منى بطاقتى اورايح فين جاى منين ده لو لاقدر الله اقول لهم انا اعرف أستاذ خالد
أ/ خالد بخيت عبد الحميد :لأ وحضرتك تعرفنى لية انت مواطن مصرى شريف طبعا تمشى بحريتك فى البلد مفيش اى اختلاف عليها انما احنا اللجان الشعبية كانت معمولة للبلطجة وللحركات والاسلحة اللى دخلت وخرجت والكلام ده كلة احنا مكناش موجهين احنا كنا موجهين لامن البلد بكل محتوياتة واخد بال حضرتك فا احنا نفترض حضرتك مثلا يعنى المكان اللى انت فية يعنى مش مشكلة اعمل فية لجان شعبية مافى لجان شعبية كثير هو امن مفيش
محمد موافى :انا عايز بقى اية اللى هممنا دلوقتى هل هى مسالة الرئيس اولا الدستور اولا والا مسألة الامن واكل العيش
أ/خالد بخيت : والله الناس فى الشارع دلوقتى حاليا حاجة واحدة بس هى اكل العيش والام فوق كل حاجة فوق الدستور وفوق القانون وفوق البرلمان وفوق الرئاسة لان الفترة اللى عدت دى كلها احنا عشنا حياة سيئة لدرجة متتصورهاش فا ادينى الامان دلوقتى وخلينا نعيش مرتاحين بعد كده اللى انت عايز تعمله اعمله تجيب برلمان الاول تجيب رئيس الاول مش هتفرق معانا بس ادى المواطنين امان يتحركوا برحتهم فى البلد
محمد موافى :دكتورابو بركه هل وانتوا شغالين فى الشارع شغالين فى الانتخابات بتتكلموا فى المسائل دى بتتكلموا فى الدستور والا الرئيس وشكل الاغلبية جوا مجلس الشعب وشكل المعارضة يبقى عامل ازاى برضه انتوا ورثتوا تركه ثقيلة يعنى تركه مش سهلة مطلقا يعنى مليانة هذه الهموم فين هى يعنى فين هى من الاجندة ام اجندة السياسيين كلها انا مبتكلمش على حزب بعينة يعنى هل دى موجودة عند الناس انا لحد دلوقتى مشفتش ان كل الاحزاب قدمت برامج واضحة بشكل مصر الجيد ازاى هنخرج ازاى هنجيب فلوس
د/ابوبركه : حزب الحرية والعدالة
محمد موافى :انا مش عايزاتكلم عن الحرية والعدالة انا اسف يعنى بس انا باتكلم انت شايف ايه
د/ ابو بركه:فى الحرية والعدالة قدمنا برنامج انتخابى واضح فيه محور سياسى متعلق بشكل الدولة ونظامها السياسى ودستورها ومتعلق بيها فى محور امنى وفى حلول لقضية الامن
محمد موافى : انا اسف والله يا دكتورانا مش عايز اتكلم عن حزب العدالة
د/ ابو بركه:انت حضرتك انت بتسالنى
محمد موافى :لأ انا بس حضرتك شايف ان النخبة التى تتحدث القوى السياسية اللى موجودة كلها هى مهمومة بالمسالة دى شايفة ازاى هنخرج ازاى هنجيب فلوس
د/ ابو بركه:لأ هو المفترض يكون ده لكن للاسف الشديد فى الواقع
محمد موافى :انا باسال علشان الانتخابات مش عاوز اسأل عن الحرية والعدالة
د/ ابو بركه:اه فى الواقع .... لكن حضرتك زى ما قلت لك عندنا فى البرلمان الانتخابى يعنى قلت لك المحور الامنى فى حلول على المدى القصيروفى حلول على المدى الطويل المحور الاقتصادى ايضا عندنا فى الحلول العاجلة عندنا القضايا لا تحمى الا المتعلقة بالعدالة الاجتماعية والمتعلقة بالحاجات الاساسية امور متعلقة بالضبط الامنى على مستوى اقل من الدخل عل مستوى اعلى من الدخل متعلقة بقضية الاسعار بقضية التضخم بقضية الاستثمارات امور كثيرة جدا جشد جملة موارد مهمة جدا الموظف عندك المركزى من احداث التغيير بشكل عاجل عندنا طبعا رؤية فى الجانب القصير على المدى الطويل اعتقد ان وقت البرنامج لوتسمح لى
محمد موافى :اتفضل
د/ ابو بركه:اعلنها بشكل كامل
محمد موافى :ادينى ملخص
د/ ابو بركه: اه يعنى فى محور التنمية مثلا فى تنمية عمرانية فى انتاجية فى تنمية فى تنمية بشرية التنمية العمرانية ان احنا هنعمل اقطاب تنموية بمعنى انى انا اعيد توزيع السكان من خلال انشاء اقطاب جديدة اقطاب عمرانية بتفعل وتوزيع عن طريق خريطة السكان فى مصر من جديد ده فكرا وفلسفة العملية الانتاجية النهاردة مسالة التعليم والصحة وكل ما يتعلق بالانفاق على الانسان هو انفاق اقتصادى نظام القانون كان محتاج الى كل ما يتم انفاقة على الانسان هو انفاق غير اقتصادى على العكس هو انفاق اقتصادى وبالتالى بنسعى الى تعظيم الاستثمار العام حاليا هناك مصدر حاليا 4% من حجم الاقتصاد مخطط منه 30% عندنا حشد لتحصيل اراضى الدولة التى تم اهدارها اكثر من 100 و 300 مليون او 300 مليار عندنااكثر من 16 مليار دولار ضمن اتفاقية الغاز الطبيعى والزيت وعندنا اكثر من 12 مليار دولار من تعلية استخدام الغاز الطبيعى فى محطات انتاج الطاقة وغاز المنازل + اعادة النظر فى قضية الدعم كلها بحجب الدعم باستخدام الطاقة الذى يستنزف جانب كبير من مخصصات الدعم والموازنة العامة للدولة
محمد موافى : احيانا
د/ ابو بركه:بكل تاكيد عندنا 3 ونص مليون فدان قابلة للاستزراع فورا من اجود الاراضى فى مصر
محمد موافى : عندنا اكثر من كده على فكرة يعنى انا قرات مصر فيها اكثر قابلة للاستصلاح
د/ ابو بركه: الاستصلاح انا مش باتكلم عنه عندنا ا وب وج اناباتكلم يعنى بالضبط وباقيتها موجودة للاستصلاح فورا وللزراعة فورا
محمد موافى : طب هستاذن حضرتك احنامعانا تليفون دكتوراحمد كمال من القاهرة دكتوراتفضل
د/ احمد كمال : اهلا وسهلا بحضرتك سلاموا عليكوا
محمد موافى : وعليكم السلام
د/ احمد كمال : لو تكرمت تسمح لى بالمداخلة فى المناقشة
محمد موافى : حضرتك فى المداخلة اتفضل يا افندم
د/ احمد كمال :انا طبيب بشرى كنت عايش طول عمرى خارج مصر وانا شايف ان نتيجة ال 30 سنه اللى حكموا مصر افسدوا الانسان المصرى كاملاواقصد الانسان المصرى جميع الطوائف وجميع المهن باشعر باسى شديد لما يكون فى تحامل على الشرطة او على البين الاطباء فاسدين المعلمين فاسدين التجار فاسدين رجال المرور فاسدين
محمد موافى : فى مسلسل علشان ما يبقاش قال قال بس يعنى
د/ احمد كمال : لأ اناعارف انك بتتحفظ فى الكلمة لكن هى اوسع من كدة لأ مش مسالة بس لأ هى الاتساع بتعها خلت الناس حتى سلوكياتها وضمائرها تختلف حزب النور والعدالة انا لا حزبى ولا ليا اى انتماء كل انتمائى الى الله سبحانة وتعالى ثم بلدى لوكان فى اى حد اخذ الاغلبية فى الانتخابات اللى فاتت لوحزب اللبراليين اخذ الاصوات العليا والمقاعد كان الاخوان المسلمين ولعوا فى البلد نار لوكان حزب الوفد او الغد او الائتلاف والثورة هو اللى كسبها كان الباقى قالوا الانتخابات مزورة انا من ضمن الناس اللى احب الاسراع فى الخطواط لكن التسرع هيجيب مصيبة كنت اعتقد ان الوظيفة الاولى المجلس العسكرى وبجانبة وزارة الداخلية انه فعلا يعيد الطمانينة التامة للشعب المصرى لكن الامور اتسابت فترات جمعة ورا جمعة ورا جمعة مع اقطاب بتكرر هى نفسها بدون اصلاح للامن ده خلى الناس تفقد الثقة تماما اناواحد من الاغلبية الساحقة اللى قاعدة فى بيوتها
محمد موافى : يا دكتورحضرتك شايف ان فى حالة انهيارعند كل الطوائف اوكل الفئات وشايف ان العجيل اوالامن اولا
د/ احمد كمال :الامن اولا الامن اولا الامن اولا
محمد موافى : شكرا جزيلا دكتورحضرتك دكتورابوبركه انا اسف يا دكتورمحمد انا هرجع هنا لان فى اتهام لو كان اللى اكتسح الليبراليين كان الاخوان والسلفيين ولعوا فى البلد ده اتهام مش منى انا
د/ ابو بركة :مع كامل تقديرى لاخى الكريم المتصل واتفاقى معه تماما فيما قال به ان الاستبداد له طبائعة تطبع على كل شئ فى المجتمع على القيم وعلى العلاقات وعلى الافراد وعلى السلوكيات وعلى اصحاب المهن وعلى الحرفيين
محمد موافى :علشان كدة فى حالة انهيار عام
د/ ابو بركة :فى حالة قيم موزونه قيم واخلاق سلبية بلا شك تحتاج الى جهود جبارة لكى نعيد الامر الى نصابة من جديد وتتفتح الافاق بنظام سياسى مرن يفتح افاق المشاركة وايجابية والفعالية والثقة لدى كل المصريين هذه المشاركة وهذه المنظومة حتى يعود فاعلين لهم حق التمييز من المجتمع سياسى واقتصادى واجتماعى ده المخرج الوحيد من الخروج من المنظومة السلبية والاخلاق الذى يمثل الاستبداد بطبيعتة انا اختلف معه تماما بما قال انه لو كان حد غير الحرية والعدالة فاز الدنيا بقت نار اطلاقا لان الحرية والعدالة من اليوم الاول حريصون كل الحرص على انهم بحكم القانون يا سيادة حكم القانون واول من نادى ساعة خروج مبارك نفسة ان نعمل لسيادة الشعب وان الشعب مصدر سلطة ولذلك نجدده ملتزم بة المجلس العسكرى الاعلان الدستورى الاول الذى صدر فى 18 /2/2011 عقب سقوط المغربى يوم 1وان نحن مش ..عن الشعب وان الشعب مصدر سلطات ولم نعمل تحت هذه الشرعية وننفذهاوبالتالى كان الاخوان منذ اللحظة الاولى هم اللى مسكين بقواعد يعنى امن الداخل والخارج المواطين جمعا قالوا هذا
محمد موافى :اذن انتم من البداية تماما
د/ ابو بركة :تماما نرحب بنتيجة الانتخابات اى ان كانت ولو لم ناخذ فيها مقعدا واحدا فى كل النجاحات اللى فى المعارضة ده فى عمرنا كلة وفى النقابات المهنية لما كنا موجودين وحصلنا على مقاعد النقابات بكاملها
محمد موافى :اذن انتم مع الاستقرار
د/ ابو بركة : بكل تاكيد
محمد موافى :طيب دكتورمحمد يعنى الاخوان اوالحرية والعدالة مع الاستقرار لكنهم رفضوا الانضمام الى المجلس الاستشارى كخبير استراتيجى شايف المسالة دى ممكن تكون عمله ازاى
د/ محمد : انا اعتقد ان الدكتوراللى كان بيتكلم من شوية وكلمة الحرية والعدالة بشكل محدد هو فى النهاية عايز يقول فى حالة رديئة فى حالة نفسية رديئة الكل يشكك فى الكل هو عايز يقول هذا المعنى ولكن موقف الحرية والعدالة المجلس الاستشارى هما انضموا الى المجلس الاستشارى فى بدايتة ولكن مع الكلام عن الاختصاصات الاستشارى وتحدية والة الدستور من سيعد الدستور اللجنة التى ستضع الدستور والمعايير التى تحكم ده كان من وجهة نظر الحرية والعدالة للتدخل من شان مجلس الشعب او البرلمان وظيفة المجلس الاستشارى هذه الوظيفة ولكن الاقتناص لوظائف مجلس الشعب وعشان كدة قال بقى ان المجلس العسكرى عمل المجلس الاستشارى ده علشان ينتقص من سلطات مجلس الشعب وطلع اللواء امللا اتكلم ان لمجلس الشعب ده مش هيكون سلطة على الحكومة احنانؤمن تفريغ سيادةالشعب انا هاخذ بقى مش من تاثير مجلس الشعب ولكن احتواء ارادة الشعب ده كلام ان تخوض الكلام الاول ده اللى بيوجد عدم الثقة يعنى تصريحات من هذا النوع
محمد موافى :انا بس ادامى علشان الوقت
د/ محمد : انا ما تكلمتش انا كان عندى
محمد موافى : والله انا شخصيا
د/ محمد : ادينى الحوار مستعد اتوقف
محمد موافى : لأ اتفضل يا دكتور
د/ محمد : انا عايز اقول اذا كنا بنختتم حلقتنا ان الاخطاء كثير ولكن الافضل لا نتصيد الاخطاء لبعضنا البعض
محمد موافى : بالضبط
د/ محمد : ان نبدأ بالفعل بلدنا فى خطر
محمد موافى : نعمل ايه بقى اناعايز اعرف
د/ محمد : يعنى نعمل الحوارات انا مش عايز اجهزة الكلام تيجى هنا نقعد ونتحاور ولكن انا باقول المسالة فى فرق بين التسرع والاسراع
محمد موافى : لكن لازم
د/ محمد : الاسراع انا مع الاسراع المتوازن ونسمع .. مع اسراع الوقت
محمد موافى : تمام
د/ محمد : خطوات جادة ومبادرات تحدث الصدق يعنى ما حدث فى محمد محمود وما حدث امام مجلس الوزرا والانتهاكات التى اتخذت تطلع بيانات تقول ده الشعب عملها ده الجيش عملها ده الشرطة المهم مين اللى عملها
محمد موافى :عايزين شفافية للموقف
د/ محمد : عايزين شفافية وعايزين وضوح
محمد موافى : انا اسف جدا يادكتوروالله الوقت انا هاخذ كلمة من أستاذ خالد يعنى رقم واحد تقول ايه للناس دلوقتى يا استاذ خالد
أ/ خالد بخيت : امن البلد
محمد موافى : امن البلد دكتورابو بركة المخرج دلوقتى هل الخروج هو الاخلاق ؟ الثقة الشفافية الاولوية
د/ابو بركه : كل ده مع بعضه ترتيب اولوياتنا لم نقف لبعض لكى نعيش فى خراب ونبنى حكم ديمقراطى وننهى عصر يذل الشعب ونبنى شعب سيدا من جديد لهذا الوطن
محمد موافى : شكرا
أ/ خالد بخيت : عن وعن احزابنا وعلى موقفنا ولكن نبص لمصر فقط
محمد موافى : وانا اوعدكم تماما شكرا جزيلا دكتوراحمد ابوبركة المستشار القانونى لحزب الحرية والعدالة شكرا جزيلا لاخونا أستاذ خالد بخيت عبد الحميدرئيس ائتلافات اللجان الشعبية المصرية نورتنا شكرا جزيلا للخبير الاسترايتيجى عضو مجلس الشعب الدكتورمحمد سعيد ادريس شكرا جزيلا لحراتكوا اسف لو حصل اى لخبطة فى ترتيب المسال لكن انا اتفق مع الضيوف تماما الامن اولا الاقتصاد اولا التعليم اولا لكن قبل ده كلة الاولا ثم اولا اولا انما الامم الاخلاق مابقيت فان هم ذهبت اخلاقهم ذهبوا دمتم فى رعاية الله وامنه .