مساحة للرأى

محمد جوهر : مرحبا بكم مشاهدينا الكرام فى حلقة جديدة من برنامج مساحة للراى فارق كبير بين التوكل والتواكل فارق كبير بين الغضب والابتلاء الفارق ايضا بين الاخذ بالاسباب وحسن الادارة والتعامل مع المشاكل بالدعاء اعصار ساندى اتخذه البعض على انه غضب ربانى على الامريكيين لم تمنعة الصواريخ ولا الدبابات كما يرى علاء البحار فى الحرية والعدالة البعض الاخر يرى فى حسن ادارة للازمة وتقليل الخسائر كما يقول مصطفى النجارفى الشروق اما جمال الغيطانى فى الوطن فيؤكد ان الدرس المستفاد من هذاالاعصار هو مواجهة الكارثة بالعلم والتخطيط وليس بالتواكل والدعاء ماحدث من الادارة الامريكية فى التعامل مع الاعصاء ساندى نقطة انطلاق فى مساحة للراى اليوم مع الكاتبة الصحفية الاستاذة سحر عبد الرحمن نائب رئيس تحرير الاهرام اهلا بيك استاذ سحر
د.سحر عبد الرحمن : اهلا وسهلا
محمد جوهرد.سحر عبد الرحمن : استاذة سحر لوبدأنا بالحديث عن القدرة على ادارة الازمات لدى الامريكيين فى هذه الفترة مقارنة بفترة جورج بوش التى ربما وصفها البعض بالمهمل اوالمتراخى فى معالجة عصار كاترن
د.سحر عبد الرحمن : بالظبط هو احنا لو فسرنا او رجعنا لموضوع الاعاصير او الازمات الحقيقية التى ضربت امريكا الحقيقية او هما صنفوها ان هى اكبر ازمات حصلت لهم فى تاريخ امريكا كلها كان فى اعصاراندرو سنة 1992 كان فى طبعا 11سبتمر والمصيبة اللى حصلت فيه ساعتها بعد كده كان اعصار كاترينا اللى هو كان سنة 2005 واخيرا اللى هو ساندى طبعا انا باتفق تماما مع اللى قالة الاستاذ جمال الغيطانى او مصطفى النجارفى ان اللى حصل دوت ما حصل او الاعصار او الازمة الطبيعية اللى حصلت دى دى ازمة كانت طبعا يعنى مكنش ممكن يعنى لحد يقف ادامها ولكن هما فعلا هما ضربوا فعلا مثل حقيقى فى ان البلاد دى مش عايشة كده يعنى على ما تفرج او حسب الدنيا ماشية كويس مش ماشية كويس لأ الناس دى فعلا عندها مؤسسات وعندها ادارات حقيقية وعندها امور بتبقى فيها تحسب لاى ازمات بتحصل عندها زى ما بيقولوا تنبأت لان هما بالفعل تنباوا وكانوا حذروا مواطنينهم قبل الاعصار بفترات طويلة والناس بالفعل خدت احتياطاتها والناس التزمت وطالبوا الناس التزام البيوت وطلبوا من الناس ان هما يروحوا يشتروا ملتزمات الغذائية او حسب مواجهة قطع الكهرباء والحاجات دى يعنى هما الناس كانوا بيتعاملوا بشكل علمى وبمنهج علمى مدروس وبمنهج علمى حقيقى فى ان هو بيدر ازمة حقيقة اوبيدير ازمة طبيعية حصلت هو ملوش اى دخل فيها ولكنه جاهز يعنى بيقول للطبيعة انا جاهز لاى كارثة لاى تقلبات لاى مشاكل لاى ازمات ممكن تحصل عندى ولازم نبص على الرقم اللى رقم الوفيات او الخسائر فى الارواح انت بتتكلم على يعنى ما حصلش يعنى 100 فرد حصل لهم وفاة وحصل لهم موت لان انت النهاردة ازمة بحجم الاعصار دوت اعتقد ان هى لو كان فى اى مكان تانى كانت خلفت مش الافات كانت ملايين من البشر ولكن هما طبعا ما حصل وان انت بتتكلم على 40 واحد ماتوا فى احد المناطق وفى نيويورك وفرجينا ونيو جيرسى مثلا بتتكلم على 13 الى 19 واحد هما دلوقتى بيحققوا فى ان دول ماتوا ودول قالوا ان هما الحكام بتوع المناطق دى او المسئولين على المناطق دى هما طلبوا الناس لان هما يلتزموا منازلهم وعملوا اجراءات معينة ان على الناس كلها انها تلتزم بيها وهما قالوا ان اللى نزل هوبيعرض نفسة للخطر وما بيستمع للنصائح وما بيستمعش للتعليمات المطلوبة منه وبيعرض اللى بيروح عشان ينقذه كمان للخطر يعنى عايزين نقول كمان اللى ماتوا دول او اللى انتهوا دول انتهوا بمحض ارادتهم يعنى هما لم يستمعوا الى نصائح او تعليمات اللى جت ليهم فيعنى احنا بنقول ان كان بقى احنا عايزين بردوا هى دى غضب من ربنا وغضب طب انت ليه ما قلتش غضب ربنا لما حصل زلزال اكتوبر 92 فى مصر وزلزال حصل يعنى خلف اكتر من 60 واحد مات غير الانهيارات اللى حصلت فى المنازل والخراب اللى حصل للناس والكلام دوت فيعنى اعتقد ان ده كلام غير مقبول بالمرة ان احنا نتكلم على ان ده غضب الهى او رضا من ربنا
محمد جوهر: طب يعنى لو زى ما حضرتك ذكرتى على زلزال بتاع التسعينات يعنى ربما فى دولة زى فنلندا ربما كان بيعايرها البعض من الدول الاسكندنافية انها دولة زراعية لا تهتم بالعلم وباشياء كثيرة لكن فى العشرين سنة الاخيرة قفذت قفذه كبيرة وتحولت فلندا الى تقنية الهاتف المحمول الى لازم يبقى مكتوب عليه المكان الفلانى يعنى بدون ذكر
د.سحر عبد الرحمن : بس هو
محمد جوهر: حتى القرية بتاعت الهاتف على اسم القرية يعنى لكن نلاحظ الدولة ذى دى مهتمة اهتمام كبير جدا بموضوع الازمات ولكنها بعيده كل البعض عن الاماكن ابللى ليها علاقة بالزلازل عن الاماكن اللى ليها علاقة حتى بالبراكين ولكنها مهتمة بده ايه اللى بينقصنا رغم ان احنا قريبين ان يحدث لنا لا قدر الله كارثة من هذه الكوارث زى الزلزال مثلا ان احنانحاول نعمل مؤسسة لادارة هذه الازمات زى ما حدث لا قدر الله او
د.سحر عبد الرحمن : صحيح ان معاك تماما بس انا عايزاك حضرتك بردوا تقول لى والقمامة والزبالة اللى موجودة ومحيط بيك فى كل مكان ده ازاى لحد دلوقتى واحنا عايشين وانت شوف بقى الزبالة دى وايه اللى ممكن ينتج عنها وانت لحد دلوقتى معملتش ادارة ولا عملت مؤسسة ولا عملت هيئة يبقى منوط بيها ان هى تشيل الزبالة والقمامة اللى محيطة بطل الناس وفى كل المناطق وفى كل المحافظات يعنى ما فرقتش موجودة
محمد جوهر: هل نظافة وتجميل القاهرة مثلا من ضمن الهيئات المسئولة عن نظافة وتجميل القاهرة والمحافظات
د.سحر عبد الرحمن : هى هى هل هى نجحت اهى دى بقى لا كارثة طبيعية ولا كارثة يعنى زى ما بيقولوا بقى ان احنا قاعدين وربنا بلانا بقى بحاجة وحشة يعنى لكن دى حقيقة ده امر واقع هل النهاردة احنا فى مصر قدروا ان هما فى مصر يخلصوا الناس من الزبالة الموجودة قدروا يحلوا مشكلة مثلا يعنى خلينا نتكلم فى حاجات بردوا حاجات بتمس الناس وفعلا بتسبب ازمات حقيقية للنا س هل الحكومة النهاردة قدروا يوفروا انبوبة الغاز للناس اللى بتروح تجيبها ب 100 جنية وب50 جنية وما بتلاقيهاش عشان بس يعنى يامنوا مثلا اكلهم
محمد جوهر: الضروريات
د.سحر عبد الرحمن : يعنى بنتكلم فى حاجات فى منطق يعنى عيب والله يعنى عيب يعنى احنا بنقول عايزين نعمل مؤسسات ونعمل هيئات عشان نواجة بيها غضب الطبيعة او نواجة بيها ايه اللى ممكن ينتج عن الطبيعة واحنا بالفعل الحاجات الطبيعية اللى هى بتحصل بفعل البنى ادم احنا مش قادرين نتخلص منها مش قادرين ان احنا نحل ازماتها فا انا باقول احنا الاول نحل المشاكل دى ونحل ودى مشكلة حقيقية مشكلة حقيقية جدا ان انت الى الان وانت فى 2012 ومش قادر تحل مشكلة الزبالة لحد الان الناس بتتنقس بردوا الدخان بردوا وبيقولك بتاع حرق الرز والحاجات دى مازال السكان فى كل المحافظات بيعانوا منه النهاردة انت بالليل القاهرة ما بتقدرش تشوفها من كتر الدخان ومن كتر دى امور بقالها عشرات السنين والى الان محدش قدر يحلها او محدش عنده الارادة الحقيقية او
محمد جوهر: طب ليه ما نتعلمش من الدرس يا افندم ؟
د.سحر عبد الرحمن : لأ احنا ما بنتعلمش احنا للاسف احنا يعنى عارف
محمد جوهر: الهيكل الادارى كل شوية بشكل او باخر يبقى لازم الواحد يسترضى مديرة او اللى اكبر منه يعنى ايه مشكلتنا ازمتنا فى ايه بالظبط ؟
د.سحر عبد الرحمن : مشكلتنا ان الناس يعنى الناس يمكن انا مش قادرة افهم المسئولين مش مؤمنين ان دى معاناة كبيرة قوى بيعانى منها الناس او بتمر بيها الناس انت النهاردة بتبقى زى ما باقولك الزبالة موجودة فى كل مكان يعنى ده بيولد عنه امراض وبيخلف عنه مشاكل يعنى حاجات كتيرةلما تبقى انت ودى مصر يعنى انت بتتكلم فى ايه انت النهاردة فى اى احياء من احياء القاهرة هتلاقيها مقطظة بالقمامة فى كل مكان فا ماعتقدش انت عندك الارادة الحقيقة من قبل المسئولين على ان الموضوع ده ينتهى وبعدين لما جت وقالوا ايه احنا هنعمل حملة عشان خاطر نشيل الزبالة من كل مكان ويبقى ده المشروع القومى يعنى طب ما حاجة جميلة جدا وكلام حلو قوى قعد اد ايه المشروع القومى دوت وبعد كده اتنسى بقى وراح مع حاجات تانية احنا للاسف بنركز فى حاجات يعنى ملهاش يعنى ما بتعملش اى حاجة للبنى ادم ما بتضفش للانسان ما بتضفش للمواطن العادى احنا بنركزفى ده نروح مثلا لما بيعملوا احتفال زى اللى حصل كدة فى المنيا يروحوا يكفروا الناس هناك ويروحوا يضربوا الناس ويخوفوهم ويرهبوهم هوده اللى احنا بنقول عليه هى دى الحاجات الغريبة الغلط اللى احنا بنكمل وبنمشى عليها لكن ان احنا نعمل حاجة فعلا فى صالح المواطن المصرى دوت او فى صالح الناس يعنى ما اعتقدش ان هى الحقيقة بتلاقى صدى كبير قوى عند البعض
محمد جوهر: طب المواطنين بردوا يا افندم ليهم دور وليه دخل مش كلة على الجهات التنفيذية
د.سحر عبد الرحمن : اكيد اكيد
محمد جوهر: لكن يعنى هل سقف الحرية اللى احنا تمتعنا بيه فيما بعد او احنا فاهمين الحرية غلط او ان انا اقدر اعمل اى حاجة فى اى وقت او انا اقدر اعمل اللى انا عايزة من غير سقف كده
د.سحر عبد الرحمن : لأ هو مفيش حاجة اسمها من غير سقف احنا اتفقنا ان احنا بنقضى على الفساد وبنقضى على اى حاجة غلط بحاجة اسمها القانون القانون هو ده اللى هيطبق عليك وعليا وعلى كل الناس النهاردة القانون ده ليه ما بيتفعلش ده سؤال ليه القانون مابيتفعلش على كل واحد مخطئ وان المخطئ ده لازم ياخد جزائة لان هو عارف عمرة ما هيكرر اخاطئوه دى الا اذا كان فعلا كان فى جزاء وفى عقاب وفى قانون موجود هو عارف ان لما هيعمل حاجة غلط هيتم مواجهتة وهيتم حسابة النهاردة ده مش موجود للاسف انت النهاردة مفيش كل الشعوب اللى عندها الحرية دى عندها حرية بس حرية مسئولة تحت مسمى قانون يعنى كل واحد مش كل واحد كده يصحى الصبح يفتكر ان هو عايز يعمل اى حاجة فيقرر ان هو ينزل يعملها بدون ما يشعر ممكن تكون من وجهة نظرة هو صح لكن من وجهة نظر المجتمع اللى عايش فيه هى مش مظبوطة لكن هو عارف ان هو عنده قانون هيحاسبة علي كل حاجة لحد دلوقتى للاسف يعنى انت معندكش قانون وان كان عندك قانون عندك قانون غير مفعل ما بيتنفذش على اى حد ما بيتنفذش بالاساس عندك عشوائيات عندك فوضى عندك بلطجةحتى فى كل حاجة كل القطاعات عشان كده انت لحد دلوقتى انت مش قادر تحل مشاكلك مش ودى الازمة المرعبة اللى احنا كمان داخلين عليها اكتر انت لحد دلوقتى فين الخطوات الملموسة اللى انت شعرت فيها ان حصل تحسن فى الاقتصاد فين السياحة اللى مفروض ان هى كانت تيجى فين الاستقرار فين حالة الاستقرار الموجودة فى البلد معلش ده مش حاصل فا احنا النهاردة قلنا وبنقول وبنعيد وبنزيد فى الكلام دوت ما ينفعش لسه نجرب ما ينفعش لسه ناخد وقت والكلام ده لان انت بتتكلم على اكتر من 85 مليون بنى ادم هو عايز تامن له كل احتياجاتة
محمد جوهر: بس يعنى زى ما ادينا فرصة للانظمة السابقة وعدت على سيادتك وعدت علينا بردوا احنا بردوا ندى فرصة للنظام الجديد او للطريقة الجديدة اللى هيتم التعامل بيها مع الازمات ومع المشاكل حضرتك طب بتنظرى لده ازاى
د.سحر عبد الرحمن : انا شايفة الحقيقة انا شايفة بس مرورا بس مش شايفة حتى ان فى ابراز لدور العلم لدور انا شايفة ان احنا عمالين بنروح بس زيارات للمساجد خطب فى المساجد كلام كلام كلام كلام لكن انا مش شايفين افعال حقيقة
محمد جوهر: يعنى حتى بعد كلام الرئيس مرسى بالارقام او بالنسب عن ما تم تحقيقة او انجازه فى خلال فترة الفترة تولية الحكم وصولا الى المرحلة التى تحدث فيها عن هذه النسب او هذه الارقام ؟
د.سحر عبد الرحمن : الحقيقة انا يعنى انا ما باحبش ان انا اكتب حاجات انا باراجع تعليقات الخبراء الاقتصاديين براجع مثلا تقارير الهيئات الاقتصادية الجهات المؤسسات الاقتصادية على الاقل تم ذكرها ما باشوفش ان فعلا ان الكلام ممكن يكون بيضاهى او متفق تماما مع الوضع الحقيقى او التقارير الحقيقية اللى بتنتج من هيئات المؤسسات منوط بيها العمل على تقليص الحياة الاقتصادية فى مصر يعنى ما بشوفش دوت وبعدين زى ما باقول لك انت مازال النهاردة الشارع فيه ازمات حقيقية انت ازمة الغاز لحد دلوقتى هل هى انتهت ارتفاع الاسعار انت مش بتعانى زى كل الناس من ارتفاع الاسعار فى كل الحاجات يعنى فى تامين حتى السلع الغذائية الطبيعية الكلام على رفع الدعم غلق المحلات يعنى كل شوية يقولك احنا هنقفل المحلات الساعة 10 لا هنقفل المحلات احنا مش هنقفل المحلات الساعة 10 التخبط هى دلوقتى سمة الامور بتتكلم فى حاجة تانية الاحكام المستمرة على الناس اللى كانوا متهمين فى قضايا ارهابية والمحسوبين على تيارات بعينها والكلام النهاردة كمان على كل يوم والتانى انت بتقبض على خليات
محمد جوهر: طب قبل الحديث يا افندم على ده هل احنا مفتقدين للعمل الجماعى يعنى احنا عندنا ازمة فى ان احنا نكون متواصلين ومتصلين مع بعض وعندنا تنسيق فى مثل هذه الامور والا ده مش واجبنا ان احنا نكون متعاونين قوى من الجهة التنفيذية اللى بتقوم بهذا الامر يعنى يكون فى بينا وبين بعض احنا نفسنا ما بردوا هما عندهم القرية او المحافظة او المكان اللى هما فيه عملة زى دولة جوا الدولة دولة صغيرة بتحافظ بس فى النهاية هى بتنفذ قوانين الدولة العليا حضرتك شايفة ده ازاى
د.سحر عبد الرحمن : لان دول ناس بتشتغل شغل مؤسسى يعنى اى دولة محترمة او اى دولة النهاردة تم تخصيصها على انها دولة متقدمة دى تشتغل عمل مؤسسى انت حتى لما النهاردة ملهمش تم انتخاب فلان من الحزب الفلانى تم انتخاب علان من الحزب التانى لأ دى فى مؤسسات دولة بتشتغل مش معنى النهاردة ان جه واحد من مكان اوواحد من تيار تانى لأ فى مؤسسات معنية باحتياجات الناس معنية بمشاكل الناس معنية بنهضة معنية بتنمية للمجتمع اللى هى فيه انت لحد دلوقتى ده مش موجود وبعدين احنا ما قلناش هنخترع العجلة يعنى انت النهاردة زى انت ما بتقول مبسوط من نموذج زى دولة زى ديت النهاردة طب وانت ليه فعلا ما تجيش وتاسس لعمل مؤسسى النهاردة المحافظات دى انا هشتغل عليها هشتغل مفيش مركزية هدى حرية كاملة مثلا للممحافظ او للى بيشتغل فى المكان دوت وبعد كده هحاسبة يعنى مش هيسيبة بقى 4 خمس سنين عشر سنين الكلام ده لأ الموضوع ده ما ينفعش انت النهاردة خلا ل5 تشهر انت ملتزم بتنفيذ مثل اجندة معينة اوبتنفيذ اعمال معينة وهيتم حسابك عنها فى نهايةالفترة دى الكلام ده لحد دلوقتى ما بيحصلش واحنا قلنا كل مكان محتاج تكون الناس بتفهم فيه فعلا خلاص بقى حكاية اهل الثقة والكلام دوت انت النهاردة بتشوف كتير قوى من المسئولين هما محسوبين على التيار نفسة ولكن مفيش اى حاجة بتؤهلهم ان هما يكونوا موجودين فى المكان دوت عشان خبرتهم عشان تاريخهم عشان تعليمهم عشان تعددهم عشان يعنى الاعمال اللى قاموا بيها قبل كده اظن بقى يعنى التاريخ مش هيرجع يعيد نفسة اويكرر نفسة احنا النهاردة محتاجين فعلا ومحدش هيصبر لان انت بتكلم الناس الناس لما هتلاقيك انت بتشغل وفعلا بتعمل لمصلحتها الناس لوحديها هتلاقيها هى كمان بتتحرك وبتعمل ده لان فى النهاية كلنا تحت مظلة واحدة واللى هيعم عليك هيعم عليا فى النهاية فا ما اعتقدش هى اذا كان بقى يعنى ناس يعنى ملهاش علاقة بال بال اللى بيحصل ناس عندها اجندات تانية بتدر بالبلد ده موضوع تانى لكن اى بنى ادم هيستشعر ان هو فعلا اللى الحكومة بتعملة او المؤسسة الرئاسية بتعملة لصالحها ما اعتقدش ان هو ابدا هيقف ضدها او هيشتغل ضدها
محمد جوهر: نواصل الحديث مع حضرتك ومع السادة المشاهدين بعد مشاهدة هذا التقرير د.سحر عبد الرحمن:
تقرير
المصرى اثار اعصار ساندى جدلا كبيرا فى بعض الفضائيات وخلاصتة كما تقول نيوتن بعض الناس ترى ان اعصارساندى يعبر عن غضب الهى على امريكا والبعض الاخر يرى فيه رضا الهيا علينا .. و فى الحرية والعدالة وفى هذا الاطار يقول علاء البحار لقد اصاب اعصار ساندى امريكا فى عقردارها ووقفت عاجزة ازاء غضب الطبيعة الجارف ولم تنفعها صواريخها ودباباتها وفى الوطن وبنظرة مختلفة تماما يرى جمال الغيطانى ان الدرس ا لذى يمكن ان نستفيدة من اعصار ساندى ان المجمع الامريكى واجه الكارثة بالعلم والتخطيط وليس بالتواكل وبالدعاء وفى الشروق يرى مصطفى النجار ان الادارة الامريكية نجحت فى انقاذ الامريكيين من تبعات الاعصار ساندى بحسن الادارة اما فى مصر فلا نتعامل مع الازمات بالشكل العلمى والمنهجى وفى الاخبار وفى حديث الناس تقول امال عبد السلام فيكى ايه يا بلد مين مع مين ومين ضد مين وفى المصرى اليوم سليم نقولا يقول ان مصر بلد العجايب والغرايب بلد كل شئ فيها معكوس بلد محتاجة لكل قرار فيها لازم يكون مدروس بلد محتاجة تعمل فى سكون وتهدى شوية النفوس ونبدا كلنا نصلح انفسنا وبلاش المتهم دايما يكون مدسوس ...
فاصل
محمد جوهر: ارحب بكم مشاهدينا الكرم مرة ثانية فى الجزء الثانى ايضا فى حلقة اليوم نرصد ونحلل ملف مدينة نصر وتداعياتها الامنية ونجدد التحية ايضا بالاستاذة سحر عبد الرحمن نائب رئيس تحرير جريدة الاهرام دكتورة سحر انت الحقيقة اتكلمتى فى الجزء الاول قبل نهايتة عن هذه التنظيما ت الارهابية يعنى وبالطبع هى ليها تاثير كبير على امن واستقرار الدولة لكن اقامة امارات زى امارة فى سيناء الحديث عن هذا المكفر وهذا ينبذ وهذا يحب الكلام ده كلة يعنى الشعب المصرى فين منه احنا نخشى على الشعب المصرى ونخشى على مصر بالطبع ولكن المصريين ومدى تاثيرهم باللى بيحدث حواليهم
د.سحر عبد الرحمن : شوف هى الموضوع على فكرة فى غاية الخطورة وبردوا انا يمكن مش قادرة افهم ليه الاعلام مش عامل عليه تركيز لان بالفعل هو موضوع مش انت النهاردة كنت بتتكلم على بؤر ارهابية موجودة فى المناطق الحدودية وحتى فى سينا لما يبقى عندك انت زى ما بتقول امارة امارة ارهابية او امارة بتدعو لتكفير النا س اوبتدعو للارهاب او لقتل الابرياء او الكلام ده دا شئ يعنى شئ فى منتهى فى منتهى الخطورة النهاردة لما يتم الكشف على بردوا على خلية فى مدينة نصر لما يتم مثلا اكتشاف بعض الاحزمة الناسفة بعض القنابل بعض الاسلحة مش بعض يعنى دى انا احنا بنشوف او بنتابع اللى بيتم الكشف عنه واعتقد كمان فى امور كتيرة ما بيتمش الكشف عنها عشان بردوا ما يحصلش ترويع للناس او خوف للنا س دا شئ فى منتهى الخطورة انت النهاردة لما دول يكون عندهم الجراة ان هما يدخلوا المدن اللى هى مقطظه بالسكان مدينة نصر دا انت فى القاهرة والقاهرة دى عاصمة مصر يعنى انت النهادرة هما جت لهم الجراة ان همايكونوا موجودين فى المناطق اللى فيها تكدس سكانى عالى جدا هل ده مش نظير خطر هل دا النهاردة ده بالامر السهل ده مش بالامر السهل خالص انا عايزة يعنى بردوا عايزة ارجع واقول الناس اللى بيتم الافراج عنهم وانا للاسف انا شف تصريح ل يعنى للدكتور طارق الزمر على موضوع الافراج عن الارهابيين او عن الناس اللى كان صدرت ضدهم احكام الحقيقة مش مقبول بالمرة ان انت النهاردة تطلع تقول لأ دول من حقهم ان هما يخرجوا ودولت واللى بيحصل دوت دا ترويع من امن الدولة السابق او من بعض الناس المحسوبين على النظام السابق الكلام ده مش الكلام ده مرفوض تماما مرفوض تماما لان انت النهارده هل تنظر حتى تحدث عملية ارهابية تحصد عشرات والا مئات من المصريين الكلام ده مرفوض تماما انت النهاردة ما يحدث فى سيناء الى الان مفيش فعلا اى كشف حقيقى مفيش ما بيكشفوش ملابسات ما يحدث فى سينا النهاردة النهاردة سينا منظقة منعزلة بتحصل فيها عمليات عسكرية طبعا انا باحترم ان بطلع مثل مصدر عسكرى يقول لك ايه ما ينفعش ان احنا نهول ما ينفعش ان احنا نقول اخبار مش حقيقية او نروج لحاجات مش حقيقية بس بالفعل ما ينفعش ان انت تطلع تقولى الارهابيين اللى انت طلعت قبضت عليهم ودولت جايين منين وهل دولت لهم اى صلة بالناس اللى تم الافراج عنهم فى الفترة الاخيرة والا لأ من حقى انا ابقى عايشة فى بلدى امنة من حقى ابقى عارفة الناس الارهابيين موجودين دول اللى بيهددونى وبيهددوا حضرتك والنا س كلها دول جايين منين دخلوا ازاى وبعدين انت عندك ازمة حقيقية لان البلاد كلها مفتحة انت ليبيا دى بتاخد منها سلاح انت الى الان جنوب ليبيا فيها مشاكل كبيرة جدا وعندهم ازمات طاحنة وعندهم زى ما بيقول النظام السابق بتعهم عندهم ليبيا وقر للاسلحة الثقيلة والخقيقة وكل انواع الاسلحة موجودة والاسلحة دى بتدخل مصر عندك السودان انت العمليات اللى قامت بيها اسرائيل فى السودان او قامت بيها
محمد جوهر: الطيران الاسرائيلى
د.سحر عبد الرحمن : حصل ده ليه حصل ده لان انت فعلا عندك اسلحة عندك الاسلحة دى بتدخل مصر ومصر اصبحت النهاردة زى ما بيقولوا يعنى مكان بيتحرك فيه الاسلحة فانا الحقيقة يعنى مش قادرة اتخيل ان يكون الافراج كل يوم عن عدد مش قليل من الناس اللى هما كان محكوم عليهم فى قضايا ارهابية كبيرة والناس ديت النهاردة هما خارجين بنفكر انا ما اعرفش الفكر ده اتغير والا لأ
محمد جوهر: يعنى خرجت حضرتك ان ممكن استخدام عودة التنظيمات المسلحة او اصحاب الفكر التكفيرى على سبيل المثال يعنى ممكن يتخذ ذريع للدخل فى مصر بحجة مكافحةالارهاب فيما بعد
د.سحر عبد الرحمن : ممكن كل حاجة تحصل وبعدين انت النهاردة بتتكلم على رئيس جاى من خلفية اسلامية خلفية اخوان مسلمين مش عارف ايه اللى بيحصل مش عايز تصادم بينة وبين تكفيريين مش عايز يحصل صدام بينة وبين جماعات اسلامية والجماعات الاسلامية دى مش كل الجماعات الاسلامية فيها الفكر الكفيرى اكيد فيها فكر معتدل وفيها فكر متشدد انت النهاردة لازم بردوا ترصد لكل الامور اللى بتحصل انت النهاردة اللى نازلين عشان تطبيق جمعة تطبيق الشريعة هل هى هل مصر عايشة بدون شريعة خلاص يعنى كفروا الناس واصبحوا واصبح المصريين بلا شريعة التعنت اللى بيحصل النهاردة فى جلسات كتابة الدستور المصرى والكلام على ان احنا بنطالب بوجود هل احنا عشنا كل السنيين اللى فاتت دى بلا شريعة وهل منتظر بعد ثورة قامت استقطت نظام استمر 30 سنة باللى ليه واللى عليه هل الثورة اسقطت عشان تعلمونا الشريعة دلوقتى الكلام دى كلها مرفوض النهاردة الحملات اللى بتحصل وزى ما انا اشرت من شوية على موضوع حكاية المنيا وان هما يروحوا يروعوا الناس ويضربوا الناس هناك عشان بيعملوا حفل فنى عشان الاحتفال بالعيد والحاجات دى ايه الاجرام اللى اتعمل دى كلها دعاوى الحقيقة مرفوضة تماما ودعاوى ملهاش علاقة بينا ولا بثقافتنا الشعب المصرى طول عمرة شعب معتدل الشعب المصرى طول عمرة الدين ده كامن جواه مفيش حد كان بيبقى موجود عشان يبقى وسيط بينه وبين ربنا عشان يعلمة الدين يعنى انا الحقيقة مش قادرة افهم ان هما بيجعلوا من نفسهم الة بيجعلوا من نفسهم ان هما بس يعنى الدين بشكل كامل وحقيقى ودى امور كلها مرفوضة ولكن احنا لازم يكون فى تنبيه بشكل كبير جداعلى اللى بيحصل ده لازم الناس تفهم طب والخلايا اللى تم القبض عليها ديت دى جاية منين وبعد كده مصيرها ايه والنهاردة انت يعنى بردوا الداخلية او قوات الامن النهاردة بتشتغل على بلطجة جوا فى الشوارع بتشتغل على بردوا انفلات امنى ان كان حتى حدة زاد شوية بش مازال موجود
محمد جوهر: طب فى ناس بيتحدثوا او والبعض بيتحدث عن ان فى امور الفكر بيوجابه بالفكر وان كان فى ناس مخالفين بيتم التعامل معاهم بالقانون هل نحن الان فى وقت بيوجابه فيه الفكربالفكر ام انه من الصعوبة
د.سحر عبد الرحمن : لأ من الصعوبه تماما ان انت النهاردة الفكر بتجابه فكر متشدد بفكر معتدل بيتم اتهامك انك انت لا علاقة لك بالدين وان انت علمانى انت مش ملتزم وانت وانت مش مسلم كمان ودى امور فى منتهى الخطورة وكمان انت النهاردة وانت فى ظل رئيس منتخب ينتمى لتيار اسلامى طبعا فى امور كتيرة ملتبسة التانيين زى ما قلت لك هما معتمدين ان هما ليهم الحق ان هما يعملوا اى حاجة فى البلد النهاردة هما موجودين وفى رئيس منتخب مش هيقدر يكون رادع ليهم هيبقى عنده حسابات سياسية قبل ما يتم التصدى ليهم او مواجهتهم دى كلها امور فى منتهى الصعوبة ولابد ان فعلا يتم مواجهتها بشكل حقيقى النهاردة اى خطر احنا كفاية خطر الحاله الاقتصادية اللى مصر بتعيشها واللى مصر بتواجهها بشكل كبير بعدين اللى نازلين يقولك الشريعة ومش الشريعة والكلام دوت انت النهاردة بقى عايز اللى بيسرق ده مهو الشريعة الشريعة اللى بيسرق تتقطع ايدة ما تروح تجيب قروض من الخارج لان دى قروض دى ربا وده مش هينفع الستات مش هتنزل خالص يعنى الشريعة طبعا بمنطقهم او بفكرهم مش بنتكلم عن الشريعة بسمحتها او الدين بشكل معتدل او بسماحة الاسلام اللى احنا كلنا اتربينا عليها فاللاسف مصرللاسف مصر فعلابتواجة مشاكل كبيرة جدا
محمد جوهر: بنتمنى ان المشاكل دى تتحل فى القريب باذن الله
د.سحر عبد الرحمن : ولكن هى بردوا
محمد جوهر: ونخرج من اللى احنا فيه
د.سحر عبد الرحمن : ونخرج بس بردوا صدقنى مش هنخرج بالدعاء ومش هنخرج بزيارات بس المساجد لأ احنا هنخرج بالعلم هنخرج بالعمل وبالشغل وبالتخطيط الحقيقى وبالناس الحقيقيين اللى هما لازم بيقوا موجودين فى مش اهل الثقة اللى احنا بنقول عليهم
محمد جوهر: شكرا لحضرتك الاستاذة سحر عبد الرحمن الكاتبة الصحفية ونائب رئيس تحرير جريدة الاهرام والشكر موصول لكم ايضا مشاهدينا الكرم على متابعة هذه الحلقة من مساحة للراى الى اللقاء .