الاحد*11/3/2012 محمد جوهر: مشاهدينا أهلا بكم ولقاء يتجدد من برنامج مساحة للرأي في عام 1916 وخلال الثورة العربية الكبرى وضعا وزيرا كلا من فرنسا و بريطانيا "جون بيكم"و"مارك سايس" بنودا معروفى باسم "سايكس بيكو " لتقسيم الدول العربية فرنسا وبريطانيا وايطاليا هذه الاتفاقية لم ينكشف أمرها الا بعد قيام " الثورة البولشافية " في روسيا واليوم وبعد عام الفين وأثني عشر يجري تفتيت الدول العربية لدويلات تحت مايسمي ب "الشرق الأوسط الكبير" التشابه في الحالتين هو اتخاذ تداعيات الثورات والتي تكون فيها الدول أشبه بالأرض الرخوة لتحقيق المصالح واستنفاد الثورات الدول الكبري في الحالتين تستغل حب السلطة والمال والمنصب عموما الأحداث في ليبيا تعيد الأهان المواقف والتصريحات السابقة لقادة أمركا واسرائيل بدأمن "بن جوريون " وأنهاء ب" كونداليزا رايس " مرورا بكسنجروريجان وبوش الأب والأبن مشاهدينا حوار مساحة للرأي اليوم يتناول اعلان " برقة " منطقة حكم ذاتي للقسم الأول من الحوار وسباق الرئاسة للقسم الثاني من الحوار مع أستاذة سحر عبد الرحمن نائب رئيس تحرير الأهرام للشئون السياسية ضيفتنا اليوم هي مهمومة بالشأن المصري والعربي أهلا بيك استاذة سحر أ/سحرعبد الرحمن:أهلا بيك محمد جوهر : في البداية أستاذة سحر يعني التاريخ بالفعل بيعيد نفسة يعني الاتفاقيات القديمة "سايكس بيكو " كانت للتقسيم وأيضا فكرة " الشرق الأوسط الكبير" أو " الفوضي الخلاقة " التي دعت اليها " كونداليذا رايس" بدأت أو بدأت تؤتي ثمارها فعلا في هذه المرحلة ؟ أ /سحرعبد الرحمن : بدون شك أولا هي مش فوضي خلاقة لان طبعا هي فوضي بتجر البلاد كلها الي مشاكل وبتجر الشعوب الي مشاكل تانية اكبر طبعا ما يحدث أن ثورات الربيع العربي اللي احنا بصددها في المنطقة العربية مؤخرا قد يكون من هم قائمون علي ادارة الحكم أو ادارة البلاد في المرحلة دى هما بالفعل كانوا غيرجاهزين أن هما يديروا البلاد في موقف أو في ظروف صعبة زى الظروف دي بالكلام علي ليبيا وما يحدث في ليبيا دلوقتي الموقف طبعا كله بسبب سوء ادارة الحكم في ليبيا النهاردة بعد تحرير ليبيا أو بعد سقوط نظام القذافي بالطبع ان كل نظام سقط له أتباع أو له محمد جوهر : أذناب أو أزيال أ/سحرعبد الرحمن : اه أوفلول كما نقول عندنا هنا في مصر ولكن ودي مسألة طبيعية أنك بتسقط نظام استمر في الحكم لأكثر من 40 سنة فدي مسألة لابد أن انت تكون جاهز أن أنت تقابل عقبات وتقابل مشاكل كثيرة طبعا ما يحدث من انقسام اقليم " برقة " واعلانة اقليم "فيدرالي اتحادي "ومن قبل واحد من كبار الزعماء في ليبيا أو النهاردة " أحمد الشريف السنوسي " هو أبن عم الملك " ادريس السنوسي " وده كان ملك ليبيا قبل كده وأحمد السنوسي ده تم أعقالة في عهد الرئيس القذافي لمدة 31 سنة فلما يخرج النهاردة ويقول أن هو بيعلن مجلس اقليمي أو رئيس مجلس أقليم " برقة " اذن فدي مسألة لابد أن يكون فيها نوع من الشعور بالخطر أو نوع من الخطر الحقيقي علي مستقبل وحدة ليبيا محمد جوهر:طب حتي لو بتستعد قبائل شرق ليبيا باعلان"برقة " اقليم فيدرالي فكرة الليبرالية وهذا التقسيم يعني حجمها مساحتها كدولة هل هي التركيبة د ي تستوعب أن يون في حكم فيدرالي ؟ أ /سحرعبد الرحمن : بالطبع أحنا ضد التقسيم بأي شكل من أشكالة وبالتالي ما يحدث النهاردة في السودان جنوب السودان وشمال السودان دي مسألة في منتهي الخطورة أن أنت النهاردة بترجع تاني لتقسيم المنطقة العربية والدول العربية ده لصالح مين ما طبعا لصالح القوي الكبري لصالح السيطرة علي آبار البترول علي المناطق الغنية النهاردة العالم كله أو الدول الغربية اتجهت لليبيا وتم اسقاط النظام وتم حشد كل القوي الأجنبية عشان يتم اسقاط النظام الليبي مش عشان الشعب الليبي اللي هو 6 مليون لأ ده عشان خاطر أنا عندي مصالح هناك عندي بترول وعندي أمور كثيرة أنا محتاج لها لكن مش عشان أن هما يعني بيقيموا أو أن هما بيرعوا الشعوب أو بيطالبوا بتحقيق الحرية والديمقراطية محمد جوهر:طيب ومع كلام حضرتك هناك من يري القاء المسئولية فقط علي القاء فكرة" الشرق الأوسط الكبير" وده أمرداخليوأحناعايزين نعلن الآقليم أو المكان ده مكان فدرالي او هذه المنطقة يعني مش لاحد بيدخل ولا حد بيساعدنا فيه احنا داخليا ده محض أمر داخلي فا حضرتك الي اي مدى تتفقي مع هذا الكلام ؟ أ/سحرعبد الرحمن : لأ أنا بأشوف القائمين علي ادارة الحكم هنا يعني " مصطفي عبد الجليل "ورئيس الوزراء" عبد الرحيم الكيب" يعني هما مش مدركين لخطورة ما يحدث في ليبيا أنت النهاردة لما تيجي شرعية من مفتي ليبيا في أن هو يصدر قرارات أو أن هو يصادق علي القرارات التي تحدث وكأنها يعني بترجعنا لنظام " ولاية الفقية " لأ الأمر ده أمر في غاية الخطورة الكلام علي ان في انعدام للآمن الكلام علي سطوة الثوار علي سطوة بعض رجال القذافي أو الكلام ده كلة بيعيد ليبيا الي مشهد في منتهي الخطورة يعني أنت النهاردة بصدد حرب أهلية بالفعل في البلاد لما شرق البلاد وهو" أقليم برقة" أو ده ما حدث يعلن " برقة " يعلن بأن هو بيطالب بأقليم فيدرالي اتحادي اذن الموضوع وبالطبع هو عنده شعبية جارفة زي ما أنا سبق وقلت لحضرتك يعني" أحمد السنوسي " دوت فضل معتقل لمدة 31 سنة فله من الشعبية وله من البطولة وله منالتقدير عند الشعب الليبي الكثيرفأنت داخل في منعطف في منتهي الخطورة لابد علي القائمين علي الحكم النهاردة في ليبيا أن هما يكونوا مدركين وعندهم استعياب كبير جدا للفكرة دي لأن شرق ليبيا النهاردة هتبص تلاقي " طرابلس " قامت مش عارف أيه "بنغازى" يعني الموضوع لابد بالفعل النظر له بشكل محمد جوهر:طب أيه رأي حضرتك من فكرة الاستفتاء علي التقسيم يعني أن الشعب يتاخد رأيه يعني ما يبقاش التقسيم ده اعلان كل منطقة أو كل أقليم أو كل قبيلة مجموعة من القبائل انها عايزة تنفصل أو تقيم أقليم فيدرالي أو الحكم فيدرالي يكون موجود فيها أ /سحرعبد الرحمن : طبعا احنا مش بنجير علي رأي الشعب الليبي في كون أن هو دولتة تبقي موحدة أو منفصلة لكن ما أعتقدش أن يعني ده شأن ليبي داخلي لكن مأعتقدش أن أي ليبي بيحب بلده وبيشعر بالخوف علي مستقبل بلده أن هو هيرحب بأي فكرة للتقسيم لو كانت بشكل فيدرالي أو أو غير فيدرالي يعني فكرة التقسيم نفسها دى فكرة في منتهي الخطورة وأعتقد أن هي مش من المفروض أن هي تكون مطروحة باي شكل من الآشكال فعلهم ان هما النهاردة يتم التأم المشاكل وكل الصعوبات اللي هي بتواجه البلد النهاردة لأن أنت لمجرد أن انت تبتدي في السير في هذا المخطط أعتقد أن هو هيجر البلاد لمزيد من المشاكل محمد جوهر:طيب كان في فكرة الحسم العسكري التي طرحها عبد الجليل هل ترينها كما يراها البعض يعني خطوة نحو حرب أهلية أ /سحرعبد الرحمن : مأعتقدش أن هو قادر أن هو يحسم المسألة عسكريا والا كان هوقادر علي ان يوفر الأمن ويقضي علي الأسلحة والثورة المضادة اللي موجودة في البلاد الآن وكان في كمان وهو رد علية السنوسي..الشريف السنوسي رد عليه وقال له اذا كنت تملك من القوة قوة ما تؤهلك تمنع ما احنا بصددة فعليك أن تفعل يعني اذن هما النهارده همابيشعروا ومعتقدين أن هما ليس لديهم من القوة أن هما يعملوا ابطال او أن هما يمنعوا أي حركة من حركات الانفصال دي وده شئ في منتهي الخطورة يعني ما يحدث في ليبيا الأن وطبعا أنت بتشوف القوي الخارجية من مصلحتها أن يحصل أي تقسيم من مصلحتها أن يحصل أي تفكيك من مصلحتها أن يبقي في تمزيق في اوصال الامه الواحدة يعني هما بالعكس يعني هما مش عايزين أي أتفاق مش عايزين أي وحدة مش عايزين المطالبة بدعاوى الديمقراطية أو الحرية يعني دي كلها شعارات وكلام محمد جوهر:وكيف يمكن الخروج من هذا المأذق هل هي تدخلات عربية ؟ والا ترك الامر يصل الي مداه والي ما يحمد عقباه هناك حدودمشتركة بين مصر وليبيا وبين ليبيا ودول أخرى يعني كيف يمكن الخروج من هذا المأذق؟ أ /سحرعبد الرحمن : أعتقد أن مصر مدركة تماما لخطورة ما يحدث وخصوصا أن فعلا زى ما حضرتك قلت يعني بنشترك معاهم في الحدود وما يحدث في ليبيالابد أن يكون له انعكاس علي مصر بشكل أو باخر وأعتقد أن زيارات بعض أركان من الجيش الليبي لمصر ومؤخرا كان في زيارة لرئيس الاركان المشير " حسين طنطاوي " للفريق " سامى عنان " أعتقد دى كانت أمس أو أول أمس يعني ده منتهي الشعور بالمسئولية والشعور بالخطرلما يحدث في ليبيا في الفترة الاخيرة محمد جوهر:رغم الشواهد التي تؤكد أن المنطقة العربية ربما في طريقها للتقسيم أن البعض لايزال يسعي لنفي هذا ويقول ما حدث في العراق وفي السودان ثم من المحتمل أن يحدث في ليبيا ويحدث في دول أخريكيف تفسرين هذ ا الموقف ؟ أ /سحرعبد الرحمن : طيب أنشغلنا بدول الربيع العربي والدول العربية أيضاوتوغل بعض أجهزة المخابرات في دول كثيرة عربية يعني وهي أجهزة مخابرات غربية بالطبع يعني هل ممكن أن تزيد من الآمور تعقيدا يعني تدي صبغة أكثر تعقيدا علي حل مثل هذه الامور مشكلة زى مشكلة سوريا ليبيا مثلا علي سبيل المثال هو بالطبع الموقف بالنسبة لسوريا مختلف لان همابيفهموا كويس قوي أن في حليف كبير بين سوريا واللي هي طبعا الحليف الايراني وطبعا التعامل مع سوريا برغم كل الدعوات باسقاط النظام ورغم كل الدعوات لتسليح المعارضة السورية وكل الدعوات بانتهاء حكم " بشار الأسد " ومع ذلك النظام السوري صامد هما مش ممكن أن هما هيقدروا أن هما يعملوا أي تدخل غربي لان هما في النهاية هما عارفين ان ايرانموجودة في المواجهة مع سوريا عارفين ان روسيا وعارفين أن الصين بتقف الي جانب النظام السوري بشكل كبير وهي طبعا اللي منعة وهي اللي بتعمل الفيتو علي كل القرارات اللي بيتم اصدارها من مجلس الامن ان صراع قوى بيحصل واللي بيدفع ثمنة هما الشعوب العربية مش عايزة أقول ان دي أمور بترجع للقائمين علي ادارة الحكم يعني هما بشكل كبير يعني بيكونوا السبب فيما يحدث للمنطقة العربية ولكن بنتمي أن يكون في حكم رشيد بأتمني أن يتم تغليب المصالح ويتم فعلا النظر لمصلحة الشعوب نفسها ومصلحة المنطقة العربية لان ما يحدث في مصر سوف يتم انعكاسة علي كل المنطقة العربية وما يحدث في ليبيا سيتم أنعكاسة علي مصر وبالتالي يعني أحنا كلنا زي ما بيقولوا شبكة واحدة أو قدر واحد لابد أن يكون في فعلا في توافق علي مصلحة المنطقة العربية وعلي الشعوب العربية دون النظر للمصالح الغربية اللي هي موجوده بالفعل واللي هي من نيتهاومن أغراضها أن هي فعلا تعمل تقسيم وتعمل تمزيق للمنطقة العربية ديت والنهاردة الفرصة لديهم موجوده يعني محمد جوهر:تمام طب هستأذن حضرتك وأستأذن مشاهدينا الكرام ونتابع هذا التقرير ثم نعود لنواصل الجزء الثاني من الحوار مع ضيفتنا الكاتبة الصحفية أ سحر عبد الرحمن حول سباق الرئاسة فاصل مذيع : الأب رفيق جريش في روز اليوسف يقول أن أهم شئ في فن ادارة الازمات هوالتوقيت بمعني أن يخرج الحاكم أو المسئول في التوقيت الصحيح والدقيق ليعلن للشعب الحقائق قبل وليس بعد أن تتداول الحدث أجهزة الاعلام ولا تترك الشعب عرضة للشائعات والأقاويل السفير عبد الله الاشعل في الدستوريقول أن الازمة السورية تركت أثارا بعيدة المدى خاصة في قطاعين أساسيين الأول المصالح الأمنية السورية والثاني ميزان القوي بين الاسرائيليين والفلسطينين محمد غزلان يرجع اعلان اقليم " برقة "منطقة ليبية كوحدة فيدرالية الي أن هذه المنطقة أقليم الثروة والنفط وعلي المجلس الوطني الانتقالي منع تقسيم البلاد حتي لا تصبح لقمة صائغة للطامعين ممدوح المنير في الحرية والعدالة يقول ان وتيرة الاحداث تتصاعد علي الساحة الليبية يوما بعد يوم مما يصعب علي المراقب أو التابع للتنبئ بما ستؤول علية الامور هناك في القريب العاجل أكرم القصاص في اليوم السابع يري أن الدستور أخطر من أن يترك للهواة والمتربصين والمحترفين جمع الغنائم فدولة القانون لن تأتي بين يوم وليلة فهي تحتاج الي خارطة طريق والدعاية والتجهيز للآفكار أحمد شوقي في جرة قلم بالجمهورية يلمح الي ان الصمود في مواجهة أمريكا يستلزم قدرا كبيرا من العافية السياسية والاقتصادية وعندما يأتي الصباح تقول الدكتورة سمية سعد الدين في الاخبار هذا هو حال المرأة المصرية تجلس الأن في الصفوف الخلفية من المشهد السياسي وربما لا تجلس علي الاطلاق لأن الصراع علي السلطة والانانية دفع بها بعيدا عنها ووائل قنديل في الشروق يري أن ما يلفت النظر في ترشح منصور حسن أنه يدخل السباق وفي يده نائبا ولم يفعل هذا أي من المرشحين المحتملين الدكتور وحيد عبد المجيد في المصري اليوم يطالب بتأمل الحملات الأعلانية لمرشحوا الرئاسة ويتفحصونها جيدا لانها قد تكشف كثيرا مما يخفي علينا فاصل محمد جوهر:نجدد التحية مشاهدينا الكرام ونجدد التحية أيضا بضيفتنا في الاستديو الأستاذ سحر عبدد المجيد ونبدأ الجزء الثاني من حلقتنا حول سباق الرئاسة أستاذة سحر بعد اعلان منصور حسن عن ترشحة لأنتخابات يعنىي كيف تقرأين المشهد؟ أ /سحرعبد الرحمن: أعتقد أن كان اجمل مانشيت أتكتب هومانشيت الأهرام أن هو أشعل سباق الرياسة وأصبح فيه يعني فيه كثير من ترتيب الأوراق أو ترتيب الحسابات زى ما بيقولوا لدي المرشحين المحتملين طبعا زي ما للوزيرالسابق منصور حسن من تاريخ وزي ما له من تقدير عند الشعب المصري فأعتقد أن هو وجودة في المرحلة ديت وجود مهم بالاضافة طبعا للوجوه الموجوده وكلها طبعا وجوه بتحظي بالاحترام وبالتقدير طبعا محمد جوهر: طيب ليه اشعل السباق ليه خلي علي صفيح ساخن زى البعض ما بيقول والمناشيتاتت بتكتب أ /سحرعبد الرحمن:طبعا لان هو زى ما انا قلت شخصية بتحظي باحترام كبير شخصية لها تاريخ وهوراجل دولة بمعني الكلمة وطبعا الخلاف اللي كان حاصل في الفترة الاخيرة مع الرئيس مبارك وابتعادة عن الحياة السياسية طوال الفترة ديت اعتقد دى كلها مؤهلات كبيرة بتؤهلة أن هو يدخل ويبقي له وضع ده ممكن يخلي المرشحين أو المتسابقين المتنافسين الاخرين معه يعني ومع فكرة وجود نائب له يعني يعيدوا حساباتهم من أول وجديد أ /سحرعبد الرحمن: أعتقد الكلام علي فكرة وجود نائب كان سابق لأوانه واعتقد بردوا أن هو طلع وأدلي بتصريحات عن طريق التليفون لبعض القنوات الفضائية في ان هو سوف يكون معاه أكثر من نائب الموضوع مش هيستقر علي نائب واحد بالاضافة الي أن النائب اللي تم ذكر أسمه هو" اللوا سامح سيف اليزل " قال ان هو من الناس اللي بتساعدة في الحملة الانتخابية وطبعا هو راجل محترم ويحظي بكثير من التقدير ومن الاحترام لكن الكلام علي احنا النهاردة منتطرين أن أحنا نشوف البرنامج الأنتخابي بصدد أن أحنا نشوف يعني أيه هي رؤيتة للآصلاح ايه هي رؤيتة للوضع في ظل الدستور اللي هيتم اعدادة في الفترة اللي احنا داخلين عليها ديت يعني دى كلها أمور أعتقد يعني لابد أن هويطلع ويتكلم فيها أكثر ما يبقي الكلام علي بس وجود نائب واحد معاه بعد ما يعني انشاء الله بعد ما يكسب يعني محمد جوهر:مع تقد م المسئوليات والهموم المصاحبة لمنصب الرئيس لاقينا أن في كثير من المتنافسين موجودين علي هذا المنصب أو للتنافس علي هذا المنصب أيه السرفي ده؟ أ /سحرعبد الرحمن : السرأنت النهاردة طبعا بعد 30 سنة من حكم واحد ومن يعني فكرة أن مفيش حاجة أسمها انتخابات رئاسية شئ طبيعي بنحيا مرحلة مختلفة ومرحلة جديدة خالص في تاريخ البلد وبنحيا مرحلة مختلفة في فكرة رئيس الجمهورية وكيفية انتخاب رئيس الجمهورية طبعا يعني أنت أول رئيس جمهورية بعد سقوط نظام مبارك وبعد 30 سنة من حكم نظام مبارك يعني أعتقد ده شئ في منتهي القوة او منتهي التاريخ سوف يخلد هذه الفترة طبعا فا يعني دى مسألة طبيعية أن يكون في كل واحد بيشوف في نفسة أن هو يقدر أن هو يكون موجود في المكان ده كل واحد عنده أمل عنده طموحات عنده أفكار عنده خطط أنه يبقي فعلا البلد دى تعبر للمستقبل لان هي بالفعل يعني أستحملت الكثير يعني بس خلينا أنا كنت عايزة أتكلم عن دعم حزب الوفدللوزير السابق منصور حسن علي اعتبار هو دعم الحزب له مش علي اعتبار أن هوواحد من الحزب لكن علي أعتبار أنه ده مرشحهم للرياسة أعتقد ده بردوا عمل كثير من الشحن او عمل كتير من التخوف عند بعض المرشحين للرياسة لان طبعا حزب الوفد بتاريخة حتي ولو لم يحظي بمقاعد كثيرة فى مجلس الشعب في الفترة الاخيرة بس بردوا ماذال وأنا بأعرف أن هو بيحظي بكثير من الأحترام عند الشعب المصري ففكرة أن كما ن يحصل زعم من حزب الوفد للوزير منصور حسن أعتقد بردوا دوت هيخلي كثير من المرشحين يعيدوا حسابتهم محمد جوهر: كان في حديث منذ أيام قليلة عن فكرة الرئيس التوافقي حضرتك تتوقعي أنه ممكن الفكرة دى تجدد أو تبعث من جديد والا الموضوع خلاص أنتهي مفيش حاجة اسمها رئيس توافقي أ /سحرعبد الرحمن: ده بقي كلام الفضائيا ت كلام الاعلام اللي احنا بتقولة ده رئيس توافلقي مجلس توافقي الكلام ده شوف أحنا عايزين رئيس فعلا يكون مهموم ومعنى بمصر وبالفترة اللي احنا بنعيشها في تاريخنا دى يعني احنا عايزين راجل دولة وعايزين نعمل عليها زي ما بيقولوا 50 خط النهاردة احنا مش محدش يزايد علي حد أحنا كلنا مصريين احنا عايزين البلد دي تخرج أحنا فعلا عايشين فترة صعبة جدا ودى فترة انتقالية الكل بيدفع طبعا ثمن ما حدث في السنوات اللي فاتت فا احنا بالفعل عايزين رجل يعرف ازاي يدير البلد في الفترة دي يعرف ازاي يعبر بمصر في الوقت الصعب ده اللي احنا بنعيشة أعتقد دى مش مهمة سهلة مش هتبقي حاجة يعني زي ما بيقولوا رفاهية للرئيس اللي جاييعني مش هيجي عشان يبقي رئيس لأ دا هيبقي بالمرصاد قاعدين له بقي عملت ايه وفكر التطبيل وفكرة الانحياز الكامل لأ اللي جاي ده هيشتغل وهيشتغل شغل كبير جدا وهيصلح الميراث السئ اللي أحنا ورثناه خلال السنوا اللي فاتت دى كلها فا أعتقد في مهمة كبيرة جدا بتنتظرالرئيس اللي جاي محمد جوهر: دورنا احنا كمصريين في هذا الاختيار او دوررجل الشارع والمواطنين البسطاء ممكن بردوا يقعوا في نفس الحيرة اللي وقعوا فيها ساعة الانتخابات البرلمانية تفتكرى حضرتك ايه اللي ممكن يحسم الحيرة دي أ /سحرعبد الرحمن : يعني أنا باشوف أن الشعب يعني عنده درجة عالية من الوعي يعنيوأعتقد ما حدث في انتخابات مجلس الشوري بردوا كان مؤشر لفكرة أن انا ما ينفعش أني يبقي في انصياع مثلا لاحزاب داخل فيها الدينية علي اعتبار ان هما هيطبقوا الحق ويطبقوا لأ أحنا بنقول عايزين بلدنا دي عايزين مصر دولة مدنية عايزينها تحترم كل القوى السياسية اللي موجودة تحترم المراة تحترم الاقباط تحترم الشباب يبقي في تمكين للناس المحترمة يبقي فعلا الناس اللي بتشتغل هي اللي موجوده النهاردة علي الساحة السياسية يعني عايزين نخلص من كل الحاجات السيئة أو كل الحاجات القديمة قوى كل الحاجات اللي بتاخد البلد للوراءاحنا النهاردة بعد ما حصل وبعد ثورة 25 ينايرأعتقد العالم كله شايفنا والعالم كلة منتظريعني مازا سيحدث عملنا انتخابات مجلس شعب عملنا انتخابات مجلس شورى بس جاى انتخابات رئاسية يعني علي المصريين كلهم يعني ما اعتقدش حد منهم مش عايز تعليمة يبقي في احسن احواله الحاله الاقتصادية تبقي في احسن الاحوال يعني مش عايزين مزايدات مش عايزين حد يضحك علينا باسم الدين مش عايزين حد يزايد علي انه بيحب البلد دي اكثر مننا أحنا كلنا بنحب البلد دى بس الناس تفكر بس تشغل مخها محمد جوهر: طب حضرتك مع اعطاء الرئيس القادم الصلاحيات كاملة في ممارسة مهامة بغي أحنا متعودين علي ان رئيس الدولة والرؤساء السابقين تكاليفهم مطلقة في كل الأمور حضرتك تفتكرى او ممكن يكون ازاي شكل الرقابة علي الرئيس القادم الصلاحيات اللي ممكن تعطى له هل ممكن تكون صلاحيه فعلامع رقابة برلمانية والا ايه الموضوع ممكن يمشى ازاي؟ أ /سحرعبد الرحمن:الحقيقة ده هو اللي هيقر الدستور يعنى أعتقد أنه هيتم الانهاء من وضع الدستور قبل انتخابات الرياسة يعني كما يقولوا يعني معرفش ايه اللي ممكن يحصل ولكن يعني انا باشوف انه في ظل يعني بالطبع هيكون عنده صلاحيات كبيرة بس مش مطلقة وفي نفس الوقت فكرة ان أنت بتحدد فترات الرياسة الي مدتين ومش هيتخطاهم أعتقد دي بردوا هتبقي بيتدى فرصة أنه لأ هيبقي في بردوا حساب أن أنت مش قاعد لنهاية العمر عشان خاطرتعمل كويس أو ماتعملش كويس لأ الكلام ده لكن فكرة أنك أنت يبقي عندك مثلا فرنسا أو بعض الدول الآجنبية أن انت يبقي عندك نظام رئاسي برلماني أعتقد ده هو ده نظام أمثل بس مصر أعتقد أن هي حاليا أشك في أن الموضوع يمشي في الاتجاه ده لان بردوا انت مازال انت عشان تمشي في العملية السياسية ويبقي في وعي بما يحدث وعي بقواعد الحرية والديمقراطية لابد تحصل نوع من الممارسة وأحنا النهاردة بنتفرج علي ما يحدث في جلسات مجلس الشعب وعلي اداء بعض النواب يعني ما أعتقدش أن هما دولت أه طبعا لأ نواب منتخبين وكل حاجة لكن أعتقد مش هما دولت اللي مفروض يعبروا بمصر في الفترة اللي جاية دى محمد جوهر: لو المرأ ة ما طالبتش بحقها أو ما خرجتش عشان تمارس دورها محدش هيديهالها دور أ /سحرعبد الرحمن:الحقيقة المراة بتطلع بس ما بيتعملش فوكس عليها ما بتعملش تركيز عليها لان دلوقتي الساحة كلها موجوة بتوع التيار الاسلامي السياسي للناس اللي بتصوت في مجلس الشعب للناس اللي بتروح تمعمل عمليات تجميل يعني الأحداث دلوقتى كثيرة فا محدش باصص علي انه هويركزفعلا علي يقضية المرأة محدش بيركز حتى الكلام علي رفضهم لتشكيل المجلس القومي للمرأة يعني أنا بردوا معترضة علي التشكيل دوت ولكن حتي الموضوع مخدش حقة في التناول الاعلامي يعني دى كلها أمور أحناعارفين أحنا في فوضي وفي فترة تخبط وأمور كثيرة قوي مش مرتبة زى ما بيقولوا ولكن لازم الفترة اللي جاية دى يتم النظر للمرأة المصرية بشكل مختلف محمد جوهر:تمام الكاتبة الصحفية سحر عبد الرحمن نائب رئيس تحرير الاهرام شكرا جزيلا لك يا افندم شرفتينا ونورتينا أ /سحرعبد الرحمن : شكرا محمد جوهر : وشكرا لكم مشاهدينا الكرام علي هذه المتابعة الاثنين القادم يتجدد اللقاء مع حلقة جديدةمن مساحة للرأي يمكنكم متابعة البرنامج علي موقع أخبار مصرENC.EGوكلك علي موقع اليو تيوب اللي اللقاء
