اتجاهات

مسعد ابو ليلة : اعزائي المشاهدين السلام عليكم ورحمة الله وبركاته واهلا بحضراتكم الى هذه الحلقة الجديدة من برنامج اتجاهات .. ازمة ميناء العين السخنة دخلت يومها الثاني عشر بدون عودة الميناء الى العمل وذلك بسبب اضراب العمال الذي بدا نحو 11 اكتوبر الشهر الحالي والعمال يطالبون بعودة زملائهم ال8 المفصولين مقابل فض الاعتصام والاضراب وتشغيل الميناء مرة اخرى .. مسئولي شركة مواني دبي العالمية المسئولة عن ادارة الميناء يصرون على انهاء الاضراب عن العمل واعادة تشغيل المحطة او اعادة تشغيل الميناء قبل اعادة التفاوض على اعادة العمال الازمة حتى الان لم تشهد انفراجا رغم العديد من الجهود التي بذلت من اطراف عديدة كان اخرها لجنة تقصي الحقائق التي شكلها محافظ السويس ازمة الميناء لم يخرج منها احد فائز فالعمال وادارة الميناء واقتصاد مصر بالطبع ويجب ان تتلاقى الجهود لاخراج الميناء من هذه الازمة باقصى سرعة وان يكون الخروج من خلال اجراءات قانونية تعطي كل ذي حق حقه فميناء العين السخنة كما تعلمون من مواني البحر الاحمر ويستحوذ حوالي 20% من تجارة مصر مع الدول الخارجية خاصة نحو دول غرب اسيا الى جانب طبعا من مميزات قربه من القاهرة واتساع مساحة طاقته الاستيعابية الامر الذي يسهم بالقطع في زيادة الاقبال عليه .. الميناء يقع على خليج السويس مساحة 140 كيلو متر ويبعد 50 كيلومتر عن مدينة السويس ارقام الخسائر حتى الان تبلغ 150 مليون جنيه حول ازمة ميناء السخنة يسرنا ان نلتقي والسيد اشرف عيسى المتحدث باسم عمال السخنة وكان المفروض يكون معانا حد من المسئولين في المينا مثلا الاستاذ نشات الديدي المتحدث الاعلامي باسم الميناء لكن للاسف لم يحدث دعونا نرحب باشرف عيسى اهلا بيمك يا استاذ اشرف ونلتقي في الحوار مع استاذ اشرف بعد هذا الفاصل
فاصل" لقاء مع اداريي وعمال ميناء العين السخنة"
اداري 1 : لغاية دلوقت عدى علينا اكتر من 35 يوم الجميع بيتكلف ولكن انا مع حق العمال لكن في نفس الوقت عايز اتكلم في الحتة اللي محدش بيتكلم فيها فين الدولة من اللي بيحصل فين سيادة الدولة على الارض اذا كنت انا بدور على حماية العامل اللي انا منهم فين حماية الدولة للمستثمر اللي هو هييجي ويجيب غيره او يطفش ويسيب الشركة كلها او يسيب البلد
اداري 2: انا مش ضد زمايلنا اللي هما يقولوا ان هما انفصلوا او عندهم مشاكل زي ماقال الاستاذ محمد فيه قانون احنا بنعمل القانون واللي ليهم حق هيرجعوا بالقانون لكن احنا النهاردة بنتكلم على بلد اقتصادها بينهار احنا فيه شركات تانية شركات توكيلات ملاحية والمينا النهاردة اتصنفت انها في البلاك ليست
اداري 3: النهاردة اللي بيعملوا الاعتصام احنا بنكن ليهم كل الاحترام لانهم النهاردة عصب مهم من الاعصاب اللي بتقوم عليها الميناء سواقين المعدات والوناشين واحنا فعلا والله بنحترمهم جدا والنهاردة لو ليهم طلبات احنا خدنا مقترحات ورجعنا ليهم بالموافقة وقلنا لهم حاضر يا جماعة احنا محتاجين كلمة اخيرة محتاجين شوية صبر علشان نوصل للي احنا عازينه
عامل 4: فيه عمال اتفصلوا فصل تعسفي ومفيش مساومة على كده
عامل 5 : احنا مش راضيين عن الحال دا احنا نفسنا بنبكي دم عشان خاطر مصر وعشان خاطر زمايلنا النهاردة اللي هما واقفين ضدنا احنا مش ضد حد ولا بنهاجم حد احنا كل اللي عايزينه ان الحكومة تبص لنا بعين القانون وعين الرحمة احنا زمايلهم واللي مشيوا دول زمايلهم لو هما على غلط يمشوا ولو هما صح يخشوا احنا عايزين ندور المينا مش عايزين نوقفه
فاصل
مسعد ابو ليلة :نعود الى حضراتكم مع الاستاذ اشرف عيسى المتحدث باسم عمال ميناء السخنة استاذ اشرف انت تابعت في هذا الفاصل وهذا التقرير بعض المتحدثين عن الازمة وجهات نظر تعلق عليها بايه
ا.اشرف عيسى : اتكلم الاول عن استاذ محمد سعيد مدير الشئون الادارية طبعا كلنا بنكن له كل الاحترام لكنه ماجابش اساس المشكلة فين هو بيقول المينا بتاعتنا واحنا خايفين على المينا وانا اول واحد خايف على المينا العامل اللي بيخاف على المينا مش المدير لذلك ابرر موقفي دا لان احنا كنا عاوزين نعمل اضراب كنا عملنا اضراب منذ شهر اتنين 2012 وكان فيه اتفايقة ابرمت
مسعد ابو ليلة :طيب قبل ما ندخل في تفاصيل فيه حد دلوقت قال احنا بنحترم موقف العمال المضربين واشاروا الى دور الدولة في حماية المستثمر واشاروا الى اقتصاد الدولة واراء متباينة
ا.اشرف عيسى : اواحنا نحترم المستثمر ونحترم الجميع ولكن يجب ان المستثمر يحترم العمال والجزء التاني من التقرير كان بيتكلم فيه العمال فانا ارد على وجهة النظر الاولانية اللي هو بيتكلم عن المستثمر احنا كلنا بنحترم المستثمر الراجل بيستثمر فلوسه وبيشغل عمالة واحنا تحت امره عايزين نشتغل وعلى بالانتاج لانه كل دا في وش العامل المصري وفي وش الحكومة المصرية واحنا دايما عاوزين نظهر بمنظر كويس امام العالم كله وعاوزين حتى احلل المرتب اللي باخده لكن انا اختلف معاه في حاجة واحدة انه زي ما انا احترم المستثمر لازم المستثمر يحترم قانون العمل المصري ولو المستثمر احترم القانون المصري يبقى هو احترم العامل لكن النهاردة اللي بيحصل غير كده خالص فيه برضه تعليق للاستاذ ايمن بدوي ان العمال اللي انفصلوا يرجعوا للقانون طب انت ليه فصلتهم هو دا السؤال ودا مدير الادارة التجارية واحد المديرين الكبار في المينا طب انت ليه فصلتهم من الاساس هو دا السؤال انا النهاردة بحمل المسئولية بتاعة السخنة وكل الخسائر اللي فيها السخنة النهاردة والاقتصاد القومي والكلام الكبير اللي بيقولوه دا والملايين لصاحب فكرة فصل ال8 موظفين هو دا الوحيد المسئول عن هذه الازمة
مسعد ابو ليلة :طب ايه السبب الفصل من وجهة نظرك
ا.اشرف عيسى :انا نفسي حد يرد عليا انا المفروض ابقى طالع بورقة ولا مستند واقول ان الراجل دا اتفصل عشان واحد اتنن تلاتة والاسباب دي مقنعة احنا نفسنا كنقابة عمال او بلاش احنا لو القوى العاملة نفسها اعترفت بهذه الاسباب مفيش مشكلة يتفصل واحنا معاهم لكن صدر قرار الفصل في الجزئية التالتة في التقرير مع الاستاذ محمد فؤاد قال ان احنا مع مطالب العمال وان احنا اول ما العمال جابت المطالب بتاعتها عرضناها على الادارة والادارة وافقت عليها تعرف حضرتك انه يوم ماجواب الفصل نزل قبل منها بساعة نزل وقال ادي الهيكلة بتاعة العمال اللي انتوا قدمتوها ومكانتش واضحة وبعدها بساعة بالظبط نزل جواب فصل .. طب امتى هنناقش معاك هيكلة عمال لما انت بعد ساعة بالظبط نزلتلي جواب فصل وانت عارف ومتاكد انه هيحصل اضراب
مسعد ابو ليلة :طيب خليني بس توضح الفصل حصل كده ولا حاجات ارتكزت واستندت عليها الادارة لفصل اعمال
ا.اشرف عيسى :انا عايز اوضح لحضرتك حاجة غريبة جدا تخيل ان اتنين من اللي انفصلوا كانوا شغالين على الاوناش واحد شغال على الونش بتاعه بيطلع حاويات من المركب وتركيزه في شغله كان بيزاول عمله والتاني راكب على المعدة التانية صدر القرار وهما على المعدة تخيل سعادتك ايه اللي ممكن يحصل لما يصدر قرار بفصل موظف اثناء تادية عمله ومحدش اخطره ان هو ينفصل قبلها بشهر ولا شهرين زي ما المادة تقول انه لازم اخطر اي موظف قبلها بشهرين ولو عدى الموظف 10 سنين داخل المنشاة .. دا موجود في المادة 110 في عقد التعاقد بتاع الشركة مع هيئة مواني البحر الاحمر موجود فيها مادة صريحة جدا بتقول يعامل العامل داخل الشركة بقانون العمل المصري 12 لسنة 2003 هو اخترق القانون ..
مسعد ابو ليلة :يعني ما يتمش الفصل الا بعد اخطار العامل
ا.اشرف عيسى :لازم يخطر العامل قبلها بشهرين يافندم ولو عدى عليه 10 سنين يخطر قبلها ب3 شهور ويجوز للعامل ان يمارس عمله اثناء هذه المدة يعني يخطرني قبلها ب3 شهور وافضل شغال واخد كامل اجري وحقوقي
مسعد ابو ليلة :لكن في نفس الوقت هل الشركة لها الحق ان تفصل بدون اي سبب او من غير تحقيق
ا.اشرف عيسى : لا مالهاش اي حق وانا معايا مستند حول فصل العمال من مديرية القوى العاملة اللي طلبت اجراءات بضرورة عدم اتخاذ اي اجراءات غير قانونية ضد العاملين بالشركة وبخاصة انه قد سبق لها ان تعهدت بذلك في الاتفاقية في 19/2/2012 وبعدم اتخاذ اي اجراءات اضطهادية وغير قانونية ضد العمال وانبه الى ضرورة اتباع الاجراءات القانونية المنصوص عليها في قانون العمل 12 لسنة 2003 حتى تتحقق الضمانات التي كفلها القانون للعاملين وبخاصة ان ماتم من اجراءات انهاء التعاقد لعدد 8 من العاملين يعتبر بدون مبرر وهذا اقرار من مديرية القوى العاملة بالسويس يعني معنى هذه المذكرة ان ال8 موظفين يرجعوا الشغل حالا وفورا بعد صدور هذا القرار .. وكان حاضر هذا الاتفاق محافظ السويس ومدير امن السويس
مسعد ابو ليلة :عايز اوضح للسادة المشاهدين اننا مع طرف احب اوضح انه كان المفروض يكون معانا الدكتور نشات المتحدث الاعلامي باسم مواني دبي وماجاش واغلق تليفونه الان وبالتالي فاحنا بندير الحوار مع الاستاذ اشرف عيسى
ا.اشرف عيسى : واضح جدا ان عدم حضورهم واغلاقهم التليفون انهم معندهمش اي حجة ولا اي مستند فيه اتفاقية الاتفاقية دي انعقدت في 19/2/ 2012 دي اتفاقية عمل جماعي .. ودي اعقبت اضراب يافندم اضراب ظل 10 ايام داخل المينا وكان بسبب انه كان فيه اتفاقية قبل منها بشهر 5 / 2011
مسعد ابو ليلة :يعني قبل شهر 2 /2012 كان قبلها اضراب في 5/2011
ا.اشرف عيسى : وكنا منتظرين من 5/2011 لغاية 2/2012 ومفيش اي بند اتنفذ انا محرج اقول الحاجات اللي هما نفذوها وبيفتخروا قوي ان هما نفذوها هما بيقولوا ان العمال كان ليها 16 مطلب في شهر 5/2011 ايه هما ال16 مكلب احنا مكتبناش 16 مطلب هما اللي كتبوهم كتبوا ان هما يعملوا تامين على الحياة للعمال ودا كان معمول من اول اعتصام وقالوا ان احنا هنعمل حمامات للعاملين وهل مفيش مكان في الدنيا مفيهوش حمامات ..؟ وقالوا احنا هنعمل مسجد للعاملين معملوش المسجد وعملوا زاوية كده هل هذا مطلب من مطالب العمال ..؟ دي امور بديهية داخل المكان دا الاعتصام الاول .. الاعتصام التاني اخترقت الاتفاقية خلاصتها في حاجتين اول حاجة فصل العاملين مكانوش عايزين يكتبوا بخط اليد دا واصرينا انه يكتبه بخط الايد وكتبه الاستاذ خالد حنفي نائب رئيس مجلس الادارة بخط ايده انه نتعهد بعدم اضطهاد ايا من الموظفين المشاركين في الاعتصام وبما لا يخالف القانون .. يعني انت لو النهاردة لو فصلك قانوني احنا معندناش مشكلة
مسعد ابو ليلة :يعني النهاردة ا8 المفصولين من ضمنهم العمال دول
ا.اشرف عيسى : اكيد يافندم زائد ان ال8 المفصولين دول ليهم قصة تانية احنا كنقابة ما ينفعش اشتغل لوحدي احنا عدد اعضاء النمقابة 9 فعشان اتعامل مع 1200 موظف كان الامر صعب شوية فبيبقى فيه مناديب نقابة ممثل للنقابة ممثل اعلامي ممثل اجتماعي فيه ناس بتتواصل مع العمال هما قالوا ان الناس اللي اتفصلوا دول بيحرضوا العمال على الاضراب وعلى مسيرة العمل والحاجات اللي ذكرت في الفترة الاخيرة ان العمال دول بلطجية از بيعملوا شغب احنا عايزين نشوف المستندات بتاعتهم واتهاماتهم للعمال وهما شهروا بالعمال دول والعمال دول ولاد البلد وولاد الشركة وموجودين من سنة 98 داخل الشركة من قبل مواني دبي قبل ما تيجي انت النهاردة بتقول انت محرض وانا همشيه عشان هو محرض
مسعد ابو ليلة :انت وريتني قبل ما نبتدي الحلقة فيه البعض واخد شهادات
ا.اشرف عيسى : دا احد المفصولين دي شهادة لاحد المفصولين واسمه محمد جودة عبد القادر محمد
مسعد ابو ليلة :دي شهادة من احدى الاكاديميات المشهورة باسكندرية
ا.اشرف عيسى : كل مشكلته انه بيطلع على الفيس بوك وبيجيب قانون العمل ولو قالوا حاجة غير كده يقولولنا لو جابه غياب عن العمل ولا عدى ال15 يوم متواصلين انا هفصله عدى 30 يوم متقطعين خلال السنة يبقى عندك المستند وهما معندهمش اي مستند كاتبين على الجوابات اللي باعتينها على بيوتهم ان الناس دي لا تقدر ان تقوم باعمالها الوظيفية انت افتكرت بعد 7 سنين او 10 سنين الراجل لا يستطيع ان يقوم بمهامه انت لو فيه واحد النهاردة هاته واعمل معاه تحقيق داخلي لكن اجيب واحد شغال على المعدة بتاع مركب واقوله انت اتفصلت
مسعد ابو ليلة :معنا على الهاتف صاحب الشهادة محمد جودة عبد القادر مساء الخير ..اشرف اشار الى انك اخدت دورة تدريبية في احدى الاكاديميات المشهورة في هذا المجال وليه اتفصلت
محمد جودة عبد القادر_ احد المفصولين من ميناء السخنة : انا لحد دلوقت معرفش انا ليه اتفصلت انا السبب اللي جالي القدرة على عدم القيام بالعمل
مسعد ابو ليلة :هل تم التحقيق معاك مثلا كان دا نتيجة تحقيق معايا يوضح هذا التقصير في العمل
محمد جودة عبد القادر_ احد المفصولين من ميناء السخنة :لا يافندم ماتمش معايا اي تحقيق وانا كنت في الاكاديمية البحرية وتم اختياري من 50 واحد والحمد لله لانه انا معايا لغة كويسة وعلاقي كويسة بزملائي
مسعد ابو ليلة :برضه امر غريب هل وجهة نظر الادارة ايه لفصلكم عشان يبقى الكلام مقنع للمشاهد وخاصة في غيبة المسئولين هل معقول انه يبقى فصل من غير اي سبب
محمد جودة عبد القادر_ احد المفصولين من ميناء السخنة :والله اللي انا اعرفه ان انا كمندوب اعلامي للنقابة كنت انا ماسك الجانب الاعلامي للاعتصام اللي حصل في شهر فبراير بعد ذلك عملت صفحة على الفيس بوك وكنت ادمن الصفحة على الفيس بوك وكنت الادمن بتاعها و بنشر كل اخبار القنقابة وكنت بنشر القوانين اللي بتدعم النقابة زي قوانين الارباح زي كل الشركات اللي حوالينا فانا شايف ان دا تقليم اظافر النقابة عن طريق فصل الناس النشطاء اللي حواليهم بحيث يتم اضعاف الناس
مسعد ابو ليلة :هل دول من اعضاء النقابة
ا.اشرف عيسى : دول مناديب النقابة واعضاء النقابة الرسميين 9 محدش جه جنبهم لسه بس الله اعلم هما في النية ولا لا ..
مسعد ابو ليلة :يعني اعضاء النقابة الاساسيين موجودين امال ال8 دول ايه
ا.اشرف عيسى : دول مناديب للنقابة ناس بتقوم مع النقابة باعمال اخرى مندوب اعلامي مندوب اجتماعي بيقوم بجمع معلومات اتصالات بنتعاون في الخير لاسترجاع حقوق العمال انا معايا اتفاقية وعايز اجيب حقوق العمال فالناس دي كلها كانت بتساعدني
مسعد ابو ليلة :بس مفيش حد فيهم عمل جريمة
محمد جودة عبد القادر_ احد المفصولين من ميناء السخنة :احنا كنا بندور على حقوقنا في قانون العمل وبنصوص قانون العمل فالفصل دا معناه كما ان لو ادارة الشركة بتقولنا انت مش من حقك تفتح كتاب قانون العمل وانت هخالف قانون العمل ومحدش هيقدر يعمل معايا حاجة
مسعد ابو ليلة :قانون العمل اللي انت قلت انه لازم يخطره قبلها بشهرين ومن حق العامل اذا عدى 10 سنين انه يستمر في العمل
محمد جودة عبد القادر_ احد المفصولين من ميناء السخنة :البند اللي مذكور في جواب الفصل اطلاع العامل على فصله لكن مفيش السبب واتكتب نظرا لعدم قدرته على اداء مهامه
مسعد ابو ليلة :شكرا استاذ محمد ورد علينا الان الدكتور نشات الديدي المتحدث الاعلامي باسم مواني دبي العالمية .. دكتور نشات مساء الخير..
د.نشات الديدي – المتحدث الالعامي باسم مواني دبي العالمية : كنا بنحاول نحط حلول لان المشكلة تفاقمت بغض النظر عن العين السخنة او الزملا الموجودين مشكلة العمالة في مصر عموما بقى فيه كارثة لابد ان ناخذ الامور بشكل وطني بشكل قومي خلاص فيه خساير موجودة بصرف النظر عن الاسباب لكن فيه خساير على المستوى القةومي وكنت بنادي على ضرورة الحل بالروح الوطنية عشان خاطر بلدنا اللي بتخسر والاستثمار بيهرب وسمعة العمالة المصرية بقت مشكلة كبيرة جدا انا بصرف انظر عن التفاصيل الدقيقة للموضوع انا لا يسعدني ان حد اتصل من الشركة وكل اللي موجودين عندك اخواتنا وحبايبنا ومتربيين والناس بيحبوا بلدهم لا نزايد على احد لكن المشكلة انه احنا بنوصل دايما لطريق مسدود لانه فيه عناصر اخرى بتتدخل الى انه يكون الامور توصل الى طريق مسدود
مسعد ابو ليلة :دكتور نشات ماهما برضه يصعب عليهم ان هما ما يكنوش مشاركين ويصعب عليهم ان حركة المينا معطلة والروح دي وضحت من كلام اشرف ومحمد.. بالتاكيد هما لا يسعدهم هذا الحال هما بيقولوا انهم ولاد الشركة يعني هما بيقولوا بعض عبارات تبين مدى اانتماء للمكان
د.نشات الديدي – المتحدث الاعلامي باسم مواني دبي العالمية
الموضوع لا يسعدني انة المينا تتعطل .. المينا مفصل حيوي مش انا اللي موقف الشغل لكن الاستاذ اشرف وااستاذ محمد هما لا يسعدهم ولكن بايديهم ان الشغب يرجع ان المينا تشتغل وارفع قضية غلى الشركة والمواطن اللي اتفصل يروح الوى العاملة يرفع قضية على الشركة انه تم فصله تعسفيا وان هذه الشركة ظالمة وعلى وزارة القوى العاملة ان هي تقول ان الشركة دي غلطانة لكن الامور ما تتحلش اني اوقف مرفق دا المحور الاساسي
مسعد ابو ليلة :وجهة نظرك اللجوء للقضاء ازاء هذا الفصل التعسفي وحركة الملاحة تعود وتستمر الى ان يقول القضاء كلمته
د.نشات الديدي – المتحدث الاعلامي باسم مواني دبي العالمية :نفترض جدلا ان هذا الفصل تعسفي اللي هيفصل فيه هو القضاء
مسعد ابو ليلة :خليك معانا دكتور نشات .. معانا سيادة اللواء سمير عجلان محافظ السويس مساء الخير سيادة المحافظ .. ابلنسبة الى لجنة تقصي الحقائق اللي شكلتها لانهاء ازمة ميناء العين السخنة الى ما وصلت جهودها
اللواء سمير عجلان – محافظ السويس: انا هقول بس النقطة الاخيرة في الاجتماع اللي كان امبارح واللي استمر حوالي 3 ساعات وانتهى كان الاتفاق مع الاستاذ اشرف والاخ علي والاتنين العمال بناء على الموقف حايا بخصوص اصحاب التوكيلات وةاصحاب الحاويات والعمال بتوع النقل اللي هما كانوا قدام المحافظ النهاردة كان بناء على هذا الموقف بالاضافة الى ان الاستاذ اشرف اخد الجواب وروح للعمال ويخليهم ينهوا الاضراب بالنسبة للافراج عن الحاويات والمركبين اللي موجودين في المينا اللي رافعين العلم الاخضر فكان الاتفاق ان احنا نطلع له الجواب بتاع القوى العاملة اللي هو الجواب اللي طلعه دلوقت مقابل انهم يفرجوا عن الحاجات اللي موجودة في الحاويات اللي هي حاجات خاصة بالورش ومستلزمات انتاج وهما دلوقت مانفذوش هذا الاتفاق
ا.اشرف عيسى ::اشرف معانا دلوقت هو سيادة المحافظ بيقول انه فيه جزء تاني بالافراج عن الحاويات
ا.اشرف عيسى : انا ما تكلمتش عن الاتفاق لسه انا قلت ان فيه جواب من القوى العاملة بيقول براة الناس دي ولكن هو فعلا فيه اتفاق امبارح كنت انا وزميلي علي سليم كنا موجودين في مكتب سيادة المحافظ ولجنة تقصي الحقائق ووصلنا لحل او جزء نحاول نحل المشكلة ولكن لم يكن الاتفاق ان احنا ناخد الجواب ونشغل انا لا املك التشغيل ولا زميلي علي يملك التشغيل وسيادة المحافظ يعلم هذا الكلام انا لو اقدر ان انا اشغل او افرج عن حاوي ماكنا عملنا كده من بدري ولكن الراي راي جماعة هناك مجموعة كبيرة جدا من الناس وهناك مجموعة لا تقل عن 450 موظف موجودين فالقرار ليس قرارا فرديا فانا قلت اماما سيادة المحافظ
مسعد ابو ليلة :لكن لما تكون هناك بادرة مش معناها اسقاطك حق
ا.اشرف عيسى : انا على ما مشيت من المحافظة وخدنا الجواب ورحنا المينا كانت الساعة تقريبا واحدة
مسعد ابو ليلة :يعني انت قمت بدورك
ا.اشرف عيسى : بالظبط والشاهد على كده الشرطة كانوا موجودين وحاضرين الاجتماع اللي عملناه مع العمال في الساعة واحدة ونص وخدنا رايهم ياجماعة احنا معانا تقريبا براءة زمايلنا طب احنا عايزين حاجتين احنا عايزين نطلع المركب وعايزين نشغل ال600 حاوية المفرج عنهم ولكن الراي مكانش معانا خالص في الموضوع دا العمال مصرين .. اصل العمالة اللي موجودة هي العمالة اللي بتشتغل في ايدها قالوا لا احنا زمايلا اللي انفصلوا هما شغالين زينا انا ما ينفعش ادور معدة وزميلي برة ما اضمنش زميلي هيرجع امتى
مسعد ابو ليلة :دكتور نشات معانا
د.نشات الديدي – المتحدث الاعلامي باسم مواني دبي العالمية :ااشرف بيقول ما يراه صحيح ربما هو مش قادر يشغل الناس ربما الناس متخوفة كل دا صحيح لكن انا في الللحظة الراهنة خلينا نخلي الطريق يكون القانون فيه هو السيد انا لا ابرئ احد ولا اتهم احد ولكن اقول يالا ياجماعة نشتغل عشان بلدنا دي تكون القانون فيها هو السيد يعني السيد المحافظ بيتكلم والاخ المدير بيتكلم عشان ايه ماهو عشان البلد تشتغل
ا.اشرف عيسى : ولماذا لا تستجيبوا موانئ دبي لهذا الكلام يا استاذ نشات عندما فصلتم الموظفين فصل تعسفي
د.نشات الديدي – المتحدث الاعلامي باسم مواني دبي العالمية :اما تتكلم يا اشرف قول شركتنا ما تقولش موانئ دبي عايزين نرجع الانتماء تاني يا اشرف انت تعلم ان هذه الشركة ملك لك وللعاملين ودلوقت اللي غلطان غيه قانون لو فصل تعسفي ممكن يرفع قضية وياخد مليون جنيه تعويض
مسعد ابو ليلة :سيادة المحافظ دلوقت اشرف عرض القضية وفيه اضراب
عضو لجنة تقصي الحقائق: هو سيادة المحافظ معاه تليفون تاني .. الاستاذ اشرف عيسى كان طلب الاتي انه يروح يكلم العمال بس عايز يكون عنده مبرر قوي لما يروح يكلم العمال ويشرح وجهة نظرنتا بس بيقول ان العمال ما بيبقاش التفاوض معاهم سهل ادوني جواب يعضد موقفي لما اجي اتفاوض مع العمال الحقيقة سيادة المحافظ والسادة اعضاء اللجنة قالوا شوفوا اللي يريح الاستاذ اشرف طالما ان الموضوع هيبقى فيه انفراجة واديناله هذا الجواب على اساس ان فيه انفراجة هتتم في هذا الموقف الانفراجة دي كانت متمثلة بالاتي الاستاذ اشرف وقعد وانا كنت قاعد معاه وانا واحد من الناس كان المفروض ان عدد من الحاويات من بعض الناس المتضررة واصحاب العربيات ككان المفروض يفرج عنهم احنا طبعا كل يوم عند المحافظة بيجيلنا عدد من المستخلصين وبيجيلنا مجموعة من اصحاب السيارات المتضررين من الوضع دا واتفقنا ان خروجا منم الازمة دي هنديله جواب يعضد الازمة دي ونبين على وجهة نظر المحافظة انها مع العمال قلبا وقابا وانها مع العمال قلبا وقالبا والمفروض ان الاستاذ اشرف اخد الجواب دا على اساس انه هيقدر يفاوض بيه انا معاه النهاردة لغاية الضهر والعصر
مسعد ابو ليلة :استاذ هشام عضو لجنة تقصي الحقائق في السويس شكرا جزيلا .. استاذ اشرف انا استوقفني الدكتور نشات انه انت من وجهة نظرك شايف ان هو تعسفي وانه اخترق القانون طبعا من حقك لكن انت من حقك انك تلجا للقضاء والعمل يمشي عادي وسيبوا حركة المينا عادي
ا.اشرف عيسى : تمام طيب طالما هو قالك انه فصل تعسفي وهو معترف فلماذا فصل العاملين ودا وجهة نظر القوى العاملة لماذا فصلت العاملين هو دا السؤال الموضوع حاليا مع ادارة الشركة والازمة المتسبب فيها من اصدر قرار الفصل للعمال وهو الوحيد اللي في ايده رجوع العمال ويخشووا تحقيق اداري داخلي الشغل يشتغل حالا وبعدين في فصل العمال لازم يخطرهخ قبلعها وهو ما اتبعش القانون
مسعد ابو ليلة :نتمنى ان تشهد هذه الازمة انفراجة السيد اشرف عيسى المتحدث باسم عمال ميناء السخنة شكرا جزيلا لك وشكرا لكل من حققنا معهم في الاتصال ونشكركم اعزائي امشاهدين ومتواصلون معكم في اتجاهات الى القاء