سحر ناجي: برحب بحضراتكم في مساحة للراي تناولنا دور مستشاري الرئيس والتصريحات التي تخرج وتسبب حرج شديد للرئيس محمد مرسي وتؤثر سلبا على شعبيته كما يقول الاستاذ جمال عفيفي بالاهرام .. ويمكن ان يكون هذا وراء رفع دعوى امام القضاء الاداري التي تطالب بمنع الفريق الرئاسي امام وسائل الاعلام وقصر الاعلام عن القرارات الرئاسية على المتحدث الرسمي هذا الخبر منشور في صحيفة الاهرام في الصفحة الاولى هذا الخبر هنتوقف امامه ونتناوله بالتحليل اضافة الى موضوعات اخرى حازت على رصيد كبير من الموضوعات في جرائد اليوم هنطرحها للنقاش مع الكاتب الصحفي الاستاذ طارق اسماعيل نائب رئيس تحرير الاهرام برحب بحضرتك اهلا بيك يافندم خلينا قبل الدخول في موضوع وصل لنا خبر هو احالة الادارية الطعون ضد التاسيسية للمحكمة الدستورية حضرتك تعليقك على هذا الخبر أ.طارق اسماعيل: انا مكنتش مفاجاة ويمكن احد الاصدقاء لي في الاسكندرية من القضاة قالي ان هذا سيحدث سحر ناجي: بناء على ايه توقعت دا أ.طارق اسماعيل: بحكم التجارب والخبرات البرلمانية .. انا مكانش شاغلني موضوع احكم انا كان شاغلني حاجة مهمة جدا هل احنا عايزين نعمل دستور توافقي ولا لا اللي قالقني ان اللجنة نفسها منقسمة .. اللجنة نفسها كل يوم تصريحات يعني انا توقفت امبارح عند تصريحات السيد عمرو موسى وكل يوم بتطلع تصريحات دا متحفظ ودا معترض اذا كان دا بيحصل في اللجنة فما بالنا برة بيحصل ايه هما عايزين دستور لكل المصريين ولا عايزين نعمل دستور خاص قطاع خاص سحر ناجي: طيب احنا في هذه الحالة هنستنى حكم المحكمة الدستورية ولا هيحصل ايه بالظبط أ.طارق اسماعيل: انا مش شاغلني المحكمة خالص انا اللي شاغلني ان احنا مش عايزين نعمل دستور توافقي هو دا الخطورة يعني حتى لو طلعع حكم وقعدنا ايه اللي يضمن ان جماعة الاخوان يعملوا دستور خاص بيهم انا عايزدستور يعبر عن المصريين دي قضيتي دا اللي المفروض يشغلني انا اول مرة اشوف ناس مش عايزة تقعد مع بعضها وتتفق حاجة تمثلنا الدستور دا بيعبر عننا كلنا ولا يعبر عن فئة مش قطاع خاص دا دستور عام لنا وللاجيال القادمة ويمكن ما نحضروش اللي شاغلني انه للاجيال فدا ادعى ان احنا نتوافق ونتفق دا اهم من حكم المحكمة الدستورية سحر ناجي: عدم التوافق بتظهر لنا في قضايا كثيرة تتذكر في الحلقة اللي فاتت كانت عن مستشارو الرئيس وطلعت اصوات كانت بتطالب رفعت دعوى بتطالب بمنع الفريق الرئاسي من الظهور في وسائل الاعلام علق لي على دا أ.طارق اسماعيل: لما تناولنا الموضوع دا وحللنا وضع المستشار توصلنا الى ان هؤلاء المستشارين اصبحوا عبء على الرئيس الدكتور محمد مرسي وضربنا مثال ان احد المستشارين طلع بيهاجم النائب العام المنصب الرفيع الهام في الدولة وليترتب عليه انه من حق اي حد في الشارع انه يطلع يهاجم رئيس الجمهورية طالما ان العملية ماشية كده بقى دون ان يدرك ان هو في اللحظة دي اصبح يمثل جهة سيادية اللي هي الرئاسة وعليه ان ينقي موضوع الالفاظ وطريقة الكلام اذن احنا اصبحنا امام فريق مستشارين لا يؤدي دوره او دوره يثير الغموض وايه دوره بالظبط لدرجة انه النهاردة قضايا كتيرة بتثار يعني مثلا ال100 يوم والجدل اللي حصل عليهم طب انتوا مستشارين الرئيس دوركم ايه وقضية الدعم مقلتلناش رايكم فيها ايه والطاقة يعني لما تقوليلي انا مستشار للجهة دي لازم اكون خبير في الحاجة دي عشان كده المؤسسة دي استعانت بخبرتي الواسعة في المجال دا ولكن واضح ان هؤلاء المستشارين كانوا ارضاء لبعض الاطراف والتيارات هو دا اللي ظهر امامنا لانه مفيش دور احنا فاهمينه وضربت مثال ان احد المساعدين اللي ماسك الملف الخارجي وهو طبيب تحاليل ايه علاقته بالملف الخارجي يعني انا طالب مساعد ليا لازم يكون له تاريخ عريق في الخارجية فاهم وعنده خبرات واسعة يقدر يضيفها لي كرئاسة جمهورية فاستفيد بيها دا اللي خلى الناس تبص على الاداء على انه مش عايز اقول هزيل لكن اداء مش واضح اداء سحر ناجي: وخصوصا انه في اكتر الازمات اللي بتمس حياته زي الطاقة زي الدعم أ.طارق اسماعيل: ايه دورك يعني لما موضوع زي الدعم فيطلع وزير البترول ان قضيته انه يرفع الانبوبة من 3 جنيه الى 50 اقوم ابيعها ب20 .. ياسيدي الفاضل مش موضعنا ال20 .. موضوعنا انها توصل للناس لما توصل الاول للناس بسعرها بعدها تقول للناس اتفضلوا ساعدوني ادوهالي ب5 جنيه ب8 جنيه الناس هتبقى فرحانة وهي بتدفع لك الفلوس انما ان تبقى قضيتك انها تنزل من 50 ل20 طب ماوصلتش للناس سحر ناجي: النهاردة برضه فيه مقال للستاذ فاروق جويدة وهو برضه احد مستشاري الرئيس أ.طارق اسماعيل: انا فعلا توقفت عند المقال دا وهو مهم جدا سحر ناجي: ايه النقاط اللي توقفت عليها أ.طارق اسماعيل: ان مستشار من الرئاسة غير راضي تماما عن اداء الاخوان وبيتهمهم انه بيحاربوا الصحافة وحرية الاعلام انا بقى كفريق رئاسي لازم اجيب فاروق جويدة واستمع اليه وهو خبير في مجال الاعلام دا تخصصه ان انا استمع اليه ايه اللي بيحصل ايه الغلط لانه فيه احداث كتيرة مرت اقالة رئيس تحرير جريدة بالتليفون النهاردة استبعاد كتاب في بعض الصحف كل الكلام دا يجب ان نتوقف عنده ونشوف هو صح ولا غلط انا لا بتكلم لا مع ولا ضد النه يجب ان اتوقف لانه النهاردة فيه حاجات غلط وفيه حاجات البعض بيرى انها لم تحدث من قبل اذن يجب ان استمع لهذا الرجل المحترم انه يمكن لحد ان يتهمه لانه راجل وطني وراجل مخلص لهذا البلد ومالوش اي حاجة وزاهد واعتذر عن الوزارة قبل كده لما يكتب المستشار اللي هما اختاروه ومحدش تاني اختاره النهاردة بهذا الاسلوب يجب ان نستمع اليه ياريت نبدا بالاراء المخالفة لنا ياريت النهاردة جايب كل الناس اللي هما ضده دا اللي هيعمل حالة انسجام في المجتمع .. المجتمع منفصل انفصال شديد للغاية سحر ناجي: طيب نتوقف عند عدم وضوح الرؤية او عدم الاستماع كفاية برضه دا بيحصل عندنا في ازمات اخرى مثلا اضراب العين السخنة وما يمكن ان يكون ليه من اثار سلبية جسيمة على الاقتصاد المصري في وقت احنا بنطالب فيه باستثمارات جديدة تاتي الى مصر بتنشيط الاقتصاد حضرتك شايف ابعاد هذا الاضراب أ.طارق اسماعيل: ولسة واقفة مش قادرة تحل مشكلة 8 افراد طب الحكومة اللي مش قادرة تحل مشكلة 8 افراد هتحل مشكلة 80 مليون 8 افراد احنا واقفين عندهم واستثمارات بتضيع بالملايين والنهاردة داخلين في منعطف خطير والبعض بيقول ان دول هندفع تمنه غالي جدا مناخ الاستثمار مناخ عام اذا اهدر المناخ دا هيترتب عليه اثار سيئة يعني اذا كان حد بيفتكر انا هسيب الشركة دي اروح الشركة دي لا انا خلقت مناخ للعالم ان مناخ الاستثمار فاسد فلا تنتظروا ان تاتي الاستثمارات الى مصر يجب انتحل هذه المشكلة وبسرعة وبحلول ترضي الاطراف يعني احنا خلاص مش قادرين نحتضن ال8 عمال سحر ناجي: فيه في الصحافة بنلاقي اراء متضاربة بنلاقي اتهام رجال عمال قطريين بشعال ازمة ميناء العين السخنة بعد كده ادارة الميناء بتؤكد رفض 82% من العمال للاضراب دا الكلام دا بتوقيعات من اعمال وبتنفي اعتزامها فصل اعداد جديدة من العاملين .. نسمع للقوى العاملة بتنقول ان قرار فصل ال8 عمال غير مبرر يعني محصلش معاهم تحقيق عشان نقول أ.طارق اسماعيل: انا مش عايز ادخل في تفاصيل احنا مش معنيين بيها انا عايز ادخل في لب الموضوع النهاردة ان الحكومة لازم تتدخل باسرع وقت فتنهي هذا لكن اسيب المواضيع زي اي ازمة حصلت اسيبها زي قرار اللي حصل بتاع الغاء الدوري وقعدنا واللي عملناه اننا حددنا ان الدوري هيبا في اكتوبر اللي جاي واحنا علينا السور .. مش فاهم سور ايه اللي عليناه ..؟ ! دا انتوا هتلعبوا من غير جمهور سور ايه اللي عليتوه يعني ايه الاسلوب حل المشاكل احنا بنتكلم على منظومة من البداية عايز يتصلح .. يعني اذا كنت بتكلم على منظومة الرياضة فالمنظومة كلها عايزة تتغير ايه اتصورات بقى اللي طرحت لحل منظومة الرياضة لحل منظومة كرة القدم المليئة بالفساد كل دا لم يطرح سحر ناجي: خلينا نتوقف عند ميناء السخنة لانه دا له تاثيرات بعيدة على المدى الطويل أ.طارق اسماعيل: دا لانه احنا مش عاملين منظومة ومش واخدين بالنا يعني ايه الاستثمارات مش واخدين بالنا انه لما يحصل حاجة زي دي تاني يوم الصبح يجب ان ننهي الموضوع دا وباسرع وقت عشان نقدر النهاردة سحر ناجي: من الابعاد لاستمرار الاضراب الى انه منظمة الملاحة الدولية وضعت ميناء العين السخنة على القائمة السوداء حتى لو جت حركة تانية داخلة ماهو خلاص محطوط في القائمة السوداء أ.طارق اسماعيل: احنا النهاردة هيبتدي يتقال على مصر انها مناخ طارد مش مناخ جاذب نمرة اتنين ان احنا بنخسر الملايين نتيجة الاضرابات ونتيجة عدم التعامل مع الاحداث نمرة تلاتة انتوا بتيدوني القدرة على عدم التعامل مع اي موضوع النهاردة فين دور الحكومة انا مش شايف رؤية في اي موضوع انا نفسي الوزير يطلع يفرح الناس في اي حاجة نفسي وزير يطلع يدينا امل في حاجة لكن وصلت الحالة الى اننا نفرض ضرايب على التكييفات يعني هل دا كلام يعني دا كلام فيه حلول يعني هل مصر عجزت يعني انا الناردة بتكلم في البنزين يا سيدي الفاضل انا وجهة نظري في موضوع البنزين دا ان احنا نعمل انا عندي متوسط 6 مليون عربية ابتدي اشوف ايه الحدود بتاع كل عربية ابتدي اعمل بطاقات ذكية واعمل حدود كفاية يعني لو واحد محتاج في السنة 2000 اديله 2500 واعمل البطاقة دي ب100 جنيه يعني انا دخلت كده مليار بالرضا دخلت حملت اعباء على الناس ولا الدولة لكن التفكير ان كل وزير عنده مشكلة فيحلها على حساب المواطن دا كلام لا يتفق مع ثورة جاية وعايزة تحسن اوضاعها ثورة بتنادي بالعيش والحرية والكرامة يعني انا نفسي اسمع حلول وحاجات مشجعة لكن في نفس الوقت مطلوب من لدولة الاطمئنان انه يشتغل ويعمل لصالح الوطن سحر ناجي: استاذ طارق خلينا نسمع التقرير واللي بيتناول موضوعات خدت نصيب كبير في عواميد اليم نتابعها ونعود من جديد تقرير اعمدة الصحف عن كثرة التصريحات عن المتحدث باسم الرئاسة يقول جمال عفيفي تصريحات من حزب الحرية والعدالة عما يدور داخل كواليس الرئاسة تفقد الرئيس محمد مرسي الكثير من شعبيته في الشارع المصري وفي قضايا وافكار يرى محمد الهواري ان ترك الصعيد نهبا للشائعات يزيد من الضغط على ابناءه خاصة ان هذا الجزء من مصر ظل مظلوما في كل العصور جمال الغيطاني يقول اكثر مالاحظته خلال الايام الماضية ظهورعلم الصعيد دون ان يتوقف احد امام هذا الخطر فالعلم مصمم بدقة ويرمز لمحافظات الصعيد التسع وفي محاولة للفهم يرى الدكتور المعتز بالله عبد الفتاح ان المصريين في طريقين طريق الانتقام وطريق الانتقال .. طريق تصفية الحسابات وطريق المصالحة والنجاة الجماعية وطريق الندم المشترك وطريق العمل المشترك ويتساءل حسين عبد الغني هل يكتفي الرئيس محمد مرسي بتاييد الجماعة وحزب الحرية والجماعة ان انه سيسعى الى الشعب بكل طبقاته وتياراته السياسية والثقافية والجواب على هذا السؤال عند الرئيس وحده اما الدكتور مصطفى محمود فيقول ان مصر تعيش حالة من الفوبيا السياسية والدينية والصراع الاجتماعي الكل يتكلم دون التوقف لدقائق لالتقاط الانفاس وفي ظل هذه الاجواء يقول مجند منازع باي حال عدت ياعيد وهناك اضرابات وتوقف العمل ف شركات وتعطل المصانع والانتاج فاصل سحر ناجي: نعود مرة اخرى لضيفنا في الاستوديو الاستاذ طارق اسناعيل نائب رئيس تحرير الاهرام .. الحقيقة في التقرير طرحت العديد من الموضوعات ولكن فيه موضوعين في غاية الاهمية الاخبار على لسان الاستاذ محمد الهواري ترك الصعيد نهبا للاهمال والشائعات والاستاذ جمال الغيطاني ايضا في الاخبار وقف مذهولا امام اخطر مالاحظه هذه الايام امام علم الصعيد وبيقول هو مصمم بدقة ويرمز الى محافظات الصعيد التسع أ.طارق اسماعيل: انا ارى اننا نتحول الى الشيخ سلامة في فيلم و اسلاماه اللي هو قعد يقول التيار جاي فنحن لدينا مخطط ما يحدث داخل مصر دا موضوع جدي ومافيهوش هزار واللي احنا شفناه بس دا بروفة والتقسيم مش هيبقى الصعيد بس دا رايح على سينا احنا لغاية دلوقت مش فاهمين ايه الوضع في سينا وفيه اعلام ارتفعت في سينا واعلام سوداء وامارة اسلامية والوضع في سينا غامض اي مخلص متمسك بالبلد دي لازم يتمسك بوحدتها .. دا مخطط خارجي معروف واتقال ونشر قبل كده ان مصر مستهدف انه يبقى في سينا دولة ووجه بحري ووجه قبلي وفي الصعيد واللي حصل دا بروفة للاسف البعض مر عليه كان دا تهريج سحر ناجي: كثيرين بيشككوا في هذا الامر وبيقولوا ان دا نتيجة بس للاهمال للصعيد أ.طارق اسماعيل: مخطط التقسيم هيستغل الانقسام دا مخطط من برة ضدنا سحر ناجي: بداية هذا التنبيه والعمل على الحد منه ازاي أ.طارق اسماعيل: انه نبقى كلنا ايد واحدة للاسف احنا مختلفين في كل شىء .. وللاسف البعض بيظن ان الوطن دا وطن خاص وعاوز كل حاجة هو اللي يديرها وهوالمسئول عنها مش هينفع الكلام دا لازم نتنبه ان الوطن ملك للجميع لازم نشارك الناس كلها سحر ناجي: هل ممكن ان دا يكون جزء من الخطة التقسيمية أ.طارق اسماعيل: دا اكيد .. بل انا ازعم ان هناك من يدفع بعض الفصائل انه يعمل كده فيقع في هذا الخطأ الوطن ملك للجميع ولازم اشوف الكفاءات اللي من مختلف التيارات وابتدي احطها هل يمكن ان اقول ان الراي العام ضد حد واجي الصبح اعينه نائب للمحافظ يعني هو راجل محترم واقدر اقول انه دكتور ناجح في مجاله انا الراي العام ضده لانه دخل في حاجة مش بتاعته مش من اختصاصه وبدا يتكلم في كل حاجة الا الحاجة اللي بيفهم فيها اللي هي الطب يعني للاسف الشدبد فانا بعمل صدمة للراي العام الحاجة التانية عشان كده نلاحظ انه عمل الحاجة دي قبل ما يحلف اليمين ودا خطأ تاني وقع فيه انه عمل زيارات للمستشفيات عمل الحاجة اللي هو فاهم فيها انما انا عاوز اقول كان اولى انا عايزاجيب راجل كويس ونشيط وكل حاجة لكن اساعد الراي العام ابتدي اخلي مناخ جيد لما اكون عايز اجيب حد لكن البعض بيدفع المؤسسات لا لازم دا ييجي لازم دا يحصل دا كلام مش مظبوط احنا محتاجين هدوء محتاجين نوع من الرؤية الموضوعية المناخ يستحمل سحر ناجي: بس فيه نقطة الراي العام احيانا بيكون هناك محركين بيحركوا الراي العام تجاه اتجاه معين هل انا في جميع الاحوال لازم استمع الى الراي العام أ.طارق اسماعيل: اهيئ الراي العام ان انا ابصره طب هو وارد ان الراجل دا راجل كويس طب مش اوعيه لكن لاراي العام ملبد ازاي انا ادخل واحد على راي عام بدليل انه فيه وقفات احتجاجية ضده سحر ناجي: دا برضه بيخليني اتكلم عن علاقة الشارع بالنخبة والصراعات السياسية مابين الاحزاب والقوى السياسية المختلفة وفي نفس الوقت عمل البعض على عدم وجود دولة القانون خلينا مثلا في خبر من الاخبار عن مليونية ستعقد يوم 2 نوفمبر تحمل عنوان اقالة النائب العام أ.طارق اسماعيل: لو احنا دخلنا في السكة دي .. السكة دي خطيرة وخطورتها انه من الصبح الواحد يحلم باي حاجة انا انزل مليونية لاقالة رئيس مؤسسة لاقالة مدير الامن مليونية لاقالة الكل فيه حاجة اسمها قانون وضوابط ودولة السيادة اذا لم نحترم دا يبقى الدولة انتهت النائب العام لا يجوز عزله اذا لم نحترم دا انا لا بتكلم على اسماء "س" او "ص" او "ع " انا بتكلم عن اللي حاصل فيه احترام للمناصب ولا لا .. انا بحترم رئيس الجمهورية وبحترم النائب العام وبحترم رؤسائي دا يعمل دولة اذا قدنا احترامنا لبعض الدولة هتنهار احنا داخلين دلوقت يعني مثلا فيه حاجات تضحك زي مثلا لازم محاكمة الرئيس السابق واعادة محاكمته يعني هو واحد دلوقت اقصى عقوبة المطلوب ايه اعدامه يبقى اعدموه من غير ما تحاكموه يعني هو كده اذا كان هو اخد 25 سنة وهو مش هيعيش ال25 سنة لكن اللي يقول لازم اعيد محاكمته طب ماهو مفيش حكم يبقى اعدمه على طول .. فيه حاجات لازم نتنبه احنا بنقول ايه سحر ناجي: فيه اصوات التي تدعو الى مثل هذه المليونيات بتبقى احزاب سياسية برضه نرجع نقول موضوع توريط الرئاسة موضوع ان انا بسبب حرج للرئاسة أ.طارق اسماعيل: طبعا .. الحل الوحيد انه للاسف مفيش لغة حوار بين الاحزاب والمجتمع لازم يحثل حوار ولازم نتفق على هدف لكن الواضح انه مفيش جدية والواضح انه الاحزاب والتيارت السياسية بينهم وبين بعض صراع على حساب الوطن بس لازم تكون اهدافنا واضحة محدش ياخد الوطن لمصلحته لا الوطن ملك للجميع سحر ناجي: طيب حضرتك شايف زي ما بيقولوا ان احنا بنعيش حالة فوبيا ولا لسه ماوصلناش للمرحلة دي أ.طارق اسماعيل: لا احنا وصلنا لاخطر من كده دلوقت مش عايزين نسمعه بعض وبنخون بعض احنا محتاجين ان احنا مرة تانية نعيد صياغة انفسنا نبقى فاهمين ان احنا في وطن واحد وان احنا عايزين نعيش في سلام ان احنا نعيش في رخاء واحنا محتاجينه ان بلدنا فيها خير وان بلدنا ممكن تجمع على حاجة كويسة جدا اعدائنا بيحركونا في سكك خطا اعداءنا واخدينا في ناحية التقسيم وفي ناحية الفوضى ونحو تخريب البلاد آن الاوان ان العقلاء يعني انا نفسي نسيب رئيس الجمهورية يشتغل لوحده ورئيس الادارة يشتغل لوحده وبهدوء وبدون ضغوط وممارسة املاءات عليهم سحر ناجي: هل الضغوط شايفها بس في الاملاءات ولا شايفها بس في الاضرابات أ.طارق اسماعيل: في كل حاجة طبعا بياثر انا نفسي نهدى شوبة ونحط اهداف سحر ناجي: ماهو هيقولك انه الناس عندها مطالب ولازم تتحقق أ.طارق اسماعيل: الاهداف ان احنا نستوعب ان الناس محتاجة الى رفع المعاناة فلازم نهدى بقى عشان نجمع ماتبين حاجتين كيف نبني الوطن ونرفع المعاناة على الناس سحر ناجي: نتمنى استاذ طارق اسماعيل نائب رئيس تحرير الاهرام ان نهدا جميعا وبشكر حضراتكم على حسن الاستماع وغدا حلقة جديدة من مساحة للراي
