21/5/2011 مفيد فوزى: أهلا بحضراتكم الفلاح المهمش التعديات على الأرض الزراعية القمح ورغيف العيش, سمعة القطن المصرى ثروتنا الحيوانية والسمكية مافيا الإستيراد التطبيع فى الزراعة تنمية سيناء والدكتورأيمن أبوحديد الخبرة المصرية الدولية وزيرالزراعة فى حديث المدينة مفيد فوزى: دكتورأيمن زى ما بيقولوا كده بالشعبى عايزأجرى الحوار ده مع حضرتك على ميه بيضا بتعتقد حضرتك أنه ما جرى من تعديات على الأرض الزراعية وتوزيعها بالتحديد على المستثمرين وما شابه ذلك من عوائق هل كان مفاجأة بالنسبالك مع إنك قيادة فاعلة فى وزارة الزراعة ؟ د/ أيمن أبوحديدة: أهلا وسهلا أولا طبعا لم يكن مفاجأة لأن كل الناس شايفين ما يجرى على الساحة كلنا بنمشى على طريق مصر إسكندرية وكلنا بنمشى على الطرق الزراعية وبنشوف ما يحدث من تغيرات على جانبى الطريق لكن حقيقة الأمرأنه المفاجأة بالنسبالى كانت الأدوات التى سهلت هذا الموضوع مفيد فوزى: بمعنى؟ د/ أيمن أبو حديدة: تقنين الأرض أو تقنين أوضاع الحائزيين أراضى إستصلاح صدر قوانين بتقنين أوضاع الأفراد من قاموا بإستصلاح وزراعة مساحة لا تزيد عن 100 فدان سنة 2006 ولم يذكر القانون ماذا بشأن الشركات ؟ والمساحات الكبيرة للمستثمرين أيضا ماذا بشأن ما بعد 2006 ؟ مفيش أى إشارة لتقنين أوضاع ما بعد 2006 يكون أزاى ؟ وبالتالى من سنة 2006 إلى نهاية 2010 حدث العديد من التجاوزات التى توصف بأنها ليس لها أداه تشريعية لوقفها فالقانون لم يكن قادرا على حل أى شيىء فيما بعد صدوره على أن القانون كان بيقنن الأوضاع السابقة لكن ما حطتش قواعد للأوضاع التالية مفيد فوزى: الناس قد تتساءل لما.........؟ د/ أيمن أبو حديدة: هو سؤال وجيه جدا وأعتقد أنه فيه جدل كبير حوالين لما؟ لكن مؤكد أنه فيه مصالح ومنافع أدت إلى هذا الوضع علشان كده لما نيجى نتناول هذا الموضوع نقول أنه أحنا لازم ناخد فترة للإلتقاط الأنفاس نشوف أيه اللى نقدر نعمله لتعديل التشريع اللى يسمح بتعديل الأوضاع السابقة ويضع القواعد الدقيقة الشفافة والواضحة اللى تسمح بتملك الأراضى فى المستقبل بالنسبة للشركات الكبيرة وبالنسبة للمساحات الكبيرة وأيضا بالنسبة للأوضاع الخاصة بالمساحات الصغيرة للأفراد يجب أيضا أنه أحنا نشوف كيف نتعامل مع الفترة من سنة 2006 حتى الأن ؟ مفيد فوزى: يعنى أقدر أقول أنه من 2006 القانون غائب؟ د/ أيمن أبو حديدة: مجمد مفيد فوزى: وأيه الفرق بين مجمد وغائب ؟ وأنت يا دكتور أيمن أبن أحد أعمدة الأدب العربى فى حياتنا يمكن جيل كبير ما يعرفش أنه حضرتك أبن الكاتب الكبير فريد أبو حديد د/ أيمن أبو حديدة: ودى نقطة ضعفى لأنه لا أدعى أنه خبير فى هذا الإتجاه مفيد فوزى: أيه الفرق بين غائب ومجمد ؟ د أيمن أبو حديدة:هناك قرارات وزارية ولكن القرارات الوزارية لا ترقى لقوة القانون وبالتالى عند تنفيذها تصطدم بالعقبات أن هناك ليس قانون صادر من مجلس الشعب أو صادر بمرسوم جمهورى وبالتالى ممكن القرار الوزارى لا ينفذ وبالتالى بيجمد مفيد فوزى:حضرتك أول ما توليت هذا المنصب عايزأقول بتعبير دقيق مهذب يعنى أتونست برأى الوزراء السابقين اللى جلسوا على نفس ذات المقعد يوسف والى أحمد الليثى وأمين أباظة الناس بترى أنه هل هؤلاء ليس لهم بصمات على الوزارة الأن ولا هو ونس من حيث الونس ؟ وأنت إشتغلت مع التلاتة طبعا د/ أيمن أبو حديدة: أولا يج على من يتولى عمل أن يعرف تاريخه حتى لو كان يعرف تاريخه بالمشاهدة من بعد فتولى عمل بعد كده تستدعى منه أنه يعرف تفاصيل وإيجابات كانت غامضة بالنسباله ويحب يعرف تفسيرها من صاحب القرارعلشان كده أنه لابد أن ألتقى بوزراء الزراعة السابقين فى لقاء أسمع منهم وأتعلم منهم وأشوف أيه اللى أقدرأمشى فيه فى المستقبل ودا اللى حصل فور ما توليت الوزارة مفيد فوزى: يعنى لست من أنصار سن السكاكين والكلام المرسل للعمل الإعلامى اللى كلنا عارفينه حضرتك لما بتروح فى حوض البحر الأبيض المتوسط فى المؤتمرات التى تصوغ سياسات زراعية أتصور أنه حرصك على أنها تبقى موجودة وأنت عشت الكثيرمن هذه المؤتمرات إن ما يبقاش مقعد مصر فاضى لمجرد إشتراك إسرائيل هل هو شكل من أشكال التطبيع فى الزراعة كما ترى ؟ د/أيمن أبو حديدة: أسمحلى أسأل حضرتك السؤال الأخير مفيد فوزى: إتفضل د/أيمن أبو حديدة: هل وجود السفير المصرى فى إسرائيل شكل من أشكال التطبيع مفيد فوزى: إطلاقا د/أيمن أبو حديدة: هل وجود الجندى المصرى على الحدود شكل من أشكال التطبيع مفيد فوزى: لايمكن د/أيمن أبوحديدة: نفس الوضع للمؤتمرات الدولية المؤترات الدولية تعنى أن المجتمع العالمى بيجتمع لأخد كل دولة مصالحها وبالتالى يجب أنه أحنا نكون موجودين فيها ومن الأدعى لو إن فيه بينى وبين أحد الدول خلاف أنه نكون موجود فى كل المؤتمرات اللى فيها هذه الدولة علشان أعرف اللى بينى وبينه خلاف بيفكر فى أيه أو بيطلب أيه ؟ وإلا مش هقدرأواجه مفيد فوزى: سؤال متحضرفيما تتميز عنا إسرائيل فى الزراعة ؟ هذا السؤال ما كان يمكن اسأله من قبل وإلا أعتبر أننى أحاول التطبيع فى الزراعة الأن أملك أن اسأله ببساطة واسأل خبرة دولية زى حضرتك د/أيمن أبو حديدة: أنا هسأل حضرتك سؤال أخير مفيد فوزى: مين فينا المحاور ؟ د/أيمن أبو حديدة: إسمحلى ما أنا بتعلم مفيد فوزى: اتفضل يا فندم د/أيمن أبو حديدة: ما تتميز به إسرائيل فى الزراعة عن باقى أنحاء العالم نظم رى متطور معاملات ما بعد الحصاد التسويق كلها لا تزيد عن الطاقة العلمية والتطبيقية الموجودة فى الولاياتالمتحدة وأوروبا مفيد فوزى: حتى البحوث ؟ د/أيمن أبو حديدة: بما فيها البحوث هناك مجالات للتميز موجودة فى كل دول العالم كل دولة فيها بعض مجالات التميز ولكن ليس هناك دولة تحتكر التفوق العلمى وبالتالى لما نقول ما تتميز به إسرائيل عننا ممكن أقول أنه أحنا نتميز عن إسرائيل بى أعلى إنتاجية للقمح إنتاج الأرز أعلى إنتاجية فيه السلالات التى لها قابلية ومرغوبة فى الأسواق العالمية كلها قصب السكر إنتاج الذرة البيضاء كل دى أحنا بنمتيز بيها تميز واضح عن كل دول العالم مصر تتميز بأعلى قدرة إنتاجية وأكتر قدرة علمية على هذا الموضوع أقول لحضرتك حاجة لما حصل ظهور مرض صدى الساق الأسود فى القمح وإنتشرمن أوغندا ظهر فيها سنة 99 وإنتشر منها إلى شرق أفريقيا ومنها إلى الجزيرة العربية وإنتقل منها إلى أفغانستان وأفغانستان رفعت الراية تطلب سلالات مقاومة لهذا المرض الولاياتالمتحدةالأمريكية منظمة الإغذية والزراعة والإيكاردا المركز القومى لزراعة المناطق الجافة كلها ذهبت تبحث عن سلالة مقاومة لهذا المرض لم يستطيع أحد أن يوفر سلالة مقاومة لهذا المرض إلا مصر التى قامت من 10 سنوات من سنة 99 دلوقتى 13 سنة بتتبع حالة هذا المرض وتحسين الأصناف المصرية لدرجة إنتاج صنفين من القمح أسمهم نصر (1) ونصر (2) إتجربوا فى وسط أفريقيا وإتجربوا فى اليمن وإتجربوا فى الإيكاردا وإتبعتوا للمركز الدولى للقمح والذرة فى المكسيك لتجربتها وثبت مقاومتهم لهذا المرض الفتاك اللى أبتدى ينتشر من أوغندا وسمى يو جى 99 مرض صدى الساق الأسود دا مرض فطرى لما بيصيب القمح بيدمر المحصول والعلاج بتاعه غير وارد بالنسبة للقمح الحل الوحيد أنه يكون هناك جينات مقاومة للمرض مفيد فوزى: ودى كانت موجودة فى مصر د/أيمن أبو حديدة: ودى كانت أتطورت فى مصر بالتعاون مع المراكز الدولية للبحوث ومصر هى البلد الوحيدة اللى قامت بإكثارهذا الصنف وإنتاج تقاوى معتمدة منه وأصبح موجود عندنا وبنستعمله حاليا فى العديد من محافظات مصر مفيد فوزى: بمناسبة القمح حضرتك عملت أيه جديد فى عملية أنه الفلاح يديك القمح بتاعه ؟ د/أيمن أبو حديدة: حاجتين أول شيىء هو حس بنك التنمية والإئتمان الزراعى على أنه ما يضعش عقبات أمام توريد القمح وإتفاق على أنه أى كمية من القمح تورد ما دام تم إختبارها والتأكد من أنها صالحة نستلمها مفيد فوزى: بكام ؟ د/أيمن أبو حديدة: دى الحاجة التانية تحديد سعر الضملان السنة اللى فاتت كان 270 للأردب السنادى 350 جنيه والحاجة اللى تكمل ذلك وتكمل النقطة التانية أنه وزارة التضامن ووزارة المالية دعمونا تدعيم قوى فى أن سعر الضمان يفعل وإن ما نجمعه من القمح يورد تمنه فورا وبالتالى ليس هناك مشكلة فى عملية التوريد ولا فى سلاسة توريد النقود مقابل السلعة وحاليا بتخزن كلها فى شون بنك التنمية والإئتمان أو شون المؤسسات التابعة لوزارة التضامن مفيد فوزى: ليه الفلاح بياخد السماد من البنك مش من التعاونيات ؟ فهمنى د/أيمن أبو حديدة: الحقيقة أننا أختلف معاك الفلاح عايز البنك يمول السماد لأن البنك يستطيع أن يتعامل مع شركات الأسمدة ويشترى منها كميات الأسمدة ولكن الفلاح يريد فى معظم الأحيان إن التعاونيات هى اللى تقوم بتوزيع الأسمدة على الفلاح وبالتالى قسمنا العمل فى الوزارة إلى شقين الأول أنه البنك يقوم يإستلام الأسمدة من الشركات المنتجة الحكومية ويقوم بتوزيعها على الجمعيات التعاونية الزراعية المركزية والعامة والجمعيات التعاونية تقوم بتوزيعها فى الفروع البلاد والقرى التى ليس فيها جمعيات تعاونية كافية أو تقدر تصل إلى المزارعين البنك بيقوم مباشرة من الشون بتاعته أو المخازن بتاعته وتوزعها على الفلاح حتى مزارع القصب لكل المزارعين بلا إستثناء ولكن أحنابنتكلم فقط على الأسمدة النتروجينية المدعنة من الدولة اللى ناتجة من المصانع الحكومية وتركنا للقطاع الخاص باقى الأفق العريض فى كل أنهع الأسمدة الأخرى يقوم القطاع الخاص بالتجارة فيها وتوزيعها وفقا لأليات السوق مفيد فوزى: دكتور أيمن أبو حديد هل أوضاع الفلاح المصرى متدنية إجتماعيا ؟ د/أيمن أبو حديدة: إذا سمحتلى حضرتك تساءلت هلى الفلاح المصرى مهمش؟ الفلاح المصرى مهم مفيد فوزى: مهم يعنى أشيل الشين هل هذه الأهمية يقابلها الإحترام لمطالبه فى الحياة ميه نقية الكهربا من إهتمام الثانى بشخصه مدام قلت مهم د/أيمن أبو حديدة: من المؤكد أن الفلاح المصرى تعرض خلال التاريخ لضغوط كثيرة الفلاح المصرى كان مسئول عن إعاشة مصر الفلاح المصرى كان مسئول عن رفاهية كل المصريين فى حين أنه عايش فى ظروف قاسية وأتى الوقت اللى يجب فيه أنه هذا الفلاح ياخد حقه من الدنيا مفيد فوزى: مهمة من ؟ د/أيمن أبو حديدة: تكاتفية مهمة جماعية لأن بالنسبة لوزارة الزراعة يجب أنها تكون حاطة نصب عينيها احوال الفلاح من ناحية توفير مستلزمات الفلاح توفير الدعم المالى الكافى لنظام إرشادى جيد لتوصيل المعلومات إليه بصورة فعالة مساعدته فى عملية تطوير محصوله بما فيها وضع سعر ضمان جديد بالإضافة لى كده تكوين آلية جديدة للتكافل الزراعى أنه لو الفلاح حصلتله مشكلة ومقدرش يثبت فى أحد الأعوام يقدر ياخد تعويض عما كان سينتجه ولكن نظرا للظروف مقدرش مفيد فوزى: وكأن دا شبه قرار ؟ د/ أيمن أبو حديدة : دا موضوع فى الإستراتيجية يعنى عنصر أساسى فى إستراتيجية التنمية الزراعية أنه يعوض إذا تعثر مفيد فوزى: أنا ليه بسألك السؤال ده أنا أتصورأنه الناس الفلاحين اللى بيشوفونا مع حضرتك أنا وزملائى يعنى نفسه بحاجة تبل ريقه أكمل العبارة ؟ د/ أيمن أبو حديدة : إتفضل مفيد فوزى: بعد ما نشف ريقه طويلا د/ أيمن أبو حديدة :من المؤكد أن هناك كانت ظروف صعبة بالنسبة للفلاح بالتحديد فى مصر أحنا النهارده فى ظروف مثالية لإحداث أى تغيير فى المجتمع المصرى وفى صالح الفلاح بالذات بشرط أنه أحنا نلاقى الوقت والسلام الإجتماعى اللى يمكنا أنه أحنا نشتغل فاصل ( أغنية محمد الحلو تيجى نبنيها ) مفيد فوزى: عايز أقولك هل الشرطة من الممكن أن تتعقب الذين يعتدوا على الأرض الزراعية هل هى الحل لحسم هذا الأمر مهياش الحل الوحيد د/ أيمن أبوحديدة : مهياش الحل الوحيد لأن يجب أن يصاحب ذلك ضمان لأماكن أخرى يستطيع سكان الريف أنه ينتقلوا إليها أو يبنوا فيها مفيد فوزى: بمعنى وضحلى أكتر ؟ د/ أيمن أبو حديدة :يعنى الفلاح لما بيحب أنه هو يجوز ابنه عايز يبنيلوا مكان فى القرية لكن فى الحقيقة إن القرية المصرية أصبحت سكن للوافدين من المدن لإرتفاع تكاليف البناء والسكن فى المدن فبيروحوا للقرى لإستخدام الأراضى فيها مفيد فوزى: الإعتداء د/ أيمن أبو حديدة : الإعتداء مدبر نظرا لتوسع المدن وليس لإحتياجات الفلاحين مفيد فوزى: الا تخشى أنه الأسمنت يأكل الأرض الخضراء ؟ د/ أيمن أبو حديدة : أخشى بشدة اللى حصل انه خلال السنتين اللى فاتوا كان معدل التعدى على الأراضى الزراعية 35 ألف فدان فى السنة دا وفقا لتقديرات جهازحماية الأراضى بالوزارة السنة دى فى خلال ال3 شهور الأولى 6 الأف فدان فقط كاملة إستقطعت بمحاضر رسمية خلاف مساحات أخرى جارى حصرها وعمل محاضر بيها وبالتالى نتوقع المساحة اللى تم الإعتداء عليها أو اللى خلال سنة 2011 تم إستقطاعها من الأراضى الزراعية هتكون أكتر كتير من المساحة القديمة المساحة دى ما بنقلهاش أنه فيه واحد بيبنى بيت جنب بيته علشان أبنه يسكن دا أحنا بنجد أنه هناك من يبنى أسوار حول نص فدان كامل ويقسمه ويبيعه فعملية تجارة عملية تدمير للأرض الزراعية لحساب مصلحة شخصية قريبة جدا مفيد فوزى: حضرتك بتقول انه فيه عندك جهاز فى الوزارة أسمه جهاز حماية الأراضى أدواته أيه ؟ د/ أيمن أبو حديدة : أدواته يعمل معاينة ومحضر ويسلمه للمحافظة المعنية فقط والمحافظة هى اللى المفروض عن طريق مفيد فوزى: ليه إستخدمت كلمة مفروض ؟ د/ أيمن أبو حديدة : لأن هنقول أيه عن طريق الأمن اللى موجود فى المحافظة تحمى عملية الإزالة اللى بيقوم بيها الوزارة جهاز حماية الأراضى فبنقول مفروض لأن فى حالات كثيرة الطاقة الأمنية خلال الشهور الماضية كانت ضعيفة بدأت تتحسن إبتدت حالات إزالة وإبتدت تتوسع نتوسع فى المحفاظ على الأراضى الزراعية خلال الشهر الماضى بالذات الفكرة أنه الأرض الزراعية المصرية اللى فى وادى النيل ودلتا نهرالنيل ثروة لا يمكن تعويضها بالإضافة إلى ذلك الأراضى المستصلحة إنتاجيتها بصفة عامة بتكون أقل من إنتاجية الأراضى القديمة لو كانت بتستخدم نفس طرق الرى والتسويق وبالتالى لو أحنا دمرنا الأرض الزراعية اللى موجودة فى الوادى والدلتا الأراضى اللى هتكون خارج ذلك هتعطى غنتاج أقل من أراضى الوادى والدلتا مفيد فوزى: السبب ؟ د/ أيمن أبو حديدة :السبب هو خصوبة التربة التربة الطينية فى وادى النيل مقارنة بالتربة الرملية اللى موجودة خارج الوادى علشان كده يجب أنه أحنا نحافظ عليها مفيد فوزى: ألم يخطط أحد من قبلك هذا الفكر أو تبناه ؟ د/أيمن أبو حديدة : هذا الفكر كان مطروحا وتم إنشاء المركزالوطنى لإستخدامات أراضى الدولة ودا فيه ممثلين من كافة الوزارات المعنية مفيد فوزى: من قبل د/ أيمن أبو حديدة : من قبل مفيد فوزى: ما الذى جعله مجرد وهم ؟ د/ أيمن أبو حديدة : المنظومة منظومة كاملة مفيد فوزى: الناس أللى بيشوفونا دلوقتى ما يفهموش معنى كلمة منظومة أشرحلهم د/ أيمن أبو حديدة : يعنى ترابط مصالح مفيد فوزى: أهو كدا أنا فاههمها زيك لكن هما ما يقدروش يربطوا معنى كلمة منظومة د/ أيمن أبو حديدة : بعنى منافع قريبة جدا لمجموعات معينة بتسعى لذلك يعنى كنا بنواجه الماضى وأحنا مسئولين عن البحوث الزراعية اراء من مسئولين عن التنمية بأن وادى النيل سيبوه لأنه يبقى مساكن والصحرا بتنتج أحسن لكن نسينا فى الوقت ده أو تناسى البعض أنه وادى النيل بتفتت الملكية وبالنظم القديمة ما ينفعش أقارنه بالأراضى الزراعية اللى مصروف عليها كتير لأ أنا أقارن الأراضى الزراعية اللى مصروف عليها كتير بأراضى فى وادى النيل مصروف عليها كتير وفيها نظام رى متطور وفيها سماد متطور وفيها شكلات جيدة من المزروعات هنجد طبعا أنه الأراضى الطينية بتكون أفضل بكتير وعلشان كده الإهتمام بتحديد الحيز العمرانى للمدن وللقرى المصرية فى غاية الأهمية الحيز العمرانى موجود ومعتمد ومتصور من سنة 86 فى مركز البحوث الزراعية وأنا شاهد عليها للتوسع العمرانى من سنة 86 لى الأن بصور الأقمار الصناعية ومخططة كيف توسعت القرى ؟ وكيف توسعت المدن ؟ ومع هذه التوسعات دايما بنقول أنه فيه مساحة زائدة للتوسعات الإضافية وبالتالى مفيش حجة مفيد فوزى: يعنى دا مرصود علميا ؟ د/ أيمن أبوحديدة : علميا وبخرائط يعنى مفيش حجة لأنه مفيش أرض لأ الرض موجودة ولكن لها ثمن الناس بتذهب للأراضى خارج الذمام بتاع القرى لأنها أرخص فبيشترى أرض زراعية ويقسمها ويبنى عليها وكل المسافة كيلو مفيد فوزى: ومن الخاسر ؟ د/أيمن أبو حديدة : كل مصروأول خاسر فيه هيكون القرية اللى بتعمل هذا الإهدار لأن هتضطر أنها تستورد غذائها من خارج القرية ومن خارج الذمام وبالتالى هيكون معندهمش القدرة الذاتية على إنتاج غذائهم مفيد فوزى: هل أحنا لدينا الإكتفاء الغذائى من القمح ؟ د/أيمن أبو حديدة : أحنا منقدرش نقول عندنا إكتفاء ذاتى من القمح على مطلقها كده هقول لحضرتك ليه ؟ أحنا عندنا الدعم الموجه لرغيف الخبز يغرى الملاك أنه يهدر القمح لأن وزارة التضامن بتدى للمخابز طن القمح ب 160 جنيه علشان ينتجوا من الرغيف اللى ب 5 صاغ وفى نفس الوقت لو أنا صاحب مخبز وغشيت ووفرت طن من القمح هبيعه ب2350 جنيه قولى إزاى ما أتجاوزش ؟ طيب أيه الوسيلة اللى تخلينى ما أتجاوزش هل ابص أنه يكون الدعم ده بكوبونات ؟ أننا أستلم من وزارة التضامن كوبونات العيش أو بطاقة تموين عليها حصة من العيش أروح بيها لأى مخبز وأشترى ؟ أو أنه وزارة التموين تشترى العيش من المخابز تسيب العيش يبقى بسعره وتشترى العيش من المخابز وتحطه فى منافذها ب 5 صاغ بحيث أنه منافذ وزارة التموين تدعم تمن العيش وتبيعه للناس ب 5 صاغ بس تبيعه لمين ؟ للمستفيد يجب أنه أنا أفصل بين صناعة الخبز وبين توزيعه بالدعم دى منظومة كل الفكر المصرى يجب ان يتكاتف فى أنه يحللى اللغز ده ليه ؟ أنا لو عملت رغيف العيش وعايز أبيعه ب 5 صاغ لو محدش أشتراه هينشف ويتحط فى شويلة ويتباع بالطن بمعدل الرغيف ب 15 قرش علشان يستخدم كعلف للمواشى وكعلف للدواجن لأنه أرخص بمراحل من تمن العلف يبقى أنا ما بدعمش فى حقيقة الأمر رغيف الخبز أنا بدعم التجاوز فى توزيع القمح على الغير لو قدرت أنه أنا أحل هذه المعضلة هوفر كتير جدا من القمح بغض النظر عن الهالك مفيد فوزى: أحنا هنقعد قد أيه يا فندم بالقمح دلوقتى ؟ كام شهر ؟ د/أيمن أبو حديدة : لو حد سأل نقعد قد أيه بالقمح دلوقتى هقولك لن تزيد عن 4 شهور بأى حال من الأحوال لأن الطاق التخزينية فى مصر لا تسع إلى الأن إلى أكتر من 4 شهور مفيد فوزى: المشكلة أيه يا فندم ؟ د/أيمن أبو حديدة : المشكلة عدم وجود صوامع للتخزين بصورة كافية مفيد فوزى: عايز يا فندم أوضح حاجة للناس يمكن يكونوا قروها أنه دخلت شحنة عنة طريق وزارة الزراعة شحنة قمح وقد إكتشفت القوات المسلحة أنه فى معاملها على ما أتصور أنه قمح مسرطن والناس طبعا بصت للخبر بصه غريبة لأنه فى فترات سابقة أنه أخبار السرطنة فى الزراعة وفى بعض المحاصيل وفى المستورد كان شيئا محل الجدل د/أيمن أبو حديدة : أنا مش متأكد من مصدر المعلومة لكن اللى هحب أكد عليه اولا أنه الحجر الزراعى المصرى قائم بدوره تماما فى عملية فحص أى واردات بالتعاون معنا وزارة الصحة والهيئة العامة للصادرات والواردات من وزارة التجارة والصناعة وبالتالى الشحنات اللى بتيجى ويكون فيها أى شك إن فيها ضرر أو غير مطابقة للمواصفات بترفض فورا الحاجة التانية اللى أحب بس أتعرض ليها يعنى أيه قمح مسرطن ؟ يعنى هل فيه مواد كيماوية تسبب السرطان ؟ ولا أنه قمح مواصفاته لا تصلح للخبيز لأن كلمة قمح مسرطن بالنسبالى غريبة فالقمح هو قمح قد يكون درجة واطية يصلح لغذاء المواشى وقد يكون درجة عالية ينفع لغذاء الأنسان وقد يكون درجة فائقة يسمح بصناعة المكرونة والحلويات لكن قمح مسرطن دا تعبير صعب أنه الواحد يجد له تعريف وفى الماضى ما قيل مش عارف أنسبه لمين ؟ سيدى الفاضل فى الماضى كل اللى كان بيتقال عن القمح أنه فى بعض الشحنات كانت بتيجى قمح بمواصفات رديئة علشان تستخد للتغذية ودا كان شيىء بشع وكان بيترفض فى معظم الأحيان يعنى فى غالبية الأحيان كان الحجر الزراعى بيقوم بدوره حاليا أنا بأكد لحضرتك أنه لا يمكن يسمح بدخول أى شيىء مخالف للمواصفات أو فى إحتمال ضار مفيد فوزى: مدام جبنا سيرة القمح نتكلم عن الرز الرز وهو وجبة أساسية فى البيت المصرى من أعلاه إلى أوطاه بتصور أنه ربما يبقى صعب عند بعض البيوت حيث وصل 6 و 7 و 8 جنيه ومش عارف هل مساحة الرز وزراعتها واخدة عن حضرتك فى تفكيرك وأنت تدرج البيت المصرى وإحتياجه للرز موجود ولا لأ ؟ وهل هناك مشاكل بينك وبين وزارة الرى فى حجم المية اللازمة لرى الرز ؟ د/أيمن أبو حديدة : طبعا فيه لان كمية الميه المخصصة لزراعة محددة مفيد فوزى: يعنى أيه محددة ؟ د/أيمن أبو حديدة : أحنا عندنا بنعتمد فى زراعتنا بالكامل على مية نهر النيل 55 ونص مليار متر مكعب يكيفينى لزراعة وصناعة وسياحة وشرب وكله دا الإجمالى 80% منها بيروح للزراعة وتتناقص لتزايد الإحتياجات الفعلى للسكان والمدن والسياحة ال80% منها تكفينى لزراعة مساحة محددة من الأرض كل فدان بياخد على الأقل 5000 متر مكعب من المياه فى السنة علشان أزرعه مفيد فوزى: دا بشكل عام د/أيمن أبو حديدة : أه بشكل عام الرز بالذات ياخد 6000 القمح مثلا 4000 المتوسط العام 5000 كل ما زادت مساحة الرز كل ما نقصت كمية المياه اللازمة لإنتاج محاصيل أخرى لو أنى زرعت 2 مليون فدان رز هخلى الذرة أقل من مليون فدان لأنا هيتنافس فى نفس الوقت ما إحتياجات الرز الدرة أنا بستورد نصه علشان الأعلاف بتاعة الدواجن اللى هى مصدر اللحوم الأساسى فى مصر فأنا محتاج للذرة أيضا علشان كده ضرورى يكون فى هناك توازن بين المساحة المزروعة بالرز والمساحة المزروعة بالحبوب الأخرى الرز اللى كان متعود يتزرع فى مصر كان 2 مليون فدان حاليا وزارة الرى تصر معى على أنى لا أتجاوز مليون وواحد من عشره فدان معنى كده إن هيبقى عندى نقص معين فى فترة من أخر الموسم بتاع الرز مفيد فوزى: هل فيه نقطة الإستغلال هنا تلعب دور فى الرز بالنسبة للذين يزرعون الرز د/أيمن أبو حديدة: أه طبعا مفيد فوزى: فيه د/أيمن أبو حديدة: لما بيبتدى يبقى فيه نقص معين بيبتدى الوسطاء يستغلوا هذه الفرصة ويخزنوا الرز إلى حين إرتفاع سعره مفيد فوزى: مشكلتك مع الوسطاء ولا التجار ؟ د/أيمن أبو حديدة: المشكلة ما هى الوسطاء هما التجار مفيد فوزى: أصحاب المزارع يعنى أصحاب الأرض ؟ د/أيمن أبو حديدة: لأ مش أصحاب الأرض أصحاب الأرض غلابة الفلاح غلبان الفلاح هو الوحيد اللى محدش بيدافع عنه فاصل ( مشهد من فيلم الأرض ) مفيد فوزى: لم يسقط سهوا منى أنى اسألك هل الأرض اللى فى مدخل إسكندرية وبنت عليها البحوث مبنى هل يدخل هذا فى التعديات على الأرض ؟ د/أيمن أبو حديدة: دا فى ضمن الحيز العمرانى لمدينة الأسكندرية ضمن الحيز العمرانى هل يمكن لوزارة الزراعة تخالف قواعد الحيز العمرانى مستحيل مفيد فوزى: أدى أهمية التحاور يا دكتور أيمن حد يعرف أنه أنا جاى أشوفك النهارده فقلى طب أنا عايز أقولك على حاجة قلتله أيه قالى ارض البحوث واخدة فى مدخل إسكندرية جزء من التعديات د/أيمن أبو حديدة: الكلام المرسل ده كتيرأوى الإشعات بقت كتيرة وبنقرا فى جرايد محترمة كلام ما أنزل الله به من سلطان ومفيش عليه أى دليل وبنسمع وبنسكت أنا عن نفسى قيل عنى أنى سافرت إلى إسرائيل 10 مرات بغض النظر عن أى شيىء هذ كدب وبهتان مفيد فوزى: غير صحيح ؟ د/ أيمن أبو حديدة: غير صحيج إطلاقا فاصل ( جزء من أغنية نورت يا قطن ) مفيد فوزى: كلمنى عن سمعة القطن المصرى ؟ د/أيمن أبو حديدة: القطن المصرى يتميز بأنه أفخرأنهع القطن فى العالم خصوصا الأصناف فائقة الطول ذات الرتب العالية ومفيش منافس ليها مفيد فوزى: لماذا هو خافت ؟ تعبير دقيق ؟ د/ أيمن أبو حديدة: لأنه الطلب عليه قل مفيد فوزى: والسبب ؟ د/أيمن أبو حديدة: تغيرإقتصادى ناحية أنه الأنسجة المصنعة من النايلون وخلافه أصبحت أرخص وأصبحت اشيك من القطن القميص النايلون ولا الفستان اللى مصنوع من المنسجوات المخلقة الألياف المخلقة بيكون شكله أفضل مش محتاج مكواه مش محتاج صيانة وخلافه وفى نفس الوقت سعره أرخص كتير القميص العادى اللى بيتباع فى أى محل فى الدنيا ممكن يبقى ب 10 ، 15 دولار يوصل إلى 200 دولار لما يتقال فيه إيجيبيا قطن أو قطن مصرى لانه دى نوعية متميزة لكن الشريحة اللى بتستهلك هذه النوعية قليلة وبالتالى الطلب عليه قليل مفيد فوزى: اللينوه اللى إختفى تماما من عندنا وغريبه يعنى د/أيمن أبو حديدة: غريبة جدا بس مختفاش لأن القطن زراعته تأثرت لكن صناعته تخلفت صناعة القطن هى السبب فى التدهور اللى حصل لهذه الصناعة من أول الحلج والغزل والنسيج كل دى أدوات ومصانع قديمة لم تجدد مفيد فوزى: متهالكة يعنى ؟ د/ أيمن أبو حديدة: متهالكة وتكنولوجيا قديمة وبيطلع أنهع من المنسوجات مش مطلوبة مفيد فوزى: توشكى فى عبارة واحدة د/أيمن أبو حديدة: حر قوى توشكى تتميز بإرتفاع درجة الحرارة وتتميز بزيادة إستهلاكها للمياه مفيد فوزى: بتاخد ميه كتير ؟ د/أيمن أبو حديدة: طبعا مفيد فوزى: هل هو كان مشروع مجدى ؟ د/أيمن أبو حديدة: لو كان هذا المشروع له أسبابه قد تكون أسباب أمن قومى أنه يتركز فيها ناس أو شيىء من هذا القبيل لكن الزراعة فيها يجب أن تكون بنمط يتناسب مع المنطقة ويكون فى أضيق الحدود ما يكنش بالتوسع الكبير مفيد فوزى: دكتور أيمن أبو حديد وزير الزراعة فى مصر كنت باحثا فى مكان هادىء للغاية وكنت تفكر على نهج البحوث الزراعية التى من الممكن أن تفيد تربة مصر وأنسان مصر الأن وقد صرت وزيرا للزراعة فى مصر ما الذى أضيف إليك ؟ د/أيمن أبو حديدة: يعنى فى الحقيقة أنا بفتكر بيت الشعراللى بيقول ذو العقل يشقى بالنعيم بعلمه وأبو الجهالة بالجهالة ينعم أحنا الأنسان مهما كان بيبقى له تركيبة وبيبقى يعنى فى أى وقت من الأوقات محدش مستريح لأنه دايما بيجرى ورا العمل بتاعه ورا أهدافه وورا الإصلاح اللى بيحاول يعمله وبالتالى بنجرى وراه بإستمرار أنا مش حاسس بحاجة جديدة لأن ما زالت بسعى لتحقيق ما أراه فى صالح ليا وللى حواليا مفيد فوزى: لكنى أعرفك منذ زمن وخصوصا عندما كنا نتكلم عن الزهور والورود الجديدة وهولندا الجميلة بورودها والتى تصدر هذه الورود ونبات الظل وقلت لك بالحرف الواحد أنك تشبه الكثير من نبات الظل ها أنا ذاك اليوم أراك وأقرأ على وجهك الهموم د/أيمن أبو حديدة: من المؤكد أن المسئولية ضخمة والتطلعات لتحسينها كبيرة والعقبات اللى بنشوفها بنقدرها وبنحترمها وكل حاجة وبنحاول نحلها من المطالب الفئوية بتشكل عبء كبير جدا على الأجندة الخاصة بالوزارة ومش قادر أنه أنا أجد كل الحلول فى لحظة ولا فى شهر ولا فى سنة للمشاكل اللى موجوده لكن دا مايمنعنيش من أنه أسعى لذلك سواءا كنت هقدر أستوفيه فى شهر أو فى سنة أو مش هقدر أبدا.
