الحكومة ستتحمل مسئولية غير القادرين في أشياء كثيرة‏

-‏ الجانب الثالث التمويل زي ماقلت لازم نسمح بتمويل وبعناصر جديدة مثل المشاركه بين القطاع الخاص والعام والمشروع القانوني تم اقراره بالفعل في نهاية الدورة البرلثانية‏
‏‏-‏ المشاركة دي مهمه جدا ليه ؟
‏-‏ لان كثير من هذه المشروعات عامة‏.‏
‏-‏ يعني ممكن يبقي مشروع انشاء طريق محطه تنقية مياه أو صرف صحي أو مستشفي كل دي مشروعات عامه الطبيعي ان الدولة هي اللي بتبنيها لو انا اللي هابنيها محتاج اجيب فلوس الموازنة بتاعتنا تتحمل احط‏30:35‏ مليار جنيه في الاستثمار ده غير اللي بحطه في الاجور والحاجات التانية يعني‏40‏ مليارا لا تكفي
‏-‏ النهارده عشان اصل الي‏8%‏ يجب ان يكون لدينا‏300‏ مليار شوف‏40‏ مليارا الي‏300‏ مليار احنا محتاجين‏260‏ مليارا اضافيه بيجيلنا منها النهارده مبلغ لا بأس به اعتقد ان الاستثمارات تعدت‏100:120‏ مليار اذن فاحنا محتاجين نضاعفها هنضاعفها ازاي في قطاع خاص بيقوم بعمل مصنع مدينة سكنية فندق ده ماشي طب ندخله كمان في حاجات تانية يعني عايز اعمل طريقين أعمل الطريق الأول من موازنة الدولة والطريق التاني اجيب مستثمر يعمله بس هو هيكسب ايه هاقوله الطريق مثلا هيتكلف مليارا عايز عليهم عائد اد ايه‏200‏ مليون مثلا وهو مش هيكسب من الطريق اقوم افرض رسوم الاعلانات علي الطريق يبقي نحو‏150‏ مليونا وضمنت للمستثمر حقه‏.‏
‏-‏ يبقي انا باخد‏150‏ مليونا وانا بدفع‏50‏ مليونا بدل مادفع مليار‏.‏
‏-‏ طب المليار اللي اتحطوا في الطريق هيبقي ايه‏200‏ مليون سنويا يعوض
‏-‏ هيبقي عائد سنوي يساوي‏200‏ مليون في الحالة دي هديله عائد‏20‏ سنة‏.-‏ لما تحسب الحسبه هيطلع كام علي‏20‏ سنه هيطلع علي المليار بتاعه بفوايده بكل حاجة هيبقي مبسوط علي الاخر انا طبعا بدي ارقام تقريبية‏.‏
‏-‏ ده مفهوم المشاركه انا بعت طريق قاعد في مصر تملكه الدولة ولايملكه هو ولا يملك جانبيه ولا يملك ان يحاسب احد عليه اللي بيحاسب هو الدولة خللي بالك من النقطة دي مهمة جدا بقولك لا ده هيستغلني ويحطلي علي اول الطريق تعريفة مرور فالدولة هي اللي بتحدد والدولة اللي بتاخد الايراد واللي بينه وبيني عقد زي حكاية الميه يمكن اخليه يعمل محطه ميه طب ابيع ب‏50‏ قرشا للمتر عشان يكسب مينفعش‏50‏ قرشا انا هتعاقد معاه علي جنيه للمتر واتعاقد معاه وللمواطن ب‏50‏ قرشا في حاجة أزمة السعر اجتماعي وسعر اقتصادي‏.‏
‏-‏ وهنا الدعم يبقي واضح للناس وواضح للحكومة حطيت دعم الميه‏.‏
‏-‏ للتكيد علي لسان حضرتك دلوق وان هذه الشراكة بين الخاص والعام لن وحمل جزء من تكلفته المواطن البسيط
‏-‏ دي مساله منتهيه تماما
‏-‏ هنا يبقي الحته نرجع تاني للمحاور بتاعة الرئيس بين النمو الاقتصادي وتحقيق العدالة الاجتماعية
‏-‏ هنا ييجي الدور الرئيسي بين الاثنين دور الدولة ودور الحكومة لأنها تفرق بين الاثنين انا عايز نموا اقتصاديا يبقي اشتغل علي اقتصاديات السوق طب الشعب بكل طبقاته لا يتحمل الاغنياء يتحملوا الطبقة المتوسطة تتحمل الي حد ما لكن الحكومة تتحمل مسئولية غير القادرين دي هتيجي في حاجات كتير مش بس في هذا الموضوع في التامين الصحي والتعليم وغيرها الغني مبوديش ولاده مدارس حكومية بيوديه بمصروفات فيتحمل هو عبء التعليم لكن انا اقدر اخلي الشخص الفقير قادر علي دفع المصروفات لا افضل ابني مدارس في هذا الاتجاه لكن لابد من تشجيع التعليم في الطبقة المتوسطة أي مدارس افضل من الحكومة بس مش بمصاريف مكلفه اوي فممكن افتح استثمار ندعمه جزئيا لان النهارده بنسمع عن اسعار مدارس‏30‏ و‏40‏ الف جنيه الطبقة المتوسطة لا تستطيع بس ممكن تدفع الفين أو‏3‏ ما انا لازم اخلي كله موجود وفي الآخر المدرسة الحكومية المجانية موجودة وبنحسن فيها مش معني كده اتركها لابد من تطويرها والارتقاء بمستواها ممكن كمان احتضن المتفوقين فالحقيقة تغيير المفاهيم دي مهم جدا‏.‏
‏-‏ دي سلسلة مترابطة لا يمكن الفصل فيها‏.‏
‏-‏ سأعود بعد قليل لموضوع التعليم لانه قضية مهم لكن جزءا مهما مرتبط بالاستثمار والتشغيل وهو مكافحة الفساد وهو احد الموضوعات التي قررت الدولة أن تتحملها السئوال هو ما هي خطتكم للتعامل مع هذه الافه‏.‏
‏-‏ الناس دائما تنظر الي الفساد من جانب واحد فقط هو العقاب وسيله لمنع الفساد ولكن هناك جزء اهم وهو منع مصادرة مثلا في مجال الجمارك لما جينا نعمل الإصلاح الجمركي وجدنا أن نفس السلعة ممكن تدخل تحت بند جمركي اذا استخدمت في الصناعة وآخراذا استخجمت في التجارة‏.‏
‏-‏ عشان نوصل الرغيف المدعم الدقيق بنبيعة مدعوما للافران الشكاره ب‏16‏ جنيها وهو يقدر يبيعها ب‏200‏ جنيه فهنا ايجاد فرصة للفساد فهل هناك طريقة اديله الشكاره ب‏200‏ ويبيع للمواطن ده سائح ولكن نحافظ علي سعر الرغيف ونفصل الانتاج عن التوزيع‏.‏
‏-‏ انت تنتج ولكن متبيعش وده اللي احنا ماشيين فيه بنعمل افران جديدة ونديها الدقيق وناخد منها العيش معنوش فرصه يضحك علي علي قد الدقيق لازم يديك كذا رغيف اخد انا العيش وابيعه للمواطن بمعرف وباديك مثل ازاي نمنع الفساد
‏-‏ لكن لا يمنع وجود قوانين رادعة للفساد عشان كده السنة دي ان شاء الله هندخل قانونا جديدا للموظف العام لما تيجي تبص علي قانون العاملين بالدولة ممكن تلاقي فاسدا أو مرتشيا ومبتعرفش تعاقبه‏.‏
‏-‏ أو تعاقبه عقابا أقل من الفايدة اللي اخدها هيستعمل العقاب ويدخله في الحسبه لا انا عاوز ابقي راداع زي مخالفات البناء ده فاسد بيدفع المخالفة واديله رخصة بناء دي كلها موجودة ولكن لو ان يخلي العقوبة رادعة يعني لو قلتله لو بنيت حاجة ههدها وادفعك تمنها دي حاجات هيحددها القانونيون‏.‏
‏-‏ مقدرش اعمل حاجة مخالفة للدستور أو القانون إنما الفكر نفسه ان عقوبة الفاسد تكون رادعة ده اتجاه في اتجاه تاني احنا ماشيين فيه قانون العقوبة المدنية وجعلها مؤثرة ممكن تبقي كبيرة ومقدرش انفذها برضه مهم جدا الحاجات دي هتتناقش في البرلمان‏.‏
‏-‏ ده اصبح مطروحا بالفعل
‏-‏ هل يختلف المجتمع ان الفاسد يجب ان يردع حتي لا يفسد مرة اخري ويفسد من حوله لانك مهما عملت متقدرش تقول هعين مراقب لكل مواطن‏.‏
‏-‏ اذن التوجه هو منع الفساد من منابعه ووضع قوانين رادعه في هذا الاطار‏.‏
‏-‏ احنا بنشتغل علي الاثنين
‏-‏ احدي المشكلات التي يعاني منها المستثمرون بشكل عام هي فكرة التعامل مع عدد كبير من الجهات الحكومية ومنذ عدة سنوات رفع شعار التعامل مع الشباك الواحد للتعامل مع المستثمر السؤال هنا لماذا لم نصل بعد الي هذا المستوي لماذا لا يزال هناك مستثمرون يعانون من التعامل مع جهات حكومية كثيرة‏.‏
‏-‏ شوف الوضع اتحسن كتير بس مقدرش اقول اننا وصلنا الي الشكل الل ااحنا عايزينه زمان كان تأسيس شركة يستغرق عدة اشهر النهارده‏48‏ ساعة حقيقيه يعترف بها كل المستثمرين
‏-‏ لكن عند تاسيس شركة تيجي تشتغل فيها تلاقي نفسك مش عارف تاخد رخصه عشان من الدفاع المدني من البيئه لسه في تعدد للجهات مش الانشاء وإنما في التنفيذ‏.‏
‏-‏ النهاردة بندور نعمل كل ده ازاي بشكل مايبقاش مزعج للمستثمرين مقدرش أقول موافقة الدفاع المدني وتطبيعها علي مشروع أو البيئة احنا بنشوف التلوث وما الذي يمكن ان يؤدي اليه لكن ازاي الجهات الرقابية دي يبقي عملها شفاف ميحتملش فساد وفي نفس الوقت ميبقاش معوق للاستثمار أو الإنتاج ودي الشكوي السائده واحنا بندرس الحاجات دي اول باول وبنحاول نعالجها‏.‏
‏-‏ لكن السؤال هو دائما ما ستكون هناك بين المشروع والمستثمر والمنتج والدوله من الناحية الاخري في اجهزتها المختلفة
‏-‏ منقدرش نحكم علي جهة علي حساب جهة اخري لكن نقدر نحط نظام شفاف منسمحش للدولة انها تطغي علي الاستثمار‏.‏
‏-‏ اسمح لي د‏.‏ نظيف اسال احد الاسئلة التي اظن انك مررت بها عديدا‏7.2‏ هناك نمو هناك تغيير السؤال هو لماذا لم يشعر المواطن بعد بهذا النمو وماذا تقول لمن لم يشعر بذلك النمو الذي تتحدثون عنه
‏-‏ انا عاجبني صيغة السؤال في الجزء الثاني منه‏.‏
‏-‏ لم يشعر المواطن ليس كلهم لازم تعترف اثناء عملية التحول الاقتصادي بهذا الشكل هناك ناس ويؤثرون ايجابيا وهناك ناس مبيحسوش اوي وناس ممكن تتأثر سلبيا يعني حاطين في الاعتبار لكن الفكرة هنا ان المتوسط يرتفع اذا المتوسط ارتفع بعض الناس فوق المتوسط يطلعوا اسرع وعادة بيقولوا الناس القادرين الاغنياء المثقفين صاحب الحرف وصاحب المهنة ايجابيا اللي معاه قرشين يستثمرهم يجيب فلوس أكثر اللي عندة مهنة أو حرفة بيدور عليه المستثمر عشان يستفيدوا منه وياخدوا مرتبات اعلي‏.‏
‏-‏ ويتصارعون عليه احيانا‏.‏
‏-‏ في ناحية ثانية يعني مثلا شخص مكملش تعليمه أو اكمل مش في مجال مطلوب النهارده ومشلاقي شغل لازم يطور نفسه احنا بقي بنساعد هنا بيبقي عينا علي الموضوع وهنا يأتي ودور العدالة الاجتماعية انك انت كحكومة بتشجع النمو الاقتصادي وده معناه ان الفلوس بتتحرك في السوق في ناس بتنزل تشتري بضائع وان المنتج بينتج بضائع اكثر‏.‏
‏-‏ الركود الاقتصادي بيكون العكس وطبعا أي واحد يبص علي الاقتصاد المصري لا يستطيع ان ينكر حجم الرواج الاقتصادي في كل المجالات مثل المجمعات التجارية الكبيرة حول القاهرة توضح حجم الرواج الاقتصادي هناك‏.‏
‏-‏ في مقابل ده لا نستطيع ان ننكر ان هناك حاله من الارتفاع في الاسعار في بعض الاحيان تكون في غير صالح المواطن المصري البسيط‏.‏
‏-‏ صحيح انه في بعض الاحيان كان صادما بدرجة كبيرة تحد من قدراته الاستهلاكية ولو زاد في صنف معين ده معناه ايه معناه ان في دخل جاي ادي الي حتي برغم زيادة الاسعار ان في ناس اشترت‏.‏
‏-‏ لما نبص علي الاستهلاك لان هو ده اللي بيني وبينك لاشك وانت بتنهي هذا التحول النمو في حاجة أزمة التضخم لازم تحدث متوسطة في مصر حاليا نحو‏100%‏ واليومين دول نازل شوية الوضع بيتحسن والاسعار بتنخفض بقالنا شهرين نوفمبر وديسمبر‏.‏
‏-‏ ودي مسئولية الدولة‏.‏
‏-‏ جزء موسمي
‏-‏ اسعار الخضار طلعت بشكل كبير وخاصة الطماطم شكلت أزمة في وقتها
‏-‏ بالضبط
‏-‏ النهارده اسعار الخضار نازلة الفراخ البيض ان متابع الاسعار يوميا
‏-‏ انا احسن واحد اقدر اشتري حاجات البيت
‏-‏ اذن في النهايه هناك بالفعل رواج اقتصادي الاسعار تتزايد ولكن هناك دخول بتزيد معاها وهنا المعادلة الصعبه والنسبة اللي احنا مؤمنين بها ان النمو الاقتصادي هيؤدي الي ارتفاع مستوي المعيشة وهو ان الدخل يزيد اكثر من الاسعار وهو ما يحدث الان للمستوي المتوسط تقدر تقول‏20%‏ تحت خط الفقر ودورنا ان احنا ودخل معاهم وده اللي احنا عملناه عشان كده سياستنا لها فرعان ودايما بقول الحكومة رغم الاتهام انها تنحاز للاغنياء ورجال الاعمال هي اكثر حكومة انحازت لهذه الطبقة‏.‏
‏-‏ ده بالارقام ازاي شوف حضرتك اجور العاملين موظفين الدوله غير قادرين ماديا معظمهم تحت المتوسط مش متوسط حتي ومضبوط فده مثال جيد‏.‏
‏-‏ الناس اللي بستفيدوا من بطاقات التموين شوف احنا عملنالهم بطاقات التموين زودنا عدد الناس المستفيدين‏40‏ مليونا الي‏60‏ مليونا وزودنا السلع علي البطاقات التموينية‏.‏
‏-‏ حافظنا علي رغيف العيش ده في ظل زيادة غير عادية حصلت في أسعار القمح زي ماحنا عارفين حافظنا ايضا علي شعبية الضمان الاجتماعي الناس اللي لا دخل لها ورفعنا عددهم من‏600‏ ألف الي مليون وربع والمبلغ اللي بياخدوه‏40‏ الي‏80‏ الي‏120‏ و‏150‏ فاحنا بنعمل حسابنا ضمن الخطط دي
أنا مش عاوز أوجه نقدا بنقد علي فكرة‏,‏ لكن عاوز أقولك الاعلام له دور مهم في هذا الاتجاه وعاوز أقولك حاجة أكثر من كده إحنا عاصرنا ده وبنزور قري وبنزور فلاحين‏,‏ القاعدة في مصر واعية فيها قري شوية مش مافيهاش خالص وشفنا الحزب بيتحرك كثير في هذه المناطق وبنقابل الناس وأنا قعدت مع فلاحين وفهمين الكلام دة كويس جداي الاعلام احيانا بيديني صورة تختلف عن الواقع ولازم نعترف إن ده بيحدث ليه‏,‏ لأنه بيعتمد أساسا في بيناته دائما علي بعض الخبراء‏,‏ بعض الناس اللي جاية من الجامعة مش بيجيب الفلاح نفسه أنا نفسي اشوف البرامج دي بتستضيف فلاحين بجد عمال بجد ومشفناش ده عمرنا احنا بنشوف دائما الناس اللي قاعدين لبسين بدل وانا معلوماتي ان الفلاحين مش بيلبسوا بدل مهم جدا اننا في الحاجات دي أنزل للفلاح‏.‏
أنا جبت فلاحين بجلاليب وقعدوا معايا واتكلموا وانا بنقل‏....‏ هناك شكل من الاشكال الانفصال في الحديث والحوار مابين الجهة المفكرة متمثلة سواء في الوزير المختص أو في الوزارة المسئولة ومابين مايطرح من أفكار ومايبدوا ألا يصل البعض الي تلك القاعدة بيسمع بتخوف وقلق معندوش معلومات واضحة ماعندوش لغه بسيطة يوصل له أنا مش بتكلم علي الفلاحين وعلي اطراف اخري من المجتمع هنا بسأل السؤال كيف يمكن‏...‏ هل مطلوب تغير الخطاب ؟ هل مطلوب ايجاد قنوات بتواصل مختلف ؟ هل مطلوب نزول المسئولين الي القواعد بشكل أكبر من كده ؟ هل ده كله مطلوب‏.‏
شوف حضرتك أنما بقول أن كل ما قدرنا نتفاعل اكثر مع القواعد الشعبية كل ماهو هيكون مفيد للطرفين لن مش من الضروري اكون متحضر الفكر ممكن افكار تيجي من تحت افضل كتير من اللي ممكن احن بنقولها وفي ناس أيدجها في النار زي مابيقولوا وفي ناس قاعدة بعيد عن هذا يمكن بشكل اكاديمي بتفكر ده انا مش بعترف بيه انا بعترف دائما أننا نشرك اصحاب القرار وأنا أذكر انني وانا كنت وزير اتصالات زمان كنا بنجيب كل اصحاب الموضوع من اول الشركات الصغيرة للمستهلك لغيره علي ترابيزة واحدة ونقول لهم رايكم ايه احنا عاملين استراتيجية علشان نطور هذه الصناعة نعملها ازاي احنا بنعمل ده النهاردة‏,‏ لما كلمننت حضرتك علي صناعة الالبان مثلا احنا قعدنا مع الفلاحين اللي يدوب مربي جاموسة وبيحلبها كل يوم بيدور علي اللبن فين خد بال حضرتك ودورنا شوف ايه مراكز التجميع اللي كانت موجودة زمان كان عندنا شركة قطاع عام كا عندنا عندها مراكز تجميع النهارده مش موجودة او الشركة ده قفلت كانت مراكز ذي دي نطورها علشان الفلاح ياخد جاموسته لحد المكان دي علشان يحلبها مظبوط ويدي اللبن المظبوط ويبقي نظيف والكلام ده كله انت بتنزل للقواعد مش مابتنزلش في حاجات معينه لكن محتاجين المزيد مافيش شك عايز اقول ان النهاردة فرصة القنوات الاعلامية الحمد لله منفتحة ومفتوحة الاعلام مبقاش تليفزيون وبس بقي صحافة في انترنت ووسائل الحوار زايدة جدا شفنا المجتمع بيتحرك النهاردة وشبابنا بيتحرك بشكل جيد جدا انا باخد معلومات اكثر بكثير النهاردة من الفيس بوك والنت اكتر ماباخد من الجرائد لان الجرائد عادة بيكون واحد مثلي جالسا في مكتب ويتلقي خبر بطريقته ويكتبه التليفزيون يمكن افضل لان ينزل الشارع اكتر لكن في النهاية مفيش احسن من انك تتواصل مع الشخص صاحب الشأن‏.‏
خليني ارجع تاني لموضوع المياه هنا مش مسالة الاستخدام الامثل لمياه النيل والترع ولكن ايضا مسألة المياه الجوفية من الواضح ان هناك من الفوضي العارمة في استخدام المياه الجوفية في مصر‏.‏
صحيح هناك منتجعات علي طريق الاسكندرية الصحراوي الذي كان من المخطط ان يكون زراعات تحول الي منتجعات سكنية فاخرة شهدنا صورا لمراكب صغيرة بتمشي داخل هذه البحيرات وهنا حالة من حالي الانتهاك لحقوق الاجيال القادمة وحقوق المواطنين البسطاء السؤال هو ماذا سوف تفعلون فيما يتعلق بالمياة الجوفية في المستقبل وماذا انتم فاعلون مع ماتم بالفعل حتي الآن‏.‏
علشان نضع الصورة في وضعها الحقيقي هناك منتجعات بالفعل علي الطريق الصحراوي مصر اسكندرية واسماعيلية لكن لازم نقول حقائق اخري موازية لهذا أن‏80%‏ من صادراتك الزراعية بتطلع من الاراضي المستصلحة اللي علي الطريق الصحراوي اللي حضرتك بتتكلم عنها انا زرت المزارع بنفسي وشفت كمية الشباب الصغير والبنات اللي بييجوا من وسط الدلتا كل يوم ويعدوا النيل لغاية لصحراءعلشان يشتغلوا في مراكز التعبئة ومراكز الزراعة تبع الشركات كثير من هذه الشركات عملاقة النهاردة الحقيقة هناك جزء من منتجعات وده الجزء القريب من القاهرة
لكن معظم الاراضي الجديدة دي اراضي منتجة ومتميزة هي للتصدر وبالتالي بتضيف اضافة كبيرة لاقتصاد الوطن بس بعد كده ارجع اوافقك ان هناك نوعا من السحب الكبير للمياه الجوفية بيحدث في بعض المناطق لكن علشان كده الحكومة النهاردة أعدت قانونا جديدا للمياه لجوفية عندنا قانون ري طبعا ده قانون رئيسي وبرضه بنفكر ازاي نعدله حاليا لكن اليوم اخذنا قانونا خاصا بالموضوع ده لازم يحافظ علي الاستخدام الموجود في الرخصة له معدل سحب سوف اعطي لحضرتك امثل في بعض الاماكن اللي فتحنا فيها اماكن للزراعة بعض الناس اصبحت تزرع مزروعات اللي بتستهلك مياه اكتر من معدل البئر البرسيم مثلا‏00‏ مش مسموح له ان هو يزرع الا ثلث المحصول برسيم لو هو جار علي كده لان المحصول بيكسبه اكتر وهو كده بيخالف القانون النهاردة بنضع كل هذا في قانون جديد هيدخل مجلس الشعب هذه الدورة ان شاء الله
ماهو الموقف فيمن تجاوز وماتقوله الصحافة هناك حجم كبير من المخالفات ايه هو الموقف اللي هيتم بالمخالفات التي تمت بالفعل ولا هيكون عفا الله عما سلف ؟
لامفيش كده اللي أخذ حق من حقوق الدولة لازم يدفع هذا الحق وده تم بالفعل مع هيئة التنمية الزراعية التي كانت مسئولة عن بيع هذه الاراضي لأغراض معينه كانت عندها حاجتين إما ان انا ببيع أرض التنمية الزراعية بالكامل ام تنمية زراعية عمرانية بمعني ايه انهم كانوا بيسمحوا بنسبة بناء علي هذه الاراضي نصف أظن كانت بترتفع لحد‏10%‏ بموافقة هيئة التنمية الزراعية لسنوات طويلة جدا إحنا قننا هذه المواضيع هناك ناس خالفت هذا أخذت‏2.5%‏ أو اكثر دول بيتحاسبوا ومحدش هيخرج برة دائرة القانون وعملنا إزالات بالفعل سمعتوا عنها‏,‏ تمت علي هذه المنتجعات فده موجود اليوم ولكن في النهاية بنقول لازم نعمل نظام اذا كانت الحاجات دي مطلوبة والناس طالباها ومن الناحية الاقتصادية سليمة طيب استعملها بيستخدم في الزراعة يدفع كذا‏,‏ البير الذي يستخدم في المنتجعات يدفع كذا واضع نسبة معينة في حدود معينة اقول‏5%‏ من المياه الجوفية تستخدم في المنتجعات مثلا أو غير هذا طيب ماده اقتصاديا حاجة كويسة ماتنساش ان المنتجع ده أصلا بيعمل تنمية عمرانية ويشغل ناس كثير يمكن اكثر من المزرعة ده حقيقة بيشغل ناس كثير لان فيه صيانه وشغل وبعدين فيه مزارع‏,‏ طيب انت وضعت‏10%‏ طيب فية‏90%‏ بتتسرق حتي المنتجعات اللي انت بتتكلم عليها انا لم أري مراكب الحقيقة لكن حتي هذه المنتجعات فيها زراعة انا ساكن في الصحراوي هناك اماكن فيها زراعةحوالي الاف من اشجار النخيل بتطلع بلح ممتاز ابعت لك منه‏.‏
ده مرتبط بنفس الموضوع اراضي الدولة بشكل عام أثيرت في الفترة الماضية مشاكل مرتبطة بأراضي الدولة هل تم بيع اراضي الدولة‏,‏ مين يملك اراض الدولة‏,‏ من يحدد بيع اراضي الدولة‏,‏ ايه القواعد المنظمة‏,‏ السؤال هو الاتعتقد ان فكرة بيع الاراضي اصبح أمر غير مستحب وغير متوائم مع طبيعة العالم كله اللي بيعمل حق الانتفاع لسنوات طويلة ايه الموقف‏,‏ هتعملوا ايه في اللي جاي هتعملوا ايه في اللي فات
سؤال في غاية الاهمية الموضوع ده أخد اهتماما كبيرا يمكن تلاحظ ان السيد الرئيس في خطبته في افتتاح الدورة البرلمانية ركز علي الاراضي وقال ان احنا هنتقدم بمشروع قانون جديد لموضوع اراضي الدولة في الدورة البرلمانية الحالية احنا بنعمل في هذا القانون وعملت اجتماعيين بالفعل في هذا الاتجاه مازلنا في مرحلة اعداد القانون نفسه لكن اقدر اعطيك الملامح الرئيسية احنا بنفكر ازاي في هذا الموضوع أول حاجة احنا لازم نعرف عنصرا مهم جدا ان الاراضي قيمتها في استغلالها الاراضي ليست جرداء‏,‏ ليست في عدم استغلالها خصوصا ان احنا عايشين في بلد عايشة في‏6%‏ عندنا مليون كم مربع مش بنستغل منهم غير‏60‏ الف مش عندنا مشكلة ارض اتاحة أرض لكن المشكلة كيف تستغل الارض لو عندي ارض وقلت الارض ده هعملها مدرسة قيمة الارض تختلف عن لو قات لك الارض ده اعمل فيها مثلا فندق او منتجع سياحي او اعمل مدينة سكنية كل حاجة من دول لها استخدام مدينة سكنية معمولة لمحدودي الدخل غيرمدينة سكنية معمولة لمستثمرين ومنتجعات وفيلات وكل حاجة من دول لها قيمتها ولها ثمن في الاراضي نفسها ده غير ترفيق الاراضي بيحط سعر للارض بمعني ان لما أعوز اعمل منطقة صناعية لازم اوصل لها مرافق‏,‏ مرافق المنطقة لصناعية تختلف عن مرافق المنطقة السكنية ده عايز كهرباء اكثر صرف صناعي جنب الصرف الصحي‏,‏ بتختلف يعني قيمة الارض ده اللي عايز اوصلة لان دائما الناس بتقول قيمة الارض اخذت الارض بكام وبعتها بكام‏,‏ بقولك مثلا اعطوها للمستثمر‏230‏ جنيه وارض اخري اتباعت ب‏2000‏ وده صحيح لكن المستثمر اللي أخد ب‏230‏ ذي مشروع مدينتي
عمل ضجة كبيرة
أخذ ارضا صحراوية بعيدة تماما لما طرحناها محدش جالها غيره وبيعمل فيها كل المرافق علي حسابه وهو اللي بيعمل التسويق وأخذ كل المخاطر الخاصة بالاستثمار الارض اللي قارنوها بيها وقالو تباعت ب‏2000‏ جنية اتباعت في مزاد لانها جزء من القاهرة الجديدة وعلي ناصية ووصللها كل المرافق واصبحت باللغه الدرجة‏(‏ متسقعه‏)‏ يعني ماينفعش اقارن الا بنفس الحاجات لاتقارن برتقالة بتفاحة اذا لابد ان وانا ببص للارض ابصلها كده ده عنصر‏,‏ عنصر آخر مهم انه لابد لاستخدام الاراضي ام يحكمه التخطيط ماينفعش اجيب مصنع جانب منزل او تيجي في مزرعة وتضع وسطها سكن او تبني علي ارض زراعية طيب مين اللي بيعمل هذا التخطيط احنا اليوم القانون الجديد بتاع البناء حدد عمل مجلس اعلي للتخطيط والتنمية العمرانية هذا المجلس يراسه رئيس الوزارة ويتمثل فيه بعض الوزارت التي لها علاقة بالااضي وايضا خبراء التخطيط العمراني وخبراء في كل المجالات المرتبطة بهذا الموضوع المجلس ده دوره الرئيسي انه يحدد استخدامات الاراضي والقانون بيقول كده القانون الجديد هيعطي لهذا المجلس سلطة استخدامات الاراضي بمعني وعايز تنمية زراعية هنا اخصص الارض ده لهيئة التنمية الزراعية عايز تنمية سياحية علي البحر الاحمر اخصصها لهيئة النمية عندنا هيئات للتنمية‏.‏
هل عندنا خريطة واضحة لمصر كيف تستخدم اراضيها؟
هنلك واضحة تماما بمصر ده اللي عايز أقوله لحضرتك ويتم تحديثها لان الاستخدامات ده ممكن تبقي زراعة صناعة سياحة سكن ممكن علشان استكشافات البترول المعادن والحاجات اللي زي ده ممكن الاستخدامات الخاصة بالقوات المسلحة بتستخدم جزء من الاراضي علشان حماية الدولة ممكن مرافق كثيرة جدا بتحتاج اراضي كل واحد من دول لها جهة مسءولة عنا اذا الجهات دي احيانا بيحصل تداخل بينهم أخصص احيانا حاجة للسياحة الاقي البترول عاوز ها شايف ممكن يطلع منها بترول بيحص هذا التداخل عملنا ايه عملنا كمان المخطط ده بيخطط الاول بيقول استخدامات لكن ساعة التنفيذ عندنا جهاز آخر اللي هو جهاز ادارة اراضي الدولة جهاز آخر هو موجود اليوم بشكل جهاز تم انشاؤه بقرار جمهوري هنأصلة بالقانون ده
ده الي جانب جهاز حماية الاراضي الدولة الموجود حاليا
هو اسمه مش حماية اراضي الدولة اسمه جهاز استخدامان اراضي الدولة لاننا هننشئ حماية اراضي الدولة انا كنت جاي لم ان هما ثلاثة اذا عندنا مجلس اعلي جهاز ادارة ارضي الدولة الادارة هو بيحمل قاعدة بيانات عغاملة عن كل ارضي وبيستخدم في اية نمرة‏2‏ هو بيراقب الاستخدام علشان محدش يعمل حاجة ماكنش المفروض يعملها في الاراضي ده نمرة‏3‏ بيفض الاشتباك لان احنا عندنا تاريخ ده جهاز الادارة‏,‏ جهاز الحنماية فجهاز الادارة يكلفه بقوله خلي بالك قلنا الاراض ده كذا إحميها هناك الكثير من الاراضي التي لم تخصص يحميها هذا الجهاز فجهاز الحماية هيببقه جهازا مهما جدا ايضا فيه المحافظات طبعا لانها مسئولة عن الاراضي داخل كودون المدن والقري ماخارج ذلك هيئات تنمية زي ما أتفقنا فعندنا تعدد الجهات لابد بتحط في نسيج واحد واطار واحد بيحدده القانون ده طبعا بيحط قانون عقوبات ايضا علي من يخالف اولها مفيش حاجة اسمها وضع يد‏,‏ وضع اليد هينتهي من القاموس بتاعنا تماما لان احد سبل الفساد الرئيسية للاسف كان موجود في بعض التشريعات هو طبعا مفيش حاجة اسمها وضع يد علي ارضي الدولة لكن وضع اليد فعلا لازم يراجعوه ويشوفوا ازاي نقفل الثغرات اللي بتنفذ منها الفساد وتجار الاراضي
عايز اسأل سؤال فيما يتعلق بالاراضي هو الدولة لسه عندها ارض تحمي ولا خلاص تم بيع كل الاراضي
انا بقول لحضرتك كل اللي استخدمناه‏6%‏ عندنا ماشاء الله‏900.000‏ الف كم مربع غير الاراضيالفاضية ومصر غنية بأراضيها كنا لسه بنتكلم عن ممرات التنمية وازاي نوسع الوادي وازاي نستغل الشواطيء خلي بالك من حاجة فيه نظرية بتقول ان كنا دولة زراعية بنعيش حوالين النيل طيب خلاص ده استنفذ اغراضه لان المياه الي جاية من النيل مش هتزيد واكتظت المسألة اذا التنمية القادمة لنا هي تنمية خدمات وصناعة اكثر من تنمية زراعية بتكلم حجم يمكن كقيمة ممكن نزود الزراعة طبعا لكن كحجم انت عدد السكان هيوصل‏150‏ مليون في يوم من الايام مش هيشتغلوا بالزراعة خصوصا ان الزراعة اليوم اصبحت تكنولوجيا لاتحتاج عماله كان زمان الاف يلموا القطن مفيش ده النهاردة فبالتالي لازم تتجه للخدمات والصناعة يبقي التنمية بتاعتك في الغالب هتبقي شاطئية ليه لان دول محتاج تكون جنب المكونات اعمل مصنع آخر الدنيا وبعدين‏...‏
لازم اكون قريب خصوصا ان انا بتكلم للتصدير قريب من المراكز السكانية والمواني فالاتجاه العام لازم نفكر في شواطئها زي البحر الابيض والاحمر علي الاعتبار ان دي مجالات التنمية لذلك المدن الجديدة اللي بفكر فيها النهاردة في العلمين وشرق بورسعيد مدن علي البحر اتجاه جديد في التنمية هنمشة فيه بيحدد اراضي جديدة خالص سيناء مازالت مفتوحة وفيها مجال للاستثمار غير عادي هل نعتمد في المستقبل عملية بيع الاراضي وامتلاك الارض للابد او نعتمد عملية حق الانتفاع لمساحات زمنية معينة
حق الانتفاع بينفع في بعض الحالات لكن خلي بالك احنا ثقافتنا كمصريين بنحب الملك دي حاجة جوانا مش بنملك الاجانب الاراضي بنملك المصريين والعقارات عموما هناك قوانين بتحط حدود لهذه الملكية نسمح للاجنبي انه يملك شقة او بيت واحد لكن لما ييجي املك بيت ثانيا لازم يأخذ موافقة رئيس الوزراء واضعين حدود لهذا الموضوع بشكل جيد هناك مناطق معينه بتقول حق انتفاع‏,‏ مثلا سيناء بنفضل نتيجة الحساسية السياسية الجغرافية لسيناء‏,‏ سيناء دائما كانت مصدر الغاز لمصر عبر قرون لها حساسية معينة لذلك بنكون حريصين شوية لذلك طلعنا قرارا بأن الاراضي في سيناء لاتباع بالتمليك ولكن بحق الانتفاع وخاصة لو كان فيه اجانب لان ممكن شركة يكون فيها مصريون ويكون فيها اجانب
فابالتالي ده يطبق من اليوم حق الانتفاع أحد الوسائل لكن الدراسات بتاعتنا بتقول لاتقدر تعتمد عليه لوحده اذا كنت عايز تجذب الاستثمار وخصوصا المدخرات الوطنية
بس هناك الكثير من الدول بتعمل حق الانتفاع ليس عندها مشاكل مع الاستثمار زي الدول الاوروبية والاسيوية
معظمها دول مش محتاجة للاستثمار بالعكس الدول المحتاجة للاستثمار زي في آسيا ماليزيا والهند بتعطي الاراضي ببلاش واحنا عملنا كده في الصعيد ادينا الاراضي تقريبا الصناعية مجانا للمستثمرين ود اللي شجعهم انهم يروحوا هناك لان زي ماقلت الارض قيمتها في استخدامها‏,‏ طيب انا لما اعطي حق استخدام هعطية كام سنة مش هيكون اقل من‏50‏ سنة او‏100‏ سنة
ده المتعارف عليه عالميا
هيكون المشروع اجدي لان الجدوي بتيجي في القيمة اللي بحطها فوق الارض لو القيمة دي اتحطت في واحد بيملكها طيب ده يزعلني في ايه طيب الارض الزراعية طول عمرها مملوكة للقطاع الخاص احنا الدولة عمرها ماكان لها تملك في ارض زراعية لكن القيمة بتيجي في اللي بحطة علي الارض
هنا جزء من الموضوع اللي اثرته سيناء‏,‏ مع الاسف احنا عندنا مواسم بنتكلم فيها عن سيناء بنتكلم عنها في ابريل واكتوبر ونتحدث عن مشروع تنمية سيناء والارتخاء بها وفيها يري ليست علي الاجندة الوطنية المصرية للتنمية السؤال هذا المشروع وهذا الحديث عن تنمية سيناء وتطويرها مت يكون واقع علي الارض
الكلام ده بسمعة كثير وبحس ان هناك ظلم كبير لعصر سيناء الرئيس مبارك كله لما اشوف احنا استلمنا سيناء عام‏1982‏ مع بداية ولاية الرئيس كان شكلها ايه كانت مدمرة ماكنش فيها حاجة خالص لا مرافق حتي اليهود كانوا عاملين مستعمرات هدوها وهما ماشين ماكنش فيها سياحة ولاحاجة اليوم شرم الشيبخ دي معجزة شوف اللي اتعمل في مدينة زي شرم الشيخ اللي اتخلقت من لاشيء الناس لما بتيجي بتشوف معجزة حقيقية الناس ليه مش بتتكلم عن شرم الشيخ المنطقة بتاعة خليج العقبة اللي فيها اكثر من‏60,50‏ الف غرفة فندقية وثلث سياحة مصر هناك اليوم دي سيناء المياه التي عبرت قناة السويس بتزرع‏200‏ الف فدان في سيناء وبينتج منها‏60,50‏ الف فدان في سيناء وتم في السنين اللي احنا فيها دي خط غاز اللي عبر سيناء وموجود ووصل لغايي لغاية جنوب سيناء خط المياه
اللي ؟؟ ووصلناه للعريش ورفح علشان اهل سيناء‏,‏ سيناء فيها علي الاقل نصف مليون
هل ده المستوي اللي بنهدف له‏,‏ حضرتك قلت ان سيناء المكان اللي بيأتي منه الغزوات ولكنها ايضا هي خط الدفاع الاول الكثافة السكانية مطلوبة شرم الشيخ جزء من سيناء لكن وسط سيناء جزء اصيل من سيناء‏,‏ شمال سيناء هي جزء اصيل من سيناء
انا بكلمك عن اللي تم مش المستهدف اليوم فيما تم احنا لم ننسي اهل سيناء نفسهم بدليل ان احنا حفرنا كم من الابيار وسط سيناء علشان القبائل البدوية اللي هناك بنوصلهم المرافق بنحاول بقدر الامكان اننا نحقق لهم حياة مستقرة في هذا الامكان العريش أخذت نصيبها من التنمية في هذا الاتجاه مجال الصحة والتعليم والمستشفيات ومدارس بنبنيها كل ده موجود والمستهدف اصغر من كده بكثير احنا شايفين الفلسفة بتاعة الفترة القادمة هي اولا المنطقة العمرانية الصناعية اللوجيستية في شرق بورسعيد هناك منطقة في سناء في الجهة الاخري من القناة حجمها ضخم هيكون فيها اكبر تجمع صناعي علي مستوي جمهورية مصر العربية ويمكن علي مستوي الشرق الاوسط لان حجمها ضخم جدا معاها الميناء بتاعة شرق بورسعيد اللي هي ميناء واحد واصبحت اليوم ثالث اكبر ميناء في البحر المتوسط في حجم الحاويات تخطت اسكندرية وكل الموانيء البحر المتوسط في هذا المجال معاها ايضا مدينية جديدة تستوعب اكثر من مليون نسمة كل ده في سيناء بنفكر بنفس الاسلوب اننا نعمل تنمية سياحية علاجية جديدة في شرم الشيخ اتقفلت وخليج العقبة كله تقريبا اتقفل فبننتقل الي خليج السويس والمناطق اللي فيه جميلة جدا كل ده هيوجد فرص عمل لاهل سيناء بنفكر في منطقة بتاعة بير العبد والعريش ووسط سيناء كل ده موجود ضمن خطة التنمية ويخصصلها في الموزانة كل سنة مبالغ استثمارية بنفكر في نفق جديد يعبر جنوب بورسعيد وسكة الحديد واستكمال جديد يعبر جنوب بورسعيد وسكة الحديد واستكمال خط سكة حديد العريش
مشروع توقف وسرقوا القطبان بتاعته
جزء منها لكن احنا راجعين اليوم بنحي المشروع ده اذا سيناء عمرها ماسقطت من تفكيرنا احيانا محددات التنمية بنكون كثير احيانا اولوياتك انت برضه عندك بلد فيها‏80‏ مليون عايز توجد لهم استثمارات احنا تحدي رئيسي عندنا مثلا موضوع الطاقة زي مابنتكلم عن المياه بنتكلم عن الموارد البشريية وتدريبها كل ده عناصر مهمة في خطة التنمية كل ده بيستنفذ مننا
تنمية لمصر بكل اللي فيها بصعيدها سيناء بالصحراء الغربية
شفت الاهتمام بالصعيد شفت أد ايه فرق معانا خط الغاز اللي اتفتح الاسبوع الماضي وصل اسوان وطول السكة بيغذي في مصانع اربع طرق في الصعيد طريقين في الغرب وطريقين في الشرق وطريق منهم طريق حر اللي بتبنيه القوات المسلحة
د‏/‏ أحمد نظيف الموضوعات كثيرة ولكن الوقت اقتربنا من نهايته ولكن امامي مجموعة من التساؤلات السريعة د‏/‏ نظيف رئيس مجلس الوزراء من هم المستشارون الخاصون بك في اقران مختلفة هل لدية هيئة مستشارين بتتعامل مع الوزراء بشكل مباشر وكيف نتعامل مع موضوع من الموضوعات
اسلوبي في العمل ان انا بعتمد علي الوزراء لان انا اكتشفت ان انا لو وضعت مستشارين في نفس المجال اللي بيعمل فيها الوزراء هيحصل صدام فلماذا احنا شغلتنا كوزراء ان احنا نعمل كفريق عمل واحد لما احتاج حاجة في الزراعة في الزراعة بكلم وزير الزراعة اجلس معاه في اي موضوع لو احتجنا خبارء يكونوا موجودين معانا في نفس المجال لكن اصنع خبير عندي في مجلس الوزراء انا بعيد تماما عن موضوع المسعتشارين الموجودين عندي هيئة مستشارين بيطلق عليها الاسم ده اللي هما القانونيين اللي بيعدوا القرارات الخاصة بمجلس الوزراء ورئيس الوزراء علشان يمضيها لان دي طبعا محتاج ناس قانونيين علشان يتأكدوا القرارات دي ماشين مع القانون والدستور
عندما تواجه مصر ازمة واخيرا موضوع الاسكندرية هل لديكم مايسمي بمجموعة ادارة الازمة في مجلس الوزراء فكيف تتم ادارة الازمات لو تعطي لي مثالا لادارة ازمة من الازمات كيف يتعامل مجلس الوزراء ورئيس مجلس الوزراء مع هذه الازمة
انا اتجهت لفكرة ال‏-----‏ الي هو مجموعة العمل اثناء الازمة هي احسن طريقة تحل بها الازمة لان مهما جهزت نفسك لادارة الازمات ممكن جهاز ادارة الازمات ودة موجود عندنا في مجلس الوزراء هنا انهاردة بيبقي مركز معاون عنده البيانات والحاجات اللي تحتاج لها اثناء الازمة لكن مقدرش اتوقع الازمة هتيجي فين مرة ازمة ان عبارة غرقت مرة عن رغيف العيش يعني حاجات بعيدة عن بعض مرة انفلونزا طيور مرة صحة مرة تعليم كل حاجة تختلف عن الاخري فابالتالي دائما لازم تكون جاهز ان بسرعة جدا يكون عندك تاسك فورث تقدر تتغلب وانا بدعي علي عكس بعض وسائل الاعلام بتقول انه كنا جادين جدا في تعاملنا مع كل الازمات اللي مرينا بها عدينا منها بشكل افضل بكثير من اي اسلوب
آخر كنا هنستخدمة احنا مستمرون في الاتجاه ده وربنا مايجعلش ازمات كثيرة في المستقبل
نتمني
أحد ماتعلمناه في العلوم السياسية وما تعلمناه علي النظان السياسي المصري ومجلس الوزراء المصري مفهوم ان المسئولية التضامنية لمجلس الوزراء الي اي مدي هناك شكل من اشكال المسئولية الضامنية بين مجلس الوزراء والوزراء المعنيين المختلفين هل هذا الحال موجود بشكل دائم
اعتقد ان انا راض عن عمل الحكومة كفريق عمل متحد وكمسئولية تضامنية لان احنا بنعمل باسلوب اعتقد انه كان جيدا جدا‏,‏ مجلس الوزراء اجتماعاته لاتقتصر علي الموضوعات او القرارات اللي بتتعرض دائما بيكون في كل مجلس علي الاجندة بتاعته موضوع رئيسي الموضوع الرئيسي مابيبقاش موضوع بيتاخد فيه قرار لكن موضوع بيعرضه احد الوزراء او اكثر عن قضية من القضايا اللي عندنا لان لازم دائما نناقش كل قضاياناه علي الطرابيزه كده بتخلق روح فريق وبتبقي جميلة جدا لانك بتسمع الاراء كلها والاختلاف بيظهر علي السطح مش بيبقي خفي وده الافضل دائما والحقيقة بروح وموده جميلة موجودة في هذا الاتجاه اتمني ان هذا اليوم لان ده عنصر رئيسي للنجاح