كلام مسئول

15/10/2010
محمد صلاح: يا مساء الخيروإحنا داخلين على واحدة من أقوى إنتخابات مجلس الشعب الناس بتسأل نفسها هو ليه الصراع دا كله على دخول البرلمان ؟ الكل بيستعد أحزاب مستقلين مرشحين ناخبين وبعدين التورتة كبرت أول مرة نشوف مجلس موقرأكثرمن 500 عضو بعد إضافة كوتة المرأة الحقيقة طول عمرها إنتخابات مجلس الشعب شديدة كل الظروف بتولعها بتشعللها عائلات أحزاب حركات سياسية تربيطات تكتيكات القعدة تحت القبة برضه حلم ناس كتيروالحقيقة برضه الموضوع ده ليه منطقه كل واحد بيظهرفى الوسط بتاعه يحب يجملها بلقب النائب فى المجلس ولا رجل أعمال بيبقى عنده فلوس ايه بقى اللى ناقص ؟ الحصانة رغم المهمة التقيلة والكتابة عن النواب فى الجرايد والمسلسلات والكلام بقى عن نواب القروض ونواب العلاج النواب المزوغين والنواب اللى نايمين والنواب الصامتين من أصقاء أبو الهول والنواب اللى ضاربين بعضهم وشاتمين بعضهم تحت القبة أو فى اللجان رغم كل ده سيادة النائب والمجلس الموقرتغورقدامهم أى صعاب ويتصرف على الوصول للمقاعد كل نفيس وغالى الإنتخابات المرة دى شديدة محاولات كسب والناخبين شغالة جت كده كذا مناسبة قريبة- رمضان والعيد وكانت فرصة للتواصل من غيرهدف ولا حاجة حاشا لله كان فيه أسبقية لنائب الدايرة يهنأكم برمضان والعيد نواب كمان كتيرقدموا خدمات فى الدورة اللى فاتت منتظرين الحصاد يعنى إعادة إنتخابهم بسبب كما طبيعتنا كمصريين حولنا النائب فى البرلمان لنائب خدمات بعدنا بيهم شوية كده عن السياسة يمكن النواب نفسهم كمان بعدوا عن السياسة مش عايزين سياسة بقت مهمة النائب عندنا انه يمضى الوزرا على كام طلب تعيين على شوية كهربا على شوية ميه على صرف صحى على مدارس وكم طلب علاج على نفقة الدولة طب قوانين مستقبل للأجيال اللى جاية الأفق السياسى والإجتماعى دى كراكيب تتراجع مش مهمة يعنى مقعد النائب فى البرلمان هيكون لينا عنه كلام مسئول
تقرير
عرفت مصر وظيفة النائب مبكرا منذ تشييد محمد على المجلس الأعلى عام 1824 بالإنتخاب لمناقشة ما يراه الوالى أوما يقترحه من سياسات داخلية وبعد 5 أعوام تم إنشاء مجلس المشورة من كبار الموظفين والعلماء والأعيان برئاسة إبراهيم باشا من 156 عضوا بالإنتخاب وفى عام 1866 أنشأ الخديوى إسماعيل المجلس شورى نواب والذى يتكون من 76 عضوا من الأعيان ينتخبون لمدة 3 سنوات فى 1878 أنشأ أول مجلس وزراء فى مصرمجلس النظار وإعيد تشكيل البرلمان ولكن بعد تولى الخديوى توفيق الحكم أصدرأمرا ثانيا بحل البرلمان لذلك لم يكن غريبا مطالبات العرابيين لتوثيق بتشكيل مجلس شورى نواب والذى أفتتح فعليا بعد إنتخاب ديسمبرمن عام 1881 مع صلاحيات تجعل الحكومة مسئولة أمام النواب الذين يسألون الوزراء ويستجبونهم ويسنون القوانين وهوالمجلس الذى عمل ل3 أشهر فقط ليجرى إحتلال بريطانيا لمصرويأمر توفيق بانشاء مجلس شورى القوانين وفى عام 1913 تم إنشاء الجمعية التشريعية أدت ثورة عام 1919 إلى إلى دستور 1923 الذى نص على إنشاء مجلسى الشيوخ والنواب أعضاء النواب يكونون منتخبين أما الشيوخ فيكون الخمسين معينيين بينما جرى حل مجلس النواب أكثرمن مرة إلى أن قامت ثورة يوليومن عام 1952 تم تشكيل مجلس الأمة عام 57 على أساس دستور 56 وليستمربضعة أشهروأنشأ مجلس مشترك عام 60 بين نواب مصروسوريا بعد إعلان الوحدة ولم يدم طويلا إذ وقع الإنفصال وعلى أساس الدستور المؤقت عام 64 عاد مجلس الأمة من 350 عضوا منتخبين نصفهم من العمال والفلاحين وبعد دستور71 تم تغييرمسمى مجلس الأمة إلى مجلس الشعب وفى 76 أجريت إنتخابات المجلس على أساس المنابر وفى عام 79 على أساس حزبى وفى عام 83 أجريت القائمة الحزبية بتمثيل نسبى وتم الجمع فى إنتخابات 86 بين نظامين القائمة والفردى وعاد النظام الفردى بالكامل فى إنتخابات 90 وفى عام 2000 و2005 أشرف عليهما القضاء .
محمد صلاح: سيادة النائب يمكن بيمرمن خرم إبره علشان يبقى تحت القبة ويستفيد بالحصانة وسط اليفط واللافتات والمصاريف الجامدة فيه ناس تقولك هى المسألة تثيركل ده ؟ الراجل ده هيرجع فلوسه إزاى ؟ وهيعمل ايه جوا المجلس ؟ هنشوفه تانى قبل 5 سنين ولامش هنشوف خالص ؟ الدكتورمصطفى الفقى هيكون لينا معاه كلام مسئول ومن كلام الدكتور مصطفى الفقى مشكلة الإنتخابات فى مصر تتمثل فى العملية الإنتخابية ذاتها وليس فى شخص المرشحين الأغلبية فى البرلمان تفرض رايها بالكثرة العددية فى وقال الدكتورمصطفى الفقى لا يزال أمام الحياة البرلمانية الكثيرلكى تتوائم مع ما تستحقه مصرنعم لا يوجد فصل لحدود المناقشة داخل البرلمان لكن فى النهاية طغيان الأغلبية فى مواجهة ديكتاتورية الأقلية يؤدى إلى ضياع الكثيرمن الفرص تجربة دخولى فى إنتخابات الشعب عن دائرة دمنهورجعلتنى أشعربالندم لأنه كان هناك تجريح فى شخصى إضافة إلى الحديث عن التزوير بلا سبب رغم صدورحكم محكمة النقض بصحة الإنتخابات الأخوان سيدخلون بأعداد كبيرة فى إنتخابات مجلس الشعب المقبلة ولكن فرصهم بالفوزبمقاعد فى البرلمان يتكون قليلة خصوصا أن الناس أصبحت أقل تعاطفا معهم ساعات كوميديا الموقف بتفرض نفسها فى مجلس الشعب شوفنا شتيمة ورفع أحذية وناس عايزة تعلم ناس أدب وشوفنا برضه وزرا راحوا المجلس ووزرا مزعلين النواب وما بيرحوش شوفنا قوانين بتطلع فى ثانسة وقوانين مش عايزة تطلع ونواب مش عايزين يسيبوا الكراسى وهى دى كراسى تتساب ؟دكتورمصطفى الفقى هيكون لينا معاه كلام مسئول أرحب بالمفكرالسياسى الكبير مصطفى الفقى منورنا يا دكتور
د/مصطفى الفقى: أهلا وسهلا
محمد صلاح: سيادة المفكرالكبيرالدكتور مصطفى الفقى فى الدورة البرلمانية السابقة خضت إنتخابات كانت صعبة المره دى أنت عضو فى مجلس الشورى وهتكمل خلاص إن شاء ألله فى الشورى كانت معركة جميلة كده إستمعت بيها ولا ؟
د:مصطفى الفقى: كانت من أصعب المعارك وأنا كتبت عنها فى الصحف سمتها أم المعارك ربنا ما يوريك الإنتخابات صعبة جدا فى مصر الشارع ملتهب وفيه عناصر معينة هى اللى بترشح مرشح عن الأخر وأنا لا أملك هذه ال4 عناصر أما المال أما إستخدام الدين أما البلطجة أما الدخول للتأثير على الناس بشكل أو بأخر ما بيملكهاش المثقف العادى ولذلك من الطبيعى جدا أنك تجد ممكن تاجر مخدرات يعنى مع التجاوز ينجح قصاد أستاذ جامعة الشارع لا يختار بالضرورة الأفضل إنما قد يكون رجل فاسد وشعبيته كبيرة وقد يكون رجل صالح وشعبيته أقل
محمد صلاح: القصور عن مين يعنى ؟
د:مصطفى الفقى: القصور فى كل حاجة انها الأحزاب السياسية مش قوية أنت عارف لو عملنا الإنتخابات بالقايمة أنا كان نفسى كده دى أفضل لأنها تسمح لك بأن تقدم أسماء معينة بعضهم أساتذة مفكرين سياسيين أمرأة قبطى شباب تنوع زى ما أنت عايز إنما رؤيى انها تنفيذها صعب فى الظروف الحالية و لا زالنا فى الإنتخابات الفردية كما كانت من قبل
محمد صلاح: ايه أسوأ ذكرى فى الإنتخابات يا دكتور ؟
د/مصطفى الفقى: الذكرى السيئة انها لما خلصت الإنتخابات بدأوا يتهمونا فى الدايرة بالتزوير يعنى أنا لا شفت تزوير ومحكمت النقض حكمت أنه لا يوجد شبهة تزوير محكمة النقض دى مش بتاعتى دى أعلى سلطة قضائية فى البلاد وكبار رجال القضاء الذين لا تربطهم بى صلة ومع ذلك ظل برضه أصدقائنا من جماعة الأخوان المسلمين لنها كانت دايرة عزيزة عليهم جدا دايرة دمنهور ولا زالت ومعتبرينها دايرتهم
محمدصلاح: بس أنت لسه بتقول ان المقومات اللى بتنجح مش موجودة آمال نجحت إزاى ؟
د/مصطفى الفقى: لأ نجحت كشخص له جذوروقادرعلى الحديث والخطاب دى أحد الإستثناءات القليلة إنما بالتأكيد المال بيلعب دور إستخدام الشعارات البراقة لما بتقول لواحد الإسلام هو الحل لازم يمشى وراك فيه مشكلة أنك بتزغزغز مشاعرالناس بشعارات متجزرة فى قلوبهم زى الشعرات الدينية المال بينفق ببزغ أنا شايف المرادى فى الإنتخابات ملايين بتتصرف حتى فى القرى سألت واحد بقوله الإنتخابات هتبقى غالية قال والله إحنا عاملين حسابنا على 10 مليون
محمد صلاح: يعنى حسيت أنها مش لعبتك يا دكتور؟
د/مصطفى الفقى: لأصعب صعب صعب بأن يخوض مثقف أومفكر إنتخابات ويبلى فيها بلاء حسن
محمد صلاح: حددلى ايه مواصفات المرشح ؟ يعنى ايه اللى هيرشح نفسه فى إنتخابات مجلس الشعب يبقى عنده مواصفات ايه عشان ينزل يخوض معركة وينجح ؟
د/مصطفى الفقى: الناس بصالك على أنك نائب إنتخابات يعنى شغلتك أنك تعينلى ولادى وتعالجلى المرضى صعب فى ظل نقص الخدمات مفيش تعينات بتحاول بقدر الإمكان لكن كونوا برضه يبصلك على أنك أنت شخصية هتسهم فى الرقابة والتشريع والعلاقات الخارجية وصورة مصرلا تعليق وعايزك بقى نائب قاعد بقى جنبه طول النهارفى الأفراح تروح تتعزم فى الأفراح وبيروح فى المايتم وتحضر إحتفالات عقيقة طفل مولود وطهور طفل أخر حاجات كده يعنى
محمد صلاح: دى مواصفات ؟
د/مصطفى الفقى: أه عايزك معاه مش أنك تشتغله يعنى مش واخدنها بشكل موضوعى أنا كنت بعيد عن الدايرة لكن تليفونى لا يتوقف فى 24 ساعة داخل مصروخارجها بحل مشكلة ده بتصل بمسئول هنا وبالوزيرالفلانى هنا وأتحدى والكل يعرف أننى ما رفضت مكالمة جت أنا ما بعرفش أسجل نمر على التليفون فأى نمرة تجيلى لازم أرد عليها على طول لغاية دلوقتى أهوه مش أنا سبت الدايرة ؟ والله وأنا داخل عندك من شوية واحد طالبنى قاللى أنا جمال ايه من دمنهور قلتله أستنى علي ساعة بس وأتصل بي فالناس برضه معزورة عندهم طلبات كتيرة جدا مفيش صرف صحى مفيش مياه مفيش تعينات المحافظة دى بالذات محافظة مزنوقة مش صناعية قوى وبالتالى طلباتهم فى التعيين كلها محصورة يمكن فى شركة الكهربا وفى شركة الميه ودى خلاص أستوعبت لما باشت تقولوا ما تيجى تشتغل فى القاهرة ؟ يقولك لأ هيصرف المرتب فى المواصلات
محمد صلاح: أنت بتقول سألت واحدعن المصاريف قالك 10 مليون دى بيصرفها على ايه ؟ بيصرفها على الدعاية يعنى ؟
د/مصطفى الفقى:لا لا لأ الإنتخابات ليها سمسارة وليها رجالها هيجى اللى يوشوشك والنبى فى 2000 صوت فى القرية دى بس محتاجين 100 ألف جنيه علشان شوية طلبات وفيه ناس بتشترى الأصوات أنا طبعا معملتش كده أنا معنديش القدرات دى خالص لكن عارف انها فيه أصوات بتشترى ودى مش ظاهرة جديدة دى موجودة فى العالم التالت
محمد صلاح: أه بس الميكانزم إزاى يعنى ؟
د/مصطفى الفقى: فيه حاجة مش عارف أنت سمعت عنها ولا لأ؟ أسمها البطاقة الدايرة وأنت داخل بيديك بطاقة عليها أسمك أسمك كتبهولك تطلع له والبطاقة فاضية يعنى أسمك والبطاقة فيها خدها والبطاقة اللى أنت خدتها جوا ياخدوها يبقى دا دليل أنك أنت أديتله صوتك خلاص تقبض وتمشى
محمد صلاح: طب طالما دا معروف ما بيتواجهش ليه ؟ يعنى هتفضل الإنتخابات عندنا كده على طول
د/مصطفى الفقى: لأمش عندنا العالم كله كده ومين قالك إن الإنتخابات فى العالم مابتدرش بالإنفاقات المالية ؟ دا حتى فى الولايات المتحدة الحزب اللى بيدعم ماليا بيبقى مركزه الإنتخابى أكترنفاقات الإنتخابات دا غيربقى السرادقات والإجتماعات مشكلتك بقى أنك عندك فى مصرعند التعليم والثقافة والإعلام والمؤسسات الدينية لازم ينهضوا بالمواطن ويرفعوا من قدره ووعيه علشان يعرف الإختيار الصحيح لكن تتجه للتطويرليه ؟ لما تيجى تديله 1000 جنيه علشان يديلك صوته يضيعه ليه ؟ ما هو محتاج
محمد صلاح: ما هو الناخب فى الحالة دى أنت متعاطف معاه
د/مصطفى الفقى: أنا مش متعاطف معاه أنا شايف من وجهة نظره ما يبرردا إذا راح بقى بيرحوش كمان
محمد صلاح: قصص الدعاية الصاخبة دى بتفرق فى الإنتخابات ولا كله يفط ؟
د/مصطفى الفقى:دا أنا سمعت انها فى دمنهورفورالإعلان انها أنا سبت الدايرة تقدم عشرات المرشحين على مقعد الفئات الشوارع مليان يفط على بعضها كل الناس يبدوا انها موضوع الحصانة دى بيبقى ليه تأثير كبيرلأنه يخفى العورات ويسترالأخطاء ويغطى حاجات كتيرة جدا
محمد صلاح: إدينا فى التفاصيل إزاى ؟
د/مصطفى الفقى: لورجل أعمال وليك حصانة بتحميك من الحبس لا برفع الحصانة عنه
محمد صلاح: طب ما بتترفع وبيتحبسوا
د/مصطفى الفقى: دى ليها إجراءات وحصل كتيرمن رجال الأعمال دخلوا وإتبهدلوا وكان دخولهم البرلمان كان سبب بهدلتهم بعض رجال الأعمال حطيته تحت الضوء وفتحت عليه أجهزة الرقابة والأعداء يعنى لو كان إتساب رجل أعمال كده فى الدارا مش دا اللى هيحصل يعنى ما تفتكرش انها دايما أنك تبقى تحت الضوء دا الأفضل لأ دى زى ما بتبين مزاياك بيبالغ فى إظهارعيوبك
محمد صلاح: هنا الفلوس بتبقى الأهم زى ما بتقول بقى فى بعض الأحيان تشترى أصوات ولا أنك تكون قادرعلى تقديم خدمة للناس ؟
د/مصطفى الفقى: قلائل فيه بعض النواب ليهم رصيد فى دوايرهم ما ننكرش ولا دخلت قصاده بأى فلوس هيعديك برضه الناس عايزاه لكن من غيردفع فلوس ومن غيرتزوير
محمد صلاح: دا بيفتح مجال يا دكتورلموضوع مطروح على الساحة انها ليه الإنتماء هنا لجماعة الأخوان المسلمين أولدعم مرشح جماعة الأخوان المسلمين ما بيبقلهوش إنتماء للإحزاب السياسية الشرعية ؟ الحزب الوطنى وحزب التجمع
د/مصطفى الفقى: الدين متجذر بشدة فى تاريخ مصر
محمد صلاح: طب ما هو المرشحين بتوع الوطنى وغيره بيستخدموا الدين
د/مصطفى الفقى: لالا الناس عارفة انها دى جماعة لها تاريخ مغلق أنت لوسألت واحد من الأخوان المسلمين أنت نائب ايه ؟ مش هيقولك نائب طنطا ولانائب دمنهور يقولك نائب الجماعة ؟ الولاء للجماعة يعلوا أى ولاء الأحزاب ضعيفة جدا والتانى جزء كبيرمن الأصوات اللى بتروح للأخوان هى أصوات عقابية للحزب الوطنى وباقى الأحزاب أنتم لا تقدموا الخدمات المطلوبة خلونا أجرب أنا شفت ناس المره اللى فاتت أنتخبوا الأخوان على غيرإقتناع بفكر الجماعة خالص إنما هو زعلان من الحكومة معندوش صرف صحى معندوش ميه
محمد صلاح: لسه فى الريف بغض النظرعن الأخوان كانها منافسين للأحزاب العصبيات والنظام اللى ...........
د/مصطفى الفقى: بيتم التراضى أحيانا بين مجموعات وإذا مرشح الفئات يجى من هنا يبقى مرشح العمال يجى من هنا
محمد صلاح: أنت مقدرتش مره أو متناقشتش مع مجموعة كده فحد قالك أوسألك عن البرنامج السياسى لحزب الفلانى أوبرنامج الإنتخابى للحزب العلانى ؟
د/مصطفى الفقى:لا لا لا دا كلام نظرى جدا ايه الخدمات اللى بتقدمهالى إحنا معندناش صرف صحى المياه نقية مش وصللنا الرعاية الصحية مش كفاية معندناش الجامعة لسه ما أتفتحتش حاجات طلبات حياتية يومية محدش هيقولك ايه موقفك من قضية الشرق الأوسط؟ ما موقفك من الملف الإيرانى؟ مفيش خالص ولا التعديلات الدستورية يعنى يصادفك واحد مثقف واحد فى المليون يكلمك بينك وبينه إنمكا مش قضية جماهيرية
محمد صلاح: ليه يا دكتورمصطفى مرشح الحزب الوطنى عاداتا بيكون شبه ضامن انها هينجح ؟ ليه حصل معركة كبيرة من صخب على ما حصل فى المجمع الإنتخابى فى الحزب الوطنى بيبقى ضامن فعلا ؟
د/مصطفى الفقى: أنا هقولك حاجة من تقاليدالمصريين انها بيحب يلعب فى السليم غالبا الاغلبية المصرية بتمشى ورا حزب السلطة حتى لوعملت إنتخابات نزيهة 100% ممكن ياخد 60% 65% تجيب المواطن ورا الستارة ومحدش شايفه بإستثناء أصحاب العقيدة هيصوت فى الحزب الوطنى يقولك اللى هتعرفه
محمد صلاح: أنت قلت لوحد عملت إنتخابات نزيهة بمعنى ايه ؟
د/مصطفى الفقى: أنت بتشكك فى نزاهة الإنتخابات أحيانا هفترض جبت الأمم المتحدة نفسها وتعمل إنتخابات هتفاجأ انها الحزب اللى فى السلطة اللى موجود الحكومة هياخد صوت بس مش بالأغلبية اللى إحنا بنشوفها
محمد صلاح: علشان يكون الناخب أكترثقة بانها هذا الحزب أوهذا المرشح هوالقادرعلى تقديم الخدمات ليه ؟
د/مصطفى الفقى: الشيطان الذى تعرفه خيرا من الملاك الذى لا تعرفه فى التفكيرالمصرى دا تاريخيا والحاكم وللنظام القائم بشرط يوفرلى لقمة العيش وما يدخلش فى شئونى كتير
محمد صلاح: بس فى الإنتخابات اللى فاتت أنت عارف فيه عدد كبير من مرشحى الحزب الوطنى كانها بينتموا فعلا للحزب لكن الحزب ما أختارهمش وطبعا أنت عارف اللى بيحصل يعنى بنفوذه بيرجع تانى للا
د/مصطفى الفقى: يعنى عملوا عليهم إلتزام من يختاروا الحزب كان بها من لايختاره الحزب لا يترشح
محمد صلاح: لأ بس أنا برد على نقطة انها مرشح الوطنى هو اللى بيكون ضامن ؟
د/مصطفى الفقى: طب ما هودا تأكيد لكلامى ايه اللى خلاك يا مرشح الوطنى دخلت مستقل ونجحت ورحت قلتله أنا نجاحى بين يديك؟ أنا فى الحزب الوطنى عارف ليه ؟ أحيانا أبناء دايرته أللى بيقولوا كده أللى بيقوله أنا عايز خدمات من الخدمات هتتنطلى أديك نجحت مينفعش التفكير المصرى تفكيرتقليدى جدا وتاريخى كانها دايما يجيبوا سكرتيرعام الحزب يكون له شغلانة فى الوفد يا وزير المالية
محمد صلاح: قبل الثورة يعنى ؟
د/مصطفى الفقى: قبل الثورة زى مكرم عبيد يا وزير الزراعة زى فؤاد سراج الدين حد يملك تأثير حاجة منفعة المصرى مواطن واقعى
محمد صلاح: بيتكتب فى الإعلام كتيريادكتورمصطفى انها فيه نواب وعدد غير قليل يعنى بيزوروا الدايرة مرة كل 5 سنين يعنى هو بينجح ويصرف ويعمل الدعاية
د/مصطفى الفقى: دا ما بيسقطهوش هينجحوه دا أنا هو كنت عايش فى القاهرة ودمنهورعلى الطريق الزراعى عدد المرات فى ال5 سنين فوق ال70 مرة مثلا وحتى هذه اللحظة بقولها أهو وأتحدى اللى كان بيطلب منى طلب كنت بعمله لأنى كنت بعمل قبل الإنتخابات قدرما إستطعت بس دلوقتى بقى حاسس أنى بعمل طواعيتا محدش يتأمر عليا لانها برضه ساعات الناخب بيكلمك بلهجة مش لطيفة
محمد صلاح: إزاى ؟
د/مصطفى الفقى: شوفلنا الموضوع ده مش أنت النائب بتاع الدايرة
محمد صلاح: بيكلمك كده ؟
د/مصطفى الفقى: طبعا بيكلمنى وبيكلم غيرى مفيش حد بيخاف من حد الدنيا تغيرت والعالم تحول
محمد صلاح: صورة النائب بقى شكلها عامل إزاى يا دكتورفى الكام سنة الأخيرة؟
د/مصطفى الفقى:والله صورته هو اللهاث وراء المنافع الشخصية والراغب فى الإقتراب من السلطة يعنى ساعات تقول كده مثلا يعنى رجل الأعمال ده ربنا موسع عليه وراجل محترم عايزايه من البرلمان؟ عايزيتوج حياته بدورسياسى بعد الفوس ما كملت واحد تانى أتعلم تعليم كويس وبقى أستاذ كبيرعايز ايه ؟ عايز يبقى تحت الضوء واحد تالت عامل فرده ومسيطرعلى المنطقة وعايز يتغطى بشعارات الحزب وإنتخابات البرلمان يخش علشان الحصانة
محمد صلاح: يبقى الصورة صحيحة بقى ولا ايه ؟ يعنى الإنطباع العام كده عند الناس انها سلبى
د/مصطفى الفقى: أنت مش عندك جريمة فى الإقتصاد أسمها غسيل الأموال ؟
محمد صلاح: فيه أه
د/مصطفى الفقى: دى بقى أسمها غسيل الدورفى الحياة السياسية بتوج دورى بقى أنت عارف زى اللى بيروح الحج علشان تقوله يا حاج دا برضه عايز يبقى سيد الناس مش معناها كل الناس كده علشان مظلمش التعميم ظالم لكن فيه نسبة كبيرة انها اللى بيتقدموا للإنتخابات البرلمانية دوافعهم قريبة مما أقول
محمد صلاح: أداء النواب بشكل عام فيه البرلمان اللى أنت كنت موجود فيه لحد الإنتخابات اللى جاية وأنت إستثناء لأنك خلاص عضو فى الشورى وحلفت اليمين كان سلبى ؟ الشتائم اللى حصلت رفع الجزم اللى حصلت ؟
د/مصطفى الفقى: لا لا لا مساحة الحرية أنا بقولك أهوماليش دعوة بقى بتأثيرها على القرار السياسى لكن مساحة الحوار داخل البرلمان فى مصر من أكبر ما يمكن أه أنا شفت إنتخابات فى كل حاجة ومرتجلات عنيفة ومشادات قوية زى كل البرلمانات المتقدمة فى العالم إنما مفيش ولا إستجواب بيعدى لم تسحب الثقة من أى وزيردا موضوع تانى طبيعة النظام مصرلم تتعود على هذا الحوار المناقشات لو سيادك شفتها فى منتهى الحرارة والجدية
محمد صلاح: طب والسباب والخناقات ورفع الجزم ؟
د/مصطفى الفقى: ما هو دا يدلك على قدر الحرية المتاحة
محمد صلاح: بالسباب وبرفع الجزم ؟
د/مصطفى الفقى: ما هو بيتكلم وجهة نظره
محمد صلاح: وجهة نظره يرفع الجزمة ؟
د/مصطفى الفقى: يعنى عايز أقولك حاجة ال88 من أشقائنا فى الجماعة كانها بيقفوا يتكلموا ويقولوا وجهة نظرهم كاملة وينتقدوا الحكومة إنتقادات عنيفة وبيدافعوا عن حاجات أنا فى رأيى المصلحة العليا للبلاد تحتاج للمناقشة فى الموضوع ده إنما عندهم إنتماءات عقائدية تسمح لهم بالدفاع عن قوة معينة داخلية وخارجية بغض النظر عن الوطنية المصرية
محمد صلاح: يعنى أنت مش مع الرأى اللى بيقول انها معرفة الشارع بتفاصيل اللى بيحصل فيه مجلس الشعب من خلال الميديا أووسائل الإعلام وصور وكلام بالليل طبعا فى الفضائيات تقريبا كل يوم فى برامج معينة بعينها يعنى بيتكلموا عن اللى حصل الصبح يعنى ويتخانقوا أو يكملوا الخناقة اللى كانت بتحصل الصبح بالليل دا كله ما تركش إنطباع سيىء عن صورة النائب فى البرلمان فى مصر ؟
د/مصطفى الفقى: لأ بص يا أستاذ محمد دى مرحلة تحول وفى مراحل التحول يجب أن تقبل بعض السلبيات هتصلح نفسها فأنا رأيى دى ظواهر مرحلية إنما مع الوقت لابد ومع التعود يعنى يبقى المرة دى مثلا أكثر شفافية اللى بعدها تبقى أكثر إحتراما للرأى الأخر اللى بعدها تجيب عناصر جديدة لم تكن متاحة وأنت عايز تقول انها إحنا دلوقتى زى من 10 سنين طب أقرا الصحف أنا بقرا الصحف المعارضة والصحف المستقلة دا حتى بعض الصحف الحكومية بدأت تفتح جامد
محمد صلاح: قومية علشان بيزعلوا من الحكومية
د/مصطفى الفقى: لأحكومية كلها يعنى اللى بتعبرعن وجهة نظرالدولة الرسمية كل دول بدأوا دلوقتى أنا شايف انها الأهرام دلوقتى بقى فيه هامش للإختلاف لم يكن قائما من قبل دى مسائل كلها تذكرللديمقراطية ولحرية التعبيريعنى شوف حرية التعبيرفى مصرغيرمسبوقة أن تتحول حرية التعبيردى إلى جزء من التأثيرعلى القرارالسياسى دى قضية أخرى مرحلة تانية لسه جاية لكن حرية التعبير حتى هذه اللحظة أقوى بكثير من العصرالملكى
محمد صلاح: أيوه ما هو البعض برضه فى النقطة دى يا دكتور مصطفى بيقول أتكلم زى ما أنت عايزبس الحكومة اللى عايزة تعمله هتعمله
د/مصطفى الفقى:ما هو تتكلم دى مش شوية برضه أنك تكتب كل اللى أنت عايزه مش شوية برضه ما كنش موجود دا قبل كده أنك تقول مش عارف مصطفى الفقى وحش محمد صلاح كويس مكنش متاح قبل كده
محمد صلاح:طب عايزأوريك تقرير كده عملناه مع أبناءنا فى الشارع المصرى عن إنطباعاتهم عن صورة النائب ايه رأيك ؟
د/مصطفى الفقى: قوى
محمد صلاح: نشوف الناس بتقول ايه عن النائب فى البرلمان
تقرير
مواطن: مفيش حد بيقدم خدمات لحد الواحد نجح اروح أسأل عليه يقولى مش موجود كل واحد قاعد على كرسيه وخلاص مفيش حد بيحمل هم التانى أهم حاجة مصلحته وأعضاء مجلس الشعب دول بيدوروا على مصلحتهم وخلاص وما بيدوروش على مصلحة الأخرين خالص
مواطنة: محدش بيشوفهم ولا بيعملوا أى حاجة لأى حد بيعملوا الدعايات والحاجات دية وبعد كده لما بيخلص خلاص ما حدش بيشوفهم ومحدش بيشوف أى حاجة منهم
مواطن: والله لوكل اللى بيرشحوا نفسهم بيجوا يحطوا البرنامج بتاعهم وما بنشوفهم خالص وما بيخدموش أى حد تروح للواحد مثلا علشان بنته تتنقل جنب بيتها ما بيردش على الناس ويقولك أنا مش فاضى أناعندى جلسة فى مجلس الشعب أنا عندى مش عارف ايه ولا بنشوف أى حد ولا محتد
مواطن: فيه فترة الإنتخابات بس يمكن تقريبا أو 80 % منهم فى فترة الإنتخابات بعد كده يعنى بتبقى صعبة شوية وليا أنا تجارب شخصية مع الناس يعنى ما بتبقاش زى الأول يعنى بعد الفوز يبقى خلاص يعنى يبقى صعب يعنى انها هما ينفذوا أى رغبات للناس
مواطن: ولابيعملوا حاجة ولا بنشوفهم يعنى كذا مرة يعنى دورة وأتنين وتلاتة ما بنشوفهمش ولو رحتله متلاقهوش يقولك فيه ناس بتنوب عنى بتروح للنائب عنه لو ليك طلب بتديله مفيش
مواطن: حضرتك قبل ما ينجحوا بنشوفهم على طول بعد ويفوتوا على القهاوى ويفوتوا عليها ويسلموا علينا فايتين على الشوارع إنما بعد ما ينجحوا بصراحة ربنا حتى لما بنروح المكتب ما بنلقيش حد فيهم بنقدم طلب لشغل لأى حاجة يرموهلنا ويتكدس عندهم الورق ويروح بدل المرة 100 وخلاص بعد ما ينجحوا ما يقدموش أى خدمات لأى مواطن بعد ما ينجحوا إنما قبل كده على طول بنشوفهم 100 مرة فى اليوم على طول يفوتوا على القهاوى يفوتوا على الشوارع فإحنا بناشد أى عضو مجلش شعب يراعى ربنا فينا ويراعى ربنا فى المواطن انها يقدملوا أى خدمة يقدملوا الحاجة اللى عايزاها لانها بنرشحه ليه ؟ واحد مننا بيوصل صوتنا للمسئولين دا اللى إحنا نفسنا نلاقيه فى عضو مجلس الشعب
محمد صلاح: دى بقت تقريبا صورة نمطية يا دكتورمصطفى يعنى انها المرشح بكلم وزراء مسئولما بيلاقهوش
د/مصطفى الفقى: أنا كنت فاتح مكتب فاتح مكتب شغال 24 لغاية من أسابيع قليلة كنت بروح مرة كل أسبوعين مثلا أقعد يوم بحاله ومعايا تليفون بيجيلى الحاجات العاجلة كلها بكلم وزراء مسئولين وطول الأسبوع القرارات هنا بتجيلى قرارات علاجية نقل الطلاب من جامعة لى جامعة
محمد صلاح: خدمات ؟
د/مصطفى الفقى: والخدمات الكبيرة بقى يعنى أروح أتكلم فى الشباب والرياضة علشان فلوس لنادىة أروح علشام ميزانية معينة للصرف الصحى فى منطقة معينة كنا بنحاول بقد الإمكان بس الناس بقى لما قربنا من دخول الإنتخابات تجد اللهجة متغيرة وهو بيكلمك يعنى بتبقى أمره يعنى يا رب أنقذنى أنقذ عبدك الضعيف من اللعبة دى خلاص بقت بقولك ايه إحنا كنا معاك فى الإنتخابات اللى فاتت وهنشوفك قريب يعنى الكلام وهو عارف أنك أنت خلال أسابيع هتقع تحت أيده فهما عندهم الإنطباع ده فيه نائب يقعد يلف عليهم وبتاع وأول ما ينجح ما يشوفهوش يعنى بيبقى فاتح مكتب الناس اللى معاه ما بيؤدوش كويس فى المكتب ما بيبقاش موجود كفاية فى الدايرة كل واحد وظروفه
محمد صلاح: دكتورمصطفى بصراحة وأنت دايما صريح
د/مصطفى الفقى: قوى
محمد صلاح: صريح قوى قوى جامد يعنى ؟
د/مصطفى الفقى: أنا بحب اتكلم بصراحة
محمد صلاح: ايه اللى كسبتوا وايه اللى خسرتوا من 5 سنين فى مجلس الشعب ؟
د/مصطفى الفقى: طبعا كسبت خبرات كتيرة خاصة بطبيعة العمل الداخلى ومشكلات الوطن المصرى من الداخل خلاص ومش 5 سنين قعدت 10 سنين 5 بالتعيين و5 بالإنتخاب
محمد صلاح: لأ ال5 بالأنتخاب بعد المعركة اللى أنت خضتها
د/مصطفى الفقى: فقدت جزء من مصداقيتى مباشرة فى السنة الأول والتانية بعد الإنتخابات كان فيه حملات صحفية عليا أشقائنا من الأخوان المسلمين بيدوروا على أسم معروف يقوم يضرب الحكومة من خلاله والحزب الوطنى يعنى مش مستهدف مصطفى الفقى إنما مصطفى الفقى الناس عارفاها مثلا خلاص يقوم مركز على دايرة دمنهوروممكن يكون فيه تجاوزات أكترمن كده فى عشرات الدوائرالأخرى بس هى الدايرة دى اللى عايز يشتغل عليها طبعا لو كنت دخلت الإنتخابات السنة دى دمنهور كانت هتيجى بقى وكالات الأنباء العالمية والصحافة الدولية وبتاع
محمد صلاح: حرمت أنت الإعلام من شغل كبير .
د/مصطفى الفقى: يا عم ريحت وإستريحت وبعدين برضه الشورى مع السن أفضل يعنى أنا بقيت 65 فيما فوق
محمد صلاح: هكلمك لسه فى الفرق بين الشعب والشورى بس كملى أنت قولتلى اللى خسرته هو دا اللى خسرته ؟
د/مصطفى الفقى: شوية يعنى الحمد الله الناس عرفت ان انا لست رجل فاسد ومزوروالكلام دا مستحيل إطلاقا
محمد صلاح: أستفدت من الحصانة ؟
د/مصطفى الفقى: لا لا عمرى ما أستفدت من الحصانة
محمد صلاح:آمال الإنتخابات ليه علشان تقدم خدمات للناس بس ؟
د/مصطفى الفقى:لا والله أنت عارف أنى أنا راجل بتاع علوم سياسية مش طبيب أومهندس لازم يقعد يتعامل مع الناس ويعكس حاجات يعنى فى جانب العلاقات الخارجية أعتقد انها أنا أديت دور طيب جدا يعنى فى المؤتمرات الدولية كنت مسئول عن الشرق الأوسط عن البلاد العربية وكنت متحدث بأسم الدول العربية فيعنى كل شيىء له دورمختلف عما يتصوره الناس
محمد صلاح: المجلس اللى جاى يمكن أول مرة من الستينات هيكون أول مرة فيه عدد أعضاء هيكون أكترمن 500 يلإستثناء المجلس اللى إتشكل بين مصروسوريا بعد الوحدة أنت شايف الزحام دا فى المجلس هيكون وراه إثراء للنقاش والقوانين
د/مصطفى الفقى: دا حتى أظن انها مجلس الوحدة كان أقل من كده
محمد صلاح: 300 و200 ، 300 مصريين و200
د/مصطفى الفقى: هنعدى ال300 السنة دى
محمد صلاح: المرة دى هنعدى ال500 بكتير يعنى شايفك مضايق ؟
د/مصطفى الفقى: لأ مش مضايق أنا قاعد بفكر
محمد صلاح: لو حطيت ال64 سيدة على ال454 ايه رأيك ؟
د/مصطفى الفقى: طبعا هيبقى مجلس مزدحم حتى القاعة نفسها يمكن ما تسعش هذا العدد لكن طبعا دخول السيدات هيرفع مستوى الأداء شوية الراجل بيحترم نفسه أكترفى وجود المرأة يعنى اللى بيقلع الجزمة ويضرب زميله هيفكرمرتين اللى عايز يستخدم لفظ نابى هيعمل حسابه انها فيه سيدات يعنى دايما المجتمعات المختلطة أوالإجتماعات المختلطة أكثررقيا من المجتمعات الفردية كل طرف بيعمل حساب الطرف التانى بقدر الحد الأدنى من الحياء
محمد صلاح: بس دا لو إحنا قاعدين فى حتة فى قاعدة معزومين على عشاء يعنى أقصد انها السيدات مطلوب منهم المناقشة
د/مصطفى الفقى: أنا عايزأقولك حاجة إحنا كنا نشعربخجل شديد جدا لما بنسأل عن عدد السيدات فى البرلمان المصرى 10 أو أقل
محمد صلاح: بس دى كوتة يا دكتور .
د/مصطفى الفقى: معلش الطفل اللى مولود ناقص النمو بتجيبله حضانة بعد شوية بينموا دورتين وبعد كده يحصل تطورات فى المجتمع يبقى فيه رقى ثقافة يسمح للمرأة بالحصول على مقاعد طبيعية يعنى المرادى أنا متوقع يبقى 70 سيدة فى البرلمان مثلا 64 بالكوتة و6 ، 7 مقاعد خارجية
محمد صلاح: بس أتكلمنا على انها الخناقات ممكن تقل شوية الصخب ممكن ؟
د/مصطفى الفقى: هيبقى فيه مستوى الإداء شيىء من الرقى فى لغة التخاطب مش معناها الأداء بالأداء البرلمانى لأ الأعضاء بيبحثوا بيفكروا أنا كنت بأفاجأ بأعضاء من القرى وعاملين يعنى دراسات كويسة وأظن فيه ناس بتعملهم دراسات أنا لاحظت هذا
محمد صلاح: بس أنت مش معايا انها الستات ممكن برضه صوتهم عالى وممكن يعنى إتيحت لهم فرصة للخناق هيتخانقوا برضه ولا ايه يعنى ؟
د/مصطفى الفقى:بيبقى عنده غيرة فى المافسة يعنى لما واحدة بتتكلم التانية عايزة تتكلم دى طبيعة بشرية
محمد صلاح: أنت لاحظت الحكاية دى فى البرلمان السابق ؟
د/مصطفى الفقى: لا كان العدد قليل
محمد صلاح: مفيش تنافس اللى بتتكلم التانية هتشجعها ؟
د:مصطفى الفقى: كانها كلهم بالعكس أنا شايف أنها كانت تجربة يجب أن نشجعها وأن نحرص عليها
محمد صلاح: تجربة الكوتة ؟
د/مصطفى الفقى: أه تجربة الكوتة يعنى مفيش بديل عندك
محمد صلاح: عندنا تقريركده مصور من للى بيحصل داخل مجلس الشعب نشوف الأعضاء فى مجلس الشعب قبل ما يدخوا ستات كتيركانها بيعملوا ايه ؟
تقرير
محمد صلاح: دكتور مصطفى اللى كانها بيتابعوا جلسات مجلس الشعب محدش شافك مرة بتتخانق
د/مصطفى الفقى:لما حصل خلاف حماس وكان أخرجلسة للمجلس فى منتصف يونية 2007 كنت بختلف مع النواب الأخوان وفى الحقيقة كنت زعلان قوى يعنى أنا مؤمن بفكرة الوطن موجودة فى الإسلام (ص) لما ترك مكة نظرإليها وقال لها أنك أحب بلاد الله إلي لولا أن أهلك أخروجونى ما خرجت يعنى عندنا الأخوان فكرهم هما مين ؟ يعنى تقولوا أقرب إليك القبطى المصرى ولا المسلم الأندونيسى ؟ يختار المسلم الأندونيسى ودى مسألة مفزعة دا اللى بيزعلنى
محمد صلاح: الخناقة حصلت إزاى بقى ؟
د/مصطفى الفقى: يعنى لقيتهم بيدافعم عن خلاف حماس بشكل عاطفى شوية أنا مش ضد حركة حماس ولكن أنا عارف انها إقامة امارة إسلامية على حدود مصرمسألة خطيرة للغاية أنا ضد مزج الدين بالسياسة الدين زى الماء والسياسة زى الزيت ما يختلطوش شوف السياسة لزج إزاى ؟ زيت الميه نقى الدين شعورراقى جدا علاقة الأنسان بخالقه إنما لما تيجى للسياسة فيها كدب ونصب وألاعيب مزجهم بيضر الدين فى الغالب ولذلك إستخدام الدين فى السياسة ضارة بالدين بالدرجة الأولى يعنى النضال الوطنى ضد إسرائيل يجب أن يكون نضالا قوميا عاديا يشترك فيه المسلمون والمسيحيون واليهود حتى الذين لا يأمنون بالفكرة الصهيونية إنما تقول لأ للمقاومة الإسلامية فيها معنى إستبعادى ما بيجعبنيش ده فقمت يوميها كنت منفعل شوية وعبرت عن وجهة نظرى
محمد صلاح: من 64 وإحنا يا دكتورطبعا عندنا التمثيل البرلمانى 50% عمال وفلاحين شوفنا بعد كده دكاتر طلعوا فلاحين يعنى مفيش إشتراكية ومفيش الظروف اللى يعنى أستندت إليها الثورة وحكومات الثورة فى مسألة ال50% عمال وفلاحين فما موقفك ايه ؟
د/مصطفى الفقى:الحقيقة أنا شايف انها دى مسألة بقت نظرية بحته ولكن مضمونها أنتهى خالص يعنى لما ألاقى عندى عدد من ضباط الشرطة الكبار أو ضباط الجيش وداخلين بصفة فلاح لما بشوف دلوقتى ناس بتغيرصفاتها يبقى راجل متعلم أستاذ جامعى وخايف يدخل فئات علشان المنافسة يقلب فلاح أوعمال ينزل بالمستوى الثقافى والفكرى ويدخل يعنى برضه التلاعب فيها شديد جدا لم يعد الفلاح فلاح ولا العامل عاملا حكمة وفلسفة الموضوع اللى كانت فى 64 لم تعد موجود فى الأعمال التحضيرية لتعديل الدستوروإن كنت من ضمن الأصوات التى طالبت بمراجعة موضوع نسبة ال50% عمال وفلاحين صديقى حسين مجاور رئيس إتحاد عمال مصر قالى بص يا دكتور دا موضوع حساس ممكن تلاقى بكرة 500 ألأف فى ميدان التحريرواقفين ضد هذا الإتجاه خلاص وقع فى ذهن العمال والفلاحين انها دا حق مكتسب وقد لايكون مفيدا لهم يعنى لما يجيى أستاذ جامعة يخدم فلاح أفضل من الفلاح نفسه والتلاعب فيها شغال على الأخرأطلعلك أنا العمال والفلاحين ؟ تلاقى عامل رئيس مجلس إدارة شركة رئيس شركة تأمين شركة حاجات فخمة جدا الفلاح يا ظابط شرطة يا ظابط جيش يا مهندس لأ مسألة غير مريحة على الأطلاق بتعمل حيازة زراعية وبتقلب الفلاح
محمد صلاح: تحايل يعنى ؟
د/مصطفى الفقى: طبعا تحايل
محمد صلاح:يعنى أنت دايما أرائك مثيرة للجدل يعنى فى بعض الأحيان ما بترضيش الحزب الوطنى وترضى عن المعارضة وفى أحيان أخرى ناس بتعتبر أنك قلت كلام ضد المعارضة ويرضى عنها الحزب الوطنى
د/مصطفى الفقى: أنا مواطن مصرى أنا أنتمى للحزب الوطنى فى خطوطه العريضة قد يكون بعض التفاصيل رأى هنا أوهناك كل من يحسن أصفق له حكومة أو معارضة وكل من يسيىء أقف ضده من منطلق مصرى بحت وأحاسب على هذا بكل ما كتبت الحزب الوطنى فيه قدر من المرونة إلى أخره يسمح بتيارات تختلف فى بعض التفاصيل يعنى ليس سرا ان في ناس كانت بتناقش حاجات معينة فى التعديلات الدستورية ليست بالضرورة هى التى صدرت ولكنهم يلتزمون بما تحقق وفى نفس الوقت مش كل المعارضة ملائكة وكل اللى بيشتغلوا مع الحكومة فاسدين لأ هناك فساد فى المعارضة وهناك طهارة فى الحكم بنفس المستوى الكل مصريون أنا مؤمن مصرى يقف على أرض وطنية يعبرعن وجهة نظره أحترم وأستمتع إليها حتى لو كانت مختلفة معى لأن أنا ضد فكرة الأخوان المسلمين 180 درجة ولكن مع حقهم فى التعبيرعن رايهم 180 درجة
محمد صلاح: بإعتبارهم مصريين يعنى؟
د/مصطفى الفقى: أيوه طبعا الأمام الشافعى قالك رأيى ثواب ويحتمل الخطأ ورأيى غيرى خطأ يحتمل الصواب جولديرقال المقولة الشهيرة أننى مستعد أن أدفع حياتى ثمنا للدفاع عن رأيى أختلف معه
محمد صلاح: دكتورمصطفى فيه كلام كبيرعن مقاطعة الإنتخابات قوى سياسية تدعوإلى مقاطعة الإنتخابات شوفنا من الجمعية العمومية الأخيرة للوفد وكان فيها الرأى أللى بيطالب فعلا فى المشاركة فى الإنتخابات فى رأيى أخرفى بعض القوى السياسية بيطالب بالتركيزعلى إنتخابات الرئاسة رغم انها إنتخابات الرئاسة فاضلها سنة أوسنة وشوية أنت بتحلل بى ايه ظاهرة الإهتمام بالرئاسة وتجاوزمرحلة الإنتخابات البرلمانية؟
د/مصطفى الفقى:قرب الأتنين أولا أنت لما تخلص الإنتخابات عدة شهورهيبتدى البرنامج الرئيسى القادم إلى أخره ثانيا عندهم تصوربرضه انها البرلمان الحالى هوالذى سيشارك بالنسب التى حددتها المادة 76 فى إختيار الرئيس القادم أوفى التجيد للرئيس أطال الله فى عمره الرئيس مبارك إذنا الأهمية بتيجى من هذا المعنى إنما معتقدش انها حد يقدريقلل من أهمية الإنتخابات النيابية لأن دى للبرلمان لل5 سنين القادمة ويشهد كل التحولات اللى جاية
محمد صلاح:: فيه إنتخابات 2000 حصلت مقاطعة من عدد من الأحزاب
د/مصطفى الفقىأنا ضد المقلطعة المقاطعة تفكيرسلبى اللى عايزيشتغل فى العمل السياسى يقول يا كده يا مش لاعب ؟ ل العمل السياسى أنك تلعب فى ظروف صعبة وما أنتش موافق عليها تتفق معها وتختلف تناضل من أجلها لكن متجيش تقول والنبى يا كدا يا لأ ما ينفعش الكلام دا مش مظبوط أنت عارف زى زمان ايه ؟ كنا زمان لما نزعل مع دولة نقطع العلاقات الدبوماسية أنا أقولك لأ لما يبقى ليك مشكلة مع دولة أتكلم معاها الهند وباكستان لما كانت تزيد العمليات العسكرية كل دولة تعزز سفارالتها فى الدولة الأخرى مش تسحب تضيف لانها خلاص فيه إشتباك إشتباك فكرة إشتباك سياسى إشتباك عسكرى محتاج لتكثيف العلاقة وليس الأخذ منها أنت لما تجد انها فيه حاجات مضايقاك دا يدفعك أكتر إلى دخول الإنتخابات وتحاول التغييرقدرما تستطيع مش ضرورى هتنجح كل مرة أنك تغيرإنما بالتأكيد هنقدرتغيرنسبة ما لكن المقاطعة والإنسحاب دا تفكيرسلبى تعبان جدا لا علاقة له بالعمل السياسى
محمد صلاح:: أقرالى خريطة مجلس الشعب المقبل يا دكتور ؟
د/مصطفى الفقى: هتبقى الأغلبية للحزب الوطنى الحاكم هيبقى فيه نسبة أكبرنسبيا من الأحزاب المدنية قد يكون فيه نسبة أقل من جماعة الأخوان المسلمين
محمد صلاح::أقل من العدد اللى موجود دلوقتى ؟
د/مصطفى الفقى: أه هى قراءة أعتقد انها شعبية الأخوان ليست بالقوة اللى كانت عليها فى 2005
محمد صلاح: بسبب؟
د/مصطفى الفقى: بسبب حاجتين الحاجة الأولانية المخاوف بعلاقة حركة حماس بجماعة الأخوان المسلمين فى مصرالحاجة التانية بعض ما قيل عن رغبة الجماعة فى الإستعراض بالقوة ثانيا أداء نواب الأخوان بالنسبة لدوائرهم مفيش يعنى ما بيعملش حاجة
محمد صلاح: طب ايه وجهة نظرك انها الأحزاب ستحصل على عدد أكبرمن المقاعد ؟
د/مصطفى الفقى: أنت عارف انها الحصيلة هزيلة جدا الدولة أكتشفت أنها لما ركزت حربها والحزب الحاكم على أحزاب المعارضة الأخرى سمح هذا بتسلل جماعة الأخوان المسلمين ولم يكن للصالح العام لأن الأحزاب التانية دى ليست مشكلة تتعامل معها بمنتهى السهولة إنما الجماعة لها فكرورأيى يختلف عن الكثيرمن مفردات وتفاصيل الأداء السياسى للحكومة
محمد صلاح: فين الأحزاب يا دكتور ؟
د/مصطفى الفقى: الأحزاب ضعيفة فى مصرليه بقى ؟ كلها أحزاب أشخاص أعدهملك أنا قيمة حزب الوفد كان فؤاد سراج الدين حزب العمل كان إبراهيم شكرى الله يرحمه حزب التجمع كان خالد محى الدين حاجات كارزيما تاريخية حتى الحزب الوطنى علشان حسنى مبارك الرئيس اللى الناس مهما أختلفوا يشعرون بالحماية والأمان فى وجوده حتى إنما معندكش حزب شاطر يقولك أنا مع العروبة مرجعيات حزب العمل مرجعيات كانت مصرالفتاة حزب الوفد الوفد القديم حزب التجمع اليسار إنما معندكش حزب شاطر يقولك أنا مع العروبة وحزب تانى ضد العروبة انا كنت فى بريطانيا فى مطلع السبعينيات سنة 70 ، 71 كان فيه خلاف شديد فى بريطانيا على ان ينضموا للسوق الأوروبية المشتركة ولا لأ ويجوا العمال يقولوا لأ إحنا مع عدم الإنضمام والمحافظين يقولوا لأإحنا مع الإنضمام وهكذا مفيش كلام من ده هنا الخلافات مش جدية بين الأحزاب لو تشوف برامج الأحزاب كلها خلافات باهتة كلها أحزاب بتنافق الدين بتنافق القومية بتتغنى بمصرنظريا لكن مفيش مشروع يمكن التجمع عنده مشروع هو والوطنى طبعا إنما ماعدا ذلك مفيش
محمد صلاح: طب ما هو فيه أكترمن 20 حزب دلوقتى أقروا بواسطة لجنة الأحزاب
د/مصطفى الفقى: أنا معرفش أسماء معظمهم
محمد صلاح: أنت كمان متعرفش ؟
د/مصطفى الفقى: لأ الحقيقة أنا بشوفهم سادة محترمين جدا رؤساء الحزب وبشوفهم فى الشورى بتعرف بيهم لكن يعنى محتاج حد يقولك دا حزب ايه وايه
محمد صلاح: كان فيه ظاهرة فيه برلمان السنة دى فى جلسات مجلس الشعب وهى خناقة حصلت ما بين النواب والوزرا الوزرا كانها ما بيرحوش علشان يتناقشوا أويواجهوا الإستجوابات والظاهرة أستمرت 5 سنين دا هروب الوزرا من نوابها ولا كان ضعف من البرلمان ؟
د/مصطفى الفقى: لأ جزء منها شغال وزيرالخارجية ما يقدرش يجيى لانها طول السنة عنده مشاغل وبيسافر وزيرالداخلية نفس الشيىء ووزير الدفاع نفس الشيىء إلا إذا كان هناك مقتضى أمرجلل يعنى وزيرالخارجية ما بيجيش مرة فى العام المشير بيجيى مرة جلسة كبيرة فى العام وزيرالداخلية يجيى مرة كبيرة فى العام لكن ما يقدرش يكون عندك فى المجلس كل يوم الوزراء النواب بقى دول عايزة مناقشة العالم كله بيجيب الوزرا من النواب أنت بتجيب النواب الوزرا أنا معرفش دى إزاى ؟
محمد صلاح:ما تقولى إزاى أنت مش رجل سياسى وأستاذ جامعة وأشتغلت فى الدبلوماسية المصرية ؟
د/مصطفى الفقى: أنا بكلمك من الناحية الأكاديمية البحتة انها الأصل الدول كلها بتختار وزرائها من النواب دى حكومة ودى حكومة ظل أنا عندى بجد انها وزرائى مرشح 9 ربنا ينجحهم أنا مقلتش لأ بس هل دا عنده وقت يقدر يقعد فى المجلس على طول ؟ دى عايزة مناقشة أنا مدخلش وزرا غير واحد ولا أتنين لمقتضى وزير الزراعة وزير رى حاجات أساسية ويكون عنده وقت يحضرلى خصوصا وأنا عندى وزير جوا بيدافع عن الحكومة فيه وزيرالشئون القانونية والبرلمانية موجود للدفاع عن الحكومة إنما مع ذللك ما بيحضروش برضه معندهوش وقت ودلوقتى بقى مشغولين راحوا الدوائرعلشان يعملوا الدعاية للإنتخابات مع إحترامى لهم وكل الشخصيات لطيفة جدا وكويسة لازم يكون عنده وقت ولا لأ ؟ يعنى واحد زى محمود محى الدين أعتقد انها كان هيبقى برلمانجى رفيع الشأن متحدث ومن الفلاحين ويلبس الجلابية بجد مش بالتظاهر يعنى أنا أعتز بتجربته جدا
محمد صلاح: طب محدش قالك فى الحزب الوطنى انها ليه الحزب حريص انها يرشح 9 وزراء فى الإنتخابات يعنى ؟
د/مصطفى الفقى: النظام بيؤمن بقدركبير جدا من الحرية الأنسان فى إتخاذ قراره يعنى لما تروحخ تقول للرئيس والله محمد صلاح الوزيروعلى وعبد الرحمن عايزين يترشحوا يقولك يترشحوا فكرة المنع للقائمة هو دا اللى حصل الوزرا اللى بيبقوا عايزين هوحد بيجبرحد ؟ هو حد بيقولوا روح أترشح أنت بتصدق الكلام ده ؟ لا ما السيد صفوت الشريف أعلن قالك القيادة السياسية لا تكلف أحدا لأن البعض بيقول أصل أنا مكلف بيديك إحساس انه جاى مكلف بمهمة إلهية مش صحيح هوعايز خلاص
محمد صلاح: دكتورمصطفى أنت نائب قى مجلس الشورى إحساسك كان بالإرتياح أكتركان فى مجلس الشعب ولا فى مجلس الشورى ؟
د/مصطفى الفقى: يا عم أنا كنت قاعد أمبارح كنت رئيس اللجنة أول أمبارح ألاقى قاعد مين ؟ أحمد ماهرالسيد وزيرالخارجية الأسبق الاقى دكتورعبد المنعم سعيد رئيس مجلس إدارة الأهرام ألاقى مصطفى علوى رئيس قسم العلوم السياسية فى جامعة القاهرة ألاقى إبراهيم العنانى عميد حقوق عين شمس السابق ألاقى اللواء نشأت الهلالى رئيس أكاديمية الشرطة واخد بال سيادك ألاقى اللواء أحمدعبد الحليم رؤساء الأحزاب كلهم دا العملية أحلوت قوى ناس محترمة جدا والحوارمعاهم سهل
محمد صلاح: بتاخد وتدى معاهم
د/مصطفى الفقى: طبعا طبعا لكن فى الشعب كانت المسألة صعبة بتبقى توترات ومناقشات حادة وأنا لا أخفيك سرا أنا كنت تعبان لأن لغتى كانت غيرمفهومة
محمد صلاح:وكنت بتتكلم وما حدش فاهمك
د/مصطفى الفقى:لأ كنت أجى أتكلم فى موضوعات كده عاجبهم اللغة وطريقة الكلام لكن مفيش
محمد صلاح: محدش بيرد عليك محدش فاهم حاجة .
د/مصطفى الفقى: لأ طبعا مجلس الشورى يعتبرهوعقل البرلمان اساتذة جامعات كتيرحاجات كده حاجة ظريفة جدا
محمد صلاح: طب وأنت كنت دايما صيد للكاميرا وناس كتير كانت بتصورك وأنت نايم مش عارف كده
د/مصطفى الفقى: فى أى جلسة لو طولت شوية يحصلى إسترخاء أبقى مغمض عينيا بس دا نظام يوسف والى الله يمسيه بالخير أنا عندى النظام ده أبقى مغفل كده وأفتحلى أرد عليك فيه اللى بيتقال أى واد مايص بيدلع ياخدلك صور خد يا سيدى دا كنت بهزر معاهم
محمد صلاح:طب النوم أحلى فى مجلس الشعب ولا فى مجلس الشورى ؟
د/مصطفى الفقى: أنت بتتكلم كما لوكنت أنا رجل نوام أوكسول بالعكس أنا مشكلتى انها أنا فى الحياة منفعل ومتحرك أكترمما يجب دى كانت مداعبة بينى وبين المصورين دول زى ولادى أنت بتكون متكلم 5 ساعات فى الجلسة وبعدين ريحت ربع ساعة وممكن واحد تانى قاعد 6 ساعات زى قلته قاعد زى الكوبس معملش حاجة خالص
محمد صلاح: ايه الكوبس ده ؟ الكوبس بينور
د/مصطفى الفقى: مش دايما
محمد صلاح:فيه بعض المصطلحات الناس كانت دايما تسمعها عن فى أداء البرلمان فى السنين اللى فاتت يعنى سلق القوانين القوانين ممكن تطلع فى ثانية وقوانين ما تطلعش خالص كنت بتقابل التعبيرات دى إزاى ؟
د/مصطفى الفقى:لأ شوف ساعات بتيجى قوانين من الحكومة متأخرة وقدامك فى الجدول الزمنى الجدول بتاع المناقشات نفسها بتاع السنة النيابية وقت محدود فيبقى فيه بعض السرعة فيها إنما التاتنيين موجودة من على أيام عبد الناصراولئك القادرين على تفصيل القوانين وفقا لرغبة الحاكم ودى موجودة فى مصروالعالم كله
محمد صلاح: طب ايه اللى يقضى على الظاهرة دى ؟
د/مصطفى الفقى: اللى يقضى الظاهرة دى أنك تدى القانهن وقته مستريح انها ما يبقعش فى أدراج الحكومة مدة طويلة وتفاجأك بيه قرب نهاية الدورة واخد بال سيادك أنك تخلى اللجان تشتغل كمصادرللبرلمان ودى كان معظم شغلى فى الرلمان كان اللجنة لجنة العلاقات الخارجية إجتماعين فى الأسبوع عدد ضخك موجود مناقشات مستفيضة لأن هو دا اللى تقدرتتكلم فيه أكترالعدد مش عدد المجلس كا كل والكلمة المتاحة أكبروأكتر وإجراءات معينة فى موضوعات مختلفة
محمد صلاح: دكتورمصطفى الإنتخابات اللى فاتت شهدت أعمال بلطجة كبيرة قوى أنت متوقع الإنتخابات اللى جاية هتتكررالظزاهرة دى؟
د/مصطفى الفقى:الحقيقة عندى بعض المخاوف يعنى أعتقد انها مصر طول عمرها الكنانة المحمية خايف من درجة العنف فى الإنتخابات القادمة لأن فيه حالة إحتقان فى مجلس الشعب ونائب حالى فيه بارز تجد 4 ، 5 فدى هتخلى مسألة مهياش سهلة
محمد صلاح: ربنا يسترداخلين على إنتخابات سمعنا شهادة نائب بارز فيه فى مجلس الشعب ونائب بارز فى مجلس الشورى قال المفكر السياسى الكبيردكتورمصطفى الفقى كلامه معانا النهارده كان كلام جميل كلام معقول أكيد كلام مسئول خلص الكلام سلام نلتقى فى الحلقة القادمة
لمشاهدة الحلقة الكاملة "فيديو"