أول حاجة أحب أشكر الموقع الجميل ده.. أنا عندي مشكلة غريبة أوي.. أنا بنت عندي 19 سنة، ومن وأنا صغيرة العيلة كلها عارفة إن ابن خالي بيحبني؛ بس أنا عمري ما حبيت حد. المهم أنا مش عارفة إذا كنت بحبه ولا إيه، ولا إعجاب؟ ما اعرفش.. هو مسافر بره وكده؛ بس لما بييجي أنا بابقى مبسوطة، ومش بابقى عايزاه يمشي، ولما يمشي بابقى عادية جداً. وما كنتش بافكّر فيه؛ بس الأيام دي أنا بدأت أفكّر فيه أو بمعنى أصح باحاول أفكر فيه، وهو عايز يتقدم لي واتقدم ليّ كذا مرة، وأنا رفضته؛ بس أنا مش عارفة إذا كنت بحبه ولا لا.. يا ريت تردوا عليّ.