السلام عليكم.. أنا عندي 18 سنة، مشكلتي إن فيه إنسان متقدّم ليّ من 5 سنين، هو بيحبني أوي، وأنا أكتر حاجة في حياته بعد مامته على طول، كل طلباتي مُجابة، بس أنا ساعات باحس إني فعلاً بحبه وعايزاه، وساعات تانية ببقى مش طايقاه أصلاً!! أول ما اتقدّم ليّ أنا رفضته وكنت باكرهه كده لله في لله، بس بعد شوية وبعد التعامل معاه لقيته إنسان محترم، وأي بنت تتمناه يعني الزوج المثالي، وأهلي كمان موافقين عليه جدا كلهم بيحبوه جداً. أنا باقول لنفسي إني ممكن ألاقي حد أحسن منه، أنا عارفة إني ممكن ألاقي حد أحسن منه في الحالة الاجتماعية والثقافية والمادية، لكن الحالة الأخلاقية والالتزام وحبه ليّ عمري ما هلاقي حد زيه أبداً ودي الحاجة اللي مخلياني لسة معاه، بس أنا نفسي في حد أنا كمان أحبه أوي أنا مش باكرهه، بس بحبه حوالي 60%. مشكلتي إني مش عارفة أنا عايزة إيه بالظبط عايزاه ولا مش عايزاه!! لما بيبعد عني ولما بنكون متخانقين وأنا اللي غلطانة ببقى هتجنن باحس إن فيه حاجة نقصاني مش عارفة أنا بحبه تعوّد وعِشرة عشان باشوفه كل يوم، ولّا بحبه فعلاً؟!! ساعات باحس إنه تعوّد بجد مش عارفة.. يا ريت تردوا عليّ في مشكلتي أنا خايفة أسيبه وبعد كده أندم عليه أو أكمل معاه وأندم على عمري اللي ضاع على الفاضي. nug