مساء الخير أنا حابة اكون معاكم برسالتي دي بالرغم من انها مش مشكلة .. أنا عايزة أفهم بس أنا صح ولا غلط أنا عندي 21 سنة ، وطالبة جامعية ، مخطوبة عن حب ، ومخطوبين بقالنا سنتين . المشكلة دلوقتي إني أنا بجد صريحة أوي مع خطيبي ، ومابحبش أخبي عنه أي حاجة ؛ حتى لو كنت غلطانة ، وعارفة إنه ممكن يحصل مشكلات بينا بسبب الخطأ ده؛ لكن المهم دلوقتي إن خطيبي بجد متشدد شوية؛ بس هو عاجبني جدا كده ، هو دايما بيحب يقول الكلمة تتسمع وماتناقش معاه فيها كتير؛ علشان ممكن يزهق ويتنرفز، وأنا ماكنتش عمري كده؛ كنت لازم أتناقش في كل حاجة لحد ما أقتنع، أو أقنع اللي قصادي؛ بس أنا أتغيرت أوي. بقيت فعلا باعمل له حساب كبير أوي، وكل حاجة لازم أسمع فيها الكلام، وطبعا الحمد لله كلها حاجات في مصلحتي ؛ بس الحكاية إني ممكن مابقاش عايزة الحاجة دي، وهو فارضها عليّ؛ فاتعودت إني أعملها، وبرضه باقتنع من نفسي كده .. بس بالاقي أصحاب ليّ يتكلموا عن الكيان والشخصية، وأنا أقول لهم بس الراجل بيحب البنت اللي تسمع كلامه؛ علشان بيثق فيها، ويحب اللي تطيعه. أنا على فكرة لما باحكي الكلام ده مش معناه إني حاسة بضرر خالص من كده؛ بالعكس أنا مبسوطة أوي إن معايا حد كده، وحاسة إنها حاجة مش موجودة في ناس كتير، بالذات لما باحس منه إنه خايف عليّ؛ بس مش عارفة أنا كده إنسانة سلبية ولا المفروض فعلا يكون ليّ شخصية، واعترض عليه، وأناقشه كتير في كل حاجة ؟ مش عارفة وعلى فكرة هو برضه بياخد رأيي في حاجات كتير، ومش لاغيني خالص؛ بس أنا عايزة أعرف هل أنا كده صح ولا غلط . م . ح فضفضة بالتأكيد لست مخطئة بل على العكس انت تصرفت بالفطرة بالشكل الصحيح , متعة المرأة أن يحيطها رجل برعايته ويكون المسئول عنها حتى وإن كانت بنصيحة لتوجيهها , وكما قلت أنه دائما ينصحك بما فيه الخير لك إذن بارك الله فيكما وفي الوقت نفسه ذكرت أنه يستعين برأيك فيما يخصه إذن خطيبك إنسان متوازن وينصحك بدافع الخوف والحماية , كوني كما انت ولا داعي من سماع أي آراء أخرى ربما من بينها الخبيث حماك الله , أرى فيك الزوجة الصالحة , وفقك الله . نيفين حجازي للمشاركة والفضفضة راسلنا على : هذا البريد محمى من المتطفلين. تحتاج إلى تشغيل الجافا سكريبت لمشاهدته.
