أنا فعلاً في مشكلة لأني كنت حبيت ولد وما اتقابلناش غير مرتين، وبعدها هو خطب وجه قال لي أنا خطبتها عشان أرضي ماما، وأنا متأكدة إنه خطبها عن حب. المهم أنا بقيت أكرهه كره العمى، ونفسي أنتقم منه. المشكلة بقى إن دلوقتي متقدم لي ولد محترم وراجل وبيحبني جداً؛ بس أنا لسه مش بحبه وخايفة أوافق دلوقتي وما اعرفش أحبه بعد كده؛ رغم إنه زي القمر وغني. مش عارفه أوافق ولا لأ؟ أنا كل ما أفكر فيه مش باحس نفسي مبسوطة زي ما كنت بافكر في الولد الأولاني مع إن عندي 23 وعايزة أفرح وأطمن على نفسي زي بقية أصحابي؛ ده غير إن عندي مشاكل عائلية ونفسية كتيرة ممكن يكون الجواز هو الحل الأمثل ليها. أنا فعلاً تعبانه ونفسي ألاقي حل. smsm10