السلام عليكم أنا مشكلتي إني إنسان رومانسي حبتين، وكنت مرتبط بواحدة، وكنت باموت فيها؛ بس المشكلة هي سابتني، وأنا حاولت بعدها بفترة نرجع وكده؛ بس للأسف هي ما رديتش. وعدى ثلاثة أشهر وأنا دلوقتي ساعات أفكر في بنت خالي اللي كل سري وسرها مع بعض، وساعات بافكّر في صاحبتها اللي هي حبي القديم اللي بنحكي مع بعض كتير، وأنا عرضت عليها فهي شكرت كتير فيّ وقالت: بس ما ينفعش أحب إنسان صاحبتي وأختي بتحبه أو كانت بتحبه. وأنا حياتي متلخبطة ما بين اللي بحبها وسابتني، وأديني باحاول أنساها، وما بين إني ألاقي حب جديد، وعلى الرغم من إن أصحابي بينصحوني ببنت خالي؛ بس أنا مش عارف خايف آخدها أظلمها أو أظلم نفسي وأكون مش بحبها. وكمان هي مشكلتها بتحب الحرية وكده، وما بتحبش حد يفرض رأيه عليها؛ يعني ممكن ما تسمعش كلامي وكده، وأنا مش بحب كده؛ على الرغم من إنها بتعزّني جداً جداً، ولو فيه يوم جه حد واتقدم لها أنا بابقي متضايق قوي، وبابقى مخنوق، ومش عارف أعمل إيه وباتمنى الموضوع يفشل؛ فممكن أعرف نصيحتكم ليّ؟ ahmed لو عايز تفضفض لنا دوس هنا