استمرت موجة السخرية التي أطلقها المئات من النشطاء عبر موقع التواصل الاجتماعي فيس بوك حول تصريحات المشير عبد الفتاح السيسي المرشح لرئاسة الجمهورية في حلوله لمشكلات البطالة والوقود والكهرباء وعدد من المشكلات الأخرى التي تتعرض لها البلاد وذلك ضمن برنامجه الانتخابي لرئاسة الجمهورية . حيث دشن النشطاء هاشتاجا جديدًا يتضمن عددًا من الصور والتعليقات التي أصدرها النشطاء . وتداول النشطاء عددًا من الصور المعبرة والتعليقات تحت هاشاتاج "#قدم_حلول_كأنك_السيسي" ونشروا تعليقات مثل: 1 - تخيل لو كل مواطن فكر إنه يبيض مكان الفرخة يوم واحد بس, أنا مش بقول كل يوم, يوم واحد بس, هانعمل 90 مليون بيضة فى اليوم..... 2 - لحل أزمة الإسكان, كل المصريين يسافروا بره, بس يطفوا النور قبل ما يمشوا, وكده نبقى حلينا أزمتين فى أزمة, ودى قمة..... 3 - عارفين بقى ال1000 عربية بتاعة سوق العبور.. هات عشيين كيلو مسمار وارميهم فى سكة العربيات دى هاتفتح 10000 محل كاوتش....... 4 - لما تشرب شاى فتلة ماترميش الفتلة....انشرها وسيبها تنشف واستعملها تانى....لازم نستحمل عشان مصر.... 5 - لو كل واحد عنده عربية أجر 4 شباب يجروها بدل ما يحطلها بنزين يبقى كده حلينا مشكلة البطالة ومشكلة البنزين فى نفس الوقت..... 6 - بدل ما تشرب مياه 3 مرات كفاية مرة واحدة بس, تخيل كده هايبقى عندنا 3 نيل, وده كان حل مشكلة سد النهضة..... 7 - انت عارف يا ستاذ إبراهيم لو المصريين يساعدوا مصر ويعملوا السلطة من غير خيار, هانوفر قد ايه من بند الخيار لوحده...... 8_ عارف يا أستاذ إبراهيم لو خلينا الشهر ستين يوم بدل تلاتين يبقي كده الموظفين يقبضوا مرتباتهم 6 مرات بس في السنة ويبقي وفرنا 6 شهور لمصر...وحلينا مشكلة طوابير المرتبات الشهرية. 9_ إحنا نلغي المهر و الشبكة و الفرح ، و كل شاب عايز يتجوز يتبرع بفلوسهم عشان خاطر مصر (متوسط 50 ألف جنيه) ، و بكده لو 2 مليون شاب و شابة بيتجوزوا في السنة ، يبقى من مليون جوازة وفرنا 50 مليار ، إنتم عارفين كده ممكن ندفع ديون مصر خلال كام سنة؟ شاهد الصور:
