دشن عدد من النشطاء صفحة ساخرة علي موقع التواصل الاجتماعي"فيس بوك" بعنوان"قدم حلول كأنك السيسي" وذلك بعد مطالبة المرشح الرئاسي المحتمل عبدالفتاح السيسي للمواطنين بضرورة تقسيم الرغيف الواحد إلي 4 أجزاء بالإضافة إلي مشروع ألف سيارة خضار في سوق العبور لتشغيل الشباب كحل لأزمات مصر الاقتصادية. من جانبها قالت هند بركات ساخرة: "انفخ النفس في كيس واتنفس منه انت وحبيبك تاني، وكده نحل مشكلة الهوا وكمان رومانسية وكله بالحب بيفك عشان خاطر ماسر". كما قدم هيثم أبو خليل عدة حلول للمواطن حتي يتغلب علي المشاكل التي تواجهه فقال :"1- ليه تاكل سي فوود لما ممكن تاكل A فوود ، وتوفر حرفين عشان مصر. 2- ليه ترشح حمدين لما ممكن ترشح حمدي واحد وتسيب التاني لمصر. 3- ليه تاكل ام علي لما ممكن تاكل علي وتسيب امه تشتغل لمصر. 4- ليه تاكل صوابع زينب لما ممكن تسيب صوابعها تشتغل عشان مصر! ". وقال رضا حامد: "لما أشرب الشاي فتلة مش هرمي الفتلة، هنشرها علي الحبل تنشف واستعملها تاني وشوفوا كده هنوفر كام عشان مصر". وسخر مصطفي جودة قائلا: "حمرا يا أوطة، يابتاع الخزين يا بصل ...في إيه! بتمرن عشان السيسي هيديني عربيه ابيع بييها". وقالت الطالبة منة: "تخيل لو الطلبة يروحوا الامتحان ومايكتبوش أى حاجة فى الورق، شوف هانوفر حبر أد إيه لمصر". وأضاف معاذ غنيم: "احنا نجيب بتوع حزب النور ونعلقهم على عواميد الإنارة ونوصلهم بسلك كهربا وهما هيشعوا لوحدهم من كتر الايمان".