استوقف برنامج "حياة كريمة"، المذاع على قناة dmc، ويقدمه أيمن مصطفى، سيدة عجوز تعمل في تنظيف البيوت في إحدى مناطق مصر الجديدة، وقدم لها مبلغا ماليا 500 جنيه كمساعدة، وسألها عن حياتها وطبيعة عملها اليومية. وقالت السيدة العجوز: "بمسح سلالم وكنت بنضف البيوت بس دلوقتي مش بقدر عشان كنت عاملة حادثة مش بشتغل وبكتفي بتنظيف السلالم، والشغلة بتاعتي مكفياني وراضية وكله نعمة من عند الله، ونفسي ربنا يعطيني الصحة ومفيش حاجة نقصاني والحياة بقت سوداء بعد وفاة ابنى".
وبعد انصراف أيمن مصطفى، جاءت سيدة قعيدة على كرسي متحرك لتطلب دعم ومساعدة من السيدة العجوز قدرها 100 جنيه لتدفع إيجار منزلها، فأخرجت السيدة العجوز ال 500 جنيه فورا وأعطتها المبلغ كله على الفور.
وعاد أيمن مصطفى، مقدم برنامج "حياة كريمة"، للحديث مع العجوز، وأخبرها بأن هذا الموقف الإنساني تم تصويره وأخرج لها مبلغ 10 آلاف جنيه مكافأة على موقفها الإنساني، فكانت المفاجئة رفضها الحصول على المبلغ رغم الإلحاح الشديد.
وبررت رفضها الحصول على المبلغ قائلة: "نفسي ربنا يهدي الناس ويحببهم في بعض وعمري ما أندم أني أعمل خير.. والقرش اللي متعبش فيه ميتاكلش وأنا متعبتش في الفلوس دي ولازم اتعب في الفلوس عشان أحس بالقرش وربنا يبارك فيكم".
وأعلن برنامج "حياة كريمة"، أنه تم التبرع بمبلغ 30 ألف جنيه باسم هذه السيدة للجمعيات الخيرية.
