الرئيس السيسى يوجه التحية لكيانات العمل الخيرى ويدعو لمضاعفة جهود التحالف الوطنى: بقيتوا نموذج للناس.. عندنا 50 ألف جمعية موجودة ونحتاج المزيد من الكيانات.. الأزمة لها تداعيات عالمية.. ويؤكد: سيدات مصر جدعان

شهد الرئيس عبدالفتاح السيسي، فعاليات المؤتمر الأول للتحالف الوطني للعمل الأهلي التنموي، ووجه الشكر إلى نماذج مستفيدة من مبادرة "التمكين الاقتصادي" للتحالف الوطني للعمل الأهلي الوطني التنموي، قائلا: "لازم أشكركم وأحييكم.. ربنا يوفقكم.. وأنا سعيد.. انتوا نماذج ضمن عدد كبير من مصريات ومصريين شغالين في إطار الاستفادة من مبادرة التمكين الاقتصادي".
أضاف الرئيس السيسي: "بشكركم علشان النجاح.. وبقيتوا مثال ونموذج للناس. اللى زيكم يشتغلوا ويشوفوا الأمل وييقي حاجة تفرحنا وتسعدنا.. وأتمني لكم التفوق وأتمني للجميع التوفيق".
وجه الرئيس عبد الفتاح السيسي، الشكر لجمعيات المجتمع الأهلي العاملة داخل مصر، قائلا: "أوجه التحية والتقدير للجمعيات الأهلية.. ومش اللى جوه التحالف بس.. كل الكيانات التي تعمل في العمل الأهلي.. باسمي واسم المصريين.. اشكركم وإحنا محتاجين هذا الدور".

أضاف الرئيس السيسي، خلال كلمته في مؤتمر التحالف الوطني للعمل الأهلي التنموي: "النهاردة لما بتكون مؤسسة مجتمع مدني.. بتقوم بدور الحكومة.. مش بتعمله بنفس الكفاءة والاحتراف وإحنا بنعترف بكده.. عندنا 50 ألف جمعية موجودة في مصر.. وكيانات التحالف نحتاج المزيد من الكيانات الأخرى تنضم.. شوفنا الدور المجمع والمحشود والمنسق والمسيطر عليه.. ونتائجه في العروض السابقة على المستوي الاقتصادي والصحي والمستويات الأخرى الاجتماعي.. الجهد المنسق واضح جدا خلال السنة دي".

وتابع الرئيس السيسي: "لازم نشكر كل المساهمين من فضلكم.. سواء من مصر أو خارج مصر.. نوجه لهم التحية ونشكرهم لأن الكلام بيتم من خلال دعم كل إنسان عنده القدرة ومن جوه الخير من خلال القدرة اللى عنده أن المساعدة تصل للناس.. وبالأرقام اللى اتقالت سواء 10 مليارات .. دي أموال متبرعين.. ربنا سبحانه وتعالي يوجه لكم الخير ومحتاجين زيادة".

دعا الرئيس عبدالفتاح السيسي، المساهمين في التحالف الوطني إلى مضاعفة الجهود خلال العام الجارى 2023، قائلا: "كنا بنقول عام 2022 إنه عام المجتمع المدني، بس بصراحة ظروف 2023 يمكن تكون محتاجة مننا إحنا نبذل جهد أكتر من 2022، لأن الأزمة اللى بنتكلم عليها أزمة كبيرة ولها تداعيات على العالم كله، ولها تأثير كبير، وبالتالي إذا كانت منظمات المجتمع المدني محتاجة تشتغل وكيان التحالف اشتغل بهمة وضغط كبير خلال 2022 أتصور أن الجهد يحتاج أن يتضاعف هذا الجهد خلال 2023.

أضاف الرئيس السيسي: "قلتم يا دكتور مصطفى هتقدموا 23 مليار جنيه، وأدعو الجميع للمساهمة أكتر، وإحنا من جانبنا كحكومة أو صندوق تحيا مصر وباقى الصناديق نكمل الرقم أكتر من كده.. مش عاوز أقول رقم محدد علشان المساهمين يزودوا والحكومة تبذل جهد معانا في أن إحنا نخلى الحركة وتواجد التنفيذي اللى أنا بهنئكم عليه".
وقال الرئيس، إنه على تواصل مستمر ودائم مع منظمات المجتمع المدني، مضيفا: " على اتصال بيكم وبكلم كتير من الكيانات وبدردش معاها وبسمع زى موضوع التمكين والجمعية اللى بتعملوها.

أضاف الرئيس عبدالفتاح السيسي: شايف انها أفكار جميلة جدا وتتناسب مع ظروف المجتمع ، ياخدوا فدان واتين ثم تلاتة..بس لما نجد الحاجة رضا تمسك مزرعة لوحدها بدل فدان او اتنين..لما جابولك البطاطس ب 3 الاف جنيه راحت لحتة تانية..الستات في مصر جدعان ..في 2023 مزيد من الجهد الأهلى لأن الظروف صعبة .. وبتكلم بمنتتهى الصراحة ..وده ومش معناه ان الدولة مش هتقوم بدورها في هذا الموضوع ، لكن عاوز أقول ان الظرق صعب جدا .. ولما بشوف حتى الناس لما بتتكلم مش بيخوفوا بعض ..يعني كلام مش متنظم وكلام مش مترتب .. وكلام ناس متعرفش حاجة".


طمأن الرئيس عبد الفتاح السيسي، المواطنين على أوضاع الدولة المصرية وعدم الالتفات للشائعات، قائلًا: "يا جماعة اسمعوا مننا مش علشان إحنا أصدق من غيرنا.. ولكن مدركين لحجم التحدي أكثر من غيرنا، والبيانات والحلول بتبقى مطروحة من الدولة، وبالتالي أي اجتهاد من الآخرين ليس مكروه ولا مرفوض ولكن بيعمل بلبلة ويزعج الناس".

أضاف الرئيس السيسي، أن الظروف الموجودة في العالم تضغط على الأوضاع داخل الدول، وبالتالي هذا يضغط على الناس، متابعا: "لو أنا النهارده خوفتكم النتيجة إيه؟ هل لمصلحتكم.. لأ، هل إحنا مانقدرش كدولة وشعب نصمد قدام أي تحدي ولا إيه؟!".

وأكمل الرئيس السيسي في حديثه للمصريين، قائلا: "لو مصر ظروفها صعبة هنتخلى عنها؟ أنا بكلمكم كلهم.. ولو ظروف مصر صعبة أهل مصر هيتخلوا عنها؟ هو إحنا دخلنا حروب وضيعنا فيها أموال مصر.. ولا إحنا دخلنا مغامرات ضيعنا فيها أموال مصر؟ .. الحرب دي مش بتاعتنا والأزمة مش بتاعتنا.. ولكن مصر بتدفع ثمن زي كل دول العالم.. مختتما حديثه مداعبا المواطنين ضاحكا بالقول: "بطلوا هري بقى".