شاهد رد أسرة حسن أبو السعود وحسام حبيب على شيرين عبد الوهاب بعد تصدرها التريند

تغطية جديدة قدمها اليوم السابع حول تفاصيل أزمة شيرين مع طليقها حسام حبيب حيث أكدت شيرين سرقة حسام لسيارتها المرسيدس خلال وجودها في الساحل الشمالي، وكشفت كواليس خلافها مع طليقها الفنان حسام حبيب فى مداخلة تليفونية مع الإعلامية "لميس الحديدى" فى برنامج "كلمة أخيرة"، وقالت: "حسام سرق العربية من قدام البيت.. سرق العربية واستغل وجودى فى الساحل.. أنا خرجت من الجوازة دى بالوكسة والحسرة.. دا إنسان خطر، لازم أروح اتعالج من آثاره عليا".

وقدمت شيرين اعتذار إلى الجمهور على الهواء، وقالت: "عاوزة استغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش".
وسألتها لميس الحديدى "كذبتى في ايه يا شيرين"، فردت وقالت: كدبت فى حاجات كتيرة أوى لأنى بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى وأخلص منه".
وقالت كمان شيرين: "أنا ست قاعدة فى أمان الله مع بناتى بقالنا 4 سنين شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأنى كنت عايشة مع زوج مش بيشتغل تقريبًا، وكنت محبوسة 24 ساعة فى أوضة نومى مش بعمل حاجة، قاعدة بس، وأنا غلطت فى حق نفسى، وكنت فاكرة إنى بحافظ على بيتى لكنى اكتشفت إنه ماكنش بيت، كانت عيشة فيران أو مصيدة، أنا كنت زى الفار اللى بيدخل المصيدة ياكل حتة جبنة".
وتابعت وقالت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل هامه حب الامتلاك، ومع ذلك فضلت جنبه، وصبرت لأنى كنت بحاول
أنجح الحب ده ومكنتش بحب اتهزم، وأنا بطبعى بكون خدامة الرجل اللى أعيش معاه".
وأضافت شيرين عبد الوهاب: "كنت متكفلة بمصاريف بيته التانى (بيت اهله).. طول عمره مابيشتغلش، وأهله باصين لى فى كل حاجة.. لو عملت أغنية ناجحة أمه هتقول اشمعنى ابنى.. حسام حبيب عاطل بالوراثة
وقالت: "حسام حبيب طلب 10% من أرباح شغلى.. وأنا أتجوز قرد ومرجعلوش تانى.. ومش عايز أعرف حد اسمه حسام تانى ابدا".
وقالت كمان: "أنا استاهل الضرب عشان طلعت قولت مابيخدش منى فلوس.. أنا آسفة للناس عشان كدبت عليكوا، وهتعب عشان أرجع تانى شيرين اللى ضيعتها.. وعلاقتى بحسام عمرها ما كانت حب".
على الجانب الآخر رد الفنان حسام حبيب على اتهامات شيرين عبد الوهاب وقال "هيبقى في إجراء قانوني أنا عمري ما دافعت عن نفسي أو اتكلمت، دا كله كلام مرسل لكن الكلام اللي هرد بيه هيكون بالمستندات، كل حاجة بحضرها"
وبرر صمته طول الفترة الماضية وقال "حفاظا عليها وعلى سمعتها وعلى بيتها مكنتش بتكلم لكن دلوقتي هضطر اتكلم وهطلع الحقايق والمستندات" .
ووسط تصريحات شيرين تناولت إسم الراحل حسن أبو السعود .. وأصدرت أسرته بيانا ردا على ما ذكر، وقالت إنه في ميزان الإنسانية: إيه قيمة الموهبة إذا اقترنت بالإساءة والأذى؟.. التنمر والسخرية من الناس عيب وكمان طالبوا محبيه بالدعاء ليه بالرحمة.