علق الإعلامي عمرو أديب على حالة الجدل المتعلقة بالوضع في أجازة عيد الفطر المبارك، وقال: "الناس الفترة اللي فاتت بتتمنى أن العيد الصغير الدنيا هتتفتح، ويبدو أن أجازة العيد اللي هي كام يوم ورا بعض دي، لن تكون الدنيا مفتوحة، وده من قراءات ومشاهدات، وهيبقى شبه يوم الوعي اللي في شم النسيم، ولكن الغريب في الأمر أن كان في تصريح للفنادق أنها تشتغل، والناس افتكرت أن دي علامة عشان نسافر في العيد، خصوصا أننا بنتحدث عن درجات حرارة فوق ال35 لمدة 10 أيام". وأضاف عمرو أديب، خلال برنامج "الحكاية": "لو في 3 قاعدين على ترابيزة واحدة مينفعش في قانون التباعد الاجتماعي، وواضح حتى الآن أن في فنادق لم تستوفِ الشروط بعد، لكن أنا أشك أن العيد الصغير ده هو عيد السياحة الداخلية، لأن الحالات في ازدياد، وبدون شك الأيام القادمة الأرقام هتزيد أكتر، ومش عاوز أتكلم على الناس اللي بتروح تعمل الكحك في الأفران، والكلام أن ال25% اللي الدولة صرحت بها تم حجزها، والناس اللي مسافرة دي لو الدنيا مقفولة هيتحركوا إزاي؟". وقال عمر أديب: "بالنسبة للناس اللي بتسافر بلادها، هل الموضوع مفتوح ولا مش مفتوح، الأمر ليس سهلا، ولكن لو سألتني أنا هقولك أعمل أسبوع لوعي الوطن، إحنا اليومين دول شوفنا نتيجة الزحمة اللي في داخلة رمضان، طب بالنسبة للزحمة اللي فرمضان هنشوف نتيجتها أمتى وعاملة إزاي، وبالمناسبة إحنا مكناش محرومين كنا بنروح ونيجي والدنيا حلوة". وأضاف عمرو أديب: "في معلومات بتقدمها وزارة الصحة لرئاسة الوزراء ووفقا ليها هتاخد قرار يتماشى مع الوضع الوبائي في مصر، وأنا شايف أننا نصبر شوية على موضوع السفر". وعلق الإعلامي عمر أديب على فيديو لمواطن مصري يمسك ميكروفون في أحد الأسواق المزدحمة يطالب الناس بالتباعد الاجتماعي، وقال: "الناس في أوروبا بدأت تنزل الشارع لأنهم استحملوا أيام صعبة مبيتحركوش من بيوتهم، لدرجة أن بعضهم أصابتهم أمراض نفسية، إحنا بقى العكس، بننزل ونروح وواضح أن الفترة اللي جاية هنفضل حبة حلوين في البيوت، إحنا محتاجين أسبوع وعي". عمرو اديب كورونا فيروس كورونا الحكاية اخبار اجازة العيد الموضوعات المتعلقة حسام حسن: اترفضت فى اختبارات الأهلى وطموحى الانتقال لأحد القطبين الأحد، 17 مايو 2020 01:50 ص بعد توقف شهرين بسبب كورونا .. أندية إسبانيا تعود للتدريبات الجماعية غدا الأحد، 17 مايو 2020 01:49 ص محافظة القليوبية تعلن عزل أعضاء فريق نائب المحافظ لمدة 14 يوما الأحد، 17 مايو 2020 01:47 ص شاهد رسالة طالب بالثانوية لوزير التعليم:"لو عقمت المدارس هتعقم المواصلات؟" الأحد، 17 مايو 2020 01:43 ص إريك ترامب يشكر مؤيدين الرئيس الأمريكى فى مسيرة القوارب بولاية فلوريدا.. فيديو الأحد، 17 مايو 2020 01:41 ص