مصر ياهبة النيل شعبك حر أصيل وانتى أكيد على حبه مش محتاجه دليل شعب مثال للطيبة دمعة عينه قريبة ويقول مصر حبيبة مهما عليا تميل شعب ياخفة دمه يضحك لو على همه ومفيش غيرك أمه ومفيش ليكى بديل حتى الجيب لو فاضى مش بيقول غير عادى حامد ربه وراضى بكتير واللا قليل وقت الشدة اتجمّع صوته يدوى يسمّع قام بشبابه ورجّع نسمة فجر عليل ياللى فى حسنك آية رفعة أسمك غاية رايتك أجمل راية يا أم الحضن جميل مين فى الكون اتصور عصفور ريشه صغير لما يطير ح يغير يمحى ظلام الليل مصر صحيح ولّادة حب شبابها عبادة فاق فى صموده العادة قال أنا أعظم جيل