أسرة "بنات وولاد" تحتفل بعيد ميلاد سلمى صباحى

احتفلت، أمس، أسرة برنامج "بنات وولاد" الذى يعرض على قناة النهار ONE والنهار اليوم بعيد ميلاد سلمى صباحى مقدمة البرنامج، حيث نشرت سلمى على صفحتها على "فيس بوك" مجموعة من الصور أثناء الاحتفال.
وقالت سلمى: "النهارده بعد الحلقة علطول فجأة نور الاستوديو انطفى واشتغلت غنوة (هابى بيرث داى تو يو) ولقيت كل فريق البرنامج داخل ومعاهم تورتة وغنولى وجابولى كارت كبير جدا كتبلى فيه تقريبا كل الناس اللى فى القناة وعروسة كبيرة شكلى بالظبط.. يعنى مش عارفة الصراحة أشكر مين ولا مين بس حقيقى كل حد شارك و لو بكلمة فى الكارت فرحنى جدا جدا جدا وعايزة أشكر الفنانة الموهوبة جدا يسرا عبد الرحمن اللى عملت الكارت والعروسة مع إنى ماشفتهاش خالص لكن حسيت بحبها ليا حقيقى تسلم إيديكى يا يسرا.. وعايزة أقول إنى فعلا محظوظة بالفريق اللى باشتغل معاه من أول الإعداد اللى هما الأقرب ليا وأصحاب كل الأفكار الحلوة لحد الإخراج اللى بيطلعوا الصورة الجميلة اللى بتوصل للناس فى الآخر وأخيرا كل الإدارة والقائمين على قناة النهار حقيقى ناس محترمين وزى الفل وعاملين روح أسرية حقيقية جوا القناة الحمد لله.
موضوعات متعلقة..
- بالفيديو.. صفحة "بنات وولاد" تنشر صورا من فقرة"البلياتشو" على النهار اليوم
- بالفيديو.. أطفال "بنات وولاد" يغنون النشيد الوطنى على النهار