العمر "بعزئة"

بعزء فى العمر كمان وكمان
احسبها سنين او بالأيام
هيفو ت كام سنه و هيفضل كام
إن كان على بكره مش فى الحسبان
شاطر يازمان و برافو عليك
لو تقدر تحذفه من الايام
أو
هاته أوام
انا مش خواف ولا حتى جبان
ده انا كنت زمان
أشجع بكتير من كده يازمان
تايه فى الدنيا وماليش عنوان
وركبت قوارب ياما
وخدتنى كام دوامه
كان ممكن أكون جثمان
و رجعت و مش ندمان
و حلمت كتير أحلام
ده . حلمت
اكون قبطان
علشان فى سفينتى أكون
آمن على نفسى يوم
و حلمت الف الكون
و أرجع لحبيتى و أعيش
وأعيش لآخر يوم
واخد لقب المرحوم
ويقولوا عليا
كلام ..........
ينفع يعمل أفلام
وتقولى العمر بكام!!!!!!
بعزء .. بعزء
يازمان
ترض لى أعيش مظلوم
أو قلبى يبات مهزوم
متهور أو مجنون
مش هرمى عليك اللوم
وأسب و أقول ملعون
لما العمر فى لحظه يهون
لما ينام و ينام الكون
و يفضل قلبى انا مسجون
عارف ليه ؟
انا مش ندمان
علشان مره
حلمت زمان
بس الحلم مكانش جبان
كان نفسى أعيش . و أموت انسان
كانوا بيقولوا النوم سلطان
بس خلاص ما بقاش ده كمان