شاهد شاف كل حاجه وعشان ماهو شاف أصبح بيخاف بيخاف من الضل ما الخوف بيذل شاف جوه بلاده سجنه وجلاده مبقاش بيحس باين على الوش مهموم البال وحموله جبال بيلف يدور من جوه السور فكر يرتاح يطلع له صباح سافر لبعيد لقى نفسه وحيد والغربة تزيد ملقاش ولا أيد تتمد إليه والهم شديد ونيران بتقيد مبقاش فى جديد يتونس بيه حس إنه شريد لاجئ وطريد وبلاده بعيد مع إن تاريخه بيقولوا مجيد طب يسأل مين وازاى ومنين وطريقه لفين وحنينه لمين وفى غمضة عين عاد تانى لأرضه بهواه وبوده يستقبل وعده لقى نفس السور عمال بيطول مسجون جواه داير فى حياة بتموت وياه أحلام وسنين عن حضن بلاد أصبح كرباج وبيجلد فيه وأن فكر تانى يرحل هيعانى ويعود فى ثوانى يبدأ مشوار فى الخوف والذل وحنين بيقل مستسلم ليه * مفتش أثار