"يوميات شاب مهزوم".. مقالات من الواقع

صدر مؤخرا عن دار فكرة للنشر كتاب بعنوان "يوميات شاب مهزوم" للكاتب "سيد عادل"، والكتاب الذى يقع فيما يقرب من 160 صفحة من القطع المتوسط، عبارة عن مجموعة من المقالات الساخرة التى كتبها "عادل" بالعامية المصرية ويسخر فيها من بعض الظواهر والقضايا فى المجتمع المصرى.
ففى مقال يحمل اسم "عيش اللحظة" يسخر الكاتب من فكرة الموسمية التى يتعامل بها الشعب المصرى مع الأحداث والقضايا التى تواجهه فيقول "يعنى مثلا النهاردة ضرب غزة يبقى إحنا كلنا غزة بكرة ضرب لبنان يبقى كله لبنان إمبارح كان ضرب العراق يبقى كلنا عراق، والناس تطلع تصرخ وتنبح فى صوتها وتطلع فى مظاهرات وتشجب وتدين وتعيط، نفس الشىء إللى بيحصل فى التلفزيون لما آجى أفتح ألقى آمال ماهر بتغنى "عربية يا أرض فلسطين.. أعرف أن فلسطين بتنضرب".
وفى مقال آخر بعنوان "الواسطة فى المصالح الحكومية" يقص لنا يوم له فى إحدى المصالح الحكومية وعقبات الروتين فقال"كنت رايح أطلع تقرير طبى كانوا محتاجينه عشان التعيين وقالولى هات لنا شهادة صحية مختومة من عمنا النسر، وأبويا قالى إنه يعرف واحد هناك اسمه الدكتور ممدوح هوا دبلوم تجارة بس بيقول على نفسه دكتور، قلت لأبويا: واسطة لا يا بابا، وبعد ما دخلت المستشفى لقيت الدنيا زحمة ورحت عند عم ممدوح وقلتله مش عاوزك تخدمنى أنا مبحبش الواسطة أنا عايزك تقولى أعمل إيه عشان أطلع تقرير طبى رد عليا وقاللى: تدور على واسطة!