معتز عبد الفتاح: 6إبريل هتعارض أى رئيس.. وإحنا مش عايزين فوضى

علق الدكتور معتز بالله عبد الفتاح، على الحكم الصادر من محكمة القاهرة للأمور المستعجلة، بحظر نشاط حركة 6 إبريل ومصادرة مقراتها بقوله: «حركة 6 إبريل اختارت أن تكون على شمال أى سلطة».
وأضاف معتز عبد الفتاح فى حلقة برنامج «باختصار»، الثلاثاء، على «المحور»: «6 أبريل تبنت موقف إنها تكون دائما على شمال السلطة، وهتعارض أى سلطة توصل للحكم، ولو جالهم نبى هيعارضوه».
وطالب معتز عبد الفتاح الحركة بعمل حزب سياسى، قائلا: «اعملوا حزب وخدوا خطوة لقدام وادخلوا تحت مظلة الدولة علشان محدش يقولكم إنكم خونة وعملاء"، مطالبا المرشحين لخوض الانتخابات الرئاسية ب«عدم ارتكاب أخطاء تجعل التعاون بينهم مستحيلًا الفترة المقبلة».
وشدد على ضرورة التحام المشير السيسى الممثل لبقايا الدولة، مع المرشح حمدين صباحى، الممثل لبقايا الثورة، لتحقيق أهداف ثورة 25 يناير، مضيفًا: «إحنا عايزين التزام بالقيم والأخلاقيات، عايزين بقايا الثورة تلتحم مع بقايا الدولة، لا عايزين ثورة تانية ولا فوضى، عايزين نحقق أهداف ثورة 25 يناير ولازم توصل للدولة ».