مسرحية تجريبية جديدة فى مصر عن هموم وأحلام الجيل الجديد

تناولت فرقة مسرحية مصرية مشاكل المجتمع والسياسة التى يواجهها الجيل الجديد فى البلد من خلال عرض تجريبى كتبها وأخرجها الفنان الشاب شادى الدالى.
المسرحية بعنوان (حلم بلاستيك) وأخرجها الدالى لفرقة (أتيلييه الممثل) وعرضت فى الآونة الأخيرة بمسرح الطليعة فى القاهرة.
وقال شادى الدالى لتلفزيون رويترز "أهم حاجة كنت عاوز أتكلم فيها فكرة الواقع اللى بقى صادم جدا وبقى مميت لأى حلم وبقى بيحول أحلام الشباب الجميلة لما يشبه الكابوس. العرض أسود فى الحقيقة وغامق شوية ولكنه كوميدى فى نفس الوقت. ودا نوع المسرح اللى بأحب أشتغل فيه.. الكوميديا السوداء."
أسس الدالى فرقة (أتيلييه الممثل) عام 2010 وقدمت منذ ذلك الحين عدة عروض مسرحية هى الفاشلون (2010) وأوبريت الدرافيل (2011) وضحك السنين (2012) وصنع فى الصين (2013).
يستعين الدالى كثيرا فى أعماله المسرحية بأسلوب الارتجال التى تختلف كثيرا عن الشكل التقليدى للأعمال المسرحية.
وقال المخرج "المسرح محتاج تجريب.. الفن عموما محتاج تجريب وإلا مش ح نتحرك لقدام. يعنى حتى شكل الدراما فى المسرحية مش الشكل المعتاد.. مش الشكل الكلاسيكى المعتاد خالص. طريقة الكتابة.. طرق التمثيل.. أنا بأجرب فى كل حاجة.. فى التشكيل فى الفراغ.. فى الفوتوغرافيا.. فى الملابس.. فى الإضاءة.. بنحاول نجرب على قد ما نقدر لأن دا اللى ح يخلينا نعرف احنا ماشيين ازاى."
وتتناول (حلم بلاستيك) العديد من القضايا مثل الهجرة من مصر والبطالة والتحرش الجنسى.
وقال الممثل الشاب محمد مسعد عضو الفرقة "إحنا دائما بنلعب.. على حتة.. الإحباط. لأن إحنا مش بنحب نعمل نوع المسرح اللى هو نقعد نجمل فى الحاجات وبدل ما نتكلم مثلا فى قضية مثلا تحرش فنقول يا جماعة خذوا بالم ما تتحرشوش بالناس.. ما بنحبش نناقش الموضوع بالطريقة دي. احنا بنحب أننا نضغط على.. زى ما بيقولوا.. الوتر الحساس. اللى هو لو حاجة بتضايقك أنا ح أفضل أكلمك فيها عشان تفوق."
تتكون المسرحية من عدة مشاهد قصيرة يناقش كل منها قضية مثل السعادة والحرية والديمقراطية.
وذكرت الممثلة رندا عصام عضو (أتيليه الممثل) أن المسرحية نالت إعجاب الجمهور رغم أسلوبها التجريبي.
وقالت "الناس انبسطت بالعرض جدا لأن كلهم عاشوا المواقف دى وما حدش تخيل أن ممكن حد يتكلم عنها بالانفتاح دا ويقول فعلا مشاكله زى التحرش أو فكرة أن العالم إلى حد ما وهمى وكل الفلوس متحكمة فى كل حاجة. فعشان الموضوع عميق (بالانجليزية) قوي.. يعنى جاى لنا من جوه فالناس فعلا أحسته لأن كلها مرت بالمواقف دي."
عرضت (حلم بلاستيك) للمرة الأول فى يونيو فى العاصمة الألمانية برلين. كما سبق عرضها بمسرح الطليعة فى أكتوبر على مدى 49 ليلة عرض.
ومن المقرر أن تعرض المسرحية بإمارة الشارقة من 10 إلى 13 يناير.