رغم الظلام..يولد الأمل

الولْد مات..والوقت فات..والعار راكبنا للممات.. عايشين فى ليل أسود طويل.. ولا شكله ماشى..ولا عنده نية للرحيل..حتى النجوم هربت وحلفت..لم تنور يوم طريقنا للهلاك..ما الولْد مات والوقت فات والعار راكبنا للممات.
مسرح كبير والمسرحية محزنة.. واحنا لزقنا فى الكراسى.. واكتفينا بالدموع على كام صوان على محزنة.. يا قلب قاسى يا عقل مستغبى وعامل فيها مش فاهم وراسي.. لا الأرض ترجع بالبكا.. ولا دمع يغسل ألف عار آااااه.
يا حزن رابض جوة جوفنا مش لاقى فرار غيّر أماكن غيّر قلوب روح قلب تانى يمكن تلاقى هناك أمانى فرح وزهور عدّى ربيعها وانت الخريف تيجى تجور.. امتى تغور؟ ناوى تأبد والا إيه؟ امتى نبطل يوم صراخ؟ امتى نقوم؟ امتى نشوف يوم السما من غير غيوم؟ وارجع واقول رغم الظلام لسة الأمل ساكن فى جوف الليل شايفة شعاع الشمس جاى من بعيد اجروا عليه حاولوا تجيبوه لو غصب عنه اجبروه كفنو الولْد اللى مات والحقو الوقت اللى فات واغسلو بيه الف عار قبل يؤون الممات وابدأو اليوم الجديد.. من غير غيوم.