يارب

باب رحمتك مفتوح على البحرى
كبير وواسع أوى للى يتوب مُغرى
وأنا فى باب رحمتك شايل ذنوبى كتير
قالولى ادخل ياريتك كنت جيت بدرى
......
يارب لاجل النبى اهدى لنا الإخوان
وخلى مصر الهدف ليهم ولينا كمان
وخلى حب الوطن فى دمنا يجرى
وحد صفوفنا وبارك فينا زى زمان
......
يارب واللى يخون اقفل فى وشه الباب
واللى يسوق العوج اجعل حياته هباب
واللى يشيل السلاح للمسلمين ابليه
ببلوة متسيحة تجيله على الطبطاب
......
و(السيسى) لاجل النبى تفتحله طاقة نور
علشان زعيم محترم وقام بأكبر دور
لولاه يارب ما كانت نجحت الثورة
وكان زمان الوطن فى إيدين رئيس مغرور
......
يارب يا منتقم إحنا أملنا فيك
تقصف رقاب الغجر والمجرمين بإيديك
وادخلنا فى رحمتك من أوسع الأبواب
يارب اقبل دعانا إحنا توكلنا عليك.