"نفسى اعرف مرسى بيفكر فى إيه".. "هاش تاج" يشعل "تويتر".. ناشط: أكيد بيفكر فى "الشرعية والصوابع".. وآخر: يا ترى هيجيبوا طيارة أروح بها ولا "توك توك"..ومستخدمون يرفضون التعليقات: مرسى مابيعرفش يفكر أصلا

مع اقتراب محاكمة الرئيس المعزول محمد مرسى، قام نشطاء على موقع التواصل الاجتماعى "تويتر" بتدشين هاشتاج ساخر يحمل عنوان "نفسى اعرف مرسى بيفكر فى إيه دلوقت" فى محاولة منهم لمعرفة ما يمكن أن يشغل بال المعزول فى الوقت الحالى، وقد بدأ النشطاء فى التخيل بطريقة كوميدية كعادتهم عبر تغريدتهم، وقد احتوى الهاش تاج على تعليقات ساخرة.
وجاءت أبرز التعليقات الساخرة: "أكيد بيقول أنا الرئيس الشرعى.. وبيفكر فى الصوابع والشرعية.. وبيحقد على العريان"، بينما رفض البعض هذه التعليقات من الأساس، معللين ذلك بأن "مرسى مابيعرفش يفكر أصلا".
وقال أحد المعلقين: "أكيد مرسى بيفكر ويقول هما هيودونى المحاكمة بطيارة زى مبارك عشان محدش يعرف يهربنى ولا هيجبولى تكتك أروح بيه"، وأضاف آخر "بس مبارك ولاده جانبه بيكلموه من وقت للتانى فى المحاكمة أنا محدش هيتكلم معايا"، وأكد آخر أن المعزول بيفكر فى "منحدر الصعود ماكنش قابل للانضغاط لأنه ماشى بسرعة 56734 وفجأة توقف أمام الحارة المزنوقة"، فيما قال آخرون "المعزول" بيفكر فى "عدد الصوابع دلوقتى ومتأكد أن الحق أبلج والباطل لجلج.. وبكره حيشوفوا الانقلابيون".
وقال آخرون فى إطار الهاشتاج أكيد بيقول "الله يخربيتك ياخيرت أنت وبديع والبلتاجى كنت عاوز ألف العالم كله، ومش مهم أحكم مصر بس أحس إنى مشهور"، وتعليق آخر يقول "يارب عاشور بتاع الشرقية مايكنش معايا فى عنبر وياترى لو عاشور بلديتى شافنى هيعمل فيا إيه دلوقتى"، فى حين ذكر آخرون أنه "أكيد بيفكر فى كيفية قيام المرشد بإخراجه من السجن"، وتابع أحد النشطاء قائلا "المعزول بيفكر ويقول أنا الشرعية أنا الصندوق دا أنا اللى عملت كوميديا الخطابات ومحدش عرف ينافسنى".