نصيحة

امشى عدل تحتار كل الأعادى فيك
يحبك كل عدو وبسيدنا دايما يناديك
بلاش طمع حط إبليس تحت رجليك
خليك زاهد شيل الغلابة جوه عنيك
خاف ربنا ورطب بذكر الله شفتيك
زور قبر الحبيب محمد تأمله بعينيك
اطلب الهدى وبإخلاص ربنا يهديك
دموعك تسبقك ارفع للرحيم إيديك
من كل المحن والعثرات ربنا يفديك
ورضا وسعادة وراحة البال حواليك
بركة الرزق ومن الآه ربنا يشفيك
وآخرة فى نعيم الجنات منه ترضيك
هناك حياة تانية والنعيم ملك إيديك
وحور العين جمال يقول شبيك لبيك
الدنيا فانية وكل خير الجنة مستنيك
قابل ربنا بقلبك الطاهرالجنة تناديك
خللى حب الوطن روحك سكنه فيك
ازرع انتج ابنى الخير لمصر وليك
كل الأمل معقود على العرق وعليك
خلى السماح قبلتك والرحمن يهديك
حط قلبك فى الجامع هتسبقك رجليك
صدقنى بإخلاصك ربنا يرضى عليك
امشى عدل تحتار كل الشياطين فيك
***