ترانيم مصرية..!

مصريين....
وبنحمل فوق أكتافنا
أطنان هم 00
نبدأ يومنا فى هم وغربة
وننهى اليوم .. شكوى وآآن
وبين الاثنين .. نحمل (مزة)
فيها دموعنا
أم الخمر ..فى كاسات ذ ل
وأخر السهرة نحمل روحنا.
ونكبت رغبة
م التنشيف عمالة( بتأن)
وعبر الراديو..
يجى لافندى..
لابس جاكسون..يفطر بسكت
وبا وباما ..
قال يستنجد
حد يعلق..أو يتكلم..!!
فين الحس..
رجالَ (.......)
ويقول مصر بلادنا
متاع لولادنا..
ولو مقبول..
إحنا .. أسيادكوا..!
فاكرين الثورة..
(هتسيدكوا)...؟!
إحنا بنملا..
كل أقلامكوا..
تكتب.. تقرا..
أوعى تصد ق
أن الثورة ..هتصول لينا
ولا الشعب المصرى
دا كله..!!
هيملىً عنينا..
إحنا السادة والبشوات
دنيا وآخرة
جو (الطربة)
أوع النخلة..!
ولا صاحبنا لو مش مصرى
قال يتمنى يصبح مصرى
طول ما بيركب فوق الموجة
تبقى المركب ماشية ياعم
والمصرى هيفضل مصرى
طول م الدنيا مليان هم
يا مصر ....!!
ردى ولادك
دا الغربة جراحة
نرحل سنين وسنين
(ماد قنا) أبدا راحة
ياحب ومعذبنا
دا عذابنا فيك راحة
ياشوق وبيغلبنا
يافرحة سواحة
دحنا عذابنا كتير
وألمنا (بسبورات)
محسوب عليها جراحنا
وأحزانا تأشيرات
والغربة هى عذابنا
ودوانا فى السلامات
تحرم علينا ياغربة
البسمة والضحكات
طول مانت يا مصر بعيدة
وهواك ييجى فى جوابا ت
هاتلى الحزن
ويا سيجارة
وهاتلى معاهم
واحد شاي...!
نشرب ذل الأيام الجاية
ونعيش عمر من الأوهام
ولا تسأ لنى فى شىء من بكرة
وسبنى أعيش اليوم دا بطول
واسمع حكمة
قالوها أسيادنا
متفكرش بكرة وبعدٌ
هتعيش عمر
سعيد وتعيس
اخلق يومك...!
مهما تكون الأيام قاسية
ارسم بسمة من جواك
نشف دمعك..!
واعلم إن الوردة0
مبتحلوش غير.. بالشوك
ونشف دمعك. ...!