«مبارك»: السعودية عرضت 6 مليارات جنيه على «طنطاوي» لخروجي من السجن.. الرئيس الأسبق: «العريان الأهبل بوظ علاقتنا بالإمارات».. حمد بن جاسم «دلدول» و«حرامي».. قطر «ملعونة» وولاد «...».. والإخوان مغيبون

واصلت الزميلة «اليوم السابع»، نشر تسجيلات صوتية للرئيس الأسبق حسني مبارك، كشف خلالها عن عرض السعودية 6 مليارات جنيه، على المشير حسين طنطاوي، وزير الدفاع رئيس المجلس الأعلى للقوات المسلحة السابق، مقابل خروجه من السجن، وأوضح أن القيادي الإخواني عصام العريان وراء توتر العلاقات بين مصر والإمارات أثناء حكم الرئيس المعزول محمد مرسي، كما وصف مبارك رئيس الوزراء القطري السابق بحرامي الدوحة.
وكشف الرئيس الأسبق حسني مبارك، أن السعودية عرضت 6 مليارات جنيه على المشير حسين طنطاوي، وزير الدفاع رئيس المجلس الأعلى للقوات المسلحة السابق، مقابل خروجه من السجن.
وفي التسجيلات الصوتية التي تنفرد بنشرها الزميلة «اليوم السابع»، يدور حديث بين الرئيس الأسبق وطبيبه الخاص حول الدور الخليجي في الثورة ورحيل مبارك وطلب استضافته بعد تنحيه عن السلطة يوم 11 فبراير؛ إذ حكى له طبيبه الخاص عن صديقه القريب من أبناء الشيخ زايد ملك الإمارات العربية الشقيقة وإعرابهم عن الأسى والحزن للحال التي وصل إليها مبارك وتعامل شعبه معه.
يقول الطبيب: «ليا واحد صاحبي قريب من ولاد الشيخ زايد اد إيه حزنانين من اللي بيحصل»، ويتابع: «أنا عرفت انهم عرضوا عليك مبادرات أنك تروح هناك»، فيرد مبارك: «أه السعودية مرة بعتت للمشير طنطاوي وعرضوا 6 مليارات دولار علشان اخرج وكانوا عايزين يعلنوا ده»، فقاطعه الدكتور: «وأظن بتوع الإمارات عرضوا حاجة زي كده».
«الإمارات بتعزني جدا».. هكذا عبر الرئيس الأسبق حسني مبارك، عن تقدير دولة الإمارات العربية المتحدة له ولدوره، مؤكداً في الوقت ذاته أن تدهور العلاقات بين مصر والإمارات في عهد الرئيس المعزول محمد مرسي، لم يكن بسبب ذلك، وإنما تصريحات القيادي الإخواني عصام العريان.
«علشان كده حاصل توتر في العلاقات بينا وبينهم بسبب وجود حضرتك في السجن»، يقول طبيب مبارك الخاص، فيوضح مبارك: «لا بسبب الأهبل اللي اسمه عصام العريان، المصريون في الإمارات أحسن ناس بيتعاملوا انا فاكر الشيخ زايد يقولوله عايزين وزير يقولهم هاتوا من مصر عايزين مش عارف ايه هاتوا من مصر كل حاجة هاتوا من مصر قدامي».
وتابع: «اللي اتقبض عليهم هناك خلايا نائمة كلهم، عندنا 400 الف مصري هناك عايشين بقالهم زمن تيجي تبوظ علاقتنا بالإمارات»، يرد الطبيب: «انا عارف علاقة حضرتك بالشيخ زايد كانت علاقة قوية» فيرد مبارك «جدا كان عندي لما صدام حسين ضرب الكويت كان عندي الصبح في 1991 قولتله صدام بعتلي 25 مليون دولا علشان ضرب طيارة وقعها بقوله رجعهم قالي لا خليهم في البنك المركزي»، فاستوقفه طبيبه الخاص وسأله «مين اللي كان باعت ال25 مليون دولار دول؟»
فرد: «صدام اللي كان بعتهملي علشان ضرب طيارة تدريب وقعها بالخطأ كانت ريحاله وكانو خايفين يطلع من الكويت يخش على الامارات والسعودية»، يقاطعه الطبيب: «كان محترم أوي الشيخ زايد» فيرد مبارك «اوي اوي.. أي حاجة كنا نعوزها عمره متأخر عننا.. نبعت نقوله فيه مركب غرقت بيعتلنا مركب بداله، ويستكمل الطبيب «علشان كده ولاده بيحبوا حضرتك خالص».. فيرد مبارك «أه جداً».
كان القيادي الإخواني البارز الدكتور عصام العريان ، قد أثار أزمة سياسية بين مصر والإمارات علي خلفية تصريحات هاجم فيها المسئولين الاماراتيين في مجلس الشورى في إبريل الماضي.
وامتنع الرئيس الأسبق، عن التعليق على نقل السلطة في قطر، من الأمير حمد بن خليفة آل ثاني لابنه الأمير تميم، ولكنه أفصح في حديث مع طبيبه الخاص عن رأيه في رئيس الوزراء وزير الخارجية القطري السابق حمد بن جاسم.
سأل الطبيب المعالج الرئيس الأسبق عن «حمد بن جاسم رئيس الوزراء ووزير الخارجية شخصية قوية هيعملوا معاها إيه؟»، فيرد مبارك «الشيخة موزة مبتحبوش.. هتسيبه شوية وهتشيله لأنه الدلدول بتاعهم».
ويتابع مبارك: «أنا كنت راكب معاه العربية مرة وقلت له أنت حرامي الدوحة»، فقاطعه الطبيب «ده علي حمد؟!» أجاب مبارك «آه أنا كنت مسميه كده» فيستفسر الطبيب «طب الأمير مخليه ليه طالما هو حرامي ومش مبسوطين منه؟!! يجاوب مبارك: «دي مسألة وقت وكلهم كده».
كانت العلاقات المصرية القطرية قد مرت بمراحل مفصلية منذ أن تولي الشيخ حمد بن خليفة آل ثاني وحتي اليوم الذي أفصح فيه الشيخ عن عزمه تخليه عن الحكم لولي عهده تميم بن حمد آل خليفة؛ إذ انقسمت العلاقات بين القاهرة والدوحة إلي مرحلتين الأولى قبل ثورة 25 يناير حيث ساد التوتر مع نظام حسني مبارك حتى وصلت الي حد تجميد العلاقات والزيارات، ثم مرحلة ما بعد الثورة ودعم الدوحة لها منذ اليوم الأول وفتح الأبواب لها أمام معارضي النظام.
وانعكس الموقف القطري المعادي لثورة 30 يونيو دون غيره من دول الخليج، على آراء مبارك؛ إذ يقول في التسجيلات الصوتية: «الخليج كله واقف معانا ما عدا الملعونة قطر».
«دول ولاد كلب بيصرفوا علي الإرهابيين».. يرد «مبارك» بهذه العبارة حينما قال طبيبه الخاص «دول بعتوا شحنه غاز امبارح»، في إشارة إلي شحنه الغاز التي أرسلتها قطر لمصر مؤخراً،.
يرد الطبيب «ده كفاية قناة الجزيرة.. دي يعني حاجة قميئة كلها كذب.. ده في أول يوم في فض اعتصام رابعة يقولك 1200 قتيل والعيال بتوع الإخوان مابيشوفوش غير الجزيرة»، يعلق مبارك: «لا أنا مبشوفش الجزيرة خليهم يجيوا هنا مش هيشوفوا حاجة خالص»
ثم يضحكوا جميعا.
يستكمل الطبيب حديثه قائلا: «قابلت واحد من الإخوان في المستشفى الأسبوع اللي فات فبقوله يا بني بطل تتفرج علي الجزيرة فرد قالي ده اللي بتجيب الحقايق بس.. ده حنا مغيبين»، فيرد مبارك «دول مغيبين».
يعود الطبيب للحديث «ربنا يسترها بس أنا تصوري إن الدنيا بدأت تهدى شوية وبقي في كنترول» فقال مبارك «هتاخد وقتها وهتهدي هي البلاوي لما بتتلم كل حاجة بتخلص»، فيجيب الطبيب: «اه زي أيام ما كان بيحصل ايام حبيب بيه برضه بس ضبطت بعد كده وهما ناويين زي حكمدار مطروح ده قالي احنا مش هنسيب حد زي ما بنقول خبطة بالمطرقة ولا 10 بالشاكوش.. يلموا الناس ديه كلها الجميل بقى إن الناس كمان ما بقتش متقبلاهم خالص.. فحالة الناس نفسها قرفت إن شاء الله مصر تبقي احسن لأنها بلد تقيلة وجميلة».