أسماء محفوظ: مرتضى منصور "كذاب" و"مزور".. وأنتظر رد القضاء

اتهمت الناشطة السياسية أسماء محفوظ، اليوم السبت، مرتضى منصور بالكذب والتزوير، مضيفة أنها تنتظر رد القضاء لإثبات عمالتها أو تكذيبه.
قالت "أسماء" في تدوينة لها عبر صفحتها بموقع "فيس بوك"، اليوم: "لماذا لم يتم استدعاؤنا والقبض علينا، الناس اللي عمالة تبعتلي تقولي ردي على مرتضى منصور؟؟ أرد عليه بإيه؟
وذكرت: "طب هو كداب ومزور وجايب شوية ورق أي عيل ممكن يكتبه ويقول عليهم بالمستندات وسي ديهات، طيب الكلام ده من قبل الثورة والمخابرات سايبانا كده عادي؟؟ بنسافر إسرائيل وقاعدين مع رئيس المخابرات والمجلس العسكري كان بيقعد معانا كده عادي؟؟؟".
كما أكدتك: "طب في حفلة القضاء على الإرهاب النظام ليه مقبضش علينا ونشر كل الوثائق دي ليه؟؟ ليه قعد مع كل الناس المتهمين بالعمالة؟؟؟ لو في قضية فعلا ليه مفيش تحقيق؟ ليه متمش استدعائنا؟؟".
وقالت: "ليه تاعبين نفسهم أوي كده وكل يوم يسرحوا علينا واحد يتكلم علينا في الإعلام؟؟؟ المفروض بقى إني أطلع أرد عليه واشتمه عشان أبقى كده بطلة ورديت الإهانة؟".
وذكرت: "أضيع وقتي ومجهودي ليه مع واحد زي ده؟؟؟ انزل لمستواه ليه أصلا؟ أنا عموما مستنية رد القضاء يا يثبت عمالتي يا يثبت كدبه، واللي مضايق يضغط على القضاء عشان يسرع الإجراءات.. خلص الكلام".