بعد البوست الجارح، محمود الليثي يكشف لفيتو حقيقة تجدد خلافه مع رضا البحراوي

كشف المطرب الشعبي محمود الليثي حقيقة تجدد خلافه مع المطرب رضا البحرواي، وذلك بعد تعرضه للإساءة من قبل "البحراوي" على مواقع التواصل الاجتماعي وذلك بعد خلافات كبيرة كانت بينهما خلاف الفترة الماضية وانتهت بالصلح بتوقيع مصطفى كامل نقيب المهن الموسيقية.

حقيقة خلاف محمود الليثي ورضا البحراوي
وقال محمود الليثي في تصريح خاص لفيتو: "ما حصلش حاجة خلاص والموضوع خلص ومفيش أي شيء بيني وبين رضا البحراوي".
وعاد المطرب الشعبي، رضا البحراوي، ليثير الجدل من جديد، وذلك باتهام أحد المطربين بسرقة الألحان، والهجوم عليه.
وكتب "رضا"، عبر حسابه على موقع التواصل الاجتماعي "فيس بوك": "ياجدع اتكسف على دمك.. لا بتعرف تغني ولا ليك فيه"
وتابع رضا بقوله "أنت آخرك تسرق اللحن من المطربين أنت أكبر حرامي يا أصفر بس ربنا مش على كيف حد إن شاء الله هتسمع حاجة كمان ساعة".
وواصل رضا هجومه بقوله: "أنا بيصعب عليَّ الشخص الهاي كوبي اللي فاكر نفسه أوريجينال".

وعكة صحية مفاجئة ل رضا البحراوي
على الجانب الآخر، كان المطرب الشعبي، رضا البحراوي، قد تعرض لوعكة صحية مفاجئة، الأسبوع الماضي أثناء جلوسه في منزله، وذلك فور الانتهاء من عمله.
وقال أٌقارب البحراوي ل "فيتو": إن حالة البحراوي مستقرة، وسيخرج من المستشفى فور إجراء بعض الفحوصات الطبية.
ورافق رضا، في المستشفى كل من شقيقه سيد البحراوي، ومدير أعماله أحمد جلال، وابن شقيقته عمرو البحراوي، وذلك من أجل الاطمئنان على حالته الصحية.
من ناحية أخرى، كان طرح المطرب الشعبي رضا البحراوي، أغنية جديدة باسم "أنا الحدوتة"، وذلك على اليوتيوب، وجميع المنصات الرقمية.

أغنية "أنا الحدوتة"
وتعد أغنية "أنا الحدوتة" من كلمات محمد عنتر، وألحان رضا البحراوي ومصطفى حجاج، وتوزيع موسيقي محمد حريقة، ومن إنتاج "هاي ميوزيك" طارق عبد الستار، وتوزيع شركة "ديجيتال ساوند".

كلمات أغنية أنا الحدوتة
وتقول كلماتها: انا الحدوتة اللى شغلاكم وتعباكم بقالها سنين
مسلك نيتى ليكم وانتو مش سالكين
بتناموا تقوموا على سيرتى.. كلام يتقال وانا فى غيبتى
ده ميقللش من هيبتى
ولا يعملكوا بنى آدمين
عمال تقول انا ورق حطيت عليك كام سنة
ابو غل من غله أونطة فى الجدعنة
فاهم الرجولة غلط
معووج عايز يتظبط
فاضى وآخرك هوا
زى اللى كبر اتعبط
رايح وجاي تترسم.. ماشية معاك بالعشم
اكمنى حارقك أوى.. قلبت معاك بالغشم
ياعم فووق واصطبح
ده الغل منك طفح
أصفر وسِمَّاوى
تايه وعامل شبح
النجم فوق فى السماء
معروف صحيح انما
من فترة مش باين
زى الفاضى واترمى
اعمل حساب واقعتك
هو انت فين شغلتك
كرهوك عشان كداب
و فى حتة مش حتتك
حراق عليك بالقوى
منى كمان مستوى
احنا اللى مشغلناش ولا ضعيف ولا قوى
البابا ودى شغلتى
حبة عيال تتلغى
بشوط اللى بييجى
بييجى على سكتى
سمعت عندك انا
بقالى شوف كام سنة
راحت عليك يا زميلى
فبلاش تقول انا وانا

التفاعل مع الأغنية
وبعد طرح الأغنية على يوتيوب أصبحت من المحتوى الرائج من فئة الموسيقى وحققت الأغنية نسبة كبيرة من التفاعل والإقبال لمشاهدتها عبر موقع الفيديوهات الشهير «يوتيوب»، وتخطت ال40 ألف مشاهدة في 6 ساعات فقط بعد طرحها.

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.