عمرو أديب: 15% انخفاضا في سعر الدولار بالسوق الموازي

سعر الدولار اليوم، قال الإعلامي عمرو أديب:"النهارده وامبارح اللى حاصل في الدولار كان مفاجأة للمضاربين، ونزل سعره في السوق الموازي والجنيه اتحسن شوية".

انخفاض سعر الدولار اليوم
وتابع خلال برنامج"الحكاية" المذاع علي قناة "ام بي سي مصر":"الدولار انخفض سعره في السوق الموازي من امبارح للنهاردة ما بين 10 الي 15%، هل النزول ده مستمر بكرة وبعده؟ معرفش، هيرجع تاني ينخفض الجنيه؟ معرفش، هل سعر الدولار هينط؟ انا معرفش، والأهم نوضح للناس احنا في أي مرحلة والمفترض نعمل ايه، مينفعش الناس تصحى الصبح تتفاجئ بأي حركة او قرار، فيه قنوات مهمة زي مجلسي النواب والشيوخ ناخد رأيهم، وسؤالي الأهم لو الدولار نزل اكتر هل أسعار السلع هتنزل ولا انتوا يا تجار متعرفوش بس الا الصعود والطلوع في الأسعار ولو الدولار نزل وانتوا منزلتوش أسعار السلع بتاعتكم يبقى انتم كنتوا بتشتغلونا".

السبب وراء انخفاض سعر الدولار

ولفت:"بعد الاتفاق مع صندوق النقد الدولي يقولون إن المضاربة علي الدولار قاربت علي نهايتها، يبدو أن الناس اللى ضاربت ووصلت الدولار لرقم كبير وعمل 10 جنيهات فرق عن البنك داخل بيبيع وحاسس إنه ممكن ميجيبهمش تاني وده اللى حصل في انخفاض سعره وأيضا هبوط سعر الذهب اليوم".
سعر الدولار
مرونة سعر الصرف
انخفاض سعر الدولار، وأشار:"اليومين التلاتة اللي جايين دول منعرفش ايه اللى هيحصل في سعر الدولار امام الجنيه، ولكن صندوق النقد قال في بيانه انه ينتظر الدولة المصرية او البنك المركزي يحافظ علي مرونة سعر الصرف أي انه غير مقتنع بالسعر الحالي للدولار في البنوك، وبيتقال انه يوم الخميس الجاي فيه اجتماع للبنك المركزي وبيتقال انه في الغالب هيرفع سعر الفائدة".
بيع أصول الدولة
وتابع:"الفلوس اللى جاية من صندوق النقد الدولي ليس حلا ومش هتطلع البضاعة اللي في الموانئ، ولكن مصر بحاجة الي حلول أخرى، ولكن بيان صندوق النقد الدولي قال ان مصر هتحصل علي مبالغ اضافية تقدر ب14 مليار دولار عبر شركاء التنمية ودول الخليج وسيتم بيع أصول مملوكة للدولة، وبما اننا هنبيع اصول تملكها الدولة السؤال المطروح ايه الأصول اللى انت محتاج تبيعها؟ والحكمة تقول اني مقربش من حاجة مهمة أوي والناس بتحبها وتعتبرها مملوكة للشعب، يعني مثلا احنا في قطاع الاتصالات عملنا استثمارات قوية ولو جئت وبيعت كتير هيشتري بيع منه انت عايز منه ايه، عندنا الشرقية للدخان ممكن نبيعها هي ليه الدولة عندها شركة سجاير؟ انت ليه عايز شركة دخان وموبايل؟ انت هتبيع اصول هتبيع اصول وهنا يجب انتقاء الأشياء اللى نبيعها".

انتقاء أصول الدولة المباعة
وأكمل:"نحن في الأمان ونوفي التزاماتنا كدولة ولكن يجب ان نلعب ورقنا صح الفترة اللى جاية وده عارفه كل المسئولين في المالية والبنك المركزي، واحنا معندناش حرية نعمل حاجات كتير ولكن عندنا مرونة في التعامل في مسألة بيع اصول الدولة، ولو عرضنا شركة الشرقية للدخان وشركة الموبايل بتاعت الحكومة هنلاقي طوابير جاية تقف تشتري، انت ليه كدولة عندك شركة موبايل؟ هتعمل بيها ايه كفاية انك عندك الأرضي والإنترنت".
الدولار في السوق السوداء، الارتباك يسيطر على المضاربين وإجراءات المركزي تهدئ الأسواق
بعد واقعة مجلس النواب،عمرو أديب: من حق الناس تطالب برحيل الحكومة (فيديو)
أسعار الدولار اليوم في السوق السوداء، تشهد حالة من الارتباك الشديدة نتيجة التحركات الأخيرة من البنك المركزي المصري فضلا عن موافقة صندوق النقد الدولي على قرض ال3 مليارات دولار.

أسعار الدولار اليوم في السوق السوداء
وقال الخبير المصرفي هاني عادل، إنه بالفعل شهد سعر صرف الدولار تراجعا حادا وسادت حالة من الارتباك داخل السوق السوداء خلال الساعات الماضية بعد عزوف عدد كبير من تجار العملة والمتربحين عن شراء العملة الخضراء مع اقتراب وقت انفراج الأزمة والإعلان عن موافقة صندوق النقد على تمويل مصر بقرض قيمته 3 مليارات دولار.
سعر الدولار اليوم
وأضاف عادل ل"فيتو" أن هذا العزوف أدى لخفض كبير في سعر الصرف الوهمي الدارج في السوق السوداء ليهبط خلال اليومين الماضيين ما يقرب من 5 جنيهات دفعة واحدة ووسط هلع حائزى الدولار من الإجراءات التي يتخذها البنك المركزي المصري للقضاء على السوق السوداء وإنهاء حالة الاتجار غير الرسمي للعملة.
وتابع: نرى أن البنك المركزى يتعامل بالكثير من الحكمة والتريث والثبات وهو ما أثار المزيد من المخاوف لدى السوق الموازي للعملة.
سعر الدولار اليوم
اجتماع البنك المركزي المقبل

وأشار الخبير المصرفي إلى أنه رغم التوقعات بخفض كبير لقيمة الجنيه باجتماع لجنة السياسة النقدية يوم الخميس 22 ديسمبر الجاري إلا أن التراجع الحاد الذي شهده سعر صرف الدولار في السوق السوداء يعزز قدرة البنك المركزى على التعامل مع الازمة دون خفض كبير لقيمة الجنيه بل ربما من المتوقع حاليا عكس ما كان يتوقعه البعض الأسبوع الماضي.
وأوضح أنه يجب الاشارة إلى ما جاء في بيان صندوق النقد الدولي من توقعات بتدفقات تصل إلى 14 مليار دولار فضلا عن التقارير الدولية التي تقيم سعر الصرف العادل للدولار أمام الجنيه ب22.70 ونرى أنه من المتوقع مع وصول أولى دفعات التدفقات الدولارية أن ينعكس ذلك إيجابيا على سعر الصرف المرن الذي ينتهجه البنك المركزي مما يشكل مزيد من الضغط على السوق السوداء.