دنيا سمير غانم بعد عرض "آنستونا": "بابي ومامي فرحانين بيا"

نشرت النجمة دنيا سمير غانم صورة لها من ألبوم الذكريات وهي طفلة تقف بجوار والديها الراحلين الفنان سمير غانم والفنانة دلال عبد العزيز على خشبة المسرح، ووضعت بجوارها صورة لها من مسرحيتها التي تعرض حاليا "آنستونا".

وعلقت دنيا سمير غانم على الصورتين عبر حسابها على إنستجرام: الصورة دي من مسرحية فارس وبني خيبان وكان عندي وقتها سنة او سنتين ومعرفش ليه كنت بحب أطلع جنب بابي ومامي علي المسرح في وقت تحية الجمهور بس لما كبرت عرفت".

وأضافت: الصورة التانية من تحيتي للجمهور العظيم "أهلي" في مسرحية آنستونا اللي بتتعرض دلوقتي وانا في وسط كل النجوم وصناع العمل اللي متشرفة بوجودي معاهم، الصورة دي فيها حلمي بيتحقق واللحظة دي هي أكتر لحظة بحس فيها كل يوم ان بابي ومامي واقفين جنبي وبيبصولي بحب وفرحانين بيا وبعمل أقصي ما عندي من مجهود عشان بس الناس تسقفلي وأحس بيهم حواليا، بابي ومامي بحبكوا أوي.. ربنا يرحمكم".

وتعتبر مسرحية "آنستونا" أولى تجارب الفنانة دنيا سمير غانم في المسرح.
مسرحية آنستونا
والمسرحية تضم 5 أغانٍ، تقدمها دنيا سمير غانم، من كلمات أيمن بهجت قمر، وتوزيع النابلسي، وأحمد وحيد كينج، وألحان عمرو مصطفى.
مسرحية آنستونا بطولة دنيا سمير غانم، بيومي فؤاد، كريم عفيفي، سامي مغاوري، عمرو عبد العزيز، مريم السكري، بسنت صيام، وهي من تأليف كريم سامي، أحمد عبد الوهاب، إخراج خالد جلال.