رامي رضوان يعلن مفاجأة بشأن ظهور آمال ماهر

أعلن الإعلامي رامي رضوان مفاجأة عن الفنانة آمال ماهر، وذلك من خلال حسابه الشخصي عبر موقع فيس بوك.
وكتب "رضوان":"انتظروا الليلة في مساء DMC هسمعكم صوت النجمة #أمال_ماهر..لايف
عشان كل اللي نفسهم يسمعوها ويطمنوا عليها، وعشان المشككين اللي ألفوا قصص عجييييبة بخصوص الفيديو بتاعها.. وبخصوص اختفائها الفترة اللي فاتت..
مصور فيديو المطربة آمال ماهر
وكشف كريم مسلم مصور فيديو المطربة آمال ماهر عن تفاصيل وأسرار ظهور المطربة الأول بعد شائعة اختفائها التي أثارت جدلا كبيرا خلال الأيام الماضية في تصريح خاص لفيتو قائلا:" أنا اتطلب مني أني أروح أصور فيديو وروحت أصورها عشان تطلع للناس ".
وأضاف كريم: "الفيديو كان في بيتها وسط أهلها والفيديو مش مفبرك ولا فيه دوبلير زي ما بعض الناس قالت هي بس كانت تعبانة شوية تقريبا كان عندها برد وماكنش فيه أي شيء من الكلام اللي اتقال عليها الفترة اللي فاتت والست بخير وكويسة ومافيش أي حاجة. "
وبعد فترة اختفاء وظهور شائعات كثيرة؛ ظهرت آمال ماهر في فيديو مساء أمس الأربعاء قالت فيه: "جمهوري وأهلي، أنا بخير الحمد لله، حبيت أطمئنكم عليَّ، معلش الفترة اللي فاتت مكنتش قادرة أكون متواجدة معكم، كان عندي كورونا، بس الحمد لله تعافيت وحبيت أطمنكم عليَّ".
وأضافت "آمال" من خلال الفيديو: "مساء الخير جمهوري وأهلي أنا بخير الحمد لله حبيت أطمنكم عليَّ معلش الفترة اللي فاتت مكنتش قادرة أكون متواجدة معاكم، كان عندي كورونا بس الحمد لله اتعافيت وحبيت إني أطمنكم عليَّ".
وتابعت: "ألف شكر أنا حقيقي ممتنة، لكم الحب والخوف اللي شوفته ولمسته الحمد لله، ودا إنْ دل على شيء فيدل إن ربنا راضي عني بعد ما شفت كم الحب الهائل والكبير، أنا بشكركم من كل قلبي جمهوري العربي، وبحب أهنئ الشعب المصري بمناسبة ثورة 30 يونيو، كل سنة وإنتوا طيبين، أنا بخير الحمد لله.. انتظروني قريبًا".