إلهام شاهين: مش في نيتي أتحجب وممكن أغير أفكاري في يوم وليلة | فيديو

قالت الفنانة إلهام شاهين: "أقف بصف إبراهيم عيسى على حساب الدكتور أحمد كريمة، لأنه رجل مثقف ومستنير جدًّا وأنا أقتنع بكل حاجة يقولها ويخاطب العقل والمنطق ويقنعني".

مقصد إبراهيم عيسى ودور كريمة
وأضافت خلال الجزء الثاني من لقائها ببرنامج "العرافة" المذاع على قناة "المحور": "إبراهيم عيسى لا يمكن يقصد أي إساءة أو تجريح للدين، وأنا مش ضد الشيوخ، والشيخ أحمد كريمة من الناس اللي دافعوا عني أيام الإخوان".

اعتزال حلا شيحة
وعن رأيها في اعتزال حلا شيحة وارتداء الحجاب، علقت إلهام شاهين: "دي حرية شخصية ولكن لما تحب تبعد براحتها في هدوء من غير ما تجرح في الفن ومحدش ليه حق إنه يعقب على تصرفاتها".
وتابعت: "اللي عايز يبعد عن التمثيل ويكرس حياته للعبادة هو حر ونحترم قراره، ولكن ما ينفعش نلغي الفن خالص من الحياة".
ارتداء الحجاب
وعن إمكانية ارتدائها الحجاب في يوم من الأيام، أوضحت إلهام شاهين: "ما أعرفش والواحد ممكن يغير أفكاره بين يوم وليلة ولكن أنا دلوقتِ مش في نيتي أتحجب".

تصريحات أحمد فلوكس
وردَّت الفنانة إلهام شاهين على الفنان أحمد فلوكس بعد تصريحه ضدها "أتمنى تجهزي رد لربنا عن القبلات لما تقابليه".
أهمية أحمد فلوكس
وقالت إلهام شاهين في الجزء الأول من نفس اللقاء: "إنتو بتعطوا أحمد فلوكس أكبر من أهميته ومش هرد على أي فنان".

إلهام شاهين محامي الفنانين
وتابعت: "أخدت على عاتقي إن أنا محامي الفنانين، ولكن بقول له ما تربطش الدين بالفن، وقلت له أنا لو عملت واحدة قاتلة هتقول لي دا ضد الدين ولكن أنا مش ههاجمه، ومش هوصل لفكرة الفتنة الفنية".
إلهام شاهين: أنا مع ياسمين صبري ضد أبوها.. والفنانات العظيمات اتباسوا | فيديو
إلهام شاهين: عادل إمام مابيردش على التليفونات.. وزعل منى بسبب أحد الأفلام | فيديو
مشكلة أحمد فلوكس
وأكملت إلهام شاهين: "أنا مش عارفة هو ليه بيهاجمني، ويمكن هو عايز يركب التريند لأن الأضواء بعدت شوية، أو يلفت النظر، والغريبة إنهم قالوا لي إنه اعتزل فلما أنت اعتزلت وبقيت بعيد ليه تهاجمني، وقالوا لي إنه نفسيًّا مش مظبط، وبقول له الله يكون في عونك وبيصعب عليَّ الفنانين، وهو صعبان عليَّ بجد، ولو تعبان من أي حاجة ربنا معاه".