السيسي من كنيسة العاصمة الجديدة: أنا خادم أمين وشريف للبلد..أي تحدي يهون طالما المصريين على قلب رجل واحد..الجمهورية الجديدة هي جمهورية الحلم والأمل والعمل..ويحذر من أي محاولات للتفرقة

استقبل شعب الكنيسة القبطية بكاتدرائية ميلاد المسيح بالعاصمة الجديدة الرئيس عبد الفتاح السيسي بالورود والزغاريد ولافتات السيسي رئيسي.
وشارك الرئيس السيسي الاقباط في احتفالات عيد الميلاد بكاتدرائية ميلاد المسيح بالعاصمة الجديدة كما هنأ قداسة البابا تواضروس الثاني بابا الإسكندرية وبطريريك الكرازة المرقسية وأقباط مصر بمناسبة الاحتفال بعيد الميلاد المجيد.
ووجه الرئيس السيسي عددا من الرسائل أبرزها:
قال الرئيس عبد الفتاح السيسى: مش عايز اخد وقتكم عشان قداسة البابا تواضروس، وتحتفلوا بعيدكم، كل سنة وأنتم طيبين، وأنتم في رحمة ونعمة من الله عز وجل".
وأضاف الرئيس السيسى: مش هطول عليكم، عايز اقولكم انا بتكلم ومن خلال الفرصة دي بكلم كل المصريين بقول إن بدأنا طريق عاهدنا فيه ربنا وعهدناكم بدأناه مع بعض وإن شاء الله هنكملوا مع بعض مع بعض كلنا".
وقال الرئيس أنا خادم أمين وشريف للبلد.
وتابع الرئيس عبد الفتاح السيسي عقب وصوله كاتدرائية ميلاد المسيح بالعاصمة الإدارية الجديدة للتهنئة بعيد الميلاد المجيد: "ندعو الله دائما أن يكمل لنا وهو من يسبب الأسباب".
وأضاف: "مش عاوز أطول أكثر من كدة، بس عاوز أقولكم أن الجمهورية الجديدة هى جمهورية الحلم والأمل، جمهورية العلم والعمل، المسالمة وليست المستسلمة، هنبنيها مع بعض، أى تحدى وأى صعاب تهون لو كنا على قلب رجل واحد، كل عام وأنتم بخير ومصر بخير والدنيا كلها بخير، كنت أتمنى أسلم عليكم كلكم واحييكم كلكم، ربنا يحمينا ويحميكم من الجائحة قداسة البابا كل سنة وأنت طيب".
السلام والأمان
قال الرئيس عبد الفتاح السيسى، إن الطريق الذى بدأناه زى ما بنقول وسمعتم يمكن الجمهورية الجديدة تتسع للجميع تتسمع لنا كلنا دون أى فرق وتمييز نعيش فيها بسلام وأمان مع بعض.
وأضاف الرئيس السيسى،: بقول الكلام لكل الناس ولكل المصيريين ويلس حد بعينه أوعى حد يدخل بنا، اوعى حد يفتنا لأن هذا لن ينتهى وكل ما كل ننجح.
وقال الرئيس: أنا طولت كدة، موجها كلامه للمصريين قائلا: بقول الكلام ده لأن في الأيام الجميلة ده والله بنحبكم.
وأضاف الرئيس السيسى: ربنا يعينى أن أكون خادم أمين شريف للبلد ده وليكم ربنا يعينا على كدة.
كما أشاد الرئيس السيسي بمواقف البابا تواضروس الثاني.
وقال الرئيس السيسي ندعوا الله دائما أن يكمل لنا وهو من يسبب الأسباب مش عاوز أطول أكثر من كده بس عاوز أقولكم ان الجمهورية الجديدة هنبنيها مع بعض أي تحدى أي صعاب تهون لو كنا على قلب رجل واحد كل عام وأنتم بخير ومصر بخير والدنيا كلها بخير كنت أتمنى اسلم عليكم كلكم واحييكم كلكم، ربنا يحمينا ويحميكم من الجائحة قداسة البابا كل سنة وانت طيب.