أحمد شيبة: أهلى كانوا فاكرني هطلع أخرس.. واشتغلت بياع كنافة|فيديو

قال المطرب الشعبي أحمد شيبة:"انا اشتغلت كل حاجة قبل الشهرة، ومن 15 أو 20 سنة كنت بشتغل وبعمل كنافة في رمضان".

المنتج الفني أحمد زين: جولة غنائية ل أحمد شيبة.. ومفاجأة جديدة بداية أكتوبر
أحمد شيبة يجهز لأغنية جديدة من ألحان وليد سامي
بائع كنافة
وأضاف خلال لقائه ببرنامج "معكم" الذي تقدمه الإعلامية مني الشاذلي بقناة "سي بي سي": "اشتريت صينية لصناعة الكنافة واشتغلت عليها انا وشباب اصحابي، وبعدين لما اصحابي مشيوا وسبوني بعتها لعمي سعيد ب 180 جنيه".

مشكلة أحمد شيبة في الصغر
ولفت أحمد شيبة: "انا مكنتش بتكلم خالص وانا صغير وخالى كان اخرس وانا كمان فضلت لحد مرحلة الدراسة في الابتدائي كان النطق صعب عندي، ولحد دلوقتي لما بتعكنن الكلام عندي بيتقطع، وأهلي كانوا مفكرين لحد ابتدائي إني هطلع أخرس لحد لما ربنا كرمني وبقيت مطرب".

أول مطرب في العائلة
وأكمل: "أنا أول واحد يغني في عيلتنا وكنت بغني في أفراح صحابي، ويطلعوني أغني لحسن الأسمر وأحمد عدوية وجورج وسوف".

وكان الملحن وليد سامي كشف كواليس أغنية أحمد شيبة الجديدة في تصريحات خاصة ل"فيتو" قائلا: "الأغنية لم نستقر على أسمها حتى الآن ولكن هي من كلمات عمرو قطب ومن ألحاني ونبحث الآن عن موزع موسيقي حتى يقوم بتوزيعها".
خلاف أحمد شيبة مع محمد رمضان
ويذكر أن المطرب الشعبي أحمد شيبة قال في وقت سابق: "سجلت للفنان محمد رمضان أغنية "يابن دمي" فوجئت انها نازلة بصوت رضا البحراوي قلت ربنا يسهله".
وأضاف خلال لقائه ببرنامج "شيخ الحارة والجريئة" الذي تقدمه المخرجة إيناس الدغيدي بقناة "القاهرة والناس": "قلت لمحمد رمضان امال انت جيبتني ليه من الأول؟ فقالي انت اللى هتغني الأغنية، فجأة لقيت اسماعيل الليثي مغني الأغنية وهو اللى هيصور، فقلت هو بالدور وبيمتحنونا فتأكدت ان اسماعيل الليثي اللي صور".
وتابع: "أنا أول واحد غنى الأغنية ومعايا أحمد سعد، ووصل لمحمد رمضان إنى طالب أجر عالي ومش عايز أروحله فعملت له اغنية "احنا الصعايدة" و"يعلم ربنا".

تتر مسلسل موسى
وأكمل: "لحد دلوقتي معايا اغنية "يابن دمي" ولحد دلوقتي منزلتهاش احتراما لنفسي ومينفعش انزلها بعد حد تاني، وعامل لمحمد رمضان تتر جميل في مسلسل "موسي" ومش عارف ليه منزلتش برضو.
أغنية أحمد شيبة الوطنية
يذكر أن أحمد شيبة أهدى أغنية جديدة لوزارة الداخلية بعنوان "ادعوا معايا لمصر"، وذلك بمناسبة الاحتفال بعيد الشرطة ال69.