عمرو أديب للسيسي: ما ترفعش الحظر يا ريس.. وانزل المولات شوف الناس عاملة إيه | فيديو

علق الإعلامي عمرو أديب، على المواطن الذي طلب من الرئيس عبد الفتاح السيسي بتخفيف حظر التجوال.
قرار الإغلاق الجزئي
وقال عمرو أديب خلال برنامج "الحكاية" المذاع على منصة "شاهد": "أنا باقولك ما ترفعش الحظر يا ريس.. القرار اللي أخدته الدولة بالإغلاق الجزئي والقفل بالليل وبعض الإجراءات الاحترازية صحيح".
تحمل الدولة
وتابع: "الدولة استحملت 23 يوما في رمضان والناس عملت كل حاجة، والإجراءات الاحترازية ما قللتش البشر في الشارع برضه.. وانزل المولات وشوف الناس وهي رايحة تجيب حاجة العيد والكحك، وبعد كده هيدوروا على حاجة المصيف وبعدين حاجة المدارس وبعدين حاجة السفر".
صعوبة ظروف كورونا
وأكمل: "ما ترفعش الحظر يا ريس.. الدنيا صعبة وإنت اللي عارف وبتشوف التقارير كلها.. خلينا نشم نفسنا وإصابات كورونا تقلت شوية.. أنا في عرض الناس بشويش بقى.. ولما قالوا للريس ارفع الحظر قال لهم فين الكمامة؟!".
ظروف تركيا وتونس والهند
واستطرد: "لو سمحت يا ريس ما ترفعش الحظر.. روح وبص وشوف إيه اللي بيجرى في تونس النهاردة.. المستشفيات ما بقاش فيها مكان، وتركيا قفلت، والهند هيقفلوها".
وأكمل: "قرارات إدارة لجنة الأزمة سليمة، والداخلية تنفذ بقوة قرار إغلاق المحال والمقاهي من التاسعة مساءً، والمحلات والمطاعم اللي في محطات البنزين لازم هي كمان تقفل لأن فيه ناس بتروح تقعد فيها".
جولة السيسي
وأجرى الرئيس عبد الفتاح السيسي، أمس الجمعة، جولة تفقدية لأعمال تطوير عدد من المحاور والطرق الجديدة بمنطقة شرق القاهرة، بداية من منطقة محطة عدلي منصور التبادلية للخط الثالث لمترو الأنفاق والتي تعتبر الأكبر من نوعها بالشرق الأوسط وأفريقيا، وتشمل محطات مترو أنفاق، وقطار مكهرب، وسكة حديد، وحافلات النقل الجماعي الحديثة، وملحق بها مركز صيانة لعربات وجرارات مترو الأنفاق بمساحة 65 فدانًا.
وقال السفير بسام راضي، المتحدث باسم رئاسة الجمهورية: إن الرئيس تفقد كذلك محور المستشار عدلي منصور الذي تم إنشاؤه بعرض 16 حارة مرورية بواقع 8 حارات لكل اتجاه، ويشتمل على 11 كوبري للسيارات والمشاة، ليكون شريانًا مروريًا جديدًا يتكامل مع شبكة طرق الإسماعيلية الصحراوي وبلبيس وشرق القاهرة، ويربط مع محور محمد العصار عند كوبري مسطرد ليصل الى مناطق غرب وشمال القاهرة، من خلال محاور شبرا بنها وتحيا مصر والضبعة، وطريق الإسكندرية الصحراوي.
كما ناقش الرئيس أثناء الجولة التفقدية المسئولين بعدد من مواقع العمل بشأن سير الخطوات التنفيذية الراهنة، ويشدد على الالتزام بالجداول الزمنية المحددة للانتهاء من المشروعات بالمواصفات الفنية والهندسية العالية،
كما توقف الرئيس كذلك ليتحدث مع عدد من المواطنين حيث هنأهم بمناسبة شهر رمضان الفضيل، كما استمع إلى آرائهم، وكذلك أحوالهم المعيشية.
ودار حوار بين الرئيس وأحد المواطنين طالبًا من الرئيس نجدته وتقديم يد العون له، حيث طيب الرئيس خاطره، مطالبًا الرجل بالتوقف عن البكاء قائلًا:
اللي أنت عاوزه هنعمله لك
أنا تحت أمرك
أنا عيني لك ولكل مصري
ما تبكيش.. لا ما تبكيش
اللي أنت عاوزه هيتعمل لك.. اللي أنت عاوزه هنعمله لك والله.. ما تخافش هياخدوا بياناتك دلوقت.. وإن ما عملوش هتبقى مشكلة كبيرة.. كل سنة وأنت طيب.
كما استقبل الأهالي الرئيس بالهتاف، وقال الأهالي للرئيس: "ربنا يخليك لينا"، والسيسي: "فين الكمامات فين ؟!.. مش تلبسوا الكمامة دي؟!".
ودار حوار آخر بين الرئيس وأحد المواطنين
وقال المواطن: أنا سواق على الخط هنا.. وعاوز شقة.
الرئيس السيسي: من عيوني خدوا بياناته.
المواطن: ربنا يسترها معاك.
كما قال أحد المواطنين للرئيس: والله العظيم اتمنيتها من ربنا إني أشوفك.