وجه المستشار مرتضى منصور، رئيس نادي الزمالك، إنذارا شديد اللهجة لحارسي مرمى نادي الزمالك أحمد الشناوي ومحمود جنش، قائلًا: «آخر إنذار لأحمد الشناوي وجنش فإذا لم يلتزما وساقوا العوج.. الولاد الصغيرة هيه اللي هتقف أجوان.. مفيش كبير على نادي الزمالك.. ومحدش فيهم هيعمللي مجنون ويقعد يطلع لسانه.. خلاص الكلام ده مش هايمشي معانا»، جاء ذلك ردًا على سؤال للكابتن إسلام الشاطر عن أسباب عدم التعاقد مع حراس مرمى في ظل التعاقدات الكثيرة للنادي مع اللاعبين. وأضاف رئيس نادي الزمالك في مداخلة هاتفية لبرنامج «ملعب الشاطر» المذاع على فضائية «المحور»: «وعلى فكرة جنش متخانقش مع أيمن حافظ ولكنه شتم عمال الملابس وسب لهم الدين هذا الجنش.. وللأسف أعضاء في الجهاز الفني صمتوا، ولكن أيمن حافظ بيقولوا إيه إللي بتعملوا ده يا ابني سابه ومشي فالجهاز غرم جنش 20 ألف جنيه وأنا وقعت عليه 50 ألف جنيه إضافية فأصبحوا 70 ألف جنيه».