الحزن يكسو مواقع التواصل بسبب تفجير كنيسة طنطا.. منى: وجع قلب.. خالد: مش عاوزين يسيبوا البلد في حالها.. منتصر: المختل نفسيا هربان.. حاتم: الإرهاب يضرب مصرنا.. مرمر: اسطوانة التقصير مبقتش تاكل معانا

حالة من الغضب انتابت نشطاء مواقع التواصل الاجتماعي، بعد تفجير كنيسة مار جرجس في طنطا، حيث اكتست بالأسود حزنًا على ضحايا التفجير.
ودشن النشطاء عددًا من الهاشتاجات للتعبير عن حزنهم لوقوع الحادث في أعياد الأخوة الأقباط، ومنها هاشتاج "طنطا" و"كنيسة طنطا" و"إحنا أقوى من تفجيراتكم".
هنعيد الكلام
قال المحامي خالد أبو بكر: "مش عاوزين يسيبوا البلد دي في حالها، مش هانعيد نفس الكلام تاني، الكلام في المواقف دي بقى مكرر.. رحم الله أهلنا في طنطا"، وأضاف محمد أبو حامد: "ننعى شهداء تفجير كنيسة مارجرجس طنطا ونسأل الله الشفاء العاجل للمصابين وأن يعزي أسر الشهداء - إنا لله وإنا إليه راجعون".
وعلق خالد منتصر: "مرت نصف ساعة على تفجير الكنيسة في طنطا وما زال المختل نفسيًا والمهتز وجدانيًا هربان بس إحنا عارفينه من قبل ما يفجرها!!".
وردت كارمن جو خضر مراسلة فرنس 24 "أسبوع الآلام في طنطا مصر.. مارجرجس"
وتابع محمد سعيد محفوظ: "قلبي يبكي شهداء الكنيسة في طنطا.. الكلمات عاجزة عن وصف الحزن والغضب.. حسبي الله ونعم الوكيل!".
الإرهاب
وقال حاتم الزيات: "الإرهاب يضرب مصرنا... استشهاد 25 وإصابة 71 في انفجار كنيسة طنطا".
وأضاف عبد المجيد المصري: "طنطا.. حسبنا الله ونعمه الوكيل الإرهاب لا يعرف دين ولا يعرف قيم ولا يعرف غير التمويل من الدول اللى هدفها تشتيت العالم كله".
وعلق محمد فوزي: "انفجار مركز التدريب في طنطا، لا تأمين تأمين يعني... مارجرجس"، ورد فيصل العاصمي: "طنطا عزاؤنا للقتلى والشفاء للمصابين.. واللعنة على من قام بهذا العمل المشين."
وتابع حسين عز الدين "طنطا.. أحد الشعانين كان داميا والسبب سيطرة التطرف على الاعتدال والسبب الفساد".
وجع القلب
وقال الحاج كوستا: "يعني أنت عارف إن الأيام دي أعياد الإخوة المسيحيين إزاي متعرفش تأمن الكنايس"، وأضافت مي خالد: "مارجرجس.. طنطا.. إيه وجع القلب اللي على الصبح ده!!! ربنا يتولانا برحمته ويرحم كل شهيد ويعافي كل مصاب".
وعلق رضوان السيد: "جميع الكنائس بمصر الآن يوجد بها خدمات أمنية مشددة منذ أسبوع للاستعداد للاحتفال بأعياد الزعف وشم النسيم، طيب الكنيسة اتفجرت من الداخل إزاى".
ورد هدى هيباتيا: "مش ده حد السعف؟ مش دا يوم الناس بتروح الكنيسة تصلي فيه؟ ولا احنا بنحمي الكنايس في أعياد الميلاد والقيامة وبس؟ يا ربي دا بنفس الطريقة!!!!".
وتابع مرمر جان: "اسطوانة التقصير دي مبقتش تاكل معانا يا جماعة والله طنطا 3 شوارع رئيسية والداخلية فيها أكتر مننا".
وقال شريف علي: "إحنا أقوى من تفجيراتكم.. طنطا.. كنيسة مارجرجس.. اللهم إني أبرء ليك ممن قتل وفجر وحرق اللهم انتقم منهم وانصرنا عليهم حسبي الله ونعم الوكيل فيهم".