كشفت الفنانة حنان مطاوع، خلال حلقة الليلة من برنامج «معكم» مع الإعلامية منى الشاذلي، قصة فستان زفافها الذي أثار ضجة كبيرة على مواقع التواصل الاجتماعي، وتحدثت عن سر تلك الضجة، قائلة، إنها طلبت من صديقها مصمم الأزياء الشهير هاني البحيري تصميم معين كان في تصورها. وأضافت: «كل مرة كنت بروح أعمل بروفة هاني كان بيغير فيه وبينفشه زيادة وقلت له أنا عايزة أعرف اتحرك فيه وأهيص ومكانش المقصود أنه يبقى كبير قوى كدة، ولما عمل ديل كبير للفستان قلت له والله أنا مش هتجوز في قصر يعني، ولا القاعة كبيرة فهو قال لى أبدًا لازم أعمل لك اللي في خيالي، وهو ده كان الشكل اللي نفسي فيه لفستان فرحي بس يمكن مش منفوش قوي كده وهاني عمله أحسن مما تصورت».