بالفيديو.. خيري رمضان يروي حكايته مع «الطبلية» وأشقائه السبعة

قال الإعلامي خيري رمضان "إنه كان يعيش في منزل صغير مكون من طابقين بصحبة أشقائه السبعة بخلاف والده ووالدته".
وأضاف خلال لقائه مع الإعلامية إسعاد يونس ببرنامج «صاحبة السعادة» المذاع على فضائية «cbc»، «كنا نتلم كلنا على طبلية، وده كان قانون إننا نتلم على الطبلية دي على الثلاث وجبات إفطار وغدا وعشاء، مفيش حاجة اسمها حد يأكل لوحده».
وتابع: «مكنش حد فينا يشوف مناب أبويا، كانت أمي تديه لأبويا في طبق ينزل تحت الطبلية؛ لأنها كانت بتميزه، يعني مثلا لو عاملة فرخة تديله منابه ومعاه حتة كبدة أو رقبة زيادة، وعشان محدش يشوف ده من الحياء والأدب عشان ميبصش لمناب الأب اللي كان ديمًا لازم يبقى مميز عند الأم».